(بو قميص احمر)
يقول لكم يا طويلين العمر والسلامة الدايمة: سنة من الأيام (من اولها خواره)، كان في مجموعة بحارة في وسط البحر (يعني وين بيصيروا، بالبر؟؟؟)
المهم، إن واحد من البحارة شاف من بعيد سفينة قراصنة، وصرخ للكابتن: يا كابتن، يا كابتن... سفينة قراصنة على بعد 400 عقدة... (لا حد يسألني، تدرى مدري وش العقدة، بس اسمعهم يقولونها بالأخبار )
المهم ان الكابتن قال للبحار، انزل بسرعة وروح جيب لي قميصي الأحمر... الرجال ما فهم شالقصة، بس راح وجاب القميص، وبدأت المعركة بين القراصنة والبحارة والكبتن انتصر على القراصنة، وفصخ القميص الأحمر وقال للبحار: روح رجع القميص مكانه...
في اليوم الثاني، نفس البحار شاف سفينتين قراصنة، وقال للكابتن... قال له الكابتن: انزل بسرعة وروح جيب لي القميص الأحمر... نزل وجاب له القميص، ولبسه الكابتن وحاربوا القراصنة وفازوا عليهم...
البحار انفك مخه من هالشغله راح سأل الكابتن: وش سالفة هالقميص الي من تلبسه تصير شجاع وتحارب القراصنة وتفوز عليهم؟
قال له الكابتن وهو يضحك: يا ولدي هذا القميص لونه أحمر يعني مثل لون الدم، يعني إذا واحد من القراصنة جرحني، وطلع دمي، ما راح يلاحظ إني مجروح وبكذا ما يقدر يعرف إذا أنا أتألم أو لأ، و عشان كذا يخافوا مني.... فهمت الحين يا بدوي؟
قال له البحار: آهـــــــــــــــــاااااا اااااااا الحين فهمت، يا عيني على الذكاء والفطنة...
المهم يوم ثالث، نفس البحار وهو قاعد يراقب الأفق، صرخ بوجه الكابتن: يا كابتن، يا كابتن... الحق، أشوف 13 سفينة قراصنة على بعد 40 عقدة...
الكابتن تغير لون وجهه وجاه شعور غريب وقال للبحار بصوت واطي: انزل بسرعة
وروح جيب لي سروالي البني
هههههههههههههههههه