خبر عن PSO من مجله فامتسو

[aoks]

مشكوووووووووووووووووووور على هذا الخبر


انا امنيتي اني العب PSO اخ بس لو يشيلون قصة الدفع عبر الانترنت كان شفتوني معكم:":

[ninja]

تقدر تلعبها مجانا لمده شهر في النسحه اليابانيه ... لكن هل تتوقع ان شهر يكيفيك لهذه اللعبه ؟

حسب خبرتي اتوقع انك تكمل 3 شهور بدون ما تفكر تلعب لعبه غيرها

[aoks]

اخ يا ننجا

انت قلت النسخة اليابانية

طيب الامريكية؟؟ :":

ابي العبه باي شكل

طيب تنفع البطاقات إلي زي الاتصال المدفوع؟؟؟؟ يعني فيها مثلا مبلغ 100 ريال.....اكشط الرقم واكتبه مثلب الكريدت كارد؟؟ هل يعتمدها موقع سيجا؟؟

لو تنفع.....بصير انا وياك يا ننجا في فريق;-)

[ninja]

بالنسبه للامريكه الى الان ما افي اي شي رسمي .... لكن بيكون اكيد فيه هانتر ليسنن ... لكن غير معروف اذا بيكون في شهر مجاني او لا ...

و نصيحه ما له داعي تنتظر النسخه الامريكيه لانه لعبه PSO فيها 7 لغات مهما كان نوعها ... وبالنسبه لموضوع طريقه الدفع والاتصال ... افضل نخلي هذا الموضوع الى يوم اصدار اللعبه لانه كل شي بيكون واضح وانا بضع كل الخطوات لكي تتصل فيها بالانترنيت وبالنسبه للدفع انا ادرس مشروع الان !!!

وهو اني ابيع هانتر ليسن للاعضاء اللي ما عندهم كرديت كارد !!! طبعا المشروع يباله دراسه شوي لكن باكد عليكم في شهر سبتمبر اذا بنفذ المشروع او لا وشو الدول اللي اقدر ابيع فيها الهانتر ليسن

باقي على اصدار اللعبه 36 يوم فقط واللعبه بتكلف مع الكيبورد والمودم مايقارب 500 ريال فاستعدوا من الان وانشالله نشوفكم قريب في PSO world;-)

[aoks]

مشكور ننجا.....يعني افهم من كلامك انه احسن لي اشتري النسخة اليابانية؟؟؟

طيب لو شريتها وش بيلزمني؟؟
مودم...وكيبورد ... والخط....مع العلم اني استخدم خط عادي dial up modem 65k واللعبة صح؟؟؟ طبعا الاشتراك بعدين...بعد شهر

وانت حاليا وش تنصحني؟؟ استنا الامريكية ولا اخذ اليابانية؟

[ninja]

ما يلزمك شي زياده على اللي قلته و طبعا بكل تاكيد انصحك تشتري اليابانيه .. وهذا من خلال تجربتي النسخه الامريكيه من نسخه الدريم كاست ...

بالنيسبه للفرق .. في الالعاب الاون لاين من نوع MMORPG يكون وايد فرق يوم تبدا متاخر او تبدا من اول ايام اللعبه ... تخيل انك تبدا بعد شهر مثلا بتشوف معظم الاعبين مستوياتهم عاليه وعندهم الاسلحه النادره واغنياء في الفلوس ... اوانته تكون فقير ما عندك شي تطلب صدقات ومساعده من الناس اللي مستوياتهم عاليه ... لكن لو استعجلت في اللعبه في اول ايامها بتكون لك شهره وبتشوف الاعبين المتاخرين يرسلولك رسايل حتى تساعدهم عند الزعيم مثلا .. من غير الاسلحه النادره و القويه ما تظهر الا في مستويات صعوبه اعلى مثل V-hard و ultimate وكذلك بتكون لك الاوليه في قياده الفريق .. وطبعا بتكون خبير في battle mode طور الضرابه وكل فوز تفوز فيه يسجل فوق اسمك على طول لعبك في PSO بالنيسه لطور challnge انا الى الان غير مؤهل اني اكون قايد فيه وياما وهق فريقي وقدرت انهي الا بلاحاق لاعبين اخرين والمش وراهم حتى قدرنا نهي بعض مراحل هذا الطور


الهم القطع التي سوف تحتاجها هي المودم وسعر ما يقارب 31$ في السعوديه يمكن يوصل 150 ريال ...واللعبه سعرها ما يقارب 50 $ في السعوديه بتكون سعرها ما يقارب 250 ريال اما الكيبورد فيه اختياريه يعني على كيفك تشريها او لا ... لكن نصيحه اشترها مهما كان سعرها لانها تعطي حلاوه للعب اكثر بالاضافه ما بتقدر تسوي الا حركه وحده فقط من حركات اللوبي اكشن بدون كيبورد وهي الجلوس فقط

------------------------------------------------------------

[aoks]

طيب يا ننجا انا ما استخدم dsl استخدم خط عادي...ينفع؟؟

طيب لو شريت اليابانيه بتكون القوائم االاساسية بالانجليزي؟؟؟ تراني ما اعرف ياباني?:

[ninja]

تشوف نسخه الدريم كاست الكوبي... تراها اصلها نسخه يابانيه !!! هل لاحظت اي فرق ؟

انا عندي الامريكيه اصليه واليابانيه كوبي على الدريم كاست .. الفرق الوحيد يوم تدخل على خيار website (تصفح الانترنيت تكون قائمه المتصفح يابانيه فقط ... اما باقي الاشياء نفس الشي (يعني كل شي انجليزي)

بالنسبه ل DSL .. اللعبه مصصمه اصلا للمودم العادي 56 Kb وانته لاحظت كيف سرعه اللعب في نسخه البي سي (ما في مشاكل ولا تحس باي بطئ في الاتصال ) لكن اذا بغيت تلعبها ب DSL تقدر لكن تحتاج انك تشتري مودم من نوع اخر للكيوب ...

[aoks]

انا يا ننجا ما لعبتها على الدريم كاست ابدا

بس الله يبشرك بالخير....اجل بشتري الياباني....بما انك قلت لي ان كل شي فيها انجليزي....طيب انا الحين لو اشتريتها ياباني....اقدر اقابل الناس إلي بيشترون الامريكي لما ينزل؟؟

[ninja]

اللي يمير لعبه PSO انه لعبه اجتماعيه !!! يعني موجه الى كل العالم واضافوا فيها 7 لغات مع نظام ترجمه فوريه لكي تتعرف على ناس وتتكلم وياهم ب 7 لغات ... يعني توقع تشوف ناس من كل مكان بالاضافه انه تقدر تسافر في اللعبه بين السيرفر الامريكي والاوربي على راحتك على عكس فاينل فانتسي (اللي يلعب النسخه اليابانيه ما يقدر يلعب الامريكيه ) ولهذا السبب النسخه الامركيه ما بتتاخر اكثر من شهرين وكذلك النسخه الاوربيه بتكون قريبه الاصدار ايضا .... يعني تقدر تلعب مع اي نسخه كما هو في الدريم كاست يوجد 3 سفن رئيسيه (الامريكيه واليابانيه و الاوربيه ) وتقدر تختار اي سفينه تلعب فيها

شوف هذا الاعلان للعبه ايام الدريم كاست كانت 5 لغات فيها لكن الان بتكون 7 في الكيوب

[aoks]

يعني افهم من كلامك اني اشتري اليابانية وانا مغمض ولا اشتري الامريكية؟

[Naif Eissa]

شكرا على هذي الاخبار اخ نينجا ..و كل موضوع حقك يشوقني اكثر حق اللعبة ..

وياما وهق فريقي وقدرت انهي الا بلاحاق لاعبين اخرين والمش وراهم حتى قدرنا نهي بعض مراحل هذا الطور

لا تذكرني

[ninja]

شوف اللعبه بتصدر في 12 سبتمبر ... انا حاجز ودفع الفلوس من فبل شهر لنسخه اليابانيه من محل مشهور عن طريق الانترنيت مع التوصيل السريع express .. فانشالله بتوصل عندي في 15 سبتمبر ... وفي تاريخ 16 بتشوف كل شي عن طريقه التوصيل في الانترنيت و غيرها من المعومات في المنتدى ... يعني اذا كنت شاك او شي انتظر 3 ايام زياده بعد الاصدار وبتعرف كل التفاصيل مع الصور والشرح ...

وذا بغيت تحجز نسخه من الان مثلي اذهب الى هذا الموقع ... فهو مضمون ويوصل الى الخليج وانا شاري من عنده من قبل

http://www.ncsx.com

[لويس فيغو]

مشكور أخ ننجا على الموضوع الرائع كما عودتنا...

وهو اني ابيع هانتر ليسن للاعضاء اللي ما عندهم كرديت كارد !!! طبعا المشروع يباله دراسه شوي لكن باكد عليكم في شهر سبتمبر اذا بنفذ المشروع او لا وشو الدول اللي اقدر ابيع فيها الهانتر

أنتظر اتأكيد لانه حالي حال أخ aoks

[aoks]

طيب وشلون تبيعه لنا؟؟؟

انا ابي اشتري منك...بس كيف؟؟؟

المهم....انا استنى منك ok علشان اشتري اليابانية...وميزتها اول شهر مجانا