![][^][SNicK][^][ غير متصل](images/statusicon/user-offline.png)
قصة اللعبة الأسطورة (< ميتل جير سوليد >) ][MGS][
اول جزء نزل للعبة الميتل جير كان على الصخر وكانت القصة انه فيه ناس مجرمين اخترعو آله نوويه مدمره اختارو اهذي المهمة واحد اسمه سوليد سنيك وكان الشخص الي جابه اسمه بيج بوس وقاله المهمة بالكامل فراح سنيك يحارب ويقاتل وكان الي يعطيه المعلومات بيج بوس وهو بالمهمة راح وانقذ شخص الي هو جري فوكس (الننجا) كان جري محبوس بالسجن وراح سنيك وانقذه وسالفة هذا الشخص راح تجيكم مع بقية الموضوع ويوم قرب سنيك من تدمير الميتل جير كلمه البيج بوس وقال له خلاص يا سنيك المهمة الغيت قال له سنيك لا بالنسبه لي انا راح اكمل والي يصير يصير لازم افك العالم منها قال له بيج بوس كمل وانا مالي دخل بالي راح يصير لك وبعدين تقابل سنيك مع الميتل جير تفاجأ ان الي مدبر كل هذي الأمور هو البيج بوس وهو الي امر باختراع الميتل جير علشان كان حلم البيج بوس انه يسوي دوله مستقله الي هي اوتر هيفن مدينه تكون بس للمرتزقه (الي ينعطون فلوس علشان يقتلزن ويدمرون) وال فاجأ سنيك اكثر ان البيج بوس طلع ابوه لأن سنيك كان مستنسخ من الـ DNA حقت البيج بوس وقاتله سنيك ودمر الميتل جير وقتل ابوه الي هو البيج بوس وبعدها انتهى هذا الجزء وبعد مرور سنتين اتصل الكورنول على سنيك وقال له انه فيه عصابه اخترعت الميتل جير وراح سنيك حسب المهمة - للمعلوميه هذا الجزء الثاني كمان على الصخر - ودمر سنيك وحارب الا وهو يحارب قابل البيج بوس وقال له انت كيف عايش وانا قتلتك قبل سنتين قال البيج بوس لأن فيني مرض اسمه الفوكس داي وهذا المرض موجود فيك انت بعد لأنك نسخه مني وراح سنيك بدون تردد قتل البيج بوس وكمل طريقه وتفاجأ ان الي ورا هذا الميتل جير جري فوكس (الننجا) وهو كان القائد حق الميتل جير تضارب سنيك مع جري فوكس -طبعا لما تحارب معه تحارب وجه لوجه لأن امكانيات الصخر ضعيفه- وراح سنيك رماه بحقل الغام وتدمر جري فوكس وبعدها انتهى هذا الجزء واستقال سنيك من الشغل ورا عاش بالآسكا وبعدين بدء جزء جديد على الجيم بوي -انا قاعد اقول القصه على حسب مفهومها مو على الاصدار- وقام الكورنول وكلم سنيك وقال له كيف حالك يا سنيك وش اخبارك بالآسكا قال له سنيك قول الي عندك انا عارف انه انت مايجي من وراك اخبار زينه قال له الكورنول ميتل جير قال له سنيك وش فيه الميتل جير قال له كيف وانا دمرته آخر مره قبل سبع سنين قال له احنا نبيك بهذي المهمه قال سنيك ليش انتو ما عندكم الا انا كل ما طلع ميتل جير جديد تجون وتاخذوني قال الكورنول لأنك انت الوحيد الي تعرف تدمر ميتل جير وتعرف نقاط ضعفه وكل الي يخترعونه تعرفهم قال سنيك واذا قلت لك اني ما راح اجي لهذي المهمه قال الكورنول واذا قلت لك ان الي اختطف الميتل جير جنرال يبغى يكمل حلم بيج بوس في انه يسوي مدينه مستقله اسمها اوتر هيفن يوم سمع سنيك انه هذي المدينه راح يسويها الجنرال انهبل وقال خلاص انا موافق على المهمه ومن المعلومات الي عرفها سنيك ان الميتل جير اختطفوه ناس اسمهم بلاك شامبر مرتزقه يقودها واحد اسمه فايبر تحت إمرت الجنرال ومشى سنيك بالمهمه وتعرف على وحده اسمها كريس هذي البنت قصتها ان امريكا كانت مرسله فرقه علشان يدمرون الميتل جير لكن كلهم ماتو الا كريس ظلت عايشه وكمل سنيك المهمه وقابل الدكتور الي اخترع الميتل جير -تصورو ان الي اخترعه عمره 16 سنه- وانقذه سنيك من السجن وخلاه تحت حماية كريس وقتل سنيك كل اعضاء البلاك شامبر الي هو خمسه الا فايبر وواحد كان قاعد مع سنيك على اللاسلكي الي هو مك براين وفي وقتها حس سنيك ان الدكتور مخبي عليه شي وكلمه على اللاسلكي وحاول ياخذ منه معلومات عن الميتل جير لكن العصابه قتلت الدكتور وامسكو بكريس وكمل سنيك الا وتفاجأ ان كريس راكبه الهيلكوبتر وتحارب سنيك ودمر سنيك الهيلكوبتر وطاحت كريس منه وراح وشال سنيك القناع طلعت وحده اسمها صوفي اليد اليمين للجنرال واخذ منها معلومات وفي نفس اللحظه جت كريس وراح سنيك وكريس يكملون المهمه وقابل فايبر وقتله وبعدين قابل الجنرال وهو على الميتل جير قال له سنيك ابغى اعرف كل السالفه الي قاعده تصير هنا قال الجنرال اذا فزت يا سنيك اقول لك واذا فزت انا تكون انت مت وانتهيت انا من موضوعك المهم فاز سنيك عليه وقال له وش السالفه قال الجنرال اصلا هذا كله كان تحت تدبير امريكا علشان تجرب هذي الآله وعلى فكره حتى الكورنول يعرف هذا كله وانا اصلا كنت ابي اسوي مدينة اوتر هيفن للمرتزقه وبعد هذا كله اقتل البلاك شامبر وارتاح منهم وقال الجنرال خذ هذا الدسك يا سنيك الي فيه كل المعلومات الي تخرب بيوت الـ FBI وكان بهذي اللحظه يسمعهم فايبر وقام وقتل الجنرال وتحارب هو وسنيك وقتله سنيك وبعدها كلم الكورنول وقال له انت ليش سويت فيني كذا قال الكورنول انا ما بيدي شي وانا كنت مستقيل لكن امريكا رجعتني علشان هم يعرفوا ان الوحيد الي يقدر يرجعك هو انا لأن المهمه كانت للجنرال لكن هو تمرد يوم صار الميتل جير بيده وعلشان كذا احنا ارسلناك قال له سنيك خلاص انا اتفاهم معك لما ارجع لواشنطن وعطا الدسك لكريس وقال سوي الي يبينه بالدسك لأن انتي مرسلينك علشان تسرقي هذي المعلومات وكذا انتهى هذا الجزء وبعدها بعد مرور 3 سنين كلم الكورنول سنيك وقال له فيه عصابه اختطفت الميتل جير ركس ونبغاك تتولى هذي المهمه -طبعا عشاق الميتل جير كلهم يعرفون هذي القصة 100%- وكمل سنيك هذي المهمه وقابل ريفولفو ايسولت وتحارب معه وفجأه جا الننجا(جري فوكس) وراح الننجا وقطع يد ريفولفو بعدها انحاش ريفولفو وضارب سنيك الننجا وعرف قصته بعد ما رماه بحقل الألغام ان فيه دكتور اخذ جري فوكس(الننجا) وانقذه من الموت لكن خلاه الدكتور نص آله ونص انسان وعرف كمان ان البيج بوس استنسخ منه اثنين الأول الي هو سنيك والثاني ال هو ليكويد سنيك وقد قال الدكتور الي سوى هذي العمليه للبيج بوس انه واحد من اولادك بيطلع ناجح وواحد بيطلع فاشل والناجح طبعا الي هو سنيك وكمل سنيك المهمه -طبعا انا ما راح اكتب الي صار بالتفصيل لأن كل الي لعب ميتل جير على السوني يعرف قصتها زين وراح اجيبها من النهايه- وقاتل في النهايه لكويد وقتله وكذا انتهى هذا الجزء وبعدها يبدء الجزء الثاني على السوني2 ومحور القصه يدور ان ريفولفو ايسولت اختفى في الجزء الأول على السوني وقام ريفولفو بنسخ المعلومات حقت الميتل جير ريكس وباعها على الدول بمبالغ طائله وكل دوله راحت واخترعت الميتل جير ريكس وقام ريفولفو باستإجار ناس ودكاتره وعلماء علشان يصنعوا ميتل جير ري بحيت انه يكون مطور عن الميتل جير ريكس وبعد ما يخلصون منه يقوم ويدمر كل الميتل جير ركس الي وزعه على الدول وقامت امريكا بارسال سنيك لتدمير هذا الميتل جير ري والقصة راح تكون على سفينه ناقله للميتل جير ري ونصها الثاني في نيويورك وعلى حسب كلام مخرج اللعبه العبقري الاسطوره [(^_^)هيدوكوجيما(^_^)] انه في جزء ميتل جير على السوني ان ليكويد سنيك راح يطلع في اللعبه -مين يدري يمكن البيج بوس يطلع!؟؟- وعلى العموم انا سويت الي علي وكتبت هذي القصة من اولها علشان كل الي يدخل هنا للمنتدى يعرف قصة ميتل جير كامله وعلشان يعرف وش قاعد يصير حوله لما يلعب الميتل جير2 على psx2 وحاولت اني اقولها مختصره لكن حماسي على هذا الجزء الجديد ما احد يقدر يتصوره وكمان علشان ما احد يعتب علي ليش ][^][SNicK][^][ ما وظح القصة زين وانا يا اخواني بالخدمة دايما لي استفسار عن اي جهاز وعن اي لعبه على الايميل التالي tdd_k@hotmail.com واحب اخدمكم زياده يا محبين لعبة ميتل جير للي يحب يعرف القصة اكثر من الي كتبته يدخل على حسب الوصف الي راح اقوله اول شي يدخل على موقع http://www.videogames.com وبعدين بالقائمة على اليسار يختار playstation 2 وبعدين في وسط صفحة السوني 2 تلاقي مربع ابيض فيه اسماء الألعاب ابدا انزل بالسهم الى ما توصل لإسم اللعبه الي هو metal gear 2 وبعدين تحت هذا المربع البيض على طول فيه اختيار اسمه select a game and CLICK HERE وبعدين تجي صفحة الميتل جير انزل واقرا الكلام الي بالبرتقالي آخر اختيار اسمه history of metal gear وبعدها تدخل وتقرا القصة من طأطأ لسلاموكليكم واتمنى ان مشاركتي تكون فادت محبين ميتل جير وانا على استعداد ان شاء الله اني انشر اي اخبار جديدة عن الميتل جير او حول الميتل جير او عن العاب اخرى . وشكرا
مع تحيات :- اخوكم ][^][SNicK][^][
