قصة ديجي وطلعة صيد الضبان

[][ZX][]

الحلقة الأولى من قصة ديجي وطلعة صيد الضبان الحلقة الاولى

صارت هاذي السالفة لما بغا ديجي يطلع للبر يضبب (يصيد ضبان) في النفوذ ولما جهز نفسه للطلعة واخذ معه اغراضه جاه ولد جيرانهم ايثان يبي يطلع معه ودار بينهم هذا الحوار
ديجي يكلم نفسه: وش يبي ذا اللزقة
ايثان: هلا ديجي كيف الحال
ديجي: نعم وش تبي
ايثان: سمعت انك رايح تضبب
ديجي: ايه رايح عندك مانع
ايثان: لا بس ودي اروح معك
ديجي: ضف وجهك قال ايش قال يروح معي
ايثان: تكفى تكفى الله يرحم والديك
ديجي: يله انقلع ضف وجهك يله على بيت اهلك
وراح ايثان لبيتهم مكسور الخاطر والدمعة على الخدين ومشا خوينا ديجي بسيارتة الددسن 89
ما اخذ المكسيما خايف عليها المهم وصل النفوذ وبدا الطريق يصير ترابي وهو ماشي الا ويقز ذاك الضب الي ما فيه مثل عكرته وتطيح سعابيله وقعد يفكر في ذيك الكبسة الي ما فيه مثلها وما درا وهو يلحق الضب الا ويطب في ذاك الطعس وتغرز السيارة وقعد ديجي يفكر وش يسوي وهو يقول وشذا البلوة وش يبطلعني الحين حتى الجوال ما معي ما معي الا ذا البيجر ما ادري وش اسويبة
المهم وينزل من السيارة وقعد تحت احد الشجر وقال ليتني جبت معي ايثان يونسني رفيق السوء خير من الوحدة الحين خلني اخذ غفوة واذا قمت يحلها الحلال وما درا والا الرجال الثلاثة الي يقومونة من النوم مثل الي يجون في المسلسلات التاريخية في رمضان في الليل وقال له واحد منهم
الرجل: من انت يا غلام يبدوا انك غريب عن المكان
ديجي: ها من انت وش تبي
الرجل الآخر: تادب وانت تكلم رئيس الشرطة
ديجي : تستهبل انت وجهك وين البدلة وين النجوم
ويجيه ذاك الكف الي يدور راسة من حراس رئيس الشرطة وهو يقولة: الا تفهم تأدب مع رئيسنا
ديجي: خلاص خلاص طال عمرك آخر مرة والله ما اتعودها
رئيس الشرطة: من أي البلاد انت
ديجي: من السعودية
رئيس الشرطة: مالذي تقوله يا فتى يبدوا انك لست عربيا
ديجي يكلم نفسه: وشذا البلوة هذولا ما يعرفون السعودية وش اقولهم الحين حتى التاريخ ما اعرفله راسب فيه
ديجي: طيب تعرفون الرياض عاصمة الثقافة لعام 2000
رئيس الشرطة: يبدوا انه من اعدائنا وجاء لكي يتجسس علينا قيدوه يا رجال
ديجي : والله ما سويت شي حرام عليك
المهم وربطوه ربعنا واخذوه معم لمدينتهم وهم ماشين الا ويمرون جنب ذا الغدير والا وذوليك
البنات الي ما فيه مثلهم ويشوفهم ديجي وانهبل وهو يقول :يا خلف بنات الفيصلية والعقارية
وتجيه ذيك الرجفه على ظهر من حراس رئيس الشرطة وهو يقول: اخرس ايها الاحمق
وكان رئيس الشرطة يحب المغازل وتكا مع البنات ويوم شافه ديجي قال: الكلب قاعد يغازل فيهم وتراكني انا مربط فيذا.


ترقبوا الحلقة القادمة من قصة ديجي وطلعة صيد الضبان الحلقة الثانية والآخيرة

[داج2222]

ههههههههههههههههههههههههههههههاي حلوه بس متى الحلقه الجايه المهم لا تنسانا في الحلقه الجايه قط لنا دور منا و لا منا

[داج2222]

هااااااااااا زي اكس ويش قلت خلني عسكري زين ههههههههههههههه

[][ZX][]

وش رايك تكون الضب الي كان يلاحقه ديجي

[داج2222]

ههههههههههههههههههههاي لا هذي تاركينها لعلووووووووووش

[][ZX][]

طيب الحراس الي رجف ديجي على ظهره

[داج2222]

ايه على ذي يمكن صح

[سكوال]

اقول zx


انا عارف انك تلمح علي (برئيس الشرطه)....





بس ...والله اني خايف ..

تطلع واحده من هالبنات ( سيلفي او ياورد)...

[داج2222]

ههههههههههههههههههههههههههههههههههاي ليه كل هالحقد

[][ZX][]

لا انت الحارس الثاني

[سكوال]

ياهوه...


انا الحارس الي كسرت وجه ديجي......






بس برضوه البنات ماأعطوا رئيس الشرطه وجه (الا عشاني معه)..



اصلا هو عارف هذا الشيء ....ولا ليش اخذني معاه...

[][ZX][]

بعلم الهيئة عليكم

[داج2222]

اي هيئه في نص البر؟؟؟؟؟؟؟؟؟؟؟؟؟

[HUNTER THE PAIN]

ههههههههههههههههههههههههههههههههه
أما أن خيالك واسع مرررررررره
فيه شجرة في النفوذ ؟؟؟؟؟؟؟؟؟؟؟
وينها هذي النفوذ أبغى أروح لها
هههههههههههههههههههههههههههههههههههههههههههههههه

[][ZX][]

يا اخي لاتدقق