الابيض الاماراتي

[العيناوي]

كلنا مع الابيض في التصفيات النهائية ونتمنا ان يكون الابيض عند حسن الظن وسترون كلكم الابيض بالشكل الجديد بعد عودة اللاعبين ذو الخبرة مثل زهير بخيت روماريو الامارت وبخيت سعد و محمد علي

[ahmad_5]

وش دخل ذا الموضوع هنا

فيه منتدى رياضي رح اكتبه هناك
وبعدين وش تبي من منتخب مهزوم من الهند وفاز على اليمن على ارضه بصعوبة3/2

[HaKaN]

بالتوفيق ان شاء الله للأبيض

بس انا و الله فيه شي واحد مب متطمن منه !!!
و هو زهير بخيت .. لأنه عمره اكثر من 33 سنة و بعد مستواه انخفض كثيييييير عن الأول .. يعني لو كملوا مع العناصر الجديدة يكون احسن !!

و يا اخ أحمد تراه منتخبنا يمر بفترة انتقالية و العناصر كلها شابه .. و لا تنسى بعد ان اللاعبين هواه بعدهم .. يعني نحنا ما عندنا احتراف مثلكم في السعودية !!

==========
تحياتي / HaKaN

[ahmad_5]

يالعيناوي وهاكان

ترون انا ما قصدي استهزء بس منتخبكم هالوقت مو زي اول زمان ايام كاس العالم 90 انهزم من المانيا البطل 2/1 يعني حاجة ممتازة جدا جدا

بس انا قصدي انكم الان تعتمدون على اسماء اكثر من الاداء وهذا اللي بهذلنا في كاس العالم 98

مشكلة جميع المنتخبات هي اذا بدات تعتمد على الاسماء وزي ما انتم شايفين المنتخب الايراني صارت حالته حالة بسبب هذه المشكلة

بالتوفيق لجميع المنتخيات الاسلامية والعربية في التصفيات

[العيناوي]

يا أخ ahmad_5 لاتنسون ان انكم خسرتوا من اليابان الاولى في لبنان 4/1

والثانية ايضا في لبنان في المباراة النهائية 1/0 وما قصر حكمنا بوجسيم

عطاكر بلنتي وضيعتوه بعد ومنتخبنا لعب مباراة ودية من اليابان وخسر

في اليابان 3/1 .

[القرصان (صدام)]

ههههههههههههههههه بلنتي ....... ( لا تعليق )

[ahmad_5]

خاص الى العيناوي

والله شكلك نسيت يوم صفقناكم 6/1 والله لو مكاو ولا سنغافورة

وبالنسبة لحكمكم اللي قلت عطانا بلنتي فوالله ما شحذناه ولكن حقنا وتحكيمه ما فيه شي بس فليمبان عطاه تحكيم اليابان والسعوديةمرتين علشان يضغط عليه واعتقد شفت اللي حصل ولكن ما نلومه ما قصر

وبعدين شلنا كاس اسيا من قدام عيونكم هزمنا منتخبكم والجمهور وثلاثة حكام مع ان منا واحد مطرود

وهزيمتنا من اليابان مهيب عيب ما دام وصلنا النهائي اصلا فيه ناس يسمعون بكاس اسيا ولا قد لمسوه الا يوم سلموه لمنتخبنا

وبعدين انت افخر بنفسك ومنتخبك مو بالناس

وسلامتكم

[ahmad_5]

آسف ما كان ودي انها توصل لكذا بس انت اضطررتني اقول لك ذا الكلام لانك فهمتني غلط وشوف ردي اللي فوق

________________
خاص الى القرصان:انهزم المنتخب السعودي من اليابان في البداية 4/1 بس كان هذه النتيجة مرت علي في غير هذي المباراة ولكن مع اليابان

[ahmad_5]

اكرر طلبي الى المشرف بنقل الموضوع الى المنتدى الرياضي

اعتقد انه انسب من هذا المكان علشان يكون الموضوع بتفاهم اكبر

[باتيقـول]

مع تمنياتي بالتوفيق للمنتخبات الاسلامية والعربية





موضوعكم ماكان مفروض يوصل لهدرجة

حنا مسلمين

[ahmad_5]

انا اسف واعتذر لجميع الاماراتيين واعترف اني من بدا هذا النقاش العقيم

[( الزعيم )]

هدوا الوضع يا شباب ...

بالتوفيق لجميع العرب و المسلمين .....

[العيناوي]

انا ما بقول شيء بنتلاقى في لبملعب

[باتيقـول]

العيناوي انت تدور المشاكل كيف

نتلاقى بالملعب قلنا خلاص مايحتاج

هذا النقاش العقيم واحمد اعتذر

........................................

متى بنتلاقى احمدوا ربكم انكم

في مجموعة وحنا بمجوعة والا

كان ركبناكم 6 ثانية
..........................................

ماكان ودي اقول كذا لكن انت

بلغة التهديد حقتك تنقص من

المنتخب السعودي ..:غضب:

[kluivert]

اود ان اوضح شي مهم جدا خاصه لغير الاماراتيين ....
ان منتخب الامارات كان ( فعل ماضي ) من اقوي منتخبات آسيا خاصه بدايه التسعينات لين كاس آسيا 96.
لا كن شو صار و انا اقول تحول منتخبنا الا منتخب ضعيف يخسر من اضعف النتخبات مثل فلسطين وليبيا و الهند واليمن ...تحول لين منتخب ضعيف بفعل فاعل و جاني على منتخب يعشقه الملايين ...كيف ...!!!
لايختلف اثنان بعد دخول لاعبين نادي العين و الوحده وهم لعيبه مش على مستوي وحطهم في المنتخب من قبل الجاني (( معروف دون ذكر اسمه )) تحول منتخب الامارات من منتخب لين كل انديه الدوله تحول لين حصر على ناديين فقط و لعيبه ماتعرف كيف تلعب كوره و لاعنده غيره على الفانيله الابستنه يوم تشوفهم يلعبون مش مهتمين و اعصاب الجماهير تعبانه ...بسبب لعيبه العين و الوحده و الواصطه و الجاني ( المعروف ) تحول منتخب الامارات الا منتخب ضعيف ....
خبروني فيه منتخب في العالم كله فجاه يتغير بالكامل ..مستحيل ولا منتخب يتغير فجاه ..بس ها صار عدنا بفعل (( الجاني )) و لا لاعب من القداما لعب من سنه 96 لين 2000 ولا يبون يطورون و الله مصخره ناس توها فاقصه من البيضه ياييه تتحكم بالمنتخب ...
:غضب: :غضب: :غضب: