لا تقدر تحمل اللينوكس والويندوز موجود ...
بس لازم تآخذ بالك من سالفة الـ FileSystem
لأن نظام الملفات للويندوز إما FAT32 , NTFS
غير كذا في الويندوز(أو الدوس) عندك A C D E كـمحركات أقراص
لكن في اللينوكس ما فيه الكلام هذا ...
لذلك حدد Partiotion خاص للينوكس ... ولنقل الدرايف D
طبعا هذا الدرايف خلاص ما راح تقدر توصل له من ويندوز إلا بعد فرمتت الD على نظام الملفات الويندوزيّ
عموما السيدي حق لازم يكون Bootable .... ريدهات7.3 مثلا Bootable
الحين وش تسوي ؟؟
1- شغل جهازك.
2- إضغط DELETE
3- تجيك قائمة اختر ثانية اختيار من اليسار
4- غير Boot Sequence إلى CD-Rom,A,C
لما تطلع سوي Save & Exit
الحين الجهاز لما تعيد تشغيله بيشتغل السيدي ويقوم بالتثبيت وخلاص !!
طبعا خلال التثبيت حتختار البرامج اللي بتنزل معه وتختار شيء اسمه BootLoader طبعا هذا وش سالفته ؟؟ يخليك تختار بين ويندوز و لينوكس عند التشغيل ... عادة في اثنين bootloader ... واحد اسمه LILO والثاني اسمه GRUB .. اختار أي واحد مو فارقه...
المهم لما تجي تشيل اللينوكس في أمر (من الدوس) يشيل الـ bootloader ويخلي اللينوكس مطلوق لحاله ... عاد أنت تجي وتستخدم FDisk وتشيل ال Partiotion اللي ما تعرف عليه البرنامج (برنامج FDisk من ميكروسوفت ولذا لن يتعرف على نظام ملفات اللينوكس) ومن ثم تفرمت البارتيشين من جديد ويرجع لك الD حقك !!
وبس ... سهل صح ؟
Wounded by guns never fired... humanity