دروس و أفكار شامله عن الفلاش ( بجنون .. ;))

**MZM** · 18-10-2002, 09:45 AM

لما تكون عندك مجموعه من الأصوات و الصور جاهزه انك تحطها بالفلاش

تجيك مرات أفكار بدمج ها الأصوات و المقاطع

يعني مثلا عندك ثلاث مقاطع صوتيه تبيهم يتداخلون مع بعض بنعومه ... يعني صوت يهدي يهدي شوي شوي و يدخل عليه الصوت الثاني يعلى يعلي لما يسطر الثاني على المقطع :6

او تضيف مؤثرات صوتيه او تقطع من الصوت فقرات و تحط فقرات و جذي

راح نستخدم في ها الجزء من الشرح برنامج قوي بالفعل و مشهور لصناع المؤثرات السنمائيه و أغلبهم من مستخدمين برامج التصوير الثلاثي الماكس

و ها البرنامج هو Adobe Premiere

**MZM** · 18-10-2002, 09:52 AM

راح يكون الشرح للبرنامج بسيط و سريع

إفتح البرنامج و أضغط على file

بعدين New Project

**MZM** · 18-10-2002, 09:56 AM

إضغط أوكي

( أو إختار الإعدادات اللي تناسبك ... من نوع العرض و حجمه و جودته )

**MZM** · 18-10-2002, 10:02 AM

تعرف على النوافذ و وضايفها

**MZM** · 18-10-2002, 10:08 AM

الحين نعمل إستيراد لمقاطع الصوت اللي راح ندمجها مع بعض بنعومه

تابع الصوره File

Import

File....

**MZM** · 18-10-2002, 10:12 AM

إختار المقاطع الصوتيه و إضغط أوكي

**MZM** · 18-10-2002, 10:36 AM

لما تستورد الملفات راح تطلع لك كلها داخل نافذة الـ Project

لاحظ انك تقدر تضغط على زر التشغيل اللي بالنافذه و تسمع المقاطع على شان تعرفها زين و تحددها ....... و مكتوب جنب كل مقطع مدته بالوقت و العرض كم بالثواني...

**MZM** · 18-10-2002, 10:47 AM

الحين إسحب الصوت الأول اللي تبيه يطلع فوق و حطه بنافذة شريط التوقيت ...

لاحظ ان فيه مكان مخصص بالتوقيت حق طبقات الأصوات ... مثل طبقات الرسوم بالفوتوشوب ... يعني الصوت اللي فوق هو اللي يبان

إسحب الصوت ....... و حطه بالمكان الحدد مثل الصوره اللي تحت

**MZM** · 18-10-2002, 10:58 AM

لاحظ انك لما تحط الصوت .... لو كانت مدته كبيره راح تشوف بداية المقطع بشريط الوقت .............. لكن نهااااايته بعييييييده لازم تحرك شريط التمرير اللي تحت ليما تطلع لك ...

لكن الأفضل إنك تضغط يمين الماوس على شريط التوقيت .... و تسوي تصغير لسعة التوقيت ... و راح يبان لك المقطع الصوتي كله و تقدر تتحكم بتحريكه بشكل أفضل

إضغط بالزر الايمن للماوس على شريط التوقيت اللي بالمربع الأحمر بالصوره

راح تطلع لك نافذه صغيرونه ...... إختار منها zoom in او zoom out على اللي يناسبك و تلقاه يساعدك بالشغل أكثر

**MZM** · 18-10-2002, 11:02 AM

الحين بعد ما سوينا التصغير لاحظ ان المقطع كله صار باين ... بدايته و نهايته

**MZM** · 18-10-2002, 11:08 AM

إسحب الصوت الثاني بالماوس الحين

و حطه تحت الصوت الأول ... و قربه لنهايته مثل ما هو باين بالصوره

لإننا راح نخلي الصوت الأول بنخفض شوي شوي بعدين يدخل عليه الصوت الثاني بنهايته

**MZM** · 18-10-2002, 11:14 AM

الحين استخدم مثل قبل شوي الـ zoom in و الـ zoom out

الحين راح نسوي تكبير و نقرب لبداية المقطع الأول على شان نخفض الصوت حبه حبه و نخليه يتدرج بالعلو ليما يصير طبيعي ...

يعني نخلي بدايت المقطع هدووووء .... بعدين شوي شوي يطلع الصوت

سو التكبير

بالضغط يمين الماوس على شريط التوقيت و إختار zoom in

**MZM** · 18-10-2002, 11:20 AM

لما تسوي التكبير لبداية مقطع الصوت الأول ........ إضغط على السهم الأبيض الصغير اللي يسار كلمه Audio 1
و راح ينزل و يأشر لتحت .... و راح ينفتح معاك مسار المقطع و يصير عريض و تبان فيه الذبذبات الصوتيه و قوتها .......و بنص قطع الصوت يطلع لك خط أحمر ماشي من أول المقطع لما آخره .. بخط مستقيم .... ها الخط هو خط قوة الصوت

.... و هو اللي راح نتعامل معاه

**MZM** · 18-10-2002, 11:33 AM

إضغط على الخط الأحمر اللي بنص المقطع ...

راح تطلع لك نقطة تحكم حمرا .... إختار المكان المناسب لها النقطه .....و دير بالك كل ما تضغط على الخط بتطلع لك نقطه للتحكم حمرا ثانيه

... و لاحظ انه ببداية المقطع فيه نقطه للتحكم جاهزه

ها النقط هي اللي تتحكم بقوت الصوت ........ كل ما نزلتها تحت كل ما صار الصوت واطي و لما ترفعها راح يرتفع الصوت معاها

**MZM** · 18-10-2002, 11:40 AM

الحين حرك نقاط التحكم الحمرا اللي على الخط بالشكل اللي تبيه ... و بالنسبه لنا راح نخلي الصوت بالبدايه واطييي ... يعني النقطه الأولى تحت تكون ...... و كل شوي نرفع الصوت بتدرج مثل ما هو باين بالصوره

الموضوع: دروس و أفكار شامله عن الفلاش ( بجنون .. ;))

أدوات الموضوع

ضوابط المشاركة