انا ولد نعمه.............. واتزوجت بنت نعمه ====== والنتيجه طارت النعمه
في صباح أحد الأيام ...(لازم أفتتح الموضوع باللغة العربية عشان يطلع شكلي مثقف)...
طق علينا الباب ولد حلال .....
ولد الحلال \ ابو فهد ... انا طالب يد بنتك للزواج
ابو فهد \ اقول قم بس قم أنت ووجهك ....لاأمزح بس خلينا نأخذ رأي البنت
وكلها شهرين ..الا وغرفة إختي فاضية....
_________________هاذي مقدمة ....بس _____________________
المهم..
في صباح أحد الايام....
امي دخلت لغرفتي..وانا نائم
ام فهد \ جعلك الوجع ...للحين وانت نائم ..ماتدري ان اليوم حفلة زواج إختك...
فهد \ ممكن فرصة الإتصال بصديق.....
طراخ ........ لاتفهمون غلط هاذي امي باستني على الصبح عشان اصحصح...
جلست أحمي الكاديلاك ..... ركبت امي واختي معاي ...
وصلنا للفندق......
اللبناني يفتح باب السيارة لإم فهد ...
فهد يلعن وجه اللبناني ... ويقول الحركات هاذي خلها عند امك (مسكين فهد ماتطور)
ام فهد \ يالقروي هذا فندق خمسة نجوم ... لازم يفتحون الباب لنا..
فهد \ اها.....
إم فهد \ المهم ..نزل الاغراض من السياره .لاتخليهم يشيلونها ويكسرونها..
فهد يبداء ينزل .....
فهد \ عمى ..وش هذا ..من الي بيقدر ينزلها..
المسكين لقى تحفه طولها مترين ومكتوب عليها شعر .. أصلا مايدري شلون ركبت في سيارته وهذا كبرها..
نزلها ... وفجاءه لقى تحفه ثانية وثالثة ورابعة(كلها تتشابه ومكتوب فيها نفس الشعر)
فهد \ أقول ياإم فهد ... راعي التحف لعب عليكم .. عطاكم نفس التحف
إم فهد \ إنت وش عرفك يالقروي .... هاذي عشان نرزها عند كل بوابه من بوابات الفندق..
فهد \ اها....
المهم .. فهد المسكين جلس يحمل وينزل .. ويطلعها للدور الخامس طعش الين ماوصل للغرفة...
وماأمداه يمدد رجلينه بالغرفة ....
الا فجاءة رن الجرس..
فهد \ مين ... (ايه بيت ابوك)
سمع أصوات كثيره ...
فهد فتح الباب ... وماشاف أحد
فجاءة نزل راسه (بأعلمكم اني طويل) وشاف اربع طعش فلبينيه ... كل واحده فيهم معها شنطه كبر راسها.
ووراهم مصريه تحوشهم.....
المصريه \ احنا الكوافيرات بتوع إم فهد
فهد \ بس والله العظيم ..إقسم بالله العظيم ... ماسويت شيء...
فهد \ قصدي ... ماعندنا زواج جماعي هنا ... بس إختي واحده هي الي راح تتزوج..
إم فهد \ إنت متى بتفكنا من لقافتك.... ادخلوا حياكم الله (لاحظوا فرق المعامله بين ولدها والكوافيرات)
المهم .. تقول حرب اربعطشعر فلبينيه كلهم جالسين يحوسون فوق راس إختي ...
وانا جالس اتفرج واتحمد ربي على نعمة العقل...
إم فهد \ إنزل تحت شوف سيارة المعجنات والحلويات وصلت ... توهم داقين علي
فهد \ انتي تامرين يا إم فهد
إم فهد \ إقول اقلب وجهك بس...
فهد ينزل تحت ويدور على سيارة هالمعجنات ....
اللبناني \ هاي مستر فهد .... المعجنات والحلويات وصلت ....
واحنا راح نهتم بكل حاجه..
فهد مسوي يسترجل \ اقول اقلب وجهك ..هذا زواج اختي .. لازم ابيض الوجه فيه...
وفهد متحمس ويدخل قاعة الطعام...ويرجع ثاني مره
فهد يكلم اللبناني \ اقول حبيبي .. وش رايك تهتمون بكل شيء ..انا تذكرت .. ماما تبيني..
تعرفون ليش خاف فهد ... لأنه ماشاف سيارة المعجنات .... شاف جيش ودبابات المعجنات
فهد يطلع فوق مره ثانية للغرفة ...
إم فهد \ ............
فهد \ ............
فهد يروح ..ويجي ..ويشيل ..ويحط ويرفع وينزل
بس أبختصر عليكم...... (نصاب ضعيف نفس ماوده يكتب)
بسم الله الرحمن الرحيم ...... بداءت حفلة الزواج ...
في تمام السعة التاسعة ليلا...
فهد جالس مع اصدقاءة في الخارج عند الباب الرئيسي ...
ودار هذا الحوار الشيق بين فهد وأصدقائة الجدد
فهد \ كيف حال انتا صديق
صديق \ الحمدلله .... كيف حال انتا ..
صديق 2 \ انتا سواق جديد .. انا مافيه يشوف انتا قبل
فهد \ ياليت سواق وبس ...انا بتاع كله سواق وشغاله وخدام وكناس وطباخ ... الي تبي
صديق 3 \ هاهاهاها ... (نصاب مافهم شيء بس يضحك يجامل)
ومر عداد الوقت بكل بطء .... لم يقطعه على سوى سواليف هالنود بيض الله وجيهم ... والله وسعوا صدري
وصلت الساعة الثالثة فجرا...... وبدات النساء بالخروج
وبينما انا جالس مع الشلة .... طلعت بنتين (هم اول من طلع)
ودقوا جوال على سواقهم ... وجلسوا ينتظرونه يوصل..
ودار بينهم هذا الحوار..
البنت 1 \ هه حفلتهم بايخه مره
البنت 2\ والله انك صادقه ..... حتى شوفي فستان البنت ماخذه من الرخيض ابو عشرة الآلاف
البنت 1\ لا ماشفتي فرقة الطقاقات .... جايبين ارخص نوع جايبين فرقة الشاطىء الي بعشرين الف...
البنت 2 \ كله كوم .. وأكلهم كوم ثاني ... شكلهم جايبينه من مطعم هنود
البنت 1 \ هاهاهاها
البنت 2 \ السواق وصل....
انا قلت يمكن هالبنتين غلطانين .....فجلست أتسمع للبنات الي بيطلعون بعدهم..
والله يحلل كلام أول بنتين طلعوا لأنى اعتبرته مدح بعد ماسمعت كلام الباقيين...
______________________________________________________
خلصت حفلة الزواج.......
وإم فهد طول الله عمرها .. أرسلت لي صحن فيه بسكوتين وقالت خذ تعشى..
طبعا انا تعشيت وخلصت مع أصدقائي الهنود في المطعم الي بجنب الفندق......
المهم رجعنا للبيت....
___________________
في صباح اليوم التالي....
فهد يصحى من النوم .... ينزل تحت يصلح له كاس شاهي...
وبالصدفة الاقي إختي جالسه في الصالة...
ودار هذا الحوار بيننا....
فهد \ صباح الخير بالعروس..
إخت فهد \ صباح النور..
فهد كالعاده ..يحب التحطيم .... فخش في عين اخته عرض..
فهد \ اقول .... تصوري نفسك الحين في شقة على البحر في فندق خمس نجوم في مدينة سنغافورة .. مع زوجك العزيز لمده ثلاثة شهور..
إخت فهد \ والله ياليت ... بس يبي لها فلوس
فهد \ طيب تصوري نفسك راكبة في فياغرا 2001 ومكشخه مع زوجك العزيز ....
إخت فهد \ والله ياليت ..بس يبي لها فلوس..
فهد \ طيب تصوري نفسك في بيت ملك وفخم في أحد الاحياء الراقية في مدينة الرياض ...
إخت فهد \ والله ياليت..
فهد \ طيب الله يرجك .. لو انك مخبيه الفلوس الي صرفتيها امس في مدة ليلة واحده (او بالأحرى في مده ستة ساعات بالظبط)
... كان قدرتي تعملين بها حاجة من الشغلات الي انا قلتها قبل شوي..
إخت فهد \ لا يا حبيبي ..... هاذي حفلة زواج .. ولازم نصرف عليها...
فهد \ طيب قولي لي فائدة واحده رجعت لك الحين من كل الي صار امس...
يعني معقوله ... تساويين سعادتك انتى وزوجك لمده طويلة من الزمن..... بجمعة هالبنات في ليلة واحده وتعبية بطونهم بالاكل وتكسير ظهورهم بالرقص...
إخت فهد \يعني تبغى الناس يقولوا عننا ناقصين..
بعدين انا لازم أكشخ قدام الناس..
فهد \ طيب بالله عليك ... انا أخوك واعرفك زين....
قولي لي ... ولو لمره واحده في حياتك ....
انا قد جبتك من حفلات زواجات بالملايين ... ابغى تذكريني بمره واحده ركبتي معاي فيها .. ومدحتي أصحاب الحفلة..
ولا مره .... كلهم في عينك ناقصين .... وفي كل الناس..
وعلى فكره ... انتي تتذكرين بنت عمي فلانة ... تتذكرين زواجها الي في البيت ...
بصراحه ..... نقصت البنت في عينك ..طاح من مقدارها شيء....
فجاءة سمعت صوت غرفة باب إمي يفتح .....
وطلعت امي تقول..
إم فهد \ لا صدقني هاذي شغلات انت مستحيل تفهمها يالقروي...
______________________________________________________
وطبعا ....انتوا الي فاهمينها.....
الله يباركلكم ويهنيكم ...
ويجعل أيامكم كلها فرح وسرور 
(( 
موضوع حلو
