جبل قارة الموجود في مدينتي الطيبة "صورللجبل"

[بوعبدالرحمن]

يقع هذا الجبل بالأحساء
جبل القارة هو منطقة سياحية شرقي مدينة الأحساء على بعد 12 كم من الهفوف
وهو على مساحة قاعدتها حوالي 1400 هكتار (مادري كم كيلو متر تطلع )

الجبل محاط بالمزارع والنخيل الخضراء الجميلة
إرتفاع الجبل 70 متر بس
وأهم شي يميز الجبل أشكال صخوره من الخارج
والكهوف والمغارات الموجودة بداخله حيث تصل درجة الحرارة في بعض الكهوف الى 20 درجة مئوية وأقل ( في الظهر في فصل الصيف )
وفي الشتا يكون العكس حيث يكون ادفىء من الخارج
قبل كم سنة طلعو إشاعات عن وجود جن في الجبل وكثير من الشباب قام يدخل برامج الرسم
ويقعد يدمج صور مع صور الكهوف ويبيع الصور كل وحدة ب 10 ريال
لكن كلها طبعا إشاعات
إسألوني أنا

الجبل جميل وصراحة يستاهل الزيارة وخاصة الكهوف الموجودة داخلة حلوة

الآن أترككم مع هذه الصور

صورة خارجية


من الأعلى


صورة مع منظر النخيل المجاورة


أشكال الصخور


مجري للماء في اوقات المطر


صورة قديمة لقرية القارة


صورة قديمة أوضح شوي (وتظهر النخيل المجاورة في الصورة )


كلمة ختام
الجبل جميل لكن يحتاج شوي عناية من الحكومة وبعض الإستثمار

[كايتو]

هلا بو عبد الرحمن .......صور جميلة صراحة و مناظر طبيعية رائعة .....



لكن .....





الا ترى معي ان هذا الموضوع مكانه هو منتدى السياحة و السفر ؟؟؟

فقط للتذكير لا اكثر ....!!

[بوعبدالرحمن]

أولا مشكور أخوي كايتو على ردك الحلو والسريع

وثانيا ماكنت أدري أن موقعه مو هنا
وأتمنى أي مراقب هنا ينقل الموضوع

وآسف على الخطأ
وأشكرك أخوي كايتو على التنبيه

[master seymour]

تبارك الرحمن
ماشاءالله والله بلاد تفتح النفس الله يديم عليكم نعمة المطر و الخضر يا رب

[بوعبدالرحمن]

مشكور أخوي master seymour على ردك

بس ترى الخضر خفت مو زي أول

وكان في منطقة الأحساء عيووون كثيرة
بس شقول ، أكثرها نشفت والسبب منهو .........

[MG4]

السلام عليكم

والله الاحساء مدينه اجمل من انها توصف

واجمل مافيها انها هادئه جداً...............واهلها طيبين

بخصوص اشاعة الجن.....
اذكر اني شفت صور عنها.........وانقطعو الناس عن الجبل فتره

الف شكر لك اخوي بوعبدالرحمن على الموضوع والصور


تحياتي.......MG4

[بوعبدالرحمن]

صدقت أخوي MG4
وأشكرك على ردك الطيب

وبالنسبة للإشاعة ، حتى مسجد جواثا ، طلعوا إشاعة أنه فيه جن
يالله ماعلينا ، كل هل السوالف كانت من زماااااااان ، أنا أتذكر سالفة مسجد جواثا يوم كنت في صف أول متوسط
وأنا ألحين متخرج من الثانوية......

ماعلينا ، مشكور أخوي على ردك مره ثانية

[KJF]

مشكوور يا بو عبد الرحمن على الصور الرائعة

والله منطقة سياحية تحمس

انت وين ساكن ؟

وشو سالفة الجن ؟

[BOiND]

وشو سالفة الجن ؟

يقول لك وقتها كان في ولد عمره 17سنه راح هناك
دخل كهف من الكهوف بروحه
بعد نصف ساعة سمعوا صرخة له
قاموا الناس يدورون عليه ما لقوه
بعد ثلاث ايام
والبدر مكتمل سمعوا صرخة الولد اياه
دوروا مرة ثانية عنه
بعد15يوم سمعوا صرخة الولد نفسه
ماتوا الناس من الخوف

في يوم من الايام ولد عمره 14سنة دخل بالصدفة الكهف اللي دخله الولد
كانت الساعة وقتها 10بالليل
مناك الولد صرخ صرخة
لحقوا عليه الناس وهو داخل الكهف يبكي
قالوا له وش فيك؟
قال:شوفوا هناك...

ما بكمل القصة لانها مرعبة

ــــــــــــــــــــــــــ

ثانكس بو عبدالرحمن على الموضوع
وذكرني اذا بروح السعودية اروح هناك

[بوعبدالرحمن]

العفو أخوي KJF

أنا ساكن بالأحساء

وسالفة الجن وهي :
يقولون أن رأوا جن في المنطقة
حتى أيضا قالوا أنهم قدروا يصورونهم

كلها أكاذيب لاتورح ولاتجي

[بوعبدالرحمن]

يقول لك وقتها كان في ولد عمره 17سنه راح هناك
دخل كهف من الكهوف بروحه
بعد نصف ساعة سمعوا صرخة له
قاموا الناس يدورون عليه ما لقوه
بعد ثلاث ايام
والبدر مكتمل سمعوا صرخة الولد اياه
دوروا مرة ثانية عنه
بعد15يوم سمعوا صرخة الولد نفسه
ماتوا الناس من الخوف

في يوم من الايام ولد عمره 14سنة دخل بالصدفة الكهف اللي دخله الولد
كانت الساعة وقتها 10بالليل
مناك الولد صرخ صرخة
لحقوا عليه الناس وهو داخل الكهف يبكي
قالوا له وش فيك؟
قال:شوفوا هناك...

ما بكمل القصة لانها مرعبة

ــــــــــــــــــــــــــ

ثانكس بو عبدالرحمن على الموضوع
وذكرني اذا بروح السعودية اروح هناك

الله يقطع شرك يابويند
شل الكلام هذا ، فهمت قصدك ، الله يخس إبليسك
مشكور على ردك الحلو

تقبل تحياتي

[BOiND]

الله يقطع شرك يابويند
شل الكلام هذا ، فهمت قصدك ، الله يخس إبليسك

صرصور عليك
شفيك انت ؟
شكلك مب عارف انا وش اقصد وقاعد تخف دمك

مشكور على ردك الحلو

تقبل تحياتي

وصلت

[بوعبدالرحمن]

أنت ماينفهم لك
يبيلي أجيب معجم ، على قد ياللي عندي من معاجم
مانفع وياك ولا معجم

ثانكس على ردودكم المنعشة

نسيت ماأقول لكم شباب
المصدر:منتدى الأحساء

[BOiND]

يا رجال تحتاج لك على الاقل 7معاجم عشان تفهم 5كلمات
ولا حتى طبيب نفسي يعرف حالتي

اند ويلكم

[KJF]

اها

هذي هي سالفة الجن

مشكور يا بو عبد الرحمن على الاجابة

واما انت يا بويند

وش النهاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابي اعرف !!