مانجا ناروتو.... موضوع للنقاش ^_^

[Yorae]

السلام عليكم

المعذرة إخواني إذا كان مكان الموضوع غلط.. أعرف أنه مفروض يكون في منتدى المانجا بس في مشكلتين...
1- ما أعرف وين منتدى المانجا
2-منتدى المانجا سمعت عنه نايم فحبيت أحط الموضوع هنا و لما يكون فيه ردود بنحوله إلى منتدى المانجا ان شاء اللله

طبعا هذا الموضوع بيكون عن مانجا ناروتو. و المانجا مثل ما إحنا عار فين متقدم جدا على الأنمي لهذا من الخطر أن يدخل الموضوع أي عضو متابع الأنمي بس أو لسا في بدايات المانجا.

خطر لا تكمل القراءة إذا لسا ما قريت 196أوووووكي بسم الله نبدأ








المانجا وصلت شابتر 196 و باعتقادي الحلقة كانت مؤلمة جدا و صارت عندي مخاوف أنه نيجي ممكن يموت شو رأيكم بالشابتر الأخير؟

[القــعـقـاع]

ما اظن انه بيموت خصوصاً انه بدأ يفكر بناروتو

انا اللي متحمس لهم اثنين شيكمارو ( من مباراته مع خوية قارا و هو خاش مزاجي) و ناروتو لانه هو اللي بيقاتل ساسكي غالباً


المزعج في الموضوع ان كل اسبوع ينزل شابتر واحد مثل المسلسل مع ان الحلقة تشمل اكثر من شابتر

[Haruno Sakura]

مرحبااااااااا
مبروك على الافتتاح وأنا زيك بعد سمعت عن قسم المانجا وفي يوم دخلتنا عليه بالغلط
بس الحين ماني عارفه كيف أرجغ له مرة ثانية إذا أحد يدل محله يعلمني

عن نيجي الله يكون بعونه كسر خاطري المسكين بس صعبه انه يموت وهو من الشخصيات
الرئيسية في المسلسل وبعدين نيجي من الشخصيات الي مستحيل تعرف في شو يفكر
يعني أنا مانعرف كل حركات نيجي ومحد شاف تدريبه ومحد يعرف حركاته يعني فيه إحتمال
كبير إنه عنده حركة ما استخدمها الين الحين ....

وبعدين لاتنسين انه

GeNius Negi
وأيضا
More Talent Then Anyone Elese In The Hyuga Family


مع تحياتي

[Yorae]

مبروك على الافتتاح

الله يبارك فيك

و أما نسبة لموضوع نيجي فأنا كمان عندي أمل و خاصة أنه بأخر صفحة بالعدد شفنا نيجي يمد إيده باتجاه السهم. و اللي مخلني شبه أتأكد أن نيجي عنده خطة هو أن السهم أولا شكله لولبي غير الأسهم الثانية و ثانيا موصل بخيط يؤدي إلى الرجل العنكبوت. أنا أقول أنه يمكن نيجي بيودي أخر ضربة شاكرا عن طريق الخيط و بيصعق العنكبوت في قلبه و يخلص عليه.

بس بصراحة نيجي أحلى و شعره لجدام و اللي كسر خاطري أكثر شي هو لما اتذكر أبوه و هو يقوله Neji Live... You are blessed with the hyuga talent more than anyone in the clan الصراحة ما مسكت حالي لحظتها

بس إن شاء الله ما يموت. و إن شاء الله كمان Chouji يكون بخير. شكلها القتالات هاي بتطول

و السلام

[Haruno Sakura]

مرحبااااااا

المشكلة في قتال نيجي انه مو واضح ماتشوفين زين الصور مو واضحه لان قتال نيجي
صعب انك تشوفيه صور لانه سريع وضرباته تكون قريبه من الخصم هذا شي مضايقني
في قتال نيجي >__<

وعن Chouji انا من ناحيتي أبيه يموت لانهم هم قايلين انه اذا استخدم 3 حبوب هذي
أخر وحدة راح تقضي عليه خلاص لازم يصيرون على قد كلمتهم اذا الوضع كذا معناته محد
راح يموت منهم وهذا شي يخرب الانمي يعني يوم مات هاكو وزابزو كان موتهم محزن جدا
وأنا نبي هذا النوع من الاحداث مانبي محد يموت من الطيبين والاشرار كلهم يموتون سخافة هذي

هذي وجهت نظري للموضوع الخاص بموت الشخصيات...

مع تحياتي

[Yorae]

السلام عليكم

كلامك صح أختي ساكورا يعني إذا عاشو كل الطيبين بيصير الأنمي مكرر و مو مبتكر. و Chouji أصلا مو من الشخصيات المهمة و الكاتب ما عطاه تطور كافي. و أتصور الوضع بيكون نفس الشي مع Kiba لأنه لا عندنا خلفية عنه و القصة نفسها ما تطرقت له كفاية. أنا عندي يقين أنه من الخمسة على الأقل واحد بيموت. و الكاتب من عادته أنه يفاجئنا..... Who knows.....

الحين Chouji بين الحياة و الموت و نيجي صار دوره ينام في المستشفى و الله أعلم شو بيصير بالباقين.... و كله من ساسكيه

بعد كل اللي سواه ما أتوقع أنه كونوها بتتقبله مرة ثانية.. حتى إذا رجع إلى صف الأخيار..

على فكرة في هذه الأثناء روك ليي يسوي العملية صح؟

[Hinata-sama]

السلام عليكم أخوي yorae كيف الحال؟؟؟

ممكن لو سمحت تعطيني الموقع اللي تجيب منه هاي المانغا ... لأنكم شوقتوني بكلامكم و زعلتوني يوم طريتوا اللي ممكن يموتون ...
بس أرجوك لا تنسى بليييييييييييييييييز

[Haruno Sakura]

هو الوضع مطول مطول تو النااااااااااس :vereymad: كل شخصية الحين راح تقاتل
راح يقصون فصة حياته حتى Shikamaruمانعرف شو قصته مانعرف هو ليه يحب النوم
ليه مو قوي الا هذي الدرجة ليه يستخدم عقله يعني هو يفكر أكثر من استخدمه لقوته أشياء كثيرة جدا وبعدين أطول
قتال اتوقعه يكون حق Shikamaru لانه كلامه كثير وراح يطول أكثر >__<

وعن Rock Lee ايوا هو الحين جالس يتعالج انا كنت متوقعه انه يساعدهم بس مستحيل بعد مايتعالج يروح ويتدخل
في الموضوع ...

الحين باقي 2 + ساسكي داخل ... الحين Kiba راح يقاتل واحد وShikamaru واحد منهم على كذا ناروتو من راح
يقاتل أنا شاكه ياهو راح يقاتل ساسكي او مين راح يتدخل ويقاتل ناروتو انا شاكه أكثر بي Kabuto :vereymad: لانه يبي ينتقم من ناروتو على الي صار بينهم وراح يجي واحد من الشخصيات
وياخذ ساسكي ويوديه عند Orochimaru لان ساسكي لازم يروح عند Orochimaru علشان يتعلم كيف يطلع
ثعبان والشيء هذا واضح من المانجا انه ساسكي راح يصير يقدر يطلع ثعبان زي ناروتو قدر يطلع ضفدع وساكورا
راح تتعلم من الهوكاجي الخامس بس متى راح تتعلم منه ماندري؟؟؟

وبعدين شو صار على Shino ابو حشرات ليه ماطلع وينه مختفي انا كنت متوقعه انه راح يروح معهم لان قوته جباره

مع تحياتي

[Haruno Sakura]

Hinata-sama

أنا حاسه ان Yorae زهقت من كثر ماتحط الموقع هذا http://narutofan.com/أوه صح لازم تسجلين فيه علشان تحملين من عندهم...
كل الاعضاء يقولون من وين تنزلين المانجا وهي تحط الموقع هذا انا انصحك انك تحطين
موقع المانجا في توقيعك وترتاحين من كثر الطلبات


مع تحياتي

[Yorae]

Hinata-sama

أنا حاسه ان Yorae زهقت من كثر ماتحط الموقع هذا http://narutofan.com/أوه صح لازم تسجلين فيه علشان تحملين من عندهم...
كل الاعضاء يقولون من وين تنزلين المانجا وهي تحط الموقع هذا انا انصحك انك تحطين
موقع المانجا في توقيعك وترتاحين من كثر الطلبات


مع تحياتي

ههههههههههههههه لا عادي بسيطة. بس اللي أحب أنوه عليه هو أن الموقع هاذا لازم اتسجلون فيه قبل عشان تقدرون اتنزلون المانجا أو الحلقات.

بالنسبة للقتالات الباقية أنا أقول أن Kiba بيقاتل اللي عنده راسين (كنت أفكر أنه بنت و بعدين !!!!! )
و Shikamaru راح يقاتل البنت لأنه هو دايما حظه بنات
أما ناروتو فهو راح يقاتل ساسكيه :vereymad: أف ما أطيق ساسكيه... بس وجهة نظرك عن كابوتو كمان حلوة. بس أظن أنه شوي مبكر يرجع. لسا من كم من يوم طقوه
بس على فكرة كابوتو لسا ما ندري عنه شي.. و أنا على شبه يقين أنه مب مجرد تابع لأوروتشيمارو.. و أنه هو بعد عنده خططه الخاصة.. كأني فهمت من الأحداث أن كابوتو مو أصلا من كونوها؟ و أنه رئيس الفريق الطبي تبناه؟

على كل حال لسا ما شفنا شي من كابوتو. و أنا شخصيا أحترم شخصيته الداهية...

و صح لازم ساسكيه يتعلم كيف يجيب الثعبان و ساكورا كيف تجيب الحلزون بس المشكلة في ساكورا أنها متى بتقرر تبذل شوي مجهود و تتدرب؟

و السلام

[Hinata-sama]

سمحيلي أختي ساكورا..

أنا ما كنت أعرف الموقع و أعتذر من الأخت yorae على الازعاج..

وقبلوا اعتذاري و شكري...

[Yorae]

سمحيلي أختي ساكورا..

أنا ما كنت أعرف الموقع و أعتذر من الأخت yorae على الازعاج..

وقبلوا اعتذاري و شكري...

عادي أختي بس المهم تقرين المانجا و تقوليلنا رأيك فيه

[Angel- lady]

السلاااام ^^


بصراحه ما كنت أتشجع أتابع شي و لو بسيط عن ناروتو بسبب شكله ... ما كان يشجع ، بس شفت إشوي من المانجا و بعدها بديت أتابعها ^^

أنا للحين في البدايات



و عن منتدى المانجا

[Rex]

السلام عليكم , والله موضوع ممتاز لمتابعي المنجا ^^

بخصوص نيجي , أحسه ما بيموت...
وهو قال انه الجاكرا مالته بتنفذ... يعني صعب يسوي حركة قاضية
فأعتقد انه يمكن يتغلب عليه بالحيلة!

عندي احساس أنه بيصير بعدين قتال قوي بين ساسكي وناروتو...
ساسكي بيرفض يرجع , وفوق هذا ما أكمل قتاله معاه! فشو راح بيصير !
لو لاحظتو بقى شيكيمارو وكيبا وناروتو , وعدوين وساسكي!
احتمال كبير يكون ناروتو ضد ساسكي ...

وأتوقع القتال القادم بيكون بين كيبا وهذيج البنت الصغيرة (ناسي اسمها )

والله أعلم

[Haruno Sakura]

مرحبااااااااا

لو نقول ان ساسكي راح يقاتل ناروتو القتال مو عادل أبدا يعني قوة ناروتو أكبر بكثير من قوة ساسكي
يعني ساسكيه ماراح يكون ند له إذا قتال الفائز به معروف الا اذا تدخل أحد الاطراف
مع ساسكيه وهذا شي أكيد اذا حصل قتال بينهم لانه مستحيل ساسكيه يفوز على ناروتو حتى بعد ما أخذ
القوه الي عطاها اياه Orochimaru شو راح يحصل في قتالهم من راح يتدخل فيه؟؟؟؟

وعن Kabuto هو مايهم إذا ولده او لا مادام انه تعلم من القائد إذا قوته خطيرة جدا بس فيه نقطه انه بعض
الاشخاص يقولون ان قوة Kabuto زي قوة Kakashi وهم أخذوا هذي الفكره من كلام Orochimaru
ولكن Orochimaru ماعرف كاكاشي بعد ما أخذ الشرينجن كان يعرفه قبل ما ياخذها ومايعرف هو شو متعلم
وأكبر دليل انه إستغرب انه كاكاشي صار يعرف يستخدم السيل الي حطه على ساسكيه يعني مقارنته كانت مجرد
مزح مع Kabuto أنا من ناحيتي أتوقع إن كاكاشي أقوى منه وياليت يلتقون Kakashi ×Kabuto راح تكون
معركة قوية جدا :vereymad:

وأيضا عن Kabuto وهو له مخطط ثاني غير Orochimaru جائز ليه لا يمكن هو مع المجموعة الاصليه الي
تركها Orochimaru بعد ما انظم لها أخو ساسكيه وانتم تعرفون قوة المجموعة ذي قوتها خرافيها وانا مانعرف من قائد
تلك المجموعة ؟؟؟؟؟؟؟؟؟؟؟؟؟؟؟؟؟؟؟؟ الي نعرفه بس انه اخو ساسكي وهذاك الي معه بس في المجموعة وهم أحد
الاعضاء هناك يعني تخيلوا كيف قوة تلك المجموعة

ونكمل بعدين الحين حان وقت النوم وراح أتكلم عن ساكورا بعدين الحين خلاص نوووم

مع تحياتي