ذكريات لاند شارك مع الهيئة ..

[msm]

الله لايحرمنا منهم ..ويكثر من أمثالهم ..

[ZIDANE_10]

Sneak X:

سبحان الله من اللي يقدس بعض الرموز ..

ياخوي هم بشر ولا وش هم ؟

على قدر اللي يسوونه من الزين على قدر اللي يقترفونه من الشين .. ومحد مفضل على أحد ..

الحين لأن الواحد مجرد نقد طريقة "بعضهم" في التعامل مع الناس صار يتهجم عليهم ؟

طيب تعال بسألك، الحين العلامة محمد أبو زهرة على كلامك تهجم وتطاول على ابن تيمية لأنه نقده وخالفه في أشياء، ولا وش رايك ؟

[RPG_master]

الرسالة الأصلية كتبت بواسطة ZIDANE_10
Sneak X:

سبحان الله من اللي يقدس بعض الرموز ..

ياخوي هم بشر ولا وش هم ؟

على قدر اللي يسوونه من الزين على قدر اللي يقترفونه من الشين .. ومحد مفضل على أحد ..

الحين لأن الواحد مجرد نقد طريقة "بعضهم" في التعامل مع الناس صار يتهجم عليهم ؟

طيب تعال بسألك، الحين العلامة محمد أبو زهرة على كلامك تهجم وتطاول على ابن تيمية لأنه نقده وخالفه في أشياء، ولا وش رايك ؟

من متى كلمة منافقين ودشير صارت انتقاد؟!

اعتقد الرد كان موجه لأشخاص معينين..

الي يبي ينتقد ينتقد بأسلوب..وبهدف الإصلاح لا "التحجير"

[{Shy^Guy}]

مع ان المنكر المنتشر الان ..
لكن الحمدلله ما زلنا محافظين نوعا ما بسببهم
و الحسبه الله يجزاهم خير لهم دور عظيم و فعال في هذا المجال ..
لولا الله و لولاهم كان شفنا الفساد ويييين .. الحمدلله بس
و فعلا يا ليت لو تكون سلطتهم اقوى ..


و انا حقيقه استغرب الشخص اللي يكرهم او يحقد عليهم
الحسبه صح انهم يخطئون بعض الاحيان .. مثلهم مثل غيرك ..
لكن اللي ما يواطنهم .. حقيقة ارى انه شخص فاسد في المجتمع يتمنى زوال الهيئه حتى يستبد له الوضع و يسوي اللي يرتاح .. دون رقيب من البشر ..
ولكن الله رقيبه !

[ZIDANE_10]

الرسالة الأصلية كتبت بواسطة RPG_master


من متى كلمة منافقين ودشير صارت انتقاد؟!

اعتقد الرد كان موجه لأشخاص معينين..

الي يبي ينتقد ينتقد بأسلوب..وبهدف الإصلاح لا "التحجير"

في البداية ..

ما تنبهت لأن الرد كان موجه لأشخاص بعينهم، يمكن التعقيب انحذف.

الحين أخوي كل من انتقد الهيئة صار منافق وداشر وعلماني ولا ممسوك بقضية ؟

طيب إذا بكلامك النقد يحتاج لأسلوب، وش سالفة مقاطعة جريدة الوطن ؟

[THE GAME HUNT3R]

ZIDANE_10: أنت الي فاهمني هنا أنا أنتقدهم ولا أتمنى زوالهم



وسبب مقاطعة جريدة الوطن ((يقولون أن فيها أقلام علمانيه تطالب بتحرير المراءه )) مع أني أكثر واحد يشتري هذي الجريده بس مالقيت أي شيء من الي يقولونه



يابوي مطلعين أشاعة من زمان أن عبدالله رويشد يغني بالقران وقبل راشد الماجد وقبله عبدالله رويشد وقبله خالد عبدالرحمن

يارجال أذا هم خلوا التطعيس حرام وأكثر الي يطعسون بالثمامه مطاوعه

ياشيخ هذولي يستعملون الكذب عشان ينقذون الناس وأحب أقولهم ((مابني على باطل فهو باطل))

[ZIDANE_10]

أنا أنتقدهم ولا أتمنى زوالهم

في نهجهم أنت واحد من هؤلاء دامك تنتقدهم:

علماني، حداثي، جامي، شيعي، صاحب سوابق، تخريجي ... والقائمة تطول.

وسبب مقاطعة جريدة الوطن ((يقولون أن فيها أقلام علمانيه تطالب بتحرير المراءه )) مع أني أكثر واحد يشتري هذي الجريده بس مالقيت أي شيء من الي يقولونه

والله أنا موب متابع لها، بس ينقال إن سبب إعلان المقاطعة ومحاربة الصحيفة والضغط على الحكومة لإقالة جمال خاشقجي هو إن فيه مقال انكتب عن تعامل أعضاء الهيئة مع أحد محرري الصحيفة، وبعدها جت سالفة اللي يبي ينتحر ورا الشرتون، فقامت دعوة المقاطعة، واشتدت بعد أحداث 12 مايو.

يابوي مطلعين أشاعة من زمان أن عبدالله رويشد يغني بالقران وقبل راشد الماجد وقبله عبدالله رويشد وقبله خالد عبدالرحمن

ما سمعت عن الصواريخ اللي تطيح على المجاهدين بأفغانستان ولا يصير بهم شيء كرامة من رب العالمين ؟

ما سمعت عن رائحة المسك اللي تفوح من الشيخ المجاهد يوسف العييري ؟

ذكروني بشيبان أول يومهم يسولفون على عيالهم ويقولون إن بعض اللي ماتوا في معركة السبلة ما تغيرت ملامحهم ولا تعفنت أجسادهم حتى بعد مرور أيام من مقتلهم.

يارجال أذا هم خلوا التطعيس حرام وأكثر الي يطعسون بالثمامه مطاوعه

بعضهم موب كلهم .. وعلى العموم ذا شيء ما يستحق تنبه له.

ياشيخ هذولي يستعملون الكذب عشان ينقذون الناس وأحب أقولهم ((مابني على باطل فهو باطل))

يا ريت يكون فيه توضيح بخصوص هالنقطة ..

[THE GAME HUNT3R]

الرسالة الأصلية كتبت بواسطة ZIDANE_10
يا ريت يكون فيه توضيح بخصوص هالنقطة ..

أقولك انهم بستخدمون الكذب لهدايت الناس

والكذب باطل

وأنا أحب أقولهم ((مابني على باطل فهو باطل))



وبعدين منو يوسف العييري كل يوم طالع لنا ارهابي جديد؟؟

[ZIDANE_10]

أها فهمت عليك، قصدك قصص الهداية والتوبة ؟

ويوسف العييري يا طويل العمر ذا أحد المطلوبين الـ 19، واللي بقدرة قادر حُكم له بالخلود في الفردوس الأعلى، ولرجال الأمن اللي قتلهم بالعذاب والمهانة في النار.

على العموم موضة التطبيل للعييري قديمة، الجديد الحين موضة التطبيل لتركي الدندني ( أهم المطلوبين في القائمة ).

[عابد 25]

الرسالة الأصلية كتبت بواسطة SNOoOP
الكونت دراكولا


ياخي لازم اشكرك على موضوعك


بالنسبه لرجال الهيئه

فما اقول الا الله يقويهم

تدري وش السبب ان اغلب شبابنا يكرهونهم ؟؟؟

لأنهم سووا غلط والهيئه وقفتهم عند حدهم ...

لأن الهيئه وقفت ضد شهواتهم الباطله...

وبالنسبه للهيئه هم اناس مثل غيرهم يخطئون ...

ولكن هل بسبب غلط او اثنين او عشره ننكر محاسنهم الي نعدها بالمئات ...

لولا الله ثم الهيئه لشفت مصانع الخمور تجتاح المملكه

والفساد انتشر في المملكه واكبر دليل الدول المجاوره الي ماعندهم هيئه

وبالنسبه للشباب الي يغازل اعرف انه

دين عليك

تغازل بنت اليوم ...بكره الشباب بيغازلون اختك او احد قريباتك

وانت ماترضى لدينك وشرفك ...

صح لسانك ..
كلامك صحيح ، وعين الصواب ..

===

الهيئة نعمة عظيمة على هذه البلاد ، نحمد الله عليها ..

ما من خير إلا نصحت به وأمرت بفعله ، وما من شر ومنكر إلا نهت عنه وأمرت باجتنابه ..

أما عن الاخطاء فهذه طبيعة البشــر ، ولا يوجد انسان لا يخطئ .. فلو قارنت بين ما قدمته الهيئة من خير وبين الخطاء التي تصدر منها تجد الفرق كبيـــر جداً

والهيئة تعمل من أجل الناس ، فهي لا تريد منهم شيئاً ، لكن ما تريده هو عدم رؤية المنكر والرحام والسكوت عليه ..

تحياتي

[THE GAME HUNT3R]

الرسالة الأصلية كتبت بواسطة ZIDANE_10
أها فهمت عليك، قصدك قصص الهداية والتوبة ؟

ايه والحمد لله انك فهمت

الرسالة الأصلية كتبت بواسطة ZIDANE_10
ويوسف العييري يا طويل العمر ذا أحد المطلوبين الـ 19، واللي بقدرة قادر حُكم له بالخلود في الفردوس الأعلى، ولرجال الأمن اللي قتلهم بالعذاب والمهانة في النار.

لعنت الله عليه اين ماكان وجعله بالنار هو والدندني واي رجل امن يقتلهم جعلهم بالفردوس الاعلى

أنت ماتفهم كلمة أنعدام الأمن ماتفهم يأخي كلمة أرهارب

لأكن أحب أقولك شيء((أذا مات لك أحد في التفجيرات تعرف كيف تكره الارهابيين))
الي مايخافون الله قتلوا ناس ابرياء حتى ولو كانوا نصارى فهم أصحاب عهد

الرسالة الأصلية كتبت بواسطة ZIDANE_10
على العموم موضة التطبيل للعييري قديمة، الجديد الحين موضة التطبيل لتركي الدندني ( أهم المطلوبين في القائمة ).

الله يلعنه هو الثاني وأنشالله أكون أنا من يقتله حتى لو رحت أعدام

[RPG_master]

الرسالة الأصلية كتبت بواسطة ZIDANE_10


في البداية ..

ما تنبهت لأن الرد كان موجه لأشخاص بعينهم، يمكن التعقيب انحذف.

الحين أخوي كل من انتقد الهيئة صار منافق وداشر وعلماني ولا ممسوك بقضية ؟

طيب إذا بكلامك النقد يحتاج لأسلوب، وش سالفة مقاطعة جريدة الوطن ؟

ياخي فيه ناس انتقدوا على افعال معينه من رجال الهيئه..

وردينا عليهم بأنهم بشر مثلنا مثلهم ويخطون..

والي يجي يقولي اخطائهم اكثر من فوايدهم فما عندك شي يثبت هالكلام..

ولا انت معهم بكل الأوقات علشان تقرر هالشي..ولا تصدق كل كلام ينقال عنهم..وبالنسبه لك يا زيدان فأنت ذكرت ان كل الي سمعته من معارف..
يعني كلام يحتمل الصحه ويحتمل الخطأ..


الأنتقاد يفترض انه يكون هادف وبغرض الأصلاح مثل ما قلت اول..
اما الي يجي يقول انهم دشير ومنافقين فهذا واحد يبي الفكه منهم علشان ياخذ راحته..

الا اذا عندك سبب ثاني مقنع؟

وجريدة الوطن انا مثلك ما أتابعها لكن الجميع تحدث عنها بسبب مقالات عديدة نشرت فيها..

وهذي جريدة,المقال يقعد فيها ويقراه الكل..موب كلام تسمعه من احد الصيع ينتقد ويسب الهيئه ويألف عليهم..

وطلب المقاطعه هذا هو الحل الأفضل..لأن الجريده تتبجح بنشرها هالمقالات -التخريبيه- واعتقد افضل حل من أنسان يخاف على اهله ومجتمعه انه يقاطعهم..


لو انه خطأ منهم مره او مرتين..لكن يستمرون في نشر مقالات من هالنوع يعني انهم مقتنعين بهالشي..

ولا احد يقولي اني ما قرات من هالمقالات..انا صحيح ما قريت شي من الجريده على طول..لكن وصلتني ايميلات وقرأت بعض هالمقالات..

وعلى العموم ما راح تقوم دعوة هالمقاطعه كلها من أشاعه شخص واحد بمقال وهمي يدعي بأنه موجود بالجريدة..

ما علينا من الجريدة الحين..


الي حبيت اوضحه ان الي معارض لوجود الهيئه فهذا ما عنده سالفه ونشك صراحه في صحه دينه..

والي يبي ينتقد علشان اخطاء ارتكبوها فهذا ايضاً ما عنده سالفه..

يا تقارن نسبه الأيجابيات مع السلبيات وتقرر ولا أسكت..

والي يبي ينتقد بأسلوب بقصد الأصلاح حياه الله

[مهجدهم]

من المنحط اللي يحذف ردودي؟؟؟..

[ZIDANE_10]

RPG_master:

وبالنسبه لك يا زيدان فأنت ذكرت ان كل الي سمعته من معارف..يعني كلام يحتمل الصحه ويحتمل الخطأ..

صحيح ..

الأنتقاد يفترض انه يكون هادف وبغرض الأصلاح مثل ما قلت اول..

شيء مؤكد، بس وش تقول في اللي كل ما كتب مقال عن الهيئة اعتبروه تهجم عليهم ؟

اما الي يجي يقول انهم دشير ومنافقين فهذا واحد يبي الفكه منهم علشان ياخذ راحته..

الظاهر واحد من الأخوة كتب هالرد ولا انتبهت له أنا ( أو إنه حذف )، على العموم هالشيء ما عليه خلاف ..

وهذي جريدة,المقال يقعد فيها ويقراه الكل..موب كلام تسمعه من احد الصيع ينتقد ويسب الهيئه ويألف عليهم..

وطلب المقاطعه هذا هو الحل الأفضل..لأن الجريده تتبجح بنشرها هالمقالات -التخريبيه- واعتقد افضل حل من أنسان يخاف على اهله ومجتمعه انه يقاطعهم..

ممكن توضح زيادة ؟

في البداية تقول إن الكلام اللي ينكتب بالجريدة يقراه الكل ومعروف من اللي كتبه وموب زي ما يألفون الصيع، بعدين تقول إن الجريدة تبجحت بنشر المقالات التخريبية ؟

على أي أساس حكمت عليها بإنها تخريبية، وأنت بكلامك تقول إنك موب متابع لها ؟

لو انه خطأ منهم مره او مرتين..لكن يستمرون في نشر مقالات من هالنوع يعني انهم مقتنعين بهالشي..

أطلب التوضيح مرة ثانية، وش تقصد بـ "هالنوع من المقالات" ؟

ولا احد يقولي اني ما قرات من هالمقالات..انا صحيح ما قريت شي من الجريده على طول..لكن وصلتني ايميلات وقرأت بعض هالمقالات..

طيب تسرعت أنا بسؤالي فوق، بس عطني أمثلة لهالمقالات اللي قريتها وتقول إنها تخريبية.

وعلى العموم ما راح تقوم دعوة هالمقاطعه كلها من أشاعه شخص واحد بمقال وهمي يدعي بأنه موجود بالجريدة.

طيب لو واحد بهالجريدة كتب مقال عن فوائد أكل الخضار، بس أنا في مجتمع تربى على معرفة إن الخضار ضار، بتتوقع مني أسكت على شيء يخالف قنعاتي ؟

اللي ما يبي يشتري الجريدة بسلامته، أما إنك تبي تقنع مجتمع كامل بمضارها ومادري وشو وأنت في موضع ما يؤهلك لهالقرار فعلى أي أساس هالحكم ؟

ما علينا من الجريدة الحين..

أنا طريت الجريدة لأنك تقول إن الإصلاح يحتاج لأسلوب، ووش أحسن من مجموعة آراء كتاب ومحررين يناقشونك ويناقشون غيرك بهالموضوع ؟

والجريدة ما لها إلا سنتين ونصف تقريباً، ومن واحد سمعت إن فيه مقال ناقش قيادة المرأة للسيارة من فترة طويلة، طيب ليه المقاطعة ما تمت حينها ؟

ليه تمت يوم الدعوة صارت تمس الهيئة ؟

ياخوي مبزرة ما يهمهم إلا صفحة الكراكتير صاروا يطالبون بمقاطعة الجريدة لمجرد إنهم سمعوا من مدرسيهم بالمدرسة إنها تنشر مقالات "حقيرة" ؟!

والي يبي ينتقد علشان اخطاء ارتكبوها فهذا ايضاً ما عنده سالفه..

طيب وين الدعوة للنقد بهدف الإصلاح اللي تطالب به في البداية ؟

يا تقارن نسبه الأيجابيات مع السلبيات وتقرر ولا أسكت

طيب واللي ينقد بعض أنظمة الدولة، لإن فيه انتهاكات تحدث من قبل المسؤولين، وفيه فساد إداري في بعض المؤسسات الحكومية .. أقوله قارن الإيجابيات بالسلبيات ولا اسكت ؟ ولا أقوله أنا معك في سبيل إصلاح الخلل ؟

[SNOoOP]

الرسالة الأصلية كتبت بواسطة مهجدهم
من المنحط اللي يحذف ردودي؟؟؟..

وش قصة امك انت


تقعد تهايط علينا


براسك حرش خلها بالشارع


وكانك مب قد الموضوع فظف وجهك واقظب عفشك


والباب يوسع بعير