مجنون الماكس رجع للماكس ^^ تفضل حياك الله(موضوع تعليمي)

**MZM** · 31-12-2002, 08:47 PM

السلااااااااااااااام

كيف حالكم يا فنانين و يا فنانات

هاذا ان شاء الله بيكون موضوع فيه شرح و معلومات و افكار و أساليب للتصميم بالماكس من تحت الصفررر لما نوصل لدرجه الإبداع إن شاء الله و بعدها الإحتراف بيكون عليكم

بها الموضوع راح نمسك الماكس و نمشي فيه عرض بطول
من اول ما تشريه و تخزنه ليمااااا تنتهي بتصميم يرضيك بإذن الله
و شوي شوي راح تقدر تحقق اللي بخيالك من تصاميم و مشاهد

خلك معانا

و انت و أنا المستفيدين

**MZM** · 31-12-2002, 08:55 PM

الفهرس

هاذا فهرس الموضوع
حاليا الرد بيكون فاضي ...... راح يتجدد ان شاء الله لما تكثر فصول الشرح

تحسون واحد ناوي يألف موسوعه ههههههههههههه
صدق من قال الفنون جنون :6

**MZM** · 31-12-2002, 09:04 PM

_____________________نبد بسم الله الرحمن الرحيم_____________________

الدرسوووو الاواااااالووووووو

ههههههههه

راح يكون الشرح الاول عن طريقة تركيب الماكس بالجهاز و ترخيصه

3ds max 5 و نظام التشغيل بيكون Windows XP

و إذا كان فيه اي استفسار عن اي اصدار سابق او نظام تشغيل مختلف لا تتردد بالإستفسار ... بيكون فيه فايده لك و لغيرك و لي انا اول واحد

و يالله بينا مع 3ds max 5

:6

**Doel** · 31-12-2002, 09:09 PM

أخوي اغلب الشباب عندهم الرابع أو الثالث و انا عن نفسي عندي الرابع عالويندوز اكس بي

لو كنت قي الإمارات و بالتحديد أبوظبي ممكن توصللي اياه؟؟

**MZM** · 31-12-2002, 09:11 PM

أولا تأكد ان البرنامج اللي شريته موجود على 2 سي دي
واحد حق البرنامج كامل و الثاني حق ملفات الامثله و معاه بعض الملفات الجاهزه و الصور و اللقطات اللي ممكن تفيدك

على الاقل حتى لو ما لقيته على 2 سي دي ...تأكد ان البرنامج كامل حتى لو على سي دي واحد

مثل ما تعودنا الكلام اللي باللون الازرق هو منعطف لفكره او ملاحظه عابره ^^
و الصور بالموضوع راح تكون مضغوطه بشكل كبير لكن واضحه ..على شان تكون سرعة التحميل معقوله .... و كالعاده الشرح بيكون بالتفصيل الممل ههههههههههه
كل ما زاد التفصيل كل ما زال الغموض و كثرت المعرفه ... و خل صدرك وسيع و انت تقرا و تذكر ان فيه فنانين اول مره يشوفون الماكس و يبون يعرفون كل شي ^^

**MZM** · 31-12-2002, 09:24 PM

السلام اخوي Doel

ان شاء الله تكون بخير

انا بالكويت و لو كنت بالإمارات كان هديت الردود الحين و جريتك من بيتكم و عطيتك البرنامج هههههههههههه

للأسف ما اقدر اسوي شي لكن انت دوره عندك بالإمارات ... انا اللي اعرفه ان البرامج كلها تجينا من البحرين عن طريق البحر من باكستان و تجي بالكوم من الإمارات

و لو ما حصلته مو مشكله نتفق بالرسايل الخاصه

المهم دور على ماكس 5 لإنه بالفعل احسن اصدار ... لإن كل الاشيا اللي قبل تدورها و تتمناها تكون فيه كملت و صارت اساس بالبرنامج

و سواء كان عندك ماكس 5 او 4 حتى لو 2 التصميم فيهم نفس الاسلوب

لو فيه اي استفسار و انا اكتب الردود حقت الشرح يا ليت لو تكون بالرسايل الخاصه لإن الردود لو تخلخلت مع الشرح بيطلع الشرح مفكك و شكله من مقبول ^^

دور الماكس و لو ما لقيته ما بقصر ان شاء الله ;-)

**MZM** · 31-12-2002, 09:29 PM

دخل السي دي حق البرنامج
راح يشتغل معاك مباشره مثل ما هو واضح بالصوره

و إذا ما اشتغل بشكل تلقائي ... روح لأيقونة السي دي اللي داخل الـ My Computer ... و إضغط عليها بزر الماوس الايمن و اختار امر Open و دور داخل السي دي عن برنامج التحميل setup و شغله لما يطلع لك مثل اللي واضح بالصوره ^^

**MZM** · 31-12-2002, 09:41 PM

من الصوره اللي فوق واضحه عندنا خمس أزرار
و كل زر عليه صوره تمثل شعار البرنامج اللي لما تغط عليه راح يتخزن لك ^^
لا تضغط شي قبل ما تعرف كل الازرار :6

1- اول زر عليه الشعار المعروف حق برنامج الماكس و مكتوب جنبه Install 3ds max 5 ^^
هاذا الزر خاص بتخزين برنامج الماكس بجهازك

2- Install Quick Time ... تخزين برنامج الكويك تايم المعروف لتشغيل لقطات الفيديو .. لما تسوي لقطات بالماكس على امتداد mov راح تحتاج ها البرنامج ( هذا البرنامج مهم و هو يعتبر من أساسيات كل كمبيوتر بغض النظر عن استخدامه مع الماكس او غيره )

3- Install DirectX 8.1 هذا البرنامج هو آخر إصدار لمنسق تشغيل ملفات الوسائط المتعدده (صوت و صوره و فيديو) ... و هاذا المنسق مهم جدا لكرت الشاشه الثلاثي إذا كان موجود عندك و هو ضروري لدعم مشغل العرض الـ Direct3D اللي الماكس يعتمد عليه بعمليات العرض الثلاثي الناعم و السريع (مثل البلي شتيشن 2 ^^ ) ... و بدون الـ DirectX 8.1 ما راح تستفيد من خاصية الـ Direct3D الموجوده بكرتك الثلاثي بشكلها الكامل

4- Install Internet Explorer 6 ^^ ما يحتاج كلام ... ههههههههه إصدار المتصفح Internet Explorer الأخير

5- Install Turbo Squid 1.6 هاذا البرنامج مثل السوق لبيع و شرا التصاميم
على شكل حبار بإيدين كثيره ^^ ... من الصوره توضح ان صار بين ايدينك أشيا كثيره حيل حيل
لو انت جاد بدخولك لعالم التصميم الثلاثي من كل النواحي العلمي و الفني و المادي او كنت صاحب مكتب تصميم ..
خل ها البرنامج ببالك ... لإنه موثوق فيه جدا و ممكن تربح من وراه شي كثير ... البرنامج قوي و مهم للي ياخذ التصميم بشكل جدي و يحب يترزق من ورا تعبه و تصميمه و هو قاعد ببيتهم
لإن البرنامج بالفعل يعتبر (((سوق))) إنترنت حقيقي مباشر للماكس و غيره للتصاميم الثلاثيه

الحين بعد ما عرفنا كل الازرار
اول شي خزن الـ Quick Time و بعده الـ DirectX 8.1 و بعده الـ 3ds max 5 ( إذا طلب اعادة تشغيل الكمبيوتر .. اعمل إعاده و ارجع لنفس ها المكان و كمل معانا )
و البرامج الباقيه انت و مزاجك تبيهم او تخليهم

مكتوب تحت بعد الخط الفاصل ... For Network License Administrators Only
خله مثل ما هو ..... لإننا راح نسوي له كراك بعدين ^^

المهم بعد ما تضغط الزر الاول لتخزين الماكس (Install 3ds max 5) راح تطلع لك رسالة ترحيب و إرشاد .....

إضغط Next

**MZM** · 31-12-2002, 09:52 PM

بعدها تطلع لك نافذه فيها طلب قرائة و موافقة الشروط و مجالات الترخيص لإستخدام البرنامج بشكل قانوني
إضغط I accept

بعدها إضغط Next

**MZM** · 31-12-2002, 09:55 PM

راح تطلع لك نافذة الرقم التسلسلي للبرنامج (Serial Number) و الـ (CD Key) الموجودات بظهر كرتون البرنامج الاصلي
خليها مثل ما هي لا تحط شي .... لإننا راح نعمل كراك للترخيص و راح يشتغل البرنامج بشكل دائم

إضغط Next

**MZM** · 31-12-2002, 10:00 PM

تطلع لك نافذة الـ User Information
حط بياناتك ^^

لاحظ ان فيه خيارين تحت
1- Anyone who uses this computer
2-Only for me
ها الخيارين يجون دايم مع البرامج اللي مصممه لبيئة نظام الـ Windows XP
الخيار الاول يخلي كل مستخدمين الجهاز يقدرون يشغلون برنامج الماكس ^^
و الخيار الثاني نذاله عاد

هههههههههههههههه يخليك بس انت اللي لك الصلاحيه تشغل البرنامج :6
تكنلوجيا

الخيار الثاني ممكن يضحِّك ^^ لكني اشوفه صج مهم ... عندي اخوان ما يعرفون بالكمبيوتر الشي الكثير .. ممكن يدخلون البرنامج و يعفسون الدنيا .... و بالنسبه لتصاميم الماكس تاخذ وقت طويل :": .. مو مثل الرسم باليد .. و إذا حصل لها شي هههههههه الله يعينك بعدها

خصوصا لو كنت تسوي مشهد محترم و كبير :6
بتصير جذي :غضب:
بعدين جذي :"

و لو مهما سويت اللي راح راح ما يرد :"

إضغط Next ^^

**MZM** · 31-12-2002, 10:05 PM

بعدها اختار المكان اللي تبي تخزن فيه برنامج الماكس ....... مثلا c:\3dsmax5

إضغط Next

**MZM** · 31-12-2002, 10:09 PM

تظهر لك نافذة خيارات لنوع التحميل
اختار Typical إذا تبي تخزن الماكس كامل مع كل العناصر الاساسيه و الأمثله و ملف المساعده

او اختار Compact لو ما عندك سعه كبيره بالجهاز .... راح يتخزن لك بس برنامج الماكس مع اساسياته

او اختار Custom إذا تبي تختار بنفسك و بالتحديد شنو تبي و شنو ما تبي يتخزن من السي دي لجهازك

أفضل شي هو خيار الـ Typical ^^
بعده إضغط Next

**MZM** · 31-12-2002, 10:12 PM

الحين إضغط Next لو انت جاهز للتخزين ... او إضغط Back إذا تبي ترجع و تغير شي

لاحظ وجود زر Disk Cost اللي لما تضغط عليه يطلع لك قائمه بجدول فيها بالتفصيل كم السعه اللي راح تتخزن

بجهازك و كم السعه المتاحه و تفاصيل الذاكره ^^

إضغط Next

**MZM** · 31-12-2002, 10:13 PM

رجع ظهرك ورا ههههههههههههههههههه راح يبدا التخزين

ريلاااااكس

الموضوع: مجنون الماكس رجع للماكس ^^ تفضل حياك الله(موضوع تعليمي)

أدوات الموضوع

مجنون الماكس رجع للماكس ^^ تفضل حياك الله(موضوع تعليمي)

ضوابط المشاركة