آراء شخصية حول Xenosaga !

[Neo Cid]

بسم الله الرحمن الرحيم

السلام عليكم ورحمة الله و بركاته ..

كيف حالك جميعا ؟ .. ان شاء الله كويسين مع الدراسة ..

من زمااااااااان مو كاتب موضوع .. فيني مواضيع كثيرة .. لكني بفكر بالأحسن ..

قبل يومين تقريبا أخوي اشترى Xenosaga الانجليزي الأصلية ..

طبعا كالعادة .. دام أنها لعبة أخوي معناه أنه هو اللي لازم يلعبها و يخلصها قبلي .. ( قانون العائلة )

المهم .. هو الحين قاعد يلعبها .. وأنا كالعادة .. أقعد مثل الجمهور بس أشوف أحداث اللعبة و أحاول أتعلم من أخوي شوي علشان لمن ألعب فيها من نفسي بالبداية أكون عارف كل شي أسوية ..

بكتب لكم رأيي تجاه اللعبة هذي ..

لكن قبل ما أبدي بالكتابة ... هل أحد منكم لعب Xenogears ووصل فيها لأماكن بعيدة باللعب ؟ ..

فلنبدأ ..

1- القتال :

لا تتعجبون إذا قلت لكم أن ويهي صار جذي >:واو: < بعد ما لعبت أول قتال باللعبة .. و السبب بهذا هو أن القتال مشابة لدرجة كبيرة قتال لعبة زينو جيرز .. نفس الموسيقى .. نفس الطريقة الأسلوب .. وحتى نفس طريقة موت الأعداء ..
و إذا أحد منكم ما يعرف طريقة زينو جيرس .. هي أنك تهجم بضغط زر ( مربع ) مثلا كبداية .. بعدين تقدر بعد المربع تضغط دائرة .. علشان الحركة تتغير .. مثلا تبتدي بمسدس .. بعدين تهجم بركلات ..و ممكن تحصل على ثلاث حركات بالدور الواحد ..

2- المشاهد السينمائية :

طبعا مشهد البداية كان مذهل .. سنة 20XX ميلادية .. .. و القصة تبدي بعد 4000 سنة من مشهد البداية .. ( عليهم مخ ) .. وطبعا المشاهد السينمائية الخاصة بنامكو ما تنافس مشاهد سكوير السينمائية .. لكن لا بأس بها .. مع القليل من الموسيقى الخاصة بالأولكاسترا البريطانية .. ( الموسيقى مشابة لحد كبير موسيقى زينو جيرس ) .. وحتى فيه حرب بالفضاء ... صج مشاهد سينمائية ممتازة ..

3- الإضاءة :

أبهرتني نامكو بالاضاءة اللي عملتها باللعبة .. أبدعت فيها صراحة .. ما أقدر أعلق اكثر على الاضاءة إلا إذا انتوا من نفسكم جربتوا اللعبة .. طبعا هذا من رأيي الشخصي ..

4- الشخصيات :

يمكن أنا مو أول واحد ينصدم إذا عرف أن كوزموس ماهي البطلة باللعبة ( للحين أنا مركز أنها البطلة ) .. و السبب أنها آلية .. و هناك شخصية ثانية معاها أسمها Shion علما اذكر ( ما اركز وايد على الأسماء ) .. هذي الشخصية Shion هي اللي صنعت كوزموس ... و هي نفسها اللي صنعت البشر الآليين ( راح تقابلهم في اللعبة ) .. و حتى هي اللي صممت السفن الفضائية ..و طبعا ما يخفى علينا الذكريات الحزينة اللي تتذكرها البطلة Shion ..

بس اللي تعجبت منه هو .......... احد شخصيات زينو جيرس ..توجد كشبح بنت صغيرة في هذه اللعبة .. للحين متحير .. لكن هذا يشككني أن زينو ساجا له علاقة بقصة زينو جيرس .. :":

5- المحادثات :

أبدعت نامكو بالمحادثات بشكل مذهل .. الأصوات .. و الموسيقى .. و المشاهد الجميلة .. و حتى مرات محادثات بين الوحوش ..

امممممممممممممممممممم..

للحين مو قادر اذكر أشياء ..

بس أتمنى أنكم تكتبون آرائكم بعد حول اللعبة هذي ..

و ان شاء الله يكون هذا الموضوع كمرجع للآراء الخاصة بزينو ساجا ..

طبعا .. هذا ما يعني أن موضوع الاخت ار بي جي جيرل ناسينه .. بالعكس .. آرائي راح أنقلها لذاك الموضوع لكن طبعا بعد ما أخلص اللعبة ..

[aoks]

استناها تنزل كوبي:"

[SOLBADGUY]

سينوساقا من صورها تعتبر لعبه عجيبه وخصوصا انها doble layer

يعني سي دي بو وجهييين دال على كبر حجمها

[Golden_Sun]

:" لا تقهرني .. ابي العبها :":

اقول اليوم شنو عندك .. إذا ماعندك شي اجربها عندك
مشكور على رأيك .. وانتظر اللعبة كوبي يوم السبت

[Neo Cid]

aoks :

أنا اللي سامعه أن أهل الامارات واصلة عندهم من حوالي 10 أيام كوبي

SOLBADGUY :

صح كلامك .. لأنها Full 3D

Golden_Sun :

لو جدول مواعيدك مو مزدحم حياك الله ..

العفو . ما سويت إلا القليل من الواجب ..


==========================================

نسيت أضيف بعض الأشياء ..

القصة :

للحين القصة غامضة بعض الشئ .. لكن الباين أنها مذهلة ..

الغموض :

غموض اللعبة ابدعت فيه نامكو ...

خاصة الصورة هذي :

اعتبر هالمشهد من أعظم مشاهد العاب الار بي جي ..
ملاحظة : المشهد يكون لمن يهجم الجينوسيس .. Gonsis .. على المركبة الفضائية .. عاد شوف كوز موس شنو تسوي .. مذهلة صراحة ..

ملاحظة سابقة : بالنسبة لأسم الشخصية البطلة .. هو الصحيح Shion .. مو Shino .. للمعلومية.. و سامحوني على الخطأ المطبعي ..

سلام ..

[NsaN]

حمستني حق اللعبة والله...بس Still حاس انها مو ذاك الزود

اخوي اذا فيك..ممكن تتكلم شوي عن رسومها؟؟

لان من خلال الصور حسيت ان رسومها مب قوية وايد

و يعطيك العافية

[master seymour]

أنا اللي سامعه أن أهل الامارات واصلة عندهم من حوالي 10 أيام كوبي

وانا حصت في الامارات كلها ولا حصلتها?:

نصبر ونشوف .....
ورايك حلو يا حلو

[احلامو ادوماتو]

والله انتظر اللعبة على احر من الجمر :"

شكريا على تعليقك الي يريح شوي ويطمئن الواحد انه ما بيصرف فلوسه هدر :6

المهم واجهتك اعطال في اللعبة لاني سمعت ان بها اعطال ?:

[Yamato]

انا صار لي كم من يوم طايح عند محل الالعاب اشوف اذا وصلت ولا لا

واللعبة بعدها ما وصلت :غضب: :"

متى العبها :"

[Mesharey]

ليش كاتب الموضوع ..تبي تقهرنا:":؟<<دايخ اللعبة للحين ماوصلت عنده


امزح ..المهم ...
بكمل قراية الموضوع ورد بالموضوع رد محترم ":" ...


ومشكور ...

[Auron]

احم انا لعبت اللعبه

الصراحه ما اقدر اضيف على كلام اخوي نيوسيد شي كثير الا انها لعبه جباااااااااااااااااااره


بس المشاهد السينمائيه كثير لكن حلوه


بالنسبه للرسوم الرسوم رائعه الصراحه ومادري ليش تقول ان الرسوم في الصور مو رهيبه بالعكس الرسوم وااااضحه ورهههههههيبه وكل شي:6 <<<راح الكلام


والقصه وبكل فخر الى الان موب فاهم شي الا اشياء بسيطه عن النيسوس شكل القصه طوووووويله وتوني في البدايه


المعارك رائعه وتخليك تنسجم فيها حتى اني اقعد ادور المعارك بعض الاحيان


والله ما ادري اذا نسيت شي:6

اذا تبون تسألون اي سؤال عن اللعبه اسالوا يعني عن مستواها وكذا
اما عن القصه لاتدورون:6

للحين ادور على شي سلبي في اللعبه او عيب ما حصلت الا عيب واحد

انك ما تقدر تطفش منها:"

SOLBADGUY:اجل النسخه الي عندي ناقصه ولاشلون لانه ديفيدي كوبي
?: ؟


وسلامتكم

[Neo Cid]

Magenta :

أنا معاك أخوي .. بالبداية كنت معتقد أن الرسوم ضعيفة و السبب أني كنت أشوف الصور المنتشرة بالانترنت ..

بس والله راح تغير رأيك تجاه الصور و الرسوم خلال لعبك لها ..


master seymour :

الكلام واصلي من ولد العم سوبر سايان ..

والله أعلم .. بشوف أتأكد منه ..

Chrono Scar :

والله الفضل يعود لك أخوي هيثم ..

و خاصة مقابلتك مع مصمم اللعبة او المخرج ( ما اذكر صراحة ) .. هو خلاني أفهم أشياء ما كنت قادر أفهمها ..

ان شاء الله تلعبونها بأسرع وقت ..

و بالنسبة للأعطال .. حاليا أنا ما واجهت أي عطل والحمد لله .. لكن الظاهر أن الأعطال هي سبب الكوبي نفسه .. لأن بعض الاماكن كانوا ينسخونها بالكوبي DVD العادي .. لكن الله ما تتحمل العادي .. بل تتحمل Double DVD .. من عظمتها ...

RPG fan :

ان شاء الله تلعبونها بأسرع وقت علشان تشاركوني بالموضوع ..

Mesharey :

سامحني اخوي مشاري .. ان شاء الله المرة الياية ما أكتب شي إلا إذا تأكدت أن أكثر من نص المنتدى شارين اللعبة ..

بس شوف .. الأخو Golden_Sun وصلة خبر ان اللعبة راح تنزل كوبي يوم السبت ( باجر ) ..

فان شاء الله يكون نازل ..


Auron :

مشكور أخوي آرون على إضافتك للموضوع و مشاركتك لنا بالرأي ..

المعارك رائعه وتخليك تنسجم فيها حتى اني اقعد ادور المعارك بعض الاحيان

صحيح .. هذا الشي من اجمل الأشياء باللعبة ..

للحين ادور على شي سلبي في اللعبه او عيب ما حصلت الا عيب واحد

انك ما تقدر تطفش منها

ههههههههههههههههههههه

حقيقة ما تنكر ..

[Neo Cid]

بعطيكم بعض الصور ..

KOS-MOS ..


Shion ..


Chaos ..


Jr. .. اسم غريب مو عدل ؟ ..


MOMO ..


الوصلة الخاصة بجميع الصور و المزيد !

-----------------------------------------------------------------------

فيه سؤال محيرني .. مو محيرني بس .. محير الكل علما أعتقد ..

و بينما أنا ألعب .. و الشخصية Shion تمشي مثلا .. تلقى العالم من حولها يتغير لونه ..

و تطلع لها بنت صغيرة .. شعرها برتغالي .. لكنها مألوفه .. مألوفه لي و لكل من لعب زينوجيرس .. :واو:

و بعدها يتحول المشهد إلى مشهد ميدالية .. معلق عليها صليب .. المشهد مألوف .. و كأني شايفة في زينو جيرس ..

اي نعم .. نفس المشهد .. مثل ما كان يصير بـFie بطل زينو جيرس ..

:واو: :واو: :واو:

هذا معناه شي واحد ................




أنه فيه علاقة كبيرة بين زينو ساجا و زينو جيرس ..كبيرة إلى درجة أني ما كنت متصورها ..

[SOLBADGUY]

هذي شايون كانها harry boter

بس على صبي

[Wolf Sniper]

مشكور أخوي Neo Cid على موضوعك بس بصراحة أنا ما عندي أي فكرة عن اللعبة :! لذلك كم تعطيها نسبة من عشرة؟؟
و هل هي أفضل من Star Ocean ؟؟