ممكن ثواني من وقتكم يا اعضاء .... !!

[Neo Cid]

السلام عليكم و رحمة الله و بركاته ..

كيف حالكم يا أعضاء ثاني أحلى قسم بالمنتدى ؟ ..

شمسوين مع الدنيا ؟ .. و مع معسل الدراسة ؟ .. و المذاكرة الحنطاء ؟ ..

سامحوني على الازعاج مرة ثانية .. لكني بغيت ثواني من وقتكم الغالي ..

اليوم و أنا داخل المسنجر .. فالتقيت بأعضاء من فترة طويلة مو شايفهم ..

و تكلمت معاهم .. وأنا أتكلم معاهم .. اكتشفت شكوى مشتركة بين عضوين

كلمتهم .. الأول هو **** و الثاني هو ****

الأول محادثتة اختفت .. لكن الثاني محادثته موجودة جدامي الحين .. و بكتب لكم شصار بالمحادثة :

Neo Cid :
السلام عليكم .

الثاني :
و عليكم السلام و الرحمه

...... ( و استمرت المحادثة بمقدمات .. ليمن وصلنا لنقطة .. ) :

Neo Cid :
اشفيك ما قمت تدخل المنتدى هالأيام ؟

الثاني :
خلاص سحبت عليهم .. ما فيه تقدير

Neo Cid :
لا وين ..

الثاني :
تتعب و تكتب مواضيع و ما يعطونك وجه

=========================================

اهني انتهت الاحداث المهمة بالمحادثة ..

مع العلم .. ان العضو هذا من المميزين بالمنتدى .. وله موضوع كبير تعب و سواه و اجتهد فيه ... و بنفس اللحظة كان يساعد الاعضاء في حل مشاكلهم بالألعاب ..

ماني ذاكر اسم العضو ..

بس بقولكم يا أخواني .. خاصة الرجال ..

لا يهمكم لو كاتب الموضوع بنت ولا ولد .. لا يهمكم الموضوع فيه صورة ولا متروس صور ..

المهم هو لب الموضوع و أساسة ..

مع العلم أني بنفسي قرفت صراحة من اللي صاير بالمنتدى .. لو بنت تكتب موضوع الكل يعطيها ردود .. ولو الرجال كتب موضوع أحلى .. تشوفون رد واحد و بالقصب .. ( مع احترامي للجميع .. و مو قاصد أحد بالكلام ) ..

سلام ..

[A.k.A Dragon]

صحيح والله

ما عندك ناس يقدرون

[Guilty Gear X]

?:

[Mesharey]

عاد بصراحة انا احاول ارد على كل موضوع حلو ومتعوب عليه ...
خصوصا بهذي الفترة



اما قبل كان دخولي على المنتدى قليل



ولا تعليق :": !

[RPGgirl]

مممممم غريبه فعلا بس بعد عنده حق باللي يقوله

بس اقول مو شرط بنت تكتب موضوع عشان جذيه يردون عليها هذا الشي من الماضي ما يصير الحين ..

على العموم لو بعد انا كنت مقصره بردودي على مواضيعه فتاسف له بالنيابه عني بس حتى انا ما قمت ادخل وايد

[Golden_Sun]

.. انا كانت عندي هالفكرة في البداية .. لكن ألحين مثل ماقالت الأخ أربيجي قيرل

هذا الشي من الماضي ما يصير الحين ..

ومشكور على التنبيه .. وإنشاالله نحاول نرد على كل موضوع ولو كان صغير

[Mr.Xbox]

هااااااااااااااااااااااااااي

مشكورين على الموضوع الرائع وكلامك صج واكثر شي يردون على البنات حتى ولو كان الموضوع مو حلو حيل بس عادي ممكن يردون عليك

وانا بعد ما قمت ادخل كثير



مجرد راي














مع تحياتي

[RPGgirl]

الرسالة الأصلية كتبت بواسطة al_7elo93
هااااااااااااااااااااااااااي

مشكورين على الموضوع الرائع وكلامك صج واكثر شي يردون على البنات حتى ولو كان الموضوع مو حلو حيل بس عادي ممكن يردون عليك

وانا بعد ما قمت ادخل كثير



مجرد راي














مع تحياتي

حسرتاه اي بنات ما ظلوا عضوات :":

[THE_ZODIAC]

?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

[Guilty Gear X]

الرسالة الأصلية كتبت بواسطة THE_ZODIAC
?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

[RPGgirl]

الرسالة الأصلية كتبت بواسطة THE_ZODIAC
?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

صحيح بس برايي إنه الرد على مواضيع الآخرين شي زين عشان هم بعد يردون على مواضيعنا يعني السالفه فيها تبادل منفعه ^_^

لو فعلا تزييد مشاركات هذا الشي بقوله لو كان الرد فقط "شكرا: بدون ابداء راي

[Mesharey]

حسرتاه اي بنات ما ظلوا عضوات

العضوات كلهم بالمنتدى العام ...

لو فعلا تزييد مشاركات هذا الشي بقوله لو كان الرد فقط "شكرا: بدون ابداء راي

هذا الشي من الماضي ما يصير الحين ..

صح ..

وبعد يمكن العضو كتب موضوعه بأوقات صعبة نفس ايام الإمتحانات عند البعض ..

[Neo Cid]

مشكورين جميعا على ردودكم ... لكنكم ما فهمتوا المقصود بالضبط ..

المواضيع الحلوة و الممتازة .. و حتى البسيطة يستاهل صاحبها الرد ..

لكن اللي نشوفه تجاهل المواضيع الحلوة ..

أنا ما اقولكم شاركوا بكل موضوع .. ( أعوذ بالله من كلمة أنا ) .. أنا مثلا ..

ثلثين مواضيع المنتدى ما أشارك فيها .. و السبب أني أحكم عليها من عنوانها ..

و عارف شنو راح يكون بالموضوع بالضبط ..

لكن أن اي واحد فينا يدخل بموضوع و يقراه و يخلص منه .. و صج يحس أن صاحب الموضوع يستاهل رد .. ولو رد .. الرد ما ياخذ منك عمر .. بس أكتب كلمة شكر ( هذا لو انت جعص ) .. و شوف فرحة العضو هذا بكلمة الشكر اللي انت كتبتها ..

لكن إذا انت ملاحظ ان الموضوع ما يعجبك .. و صج انه مكرر أو موضوع ماله داعي .. على راحتك .. لا تكتب ولا رد .. أو اكتب رد و انصح كاتب الموضوع ..

و كلامي لبعض المشاركين بالموضوع :

Mesharey :

الله يعطيك العافية أخوي مشاري .. احنا عارفين ظروفك .. و الكلام موجه للكل .. و انت ما تشمل الكلام هذا لأنك مو مشارك من فترة طويلة بالمنتدى معانا ..

و بالنسبة للعضوات .. تراهن مو كلهن بالمنتدى العام .. ماني قايل أسامي .. بس فيه عضوات ما يشاركن بالمنتدى العام ..

RPGgirl :

بس اقول مو شرط بنت تكتب موضوع عشان جذيه يردون عليها هذا الشي من الماضي ما يصير الحين ..

لي كلمة معاج يوم ثاني بالمسنجر على هذا الكلام ..

و شكرا على المشاركة بالرأي ..

THE_ZODIAC :

مو لازم تقول شكرا شكرا .. قول كلمات كثيرة موجودة بالمعجم .. ترى معجم العربية فيه وايد كلمات .. مو بس شكرا ..

و بالنسبة لزيادة المشاركات .. أنت شكو بزيادة المشاركات .. لا تتعجب لو أقولك أن مشاركاتي ال3400 هذول بس بمنتدى فاينل فانتسي و منتدى الرسم الحر .. مع العلم أني أشارك بفف أكثر من الرسم الحر .. لكن محد يقولي و يكلمني بسالفة زيادة المشاركات .. أكتب رد .. وردين .. و ثلاث .. أنت شخسران .. تراك لو تكتب رد واحد ترسم بوقتها ابتسامة على وجه كاتب الموضوع ..

Guilty Gear X :

لو تبي تسأل عن زيادة المشاركات .. هذا اللي انت قاعد تسوية بالموضوع عبارة عن زيادة مشاركات ..

بردين ولا كلمة حاط .. والله ما أدري .. الكلام بفلوس ..

مع احترامي لك ..

==========================================

مع العلم .. أن احنا صج فقدنا عضو غالي علينا .. و المسألة مو هينة ..

سلام ..

[Guilty Gear X]

اصلا مكان الموضوع غلط لازم يكون بمنتدى الشكاوي

[Neo Cid]

الرسالة الأصلية كتبت بواسطة Guilty Gear X
اصلا مكان الموضوع غلط لازم يكون بمنتدى الشكاوي

انا قاعد أخاطب أعضاء منتدى فاينل فانتسي ..

وما قاعد أخاطب الادارة ..

اللي أعرفه أن منتدى الشكاوي صاير للفوضى فقط لا أكثر .

و ولا أحد من أعضاء منتدى فف يدخلون قسم الشكاوي إلا قليل جدا ..