صفحة 1 من 8 123456 ... الأخيرةالأخيرة
النتائج 1 إلى 15 من 116

الموضوع: <--------=شرح للاشتراك بالـXBOX LIVE =--------->

  1. #1
    التسجيل
    16-01-2002
    الدولة
    قطر
    المشاركات
    8,758

    <--------=شرح للاشتراك بالـXBOX LIVE =--------->

    نتكلم اولا عن الادوات .. :
    1- الايثرنت كيبل .. يكون بحجم متوسط و هو 7 امتار .. بس انا خذت 10 امتار ..و لازم تاخذون كيبلين ايثرنت .. واحد من الكمبيوتر للهب .. و الاخر من الهب للاكس بوكس
    2- الهب .. و فائدته مثل ما قلتلكم فوق للتوصيل .. و سعره يمكن يكون غالي شويانا شريته ب 300 ريال .. (( 8 فتحات ))
    3- فتحة الشبكة خلف الكمبيوتر اللي يسمونها باللان LAN .. local area network
    4- اللايف كت LIVE KIT و هي ادوات اللايف و التي تحوي على السماعة ..
    و المايك .. دسك ديمو في لعبتين WHACKED and MOTO GP و في عرض واحدلمجموعة من الناس يتحدون بعض باللايف احدهم ميك اسولت و الاخر NFL كرة القدم الامريكية و الكثير و طبعا تسمع صوت واحد مرعب و هو الخاصيةالتي يتميز به مايكروفون الاكس بوكس .. انك تغير صوتك ..
    ملاحظة : تقدر تدخل بالاكس بوكس للايف عن طريف مودم دي اس ال ..
    انك توصل ايثرنت من الاكس للمودم على طول و هنالك طريقة .. انك توصل
    كل شيء عن طريق الراوتر ROUTER ... بالنسبة للطريقة التي استخدمتها
    و التي شرحت ادواتها فوق و هي طريقة الهب HUB .. و ما تصير الا في مودم USB ADSL الان طريقة الاشتراك ..
    طبعاً بعد ما توصل كل شيء .. وايرات و خرابيط تفتح الاكس و تفتح الكمبيوتر الان الكمبيوتر لما تشغل النت فيه .. تلقائيا بيوزع الكيلوبايتات على الكمبيوتر و الاكس عن طريق الوايرات اللي وصلتها بفتحة اللان للكمبيوتر .. الحين اذا قدرت تدخل على خيار NEW ACCOUNT في الاكس بوكس لايف ..يعني عبارة انك دخلت للايف بطريقة صحيحة اما اذا ماقدرت .. بيطلع لك خرابيط و هي IP ADRESS NOT CONFIRMD و DNS SERVER NOT FOUND اذا قالك جذي يعني عندك خلل في التوصيل .. بالنسبة لي جربت احاول اشبك و رحت موقع اكس بوكس و سالتهم اخر شيء طلع الخلل .. لا من التوصيل و لا من المودم و لا شيء طلع الخلل من النورتن فايروس فايرووال .. كان ما يخلي الكيلوبايتات من الكمبيوتر تروح للاكس بوكس .. بعدين حذفتهساعدني الاخ جرانديازر .. اشكره .. مع انه ما عنده اكس بوكس لايف و لكن عرف الحل .. بعدها تدخل للnew acconut .. و تحط تاريخ ميلادك .. و الجيمر تاج GAMER TAG اللي هو النيك نيم بالنسبة لي اسمي sonykidاذا كان عمرك اقل من 18 يقولون لك بعد ما تضغط على continue انك مراقب من قبل الوالدين و تضغط بعدها على YES .. الحين تختار دولتك و هي UNITED STATES لازم تحطون على امريكا
    بعدين يطلع لك قائمة طويلة فيها القوانين .. طبعاً اخر شيء عنوان
    مايكروسوفت بنستفيد منه بقولكم ليش .. الحين لازم تعبون القائمة برقم البطاقة انا استخدمت ماستر كارد .. طبعاً كل شهر تدفع حوالي 7 دولار .. و تكتب اسم حامل البطاقة و العنوان بعد ما تضغط على continue ياخذك لكتابة عنوانك .. الحين يشتغل الذكاء اشكر الاخ اجحطه هو اللي علمني كيف اخذ العنوان ...تحط عنوان مايكروسوفت و اللي هو ..
    الشارع ..: ملاحظة تحطه رقم مع مراعاة الفراغات و العلامات ..
    6399 - 98052 هذا هو اسم الشارع لشركة مايكروسوفت في امريكا
    الحين تحت الشارع STREET تلقى المنطقة .. و اللي هي .. :
    Redmond
    بعدها تختار من قائمة كبيرة الولاية .. :
    WASHNGHTON ملاحظة اختاروا واشنطن من اخر القائمة لانك لو حطيت على وااشنطن DC اللي هي في اول القائمة بيقولك العنوان غلط ..بعدها الpostal code 98052 اخر شيء ايميلك .. الحين يقولك خرابيط اذا كنت تبي توصلك رسايل عن اللايف لايميلك اضغط YES بعدها يقولك تبي الاباء الاخرين ... مادري شنو اضغط NO قصدهم اذا تبي الاباء الثانيين يكلمونك او شيء ناسي شنو هو المهم له علاقة بالاباء .. طبعا كل هالاشياء عن الاباء لانه عمرك اقل من 18 بعدها تاكد لهم اسمك لانك ما تقدر تغيره اللي هو الجيمر تاج GAMER TAG اما انك تقولهم YES للتاكيد او تقولهم NO اذا تبي تغير اسمك .. بعد تحط الباسوورد باستخدام .. Y , X و يمين و يسار .. هذا باسووردك تحطه على سبيل المثال يمين , يسار , يمين , Y و هكذا ..
    بس و بعدها يقولك كل شيء جاهز طبعا تقدر تضيفني في قائمة اصدقائك
    انا ضافني الاخ اجحطه .. و تحديته طريقة اللعب .. هي انك تدخل ديسك .. و بعدها تختار خيار اللعب في اللايفمن داخل الديسك .. و بيسويلك ابديت اذا توفر انا سويت ابديت للعبة CAPCOM VS SNK 2 EO .. و بكرة بسوي ابديت عشان انزل ادوار جديدة ..للعبة بروت فورس ان شاء الله .. بس هذا كل شيء بشكل عام عن اللايف ..طبعاً هذا ابسط شرح اقدر اشرحه .. و ان شاء الله ينال اعجابكم الموضوع اي استفسار سؤال انا في الخدمة ..
    بحط لكم الصور قريباً

    وملاحظة مهمة .. لا تحاول تدخل الايف وانت مركب مودشيب (تطويرة) الا قبل ان تركب سوتش او انك تنزع القطعه ولن تستطيع اللعب الا بالالعاب الاصليه
    التعديل الأخير تم بواسطة We6fe ; 14-09-2004 الساعة 07:15 PM

  2. #2
    التسجيل
    27-04-2003
    الدولة
    الكويت
    المشاركات
    30
    شكرا على المساعد الجميله

    وانشاء الله اني راح اشتري اشغلات الى جلت عليهن


    ملاحظة : تقدر تدخل بالاكس بوكس للايف عن طريف مودم دي اس ال ..

    بس شلووون مو غن طريق الكمبيوتر ممكن تعلمني على شان اطبق ولا اتعب اجيب بس مودم دي اس ال الراوترالايثرنت كيبل واحد ولا اثنين
    بس مو علا البي سي فقط علي الاكس بوووكس
    انا مو اول لا اخير لاعب في انهايه كل معا جهازه يفترج

  3. #3
    التسجيل
    16-01-2002
    الدولة
    قطر
    المشاركات
    8,758
    الرسالة الأصلية كتبت بواسطة XBOX TIMES
    شكرا على المساعد الجميله

    وانشاء الله اني راح اشتري اشغلات الى جلت عليهن





    بس شلووون مو غن طريق الكمبيوتر ممكن تعلمني على شان اطبق ولا اتعب اجيب بس مودم دي اس ال الراوترالايثرنت كيبل واحد ولا اثنين
    بس مو علا البي سي فقط علي الاكس بوووكس
    توصل واير ايثرنت من الاكس للمودم على طول لا بي سي و لا خرابيط ..
    راجع موقع اكس بوكس قسم اللايف www.xbox.com فيه كل شيء

  4. #4
    التسجيل
    19-11-2002
    المشاركات
    37
    شكرا على هذه المعلومات

  5. #5
    التسجيل
    06-04-2002
    الدولة
    المنطقة الشرقية
    المشاركات
    2,353
    مشكور سوني كيد ويعطيك ألف ألف عافية على الشرح المطول لكيفية تركيب اللايف ;-)

    أنا راح أحفظ هذا الموضوع عندي بالجهاز





  6. #6
    التسجيل
    17-03-2002
    الدولة
    قطر
    المشاركات
    8,705
    ألف ألف ألف ألف ألف شكر أخوي يوسف على الموضوع الTOP هذا
    بصراحة حليتلنا ألغاز اكس بوكس لايف
    طبعاً كل شهر تدفع حوالي 7 دولار
    أول سنة مجانا....بعدين تدفع 10 دولار شهريا=36 ريال
    توصل واير ايثرنت من الاكس للمودم على طول لا بي سي و لا خرابيط ..
    المودم الي يسمحلك بالهشيء عندنا في قطر؟

    سؤال صغنونة يوسف!:":
    أنت تعرفني نادر أطلع من البيت!,وأنت شريت الهوب والوايرين الايثرنت.....ممكن تقولي اسم المحل أو مكانه؟:":
    أو المحلات الثانية الي تبيع هالأشياء!......يفضل يكون المحل في الريان الجديد أو الوجبة أو حتى في الدوحة
    ولو تعرف نلفون أحد هالمحلات زيادة الخير خير!

    أعتقد بهالموضوع ننهي مشكلة اللايف وياليت تخلي هالموضوع مثبت للأبد

    اجحطة دخل....سوني كيد دخل....العراقي17 قريبا....زينوساجا قريبا والبقية تأتي:-)

    سلاموف":"
    التعديل الأخير تم بواسطة xenosaga ; 12-06-2003 الساعة 01:12 PM


    Nintendo is back

  7. #7
    التسجيل
    17-03-2002
    الدولة
    قطر
    المشاركات
    8,705
    تعال يوسف:واو:

    ماقلتلنا شلون اللعب؟!!!

    بطئ؟.......جيد؟.....ممتاز؟

    وهل اتصالك يكون Worst ولا Bad أو....؟؟؟؟

    والمحادثات في المايكروفون واضحة ولا.....؟؟؟

    والحين اذا تبي تغير لعبة كابكوم مثلا لازم تطفي الجهاز عشان تغير السي دي للعبة ثانية؟:واو:

    أسف عالازعاج:":

    بس لاأستطيع الانتظار حتى أري العالم من هو زينوساجا في هالو2 وبروجيكت جوثام2 وكاونتر سترايك":" :"


    Nintendo is back

  8. #8
    التسجيل
    07-01-2001
    الدولة
    KSA - Riyadh
    المشاركات
    2,201
    في احد مركب سويتش:"

  9. #9
    التسجيل
    16-01-2002
    الدولة
    قطر
    المشاركات
    8,758
    الرسالة الأصلية كتبت بواسطة xenosaga
    تعال يوسف:واو:

    ماقلتلنا شلون اللعب؟!!!

    بطئ؟.......جيد؟.....ممتاز؟

    وهل اتصالك يكون Worst ولا Bad أو....؟؟؟؟

    والمحادثات في المايكروفون واضحة ولا.....؟؟؟

    والحين اذا تبي تغير لعبة كابكوم مثلا لازم تطفي الجهاز عشان تغير السي دي للعبة ثانية؟:واو:

    أسف عالازعاج:":

    بس لاأستطيع الانتظار حتى أري العالم من هو زينوساجا في هالو2 وبروجيكت جوثام2 وكاونتر سترايك":" :"
    و الله ما عندي محل محدد ... بس اذا تبي بقولك محل اسمه فلورا في شارع المنتزة رقمهم هو 4311905 عندهم كل الاحتياجات انت لما تروح بس قولهم ابي وايريين ايثرنت 10 امتار .. و هب هو بيسوي لك كل شيء و خذ كمبيوترك قوله يركب لك شبكة اذا ما عندك او ود كمبيوترك لهم و قولهم يبرمجونه لعمل شبكة و خلاص .. المحل مقابل مكتبة الاسر و على يمينه مكتبة ابن القيم ..

  10. #10
    التسجيل
    16-01-2002
    الدولة
    قطر
    المشاركات
    8,758
    اللعب عندي يقطع الصراحة و مب سريع يمكن عندك
    زينو سريع لانه اشتراكي اللي ب300 ريال اما انت اشتراكك 700 ريال في
    الشهر فاعتقد انه سريع عندك .

  11. #11
    التسجيل
    17-03-2002
    الدولة
    قطر
    المشاركات
    8,705
    ألف شكر يوسف ماقصرت;-)


    Nintendo is back

  12. #12
    التسجيل
    16-01-2002
    الدولة
    قطر
    المشاركات
    8,758
    الرسالة الأصلية كتبت بواسطة xenosaga
    ألف شكر يوسف ماقصرت;-)
    العفو عبدالله .. any thing else ترانا حاضرين و الله لولا الاخ اجحطه كنت ما بدخل اللايف .. اشكره :0)

  13. #13
    التسجيل
    21-02-2002
    الدولة
    الكويت
    المشاركات
    3,069
    مبروك

    ومشكور على الموضوع المفيد

  14. #14
    التسجيل
    19-11-2002
    المشاركات
    37
    إش كان قصدك انو أشتراكك 300 يعني كم السرعة


    يعني مره ما ينفع تلعب

  15. #15
    التسجيل
    17-03-2002
    الدولة
    قطر
    المشاركات
    8,705
    الرسالة الأصلية كتبت بواسطة blck_moon
    إش كان قصدك انو أشتراكك 300 يعني كم السرعة
    يعني مره ما ينفع تلعب
    عندا في قطر.......الاشتراك ب300 ريال=سرعة256كيلوبايت

    الاشتراك ب750 ريال=سرعة 516 كيلوبايت

    ;-)


    Nintendo is back

صفحة 1 من 8 123456 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •