السلام عليكم و رحمة الله و بركاته ..
بالبداية .. اللي ما شاف جزء من ستار وورز ما راح يفهم العنوان .. :6
احم احم ..
بسم الله الرحمن الرحيم ..
أخيرا ... و ليش آخرا .. و بعد عناء طويل .. وصلت لي فف11 بعد حرب دموية
بيني و بين وزارة الاعلام عندنا بالكويت .. طبعا .. المنتصر هو أنا ":" ":6 " ..
و هزمتهم شر هزيمة .. ( سحقتوهووم سوووحقا )
الحرب استمرت طوال اسبوع كامل .. وما توقفت إلا بنهاية الاسبوع :6 ( ياخي هذي عطلة ما تفوت )
و اعلنت النتيجة أمس الصبح .. و هي هزيمة العدو .. ( جم مرة يرددها ) ..
عالعموم .. احنا ما عندنا حرب بدون غنائم .. لازم يكون فيه شي ..
وماني داش بتفاصيل الحرب هذي ..
بس المهم .. حصلت على اللي أبيه .. Final Fantasy XI : All in one ..
اممممممممم .. عن شنو راح أتكلم ؟ ..
أمس كان أطول يوم بحياتي .. تخيلوا قاعد الساعة 7 الصبح .. الساعة 9 رحت
وزارة الاعلام .. توقعت أني بروح مكان يشرح الصدر .. مادري شلون وصلنا
لمكان in the middle of no wehere .. حسيت كأني عايش بعصر عنترة .. :6
عالعموم .. دخلنا بالمكان .. وبالضبط بغرفة الرقابة الاعلامية .. ولا حرمتين ..
وحدة تتكلم بالتليفون و الثانية شكلها صج شغالة بمحرك تيربو .. و الغرفة ..
كلها سيديات .. و أكثرها أفلام هندية الظاهر .. و اشياء من هذا القبيل ..
مو مصدق أن الغرفة الصغيرة هذي شايلة كل هالشغل ..
عالعموم .. سحبنا اللعبة و مشينا .. بطلت صندوق الطرد .. ولا الطرد ما فتحوة
أصلا .. تخيلوا اسبوع كامل عندهم الطرد ما سوو فيه شي .. الظاهر كانوا خايفين
من وزنة .. والله حجم على شنو هذا ؟. .. قوطي سنتيمتر بسنتيمتر .. بس
عليه وزن .. ينافس أخوي الصغير .. :6
لا عجب .. القوطي يحتوي على 6 سيديات كمبيوتر .. 4 للانستال الرئيسي و
2 للنسخة الاضافية اللي نزلت آخر مرة .. ما طول عندي كل هذا .. لأني أخوي
يقرا ياباني .. و يعرف لهالأمور .. و الحمد لله .. خلصنا اصعب جزء من الانستال
بأقل من نص ساعة .. و الحمد لله ..
و وصلنا للجزء الأصعب .. اللي هو Play Online .. معقد .. و كل ما أتحرك فيه
خطوة يسوي Update .. لا تتصورون .. يمكن أمس بس حملت 2000 ملف
من سكوير.. هذا كل اللي طافني من تطويرات النت .. و طول معاي يمكن ساعتين ..
بس .. ما فيه شي يغلا على سكوير .. ":"
المهم .. بعد عناء حتى عناء .. دخلنا اللعبة .. بالبداية .. مادري شلون سويت
شخصيتي و دخلت بسيرفر عشوائي .. و صادف اني دخلت بسيرفر باسمارك
Basmark .. و التقيت بLS ( فريق ) كامل من لاعبين طيبين .. والله مع أنهم
أول ناس أكلمهم باللعبة .. لكن .. طيبين لأعلى الحدود .. كانوا تقريبا 7 لاعبين ..
و ساعدوني بأوليات اللعبة .. والله ما قصروا .. و سألتهم و اكتشفت اني واصل
الكوكب الغلط .. بس الحمد لله .. طمنوني أني اقدر اغير السيرفير بأني أمسح
الشخصية هذي و أسوي شخصية يديدة .. بس قبل ما امشي .. والله تحسفت
أني أهدهم .. سلمت عليهم واحد واحد .. و اهم حتى .. مع اني أول مرة أشوفهم ..
و جم واحد منهم وقف يمي .. و قالي اسوي حركة بالشخصية عشان يصورون
معاي .. و فارقتهم .. والله كانت فترة صعبة علي ..
المهم .. ":"
دخلت النت ولا أشوف جيلتي شابك .. طلبت منه رقم عالم الرانجناروك ..
شراه لي و عطاني ياه .. و دخلت بعالم الرجناروك ..
( حاليا ما عندي صوري لبدايتي باللعبة لأني ما كنت أعرف أصور ) ..
إلا نسيت .. شخصيتي أسمها .. Chevonisky و وظيفتي Black Mage .
والله كنت مقرر اني آخذ الريد ميج بس هذا جيلتي قاللي اخذ البلاك لأنه قوي
بالبداية .. و صج .. لاحظت أنه قوي .. خاصة بعد السحر وسوالفة ..
ماني داش بتفاصيل أكثر إلا بالرد القادم ..
يتبع .. >>>