ليلة الدخلة مجالي نوم من يوم متعرفت عليها الىالدخلة وبلاويها وماليزيا ولفتها قصة مثي

[مصرقع اس اس]

بما ان الموضوع طويل انصحك بنسخه بالورد وقرايته او قطع الاتصال
علشان متضيع فلوس وتلتشها شركة النصب والاحتيال



من هنا البداية شاب مستقيم ..اسمي عبدالعزيز ..حبوب من الرياض الحبيبة ..والوقت الساعة 1 بعد منتصف الليل في عز الشتاء عام 1418 هـ باالالتيما ( أول سيارة سقتها في حياتي ) رايح لقصر ( يا بخت العروسة للافراح ) رايح أجيب أمي من عرس مدري من على مدري من المهم انطقيت عند الباب وخاطري أخذ امي وأروح للبيت لأني تتكتكت من البرد وطقتني النفاضة ما عندنا برد احنا الا عندنا زمهرير الناس أمطار وثلوج وأحنا ما غير برد يخترق طبقات العظم .. الله يوعدنا الأمطار والثلوح في الآخرة ان شاء الله ..المهم أكلف ما على الأنسان الحر العاقل اذا راح يجيب أهله من العرس أن أمه تطلع له بعجوز ما تدري وش قصتها هي رابحتها في سحب داخل العرس ولا ضايعة من أهلها وتركبها معنا في السيارة لو هي بنت أم 15 ولا 16 ولا 17 كان نفرح ننبسط مو عجوز صاكة الستين بالريوس والمصيبة تقول أمي ما عرفتها ... بالله من وين بأعرفها وش يعرفني فيها
أمي : هو هذي أم عبدالله ما عرفتها دايم توديني لبيتهم ..
أنا : يا بنت الحلال تعوذي من ابليس ما بديت أسوق الا من سنتين ولا أعرف أحد اسمها أم عبدالله الا مرة خالي ومرة خالي مو هذا البودي حقها ثانيا أذا بيتهم دايم أوديك لهم وين هالبيت في أي حي كود أذكره
أمي : والله يا وليدي ما أذكر بالضبط بس خلني اسألها وين البيت فيه ... يا أم عبد الله وين بيتكم فيه ترى عبدالعزيز شكله نسى وين البيت
أم عبدالله : هو وين بيكون بيتنا في الرياض يعني وين
أنا : الله يسلمك كنت بأمسك طريق مكة ... وين في الرياض أي حي عجلي ترى كلنا البرد واحنا نعمت في هالسيارة عمتان ..ولا بعد تعشيت .
أم عبدالله : والله وين هو بالضبط مدري وين بس هو على شارع يا وليدي ايه على شارع لا اصبر على شارعين أعوذ بالله منك يا أبليس هو شارع ولا شارعين
أنا : يمه مالقيتي الا هذي اللي خطوة والقبر لا هي تدل بيتهم والحين لو أضرب فرامل يمكن تنتق روحها وشوله تبلشيني بها ..الحين وش أسوي بها
أمي : يا وليدي اصبر هالحين ما عرفت بيتها من الوصف ما ذكرته بيتهم على شارع أو شارعين
أنا : ترى بنزلكم الثنتين في هالبرد لا أنتي حرام أنتي أمي مع أن عليك طلعات مال أمها داعي . هالحين وش نسوي بهالعجزة ننطلها عند مسجد كود أحد يسوي فيها خير ويدفنها
أمي : هو هو استح على وجهك بس ..أنا أقول ندق على بيتهم كود أحد يوصف لنا .لا تقول ما خذيت جوال أبوك
أنا : ويوم في أحد في البيت ليه ما راح يجيبها ويريحنا ثانيا هذي كفو عروس يعني صوت الطيران بروحه يمكن يموتها
أمي :اها بس ..يا أم عبدالله كم رقم بيتكم علشان عبدالعزيز يتصل عليكم كود أحد يوصف..
أم عبدالله : مافي أحد علشان يرد عليه أبو عبدالله راقد ولا يصحيه لو مدفع والعيال طالعين لمخيم في الثمامة بيرجعون بكرة ..ما في الا بنتي شروق وغروب وغروب بزرة ما تعرف وين الله حاطها عمرها 6 سنين .
أنا : طرارة وتتشرط أقول أنزلي بس مانة علي ببنتك ...أنا بأكلها بس بأعرف منها وين بيتكم .والله هذا اللي ناقص
أمي : لا تصير عصبي ألزم ما عليك أعصابك وأنتبه لدربك و أنتي يا أم عبدالله تراك مصختيها عجزتي بنا ..كم رقم بيتكم
أم عبدالله : طيب لا تأكلوني الرقم (465\\\\)
أنا : يمّه ترى بأدق بس أذا حجرلي أبوي وقال ليه تدق من جوالي بأقول أنتي السبب مو تقولين ما أعرف من هذا رقمه .. و أدق و الخط مشغول دقيت كذا مرة والخط مشغول ...يا يمّه بنتها اللي مانة بها تغازل الخط مشغول ما أحد يرد وش السالفة وش السواة
أمي : أصبر كود عند بنتها جوال .. يا أم عبدالله عند بنتس شروق جوال ..
أم عبدالله : وشو وش تقولين ما بعد أعرست علشان يصير عندها عيال
أمي : جوّال تليفون نقال أبو 3500 ريال عندها ولا لا
أم عبدالله : أي والله بس لا تعلمين أحد هالبنت شيطانة وشاقة الأرض شق أقنعت أبوها يطلع لها أبو 3500 ريال
أمي : وشوله هاه بنت ومعها جوّال الا موت وخراب ديار ما بقى الا يسوقون سيارات بكرة والله ما هقيتها أبو عبدالله الرجال الدين يطلع لبنته جوّال وشوله بس هذا عبدالعزيز جامعي ولا عنده جوال ..مو بنت في ثاني ثانوي
أم عبدالله : أي والله ياما قلت له ترى الناس بيقطعون وجهنا بس هو يقول ما يبي يفشلها يوم طلبته
أنا : خلاص نوقف السيارة على جنب ولا تبون نروح كوفي شوب نطلب لكم اثنين قهوة علشان تكلمون مناقشاتكم تطلعون للبنت جوّال ولا لا ما صارت كم رقم البنت ترى والله عظامي قامت تنافض من هالبرد
أمي : يالله يا أم عبدالله كم رقم بنتك ترى تأخرنا واحنا نلفلف في الشوارع ولا عرفنا وين بيتكم
أم عبدالله : هو صدق ما تستحين تبين أعطي رقم بنيتي لولدك خير عسا ما شر ما هقيتها منتس بس افا والله افا
هووووووووء ( صوت فرامل قوية )
أنا : لا بارك الله فيتس ولا في بنتس حولي يا جعل الكلاب تشبع بك مع أني عارف أذا شافوك بيستخيرون ربهم ويعافون لحمك ذا المر ..من زينك ولا من زين بنتك حولي كودهم يستلمونك بكرة قفر مجمد ( القفر = لحم يقطع شرائح صغيرة ويترك ليجفف وهو طريقة لحفظ اللحم سابقا في الخليج أضافة لكونه نوع من الأكل )...
أمي : تعوذ من أبليس يا وليدي و أنتي يا أم عبدالله تعوذي من أبليس ترى ولدي عبدالعزيز زينة العقال ولا هو راعي هالسواليف الوالد داخل كلية الطب البشري مو راعي هالشغلات .. والله لا بالجزمة فوق رأسك هالمحزر بسم الله على وليدي يكلم بنتك ...
أم عبدالله : طيب خلاص لا تاكلوني يا تعطينا رقم بنتس يا بنزعل الله لا يلدني لكم مرة أخرى اصبروا أتذكر كم رقمها يا ربي . 055 ولا 054 ولا 041
أنا : في 041 أنتي هي يا متخلفة عقليا في جوال يبدا 041
أم عبدالله : اصبر اصبر يا وليدي ايوة ذكرته ( 054\\\\\\) هذا هو ..
أنا : لحظة أدق ويرن الجوال بس ما في أحد يرد وجلسنا على ذا الحال أربع مرات ... يمّه ما أحد رد أخاف البنت خيشة نوم زي أبوها ورقدت
أم عبدالله : لا انا قايلة لها تنتظرني علشان تفتح لي الباب لأني ما عندي مفاتيح بس هي بنيتي ما ترد على أرقام غريبة تعرفين الحين يا وخيتي عيال الحرام كثروا ..
أمي : اها بس لا يكثر وش بتسوي الحين يا عبدالعزيز وأنا أمك
أنا : وش باسوي يعني بأرسل لها رسالة في الجوال من أمهات نص ريال الشكوى لله وش حادك يالمسمار وأكتب لها رسالة ( لو سمحتي ردي علي لأن أمك معي بسرعة لو سمحتي )
وشوي وتوصلني منها رسالة ( ها ها ها بايخه أجل أمي معك طيب ممكن تأخذ بها لفة وتروح تعشيها بعدين وتنبسطون في وقتكم ..على فكرة ترى أبوك عندنا ) الله يقلع هالعائلة المستخفة .. أقول لهم رد البنت ..ولا لا ... يمّه ترى البنت تحسبني لعاب تقول روح العب على غيري ..وش أسوي ..وش اسم هالعجوز اللي عندك ..
أمي : حسروا بنا الله يحسرهم اسمها منيرة وولدها الكبير عبدالله وينادونها أم عبدالله
وأرسل لها مسج مرة ثانية ( يا شروق مالت عليك ترى أمك منيرة أم عبدالله معنا تونا مرجعينها من العرس ولا ندل بيتكم ردي علي علشان توصفين لنا البيت ) ويوصلني منها رد ( أنا آسفة ) وتدق دقة وتسكر متعودين على حركات اللكاعة وأدق عليها .وترد
أنا : هلا والله بشروق ( يمون بقوة ) كيفك ( يرسم لبعيد ) ترى الوالدة الله يحفظها ( يسمونه نفاق اجتماعي ) معانا وأحنا ما ندل البيت
أم عبدالله : هات الجوّال أبي أكلمها قبل لا توصف لك ..وأعطيها الجوال ... يا قليلة الحياء وراتس مشغلة الخط وأنتي ما تصدقين على الله أطلع من البيت علشان تقضبين الخط أنتي وصديقاتس الحين تلقين لتس فوق ساعتين ما غير طرطر بربر مع صديقاتس ليتس مقابلة كتبتس ولا رايحة تطبخين شي لأبوتس ولاختس
أنا : يمّه فهمي الأخت اللي جنبك ترى الجوّال الدقيقة بريال ونص وما نبي هواش من أبوي ومستعجلين نبي نعرف وصف البيت ترى السيارة بتجمد في هالبرد ويالله يالله أشب تحتها حطب علشان تدفى
وتسحب أمي الجوال من يد هالعجوز الطروب وتعطيني أياه ..
أنا : ايوة يا شروق ممكن ما عليك أمر توصفين لي البيت ترانا ما ندري وين نروح .. وتبدى شروق توصف ازين مافي صوتها نبرات الدلع في بعض الحروف زين الميم والراء والسين تحس أن هالحروف متدلعة قبل ما تنطقها ..المهم خذيت الوصف وانطلقت للبيت وذكرت كلمة أم عبدالله أنها قايلة لبنتها أن تفتح لها الباب علشان كذا أصريت أني أدق على شروق مرة ثانية وأعلمها أن أمها عند الباب ومو كذا بس الا أصريت أنزل بنفسي وأساعدها على أن ترقى عتبة الباب ..وازين ما في بيتهم أن بابهم زجاجي يمديك تقز البودي اللي ورى الباب ..وفتحت شروق وجلست متوزية ورى الباب وانا أقز فيها قز وناسي أني شاد يد أمها علشان تطلع على الدرجتين حقة الباب الله ستر بغت الأم تفلت مني وتتكسر ثم تتحرول ولما خلاص أم عبدالله دخلت البيت أسوي حركة الخباثة أمسك طرف العباية بيدي ..واقول يا أم عبدالله عبايتك عبايتك شديها ..وتتدخل شروق من ورى الباب علشان تمسك العباية واشوف يدها واتأكد انها بيضاء أهم شيء أنك تعرف يد البنت اللي قدامك وش هي من لون وطلعت بيضاء تلق ولله الحمد ... المهم رجعنا للبيت الساعة 2 ونص الفجر ..ودخلنا البيت وعلى غير العادة حسيت بدفا عجيب وسط موجة هالبرد القارص ( الله يلعنك يا هالحب يسوي عجائب ) وتقول لي أمي اقفل جوال أبوك وأحطه وسط الدولاب اللي تحت .. بس لي حاجة في الجوال هزيت رأسي يعني أني بأسوي اللي هي تبي وأتغافلها وأرقى بالجوال وأتجه لغرفتي واجلس ما غير أتمقل في رقم شروق .ودي أدق بس وش أقول لها أخاف تحسبني ولد قراوى نشبة وأجلس أحك رأسي وآخرتها القى طريقة وأدق على جوّال شروق
شروق : ايوة ...( ما يضيعني في الدنيا أكثر من بنت ترد علي وتقول ايوة ويكون صوتها خاثر )
أنا : هلا والله وغلا حي هالصوت عرفتيني
شروق : ايوة وأنت كل شوي بتتنطط لي يعني علشان وصلت أمي نعم ..
أنا : هذا جزاي أني اتصلت بك علشان اطمنك أني ما قلت لأمك على الكلام اللي أرسلتيه في مسيجك الأول تقومين تعامليني كذا الله يهديك بس لو ما أنتي عزيزة وغالية ولا كانت علوم
شروق : خير يا طير ولو قلت لها بأقول حسبتك بزر يستهبل قمت استهبلت عليه ..
أنا : خلاص احنا فيها الان أروح لأمي اقول لها عن الكلام اللي كتبتيه علشان تقوله بكرة لأمك وش رأيك
شروق : تهددني يعني أنت ووجهك هاه
أنا : لا ما هددت ولا شي بس يعني من الأدب والسناعة أني أطمأنك حسيت أنك على أعصابك من بعد ذاك المسيج على العموم اذا أزعجتك أنا آسف وبسكر الآن ( ما عنده نية يسكر )
شروق : لا لا والله آسفة مشكور بس حسبتك تبي تستهبل علي علشان عرفت رقمي وكل شي
أنا : لا وش دعوة ... الا من كنتي تكلمين على خط البيت ..وكم عمرك ووين تدرسين
شروق : ماشالله بتخطب أنت ..على فكرة أنت عبدالعزيز اللي داخل طب بشري ..أمي أحيانا تحكي عنك ..بالله من جدك أنت طب اثر أهل الطب أخلاق ... أنا كنت أكلم خطيبي خخخخخخ امزح صديقتي لولوه وعمري 16 سنة أدرس في ثاني ثانوي علمي ..أنت كم عمرك ..تنصحني أدخل طب بشري ...
أنا : ( الواحد الآن يتربع وياخذ ويعطي على كيفه ) العمر كله ان شاء الله أنا عمري 20 سنة الطب البشري غثا وشقا ووجع راس أنتي شكلك نعومة وحبوبة يعني اللي ينفع لك حاسب علوم أدارية أن خربتيها مرة علوم طبية بس طب بشري وغثا وتشريح لا والله
شروق : الا وشلون تستحملون مناظرالجثث والتشريح يععععع ما أتخيل نفسي أشوف دم ( الطب يأكل ذهب ويفتح سوالف ) شكلي بأدخل حاسب على قولتك ..
أنا : أي والله بنات الحاسب فيهم اثر نعومة مو زي طالبات الطب . عسا بس ما تكونين مشغولة وقطعتك ( حركات ثقل)
شروق : لا أبد كنت بارقد بس عادي مو مشكلة ..
أنا : ( ودي اقول لها أبي أكلمك على الثابت بس مستحي أصارحها ما عندي جوال وأن هذا حق أبوي .. ) على فكرة يا شروق ممكن سؤال بس تجاوبين بصراحة بدون أحراج يعني ... عادي أصير أكلمك من وقت لوقت
شروق : والله مادري وش أقول خايفة أهلي يدرون ويسحبون الجوال ( يا شين تميصل البنات رابصة على التليفون حق البيت ساعتين ولا أحد سألك من تكلمين ) بس تدري مو مشكلة أنت دق وأذا ما رديت عليك فأعرف ما أقدر أرد عندي ظروف برجع أدق عليك دقة وترجع تكلمني ( منتهى البرائة .. ترى كلهم كذا ) اوكيه
أنا : لا مو اوكيه قصدي الجوّال بصراحة ( ياربي أقول ولا ما أقول ) هو صدق جوالي وبأسمي بس تقدرين تقولين أهلي قالطين فيه يعني أبوي اذا بيطلع أخذه وأمي أحيانا تأخذه غير أخواني فبأعطيك رقم بيجر دقي علي وارجع أكلمك
شروق : وشو أدق على بيجر خير وش أقول لأهلي اذا شافوا البيجر في فاتورتي لا أسمح لي ما أقدر ذي فيها قبائل شف أنت يميدك طلع جوال ثاني باسمك وخلاص تنحل المشكلة صح مو كذا أحسن ...
أنا : ( هذي اللي بتطفرني تبينيي أكلمها بالجوّال ) طيب شوفي حل أنا بطلع خط ثابت أحسن لي ولك وش رأيك علشان تقدرين تكلمين علي وقت ما تبين وش رأيك مو فكرة جهنمية
شروق : مدري بس اوكيه مو مشكلة خلاص كذا اوكيه مع أن الجوّال أحسن صديقتي حبيبها دائما يدق عليها في الجوّال حتى في المدرسة أحيانا في الفسحة ..هو بعد معكم يدرس
أنا : معنا ( أشوف عيال الطب تركوا الدراسة واتجهوا للترقيم ) أي سنة أخاف طب أسنان بس
شروق : لا معكم في الجامعة هو يدرس علوم أدارية
أنا : اها مو مشكلة أنا بطلع جوّال بروحي بس مابي اطلعه الآن أن دروا أمي وأبوي أن يتضايقون يحسبون أني متملل منهم فهمتي ولا ماهنا أسهل منها أطلع جوال ب3500 ريال بس تعرفين يعني الواحد مايبي يجرح أمه وابوه ( عاش مصرف ) والى أن أطلع الثابت بأصير أكلمك كل ليلة مثل هالوقت من رقم بيتنا زين اتفقنا
شروق: زين مو مشكلة اتفقنا ..بس ما راح أكلمك من الجوّال لا يشوف أبوي الفاتورة ثم ابلش بعدين
ومرت الأيام وصرت أكلمها يوميا يا من خطي الثابت اللي ركبته أو من كابينة اذا طلعت من البيت يعني من زود الحب واستمرينا على ذا الحال لمدة شهرين ..وهنا بدأت حياة الحب والتولع وصارت أحيانا تدق علي بيجر من جوّال صديقتها ..وفي يوم طلبت منها أني أشوفها وبعد تثيقل و حرحرة وافقت .قالت لي لي بتروح مع أمها وخالتها وبنت خالتها لسوق العروبة ( تراه كان شي وقته قبل الفيصلية والمملكة وصحارى ) والوعد قدام محل في الدور الأول .. على الساعة ثمانية هي بتجي معها شنطة برتقالية وتلبس جنز ( وشلون بأشوف الجنز من تحت العباية) وبتلبس نقاب ويشهد الله أني من الساعة 7 طالع من بيتنا الكائن في ظهرة البديعة وقتها لكن طريق الملك فهد الله لا يعيده ( يقصد الطريق يمين بالله ) ما ينأمن ما وصلت السوق الا الساعة 8 ونص وجلست افر في السوق في أدور بنت معها شنطة برتقالية ولا حصلت ..عرفت أنها يا ما جت أو جت وراحت . وطمرت لأقرب كابينة أدق على جوالها ولا هي ترد ألى أن وصلت خامس محاولة ردت
أنا : هلا حبيبتي وينك عسا ما شر
شروق : حبك برص بتقول أنك بتتسمر هناك وبتنتظرني و أتحجج عند أمي أنا وحياة بنت خالتي وكل شوي راجعة قدام المحل أقول يمكن يستحي على دمه شوي ويجي لين زهقت والحين تكلمني من كابينة ترى ما نشر رقمي في الكباين الا أنت كل يوم رقم غريب داق علي ..خلاص لا عاد تدق علي ما أبيك ..أصلا أنا حمارة أني مصدقتك ومعبرتك .. أنا عارفة ليه ما جيت لأنك شين كل البنات في المدرسة ينصحوني خذي لك واحد كشخه من اللي يدورون في التخصصي بدل اللي حتى ما عنده جوال خاص فيه ذوليك الشباب بدل الجوال عندهم اثنين .. مو حبيبتي لازم نختصر في المكالمات ترى الجوّال يصرف وأذا كلمته من بيتنا حط رجل على رجل وتمطييط في الحكي خلاص لا عمرك تدق على هالرقم ..فاه
وكانت الصدمة وعلى قولة محمد عبده وكان الفراق .. مدري هو محمد عبده ولا غيره ..المسألة مو مسألة أن بنت تطنشني ..المسألة أنها أول حب واصعب حب دائما هو أول حب ... المهم ما علينا كلها كم شهر ودخل الأنترنت وأحسن مافي الأنترنت هو المغازل عن بعد تقعد تنصب على بنت الناس وحب وخرابيط ومدري ايش وبعدها الترقيم ووقتها تبلش لين نتقابل .. ويا تطلع هي شيفة وتبدأ تتلزق أو تطلع قمر و تجحدني بعد الموعد الأول جحدات أو تكون عادية وهنا قولان أذا رومانسية يمكن تبقى علي أو ما عندها ما عند جدتي وتقول لي أبي حلوين ... ( ماش هالجنس فيهم عروق ولادية ) .. وطيلة أربع سنوات وأنا على ذا الحال يوم حلو ويوم زين ... وفي يوم من الأيام أمي تبي تزور بنت واحدة تقرب لها في المستشفى توها والدة وديتها العصر مستشفى الحمادي على أني بعد ساعة أمر و أجي أخذها وأنا موصل أمي لباب الغرفة ..وبأمشي اصدم في بنت مع أمها ومعها صينية بيتي فور وتطيح الصينية بس الله ستر ما صار شي وارفع الصينية وأعطيها للبنت وأعتذر ..طبعا الأمر ما كان بهالسهولة ريحة عطر البنت شقت وجهي شق ولثامها أن صح أن نطلق عليه لثام الوجه قمر والعيون تذبح بقوة لا تصد ولا ترد يحلفون لولا الحياء أني رجعت أرمي صينية البيتي فور علشان أنزل اجمعها أنا وهي ..جلست اتأمل فيها ربع ساعة وهي تتأمل ( ويقولون البنات يستحون ) بس أمها هالعجوز ..قالت يالله وش فيتس وقفتي يا بنت ... وقتها استحيت على دمي ومشيت طبعا بشويش وجلست اتلفت علشان أشوف البودي من وراء متناسب مع الوجه ولا لا ... والبنت التفت علي يا حظي .. واسمعها تقول لأمها بأدخل أسلم واطلع وبأجي أخذك بعد ساعة زين يمّه .... أنا طبعا بغيت أنتظرها عند الليفت بس قلت يا ولد بعد ساعة لا تطق على أمك الباب لين تشوف هالبنت ... وبالفعل طلعت من المستشفى وجلست أدور في العليا شوي وفكرت أروح للفيصلية علّ وعسا يدخلوني ..ومن الصدف لقيت شباب مسوين مشكلة عند مدخل الفيصلية على شارع العليا يعني السيكورتي اللي على شارع الثلاثين راح يكونون فاضين ( خبرة الملحطين برّا) وبالفعل ما خابت توقعاتي . دخلت الفيصلية وجلست أدور شوي وادخل محل ميجا ستار .و ألمح الهيئة عن بعد وهم يلمحوني ومن بعيد تبادلنا النظر حسيتهم قربوا لي وأنا ما كذبت خبر أنطلقت يم دورات المياه أذا فيهم خير يلحقوني هناك ..وأجلس في دورات المياة وأنتم بكرامة ربع ساعة ..ويوم طلعت القاهم منتظريني عند البوابة
الهيئة : أنت وش تسوي هنا بروحك ما تدري أن السوق للعوائل فقط ولا ما تدري
أنا : هااه ... وشو سم الله يحيك أنا ءءءءء ءءءءءءء ءءء وبس
الهيئة : وش تخربط أهلك في السوق ولا لا رد بسرعة
وهنا تطلع المعجزة بنت تتدخل وترد عليهم
البنت : ايه هو معي هذا أخوي
أنا : ( في نفسي ) لهجتها نجدية وبنات نجد ما خبرت أنهم راعيات فزعة أخبر أنهم اذا شافوا ولد ماسكينه الهيئة يجلسون يتتريقون عليه
الهيئة : هذا أخوك يعني ..أنت جب أثباتك ( طيب أنا وش دخلني هي اللي تتبلى علي خذ أثباتها هي ) ..واعطيه أثباتي ..وش اسمه يالله مو أخوك
البنت : اسمه عبدالعزيز ............ ال.......... واسم أمه كذا ويدرس في كلية الطب البشري في شي ثاني بعد
الهيئة : لا أخوتس صدق ..أمسك أثباتك ولا عمرك تلعثم وتخلي أختك تحكي عند الرجال ( مو أنت اللي سائلها )
أنا : ابشر طال عمرك .مرة ثانية لا تظلمون الناس في أمان الله .. .. وأشوف البنت تمشي بعيد عني والحقها
البنت :خير اشوفك لزقت فيني وش تبي الحين
أنا : مو أختي قصدي علشان الهيئة ما يشكون فينا اصبري على الأقل نص ساعة يعني وبعدين أمشي وجزاك الله خير ..بس ودي أعرف كيف عرفتيني
البنت : أنا ساحرة ما عليك تبي أعلمك كم مقاس فنيلتك
أنا : لا من جد من وين عرفتي كل هالشي عني ما أخبر لي قريبات في هالعمر وبهالزين كله
البنت : طيب امش قبل لا يجي أبوك ويشوفني معك ...
أنا : أبوي وش دخل أبوي وش يعرفك بأبوي
البنت : ما تدري أبوك معي بروح اتمشى معه بعدين أوصله للبيت
أنا : بلا هبال وش أبوي معك بتعشيني بعدين بترجعينه للبيت تلعبين علي أصلا ما تعرفين أبوي
البنت : واذا قلت لك رقم جوال أبوك كم لي هاه .. 055\\\\\\\ هاه وش رأيك طاح وجهك صح
أنا : وجع وش يعرفك برقم ابوي لا تكونين مرة أبوي بس وأنا ما أدري .. أنت حافظته صم
البنت : أقول مالت عليك بعد مالت .. نسيت أول حب في حياتك يا شين .. اخس عليك بس أنا قلت الولد قلبه دليل يوم جلس يتمقل فيني ربع ساعة وأنا مستحية مير طلع الولد على الريحة أي بنت يجلس يصور ...
أنا : أول حب .. ( يا كثر ما قلتها للبنات في النت ) يعني ممكن تعلميني وشلون قصدي من أنتي بالضبط
البنت : أنا شروق يا خاين يا حلالات من تبلغ الهيئة عنك تقبضك من علباك وتسطحك برى الفيصلية اجل من بالضبط شكلهم كثار يا وقحك وقحاه ..وأنا اللي فز قلبي يوم شفت أميمتك داخل في الغرفة وعرفت أنك أنت اللي توك موصلها ..قلت ما شاء الله صار رجال ومملوح وبيتخرج بعد كم شهر دكتور قد الدنيا ..أثرك طلعت أستشاري عيون ..ولا في أحد مثلك يقز ويصور تصوير ..
أنا : هلا والله شروق كيفك اشتقت لك والله أنتي أصلا غلطانة كيف تقولين أول حب أنتي حبي الوحيد( عاش مصرف ) اشتقت لك والله ما شاء الله كبرتي وصرتي مرة ..ومكتملة الأنوثة أجل أنتي اللي من شوي قابلتك في المستشفى وصدمتك وطيحة الصينية وجلستي تطالعين فيني .. عاد استحيت أنزل عيوني ..وأمك الى الآن على بثارتها ..وش أخبارك ...
البنت : هين حبك برص وخر عن وجهي بس أجل من أنتي بالضبط ...
أنا : لا يا شروق مو كذا على الأقل علشان الهيئة .. ايوة وش أخبارك بعد ... طيب لا تلوميني أنتي السبب في اللي صار نسيتي يوم تهاوشيني قدام بنت خالتك حياة ..وتقولين لا عاد تتصل مرة ثانية ..والله كبيرة في حقي بس أنا أحبك ونسيتها على طول بس ماشالله كبرتي واحلويتي .. وش أخبار قلبك
البنت : وش تبي بالضبط ياللي قلبك صاير شقق مفروشة شف عيب نحكي هنا قدام الناس في السوق
أنا : اها تبين رقم جوالي ترى أبشرك طلعت جوال تبين تعرفين رقمه ..
البنت : بشر أمك ولا أقول لك أنقعه في طشط مويه وأشرب مويته ما أحب أسكن في مكان سكن فيه غيري
أنا : بشويش بشويش من اللي قال للثاني العيال اللي يدورون في التخصصي و معاهم جوالين اصرف منك هاه
البنت : يعني أي شي أقوله لك بتصدقه هاه .في ظروف صعبة كنت أمر فيها وأنت كملت علي وطنشتني ذاك اليوم
أنا : طيب يا بنت الحلال تعوذي من أبليس طيب وش رأيك على قولة ولد كفوري وائل شو رأيك ننسى اللي صار نرجع نسهر ليليا .. أكيد موافقة
البنت : على تبن أنا أرجع لك يا راعي البنات وأنا اللي كل ما تذكرت يوم هاوشتك تهل العبرة من عيني وأندم وأنت مع البنات بنت ورى بنت يا خاين يالله وخر عن وجهي لا أنادي لك الهيئة ..
أنا : طيب وش رأيك أذا قلت بأتزوجك .. مليت من العزوبية ...
البنت : شف حركات الاستهبال واللعب ما أحبها ولا أطيقها أبد قالوا لك بزر مثل أول بتسحبني بكلمتين وتمشي
أنا : والله بأتزوجك بس أعرف انك موافقة واليوم ولا بكرة أمي تكلمكم بس أنتي وش رأيك
البنت : شف ترى أعصابي بدت تتعب كم رقمك أمي تنتظرني وأنت بعد أمك تنتظرك بأدق عليك في الليل .
وطلعنا من الفيصلية ونصينا المستشفى وجبنا أمهاتنا ..وفي الليل دقت شروق وسكرت ( كل شباب السعودية يعانون من هالحركة وش نسوي مقدر ومكتوب ) ورجعت أدق عليها
أنا : هلا والله وغلا بشروق كيفك حبيبتي ( يطيح الميانة من أول ثانية )
شروق : اسمع أقسم بالله لو تكون تلعب علي بقصة الزواج والله العظيم ما أرفعها عليك ابد ولا أقول لك قل الصدق والله بسامحك بس قل الصدق كنت تلعب علي ..
أنا : وش فيك أنتي أبي اعرف
شروق : اها يعني كلامي طلع صح كنت تلعب علي والله أني حاسة من أول أصلا أنا شاكة فيك ولا كيف ولد بيتزوج بنت كانت تكلمه بالتليفون لا وفوق هذا كله مهزأته ليش تلعب علي ليش
أنا : اذا خلصتي من خذرفتك علميني ليه ألعب عليك أبي افهم أنا أصلا من عيونك عرفت أنك خقيتي معي صح ولا لا يوم المستشفى يوم أطيح بيتي فوركم
شروق : عما يعمي عيونك وش خاقة معك الا والله باغية اسبك بس قلت يا بنت عيب في مستشفى خاص لو في الشميسي والله بالجزمة بس أحمد ربك
أنا : علينا الا أمك حولك ولا أنواع التسبيل ..المهم خلي المزح على جنبك ..أنا جاد في كلامي أبي أتزوجك هاه وش قلتي قبل لا أهون تراني على جريف
شروق : يعني من جدك ..عادي تتزوج بنت كنت تعرفها هاه وتكلمك بالتليفون وكانت مواعدتك وأنت طنشتها
أنا : يا بنت الحلال أهم شي الثقة بعد الزواج ثانيا الله أكبر قالوا لك أنا اللي أمام مسجد ثانيا لأني ما نسيتك طول هالسنين ( كأنها قوية شوي ) قررت هالقرار المهم وش رأيك
شروق : حسبي الله عليك مدري وش أقول من يوم قلتها لي وأنا مختبصة والله أنك حليو وما تنتفوت وكل شي فيك يهبل حتى أنا ما نسيتك ..بس مدري طيب بسألك عن شي يمكن تساعدني من رجعت للبيت وأنا عندي أسهال طول الوقت في الحمام وما غير أفكر وش معناتها
أنا : الحمام و أسهال مأكلة شاورما .. قصدي أنك تحبيني مثل ما أنا أحبك يعني أتوكل على الله و أقول لأمي تكلم أمك علشان نجيكم ...
شروق : اصبر اصبر وش بتقول لأمك يا ذكي من وين تعرفني هاه ولا ناوي توهقني مع أهلي بتقول أكلمك ( ويقولون ليه الشباب ما يتزوجون البنات اللي يكلمونهم )
أنا : يا بنت الحلال أهلك أصلا ما يصدقون على الله يفتكون منك مو لو أني أغازلك والله لو ايش يا حليلك بس ماخذه مقلب مصدقه أن أهلك ما يقدرون على فرقاك وش قالوا لك دلخ بسأل أمي عن البنت اللي دخلت أول ما طلعت .
شروق : أخاف تفهم أنك تقصد أمي .. ساعتها يا ويلك من أبوي
أنا : أمك لا ما توصل... أصلا أمي تعرف أني ما احب المتاحف ولا القطع الغريبة
شروق : تراها أمي لا تتكلم عليها لا أجي أعظك والله أنت وخشتك تتريق على أمي
أنا : هذي المشكلة بتصير خالتي ..هاه موافقة أتوكل على الله اقول لأمي تكلمكم
شروق : اصبر خلني أعرفك أكثر وأسوي تحديث للمعلومات ..وش صار عليك تخرجت ولا طردوك من الكلية ..ولا ايش بالضبط أخاف فاتح لك بسطة في عتيقة تبيع خضار
أنا : والله مدري الجح من الخضار ولا الفواكه .. يا بيخ بعض الدببة لا تخرجت أبشرك أنتي وش صار عليك
شروق : آخر سنة آداب قسم أنجليزي ..يا أخي مع أن هالقسم ناشبين في حلقي ما يبوني أتخرج مو قادرين على فرقاي ..شفت بس مو أهلي ما يبون يفارقوني ..علشان تعرف بس .. عبدالعزيز من جد والله بأصير أكلمك كل يوم بس قل الصدق ..أنت تبي تتزوجني ولا تبي تجر رجلي ..
أنا : الصدق الصدق أبي أجر رجلك ..ومافي مانع أجرك كلك يالخبلة والله خلاص مليت من المغازل والترقيم والخرابيط مليت من البنات غثوني ( حركات شباب الرياض ) اسكتي بس لا أهون
شروق : لا خلاص أجل يالله طس الحين قم كلم أمك يالله قبل لا تهون ولا تقول أنك تعرفني سو نفسك معجب فيني يوم صدمت فيني وطيحت البيتي فور
وبالفعل رحت قومت أمي وهي في غرقة النوم وغثيتها لين جات للغرفة عندي وهي دايخه ..
أنا : يمّه عزمت أكمل نص ديني ...
أمي : أول جب نص دينك الأول بعدين فكر تكمل النص الثاني .صلاة الفجر ما عمرك ركعتها في المسجد أنت ووجهك
أنا : ان شاء الله بس في نص يجيب النص الثاني ..المهم أبي أتزوج مليت من العزوبية
أمي : الله يشفيك ولا يبتلينا مصحيني من غرقة النوم علشان تقول تبي تتزوج وأنا أمك أنت خبل ولا مصخن الزواج لعبة متى ما صنت في رأسك تبي تعرس .. تعرس على طول يبي لنا ندور لك على بنية الحلال وبنت أجاويد ( مو رئيس تركيا ) وبعدين تبدأ المفاوضات مع أهلها
أنا : ما قلت لك لا خلاص لقيت اللي أبي أتزوجها شاورت قلبي وقلبي أختارها وصرخ بأعلى صوته بحبها بحبها
أمي : وشوووو ماشالله هذا الناقص يالهيس تجيب لنا بنات ما ينعرف وش أصلهم وش فصلهم ولا واحدة لاعبة عليك وقالت لك تزوجني ..ولا واحدة من بنات أبليس
أنا : لا مو كذا أبدا قصدي واحدة شفتها وأعجبت بها هذي كل السالفة واحدة اليوم كانت في المستشفى معكم ..تذكرين يوم دخلتي وأنا جيت بأطلع الا واصدم ببنت معاها الظاهر أمها ويطيح البيتي فور وأجلس اجمعه لهم البنت جسمها حلو وعيونها حلوة وكل شي كل شي فيها حلو خلاص أبي هذيك البنت
أمي : وووعععع بنت أم عبدالله والله وما قالت يا وليدي ما بعد انهبلت أخلي أم عبدالله هالعجزة الحنانة الرنّانة تصير خالتك وجدة عيالي أنت اصبر بس و أنا أدور لك واحدة على كيفي
أنا : أم عبدالله ما غيرها اللي وصلتها لبيتها قبل أربع سنوات من العرس يوم البرد ..مو صديقتس وحبيبتس وكل يوم زايرتها على كلامتس ...وش فيها ونعم بهم
أمي : وعععع المرة راكبة جنبي تبيني أقول الصدز فيها علشان تأكلني بأسنانها أصلا أصلا لا شفتها في عرس ولا عزيمة ضاق صدري هالمرة تبيني أناسبها .. لا قاله الله
أنا : يعني ماعرفت لك تحبينها مرة ومرة تطلعين ما تواطنينها بعيشة الله ما صارت حالة يا يمّه من جد أنا عزمت أمري خلاص البنت ومعجبتني وش علي من أمها أوعدك أني لا أحب أمها ولا أواطنها بعيشة الله بس من جد البنت مسكتة ..لا تفوتني وهي عمرها عشرين يعني هذا عز وقتها اوووبسس ..
أمي : وش دراك أن عمرها عشرين سنة يالهيس ثانيا من زينها أجل تدخل وتسلم علي بطرف يدها ما حبت رأسي وش بنات هالجيل ما علموها أهلها الأدب وفوق ذا متلثمة مالت عليتس هذا غطا تسترين به وجهتس
أنا : لا والله بس تقدرين تقولين أنه مجرد تخمين لا أكثر ولا اقل و أوعدك أذا تزوجتها أني لا أخليها تحب رأسك مرتين في اليوم ولا أقول 3 مرات في اليوم بعد الأكل بس وافقي ...
أمي : خلاص لا تزعجني حسبي الله عليتس يا أم عبدالله مسوية راعية واجب وأنتي ترززين ببنتس والله مو هاين علي أعني أبوك يروح لبيتهم ويكلم أبو عبدالله هالشايب المخرف شف وأنا أمك أن طلبوا مهر أكثر من خمسطعش ألف ريال وطقم ذهب بألفين ما في زواج من بناخذ بنت وزير وتلبس عباية راس ولا عاد أشوفها متلثمة فاهم هذي شروطي وعساهم ما يوافقون والله ما يحز بنفسي الا ولدك باكر بيقول لي ولأم عبدالله يا يمّه كلنا سوى يا ودي أمصع رقبتها ما بقى الا هي تتساوى معي
أنا : اوكيه نفس الشي صار مع جدتي قصدي المهم يعني أعتمد خلاص
أمي : ايه والشكوى لله يا عساهم ما يوافقون ويرتاح قلبي قل آمين ...
وطمرت بسرعة لغرفتي أدق على شروق وردت علي
أنا : هلا والله وغلا وش أبشرك أمي وافقت أنها تخطبك لي
شروق : عسا ما شر عسا ما تكلفت بس وليه تضغط عليها حرام عليك ما حنا بمستواكم المفروض أقوم الآن أخذ لفتين في البيت وأزغرط هاه مو هذا اللي المفروض أسويه
أنا : اوووبس قصدي أمي كانت تقول عني صغير وتوني مو قد المسئولية بس أقنعتها أني رجال وأول ما عرفت أنك أنتي اللي حبيتها ..قامت تقول ونعم أجل شروق بنت أم عبدالله وخيتي وحبيبتي وأغلى من نور عيوني أكيد موافقة يا وليدي ما مصدقة متى بيجي بكرة علشان أكلمها واسمع صوتها أنا اليوم اللي ما أشوف فيه أم عبدالله استاحش من هالدنيا وانغلق ( ينغلق ليس يسكر ويقفل أنما يحزن ويضيق صدره ) هاه وش رأيك فيني
شروق : خلصت طيب يالله مع السلامة
أنا : وين وين بدري يا حبيبتي وش فيك
شروق : خلاص أذا أمك بكرة كلمت أمي وبعدين أمي سألتني عن رأيي وفكرت أوافق ولا لا وبعدين ترد أمي عليكم بعدين تحددون موعد وتجي أنت وأبوك وتقابلون أبوي وعماني وتصير موافقة رسمية الى ذاك اليوم ما أقدر أكلمك يا حبيبي أنا بنت وأخاف على سمعتي بكرة ما حصل نصيب تبيني أكلمك وبس يالله مع السلامة

بعد ما تمت الخطبة رسميا على شروق يعني أنا خطبت شروق وبعد معاناة من تردد أهلي ومصالة أهلها أجل أبوها يطلب مهر مية ألف ريال ومكاسر لين وصلنا المهر الى أربعين ألف ريال وطالبين ذهب مدري بكم وآخرتها أمي هجدتهم بعشرة الآف ريال ذهب وعلى قولتها يخب بعد ..على فكرة ترى المعرس بداية الأمر يحس أي شي يطلبونه أهل العروس قليل عليها يعني ذابحه الحب بس الله يخلي نعمة الأهل اللي يفرملونه ويأكدون له أن المنّة على أهل البنت أنه بيأخذ بنتهم ( أمه معبية رأسه) ... المهم بعد الخطبة موقف الأهل ينتهي تقريبا ويبدى الدور الذاتي و الأصدقاء في عمليات التجهيز والاستعداد للعرس وهذا اللي بديت فيه اتصلت على واحد من أعز أصدقائي ماجد علشان نروح مع بعض نختار غرفة نوم ..بما أن حرمنا المصون قالت لي أختر على ذوقك ومنطق يوم الخميس من الساعة 9 الصباح أنتظر ماجد وكل شوي أدق عليه جوال وهو ما يرد و عند الساعة عشر أسمع صوت سيارة ماجد تضرب فرامل بقوة طلعت علشان أركب معه
ماجد : شغل سيارتك أذا تبي تروح ولا تسأل ولا تتفلسف ترى والله واصلة معي
أنا : وش فيك عسا ما شر عسا ما صار لك ولا لأهلك شي ..زوجتك بخير
ماجد : أركب واللي يرحم والديك لا بارك الله فيها من ساعة أعرست فيها عليها أنا وش لي بالعرش وبلاويه قسما بالله وجع راس وغثا شقا ولا بارك الله فيها من زوجه كان أختصاصها ترفع الضغط وتعل القلب الله يغثها بلا
أنا : وش فيك وين اللي يقول الزواج جنة الدنيا ومتعة ما بعدها متعة .وتزوج يا عبدالعزيز وتزوج ترى المغازل لا يسمن ولا يغني من جوع وش فيك يوم دبستني قمت تذم هاه
ماجد : يا أخي أنا حمار خلاص ارتحت الزواج أكبر مصيبة في الدنيا بالذات الزواج من واحدة ما ترتاح الا أذا رفعت ضغطك ألف ما يمر يوم الا منكدتني ..على الفاضية والمليانة ..
أنا : هد يابن الحلال وش فيك علمني وش صار بينكم .. أخبركم زي السمن على العسل
ماجد : غثا يابن الحلال وش أقول وش أخلي ..قلت لها يا بنت الحلال صحيني بدري علشان بروح أفطر مع أمي من زمان عنها بعدين بمر عبدالعزيز نروح نختار غرفة نوم له ..وهات يا تحلطم هذا أنت مهملني وطول الوقت عند أهلك ليه ما تفطر معي ..وليه تروح مع صديقك أنت مكفل به ..أقول لها من زمان ما سلمت على أمي لي حول أسبوع وعبدالعزيز صديق عمر وما قصر معي يوم زواجي ..غير هذا كله أنتي بتروحين الليلة لأهلك بتنامين عندهم يعني احكمي بالعدل ... وتنطلق علي تقول قطوة سارقين أحد عيالها ..أهلي وما تبيني أزور أهلي ..من زينك ولا من زين تعاملك معي اللي يشوفك يقول مقابلني 24 ساعة وتبي تحرمني من أهلي وهاليوم هو يومنا أنا وأخواتي .صدق أنك ما تخاف الله
أنا : يابن الحلال يمكن البنت ولهانة عليك وهذي كل السالفة ولا عرفت تعبر لك عن شعورها .. وأنت الحمدلله رحت أفطرت مع أمك والحين طالع معي علشان ننقي غرفة النوم حقتي الله متى يجي الوقت اللي نستخدمها فيها
ماجد : أنت ليه ما خليت زوجتك هي اللي تختار الغرفة وتريح نفسك من الغثا ومن الطلايب ..
أنا : يابن الحلال هي اللي قالت لي نق الغرفة على ذوقك ..يا حياتي وأنها تثق في ذوقي يا حظي من قدي
ماجد : وصدقتها يا دلخ كلهم يقولون ذا الحكي وفي الأخير ذوقك يبقى جواب السؤال كم كلفت هالغرفة ومهما قلت بتقول لك وع رخيص ..مثلا عندك زوجتي ريهام ..في ليلة الدخلة وعز الفرحة وقمة التوهج ..وأنا أتغزل فيها تقول لي هذي غرفة النوم اللي شريتها ..بكم بعشرة الآف ريال قلت لها لا يا قلبي بثلاثين ألف ريال بعد الخصم ..ناظرتني وقالت بس ثلاثين ألف ريال ..وما أنت مكسوف أنك تقولها لي بنت خالتي اللي ماخذه ولد فلان غرفة نومها بمية ألف ريال وأنا بثلاثين ألف ريال ..جلست أقنعها أنها الأهم هو شكل الغرفة والألفة والمحبة ..تقول لي ما أقدر أنوم عليها أحس مسامير تنغز في ظهري والله يا عبدالعزيز بعت الغرفة من كثر الحنة بثمانية الآف ريال ويالله يالله قنعت بغرفة قيمتها خمسين ألف ورأسها وألف سيف ما يعطوننا خصم على الغرفة و ياليتها بس وقفت على غرفة النوم ..حتى سفرة الطعام تذكرها اللي شريناها بعشرة الآف ريال وش زينها تناسبنا 6 كراسي ووسيعة وتصميمها شي ..ما طاعت تبيها تقول رجل خالتها جاب سفرة قيمتها ستين ألف فيها عشرين كرسي ..طيب يا بنت الآوادم رجل خالتك وكيل وزارة وراتبه ماشالله مدري كم وعمره فوق الخمسين وعيال وأنسباه كثيرين يعني يحق له مو زينا بس وش أسوي يابن الحلال المفروض أنك تقول لها أنتي أختاري كل شي على ذوقك وتروح وتدفع من قاصرها ..
أنا : يابن الحلال لا تهول الأمور البنات يختلفون ما هم سوى أكيد في كذا فرق بينهم شروق مو مثل باقي البنات كلها رومانسية وحب وتحبني بشكل ما تتصوره
ماجد : سق بس الله يرحم والديك قال ايش البنات ما يتشابهون بكرة تتزوج وتشوف .. بنفسك
في الجانب الآخر في مملكة المرأة وسط برج المملكة كانت شروق مع بنت خالتها حياة ( اللي في الحب من أول سفهة ) يبون يتسوقون للزواج
شروق : يالله يا حياة بسرعة قبل ما يسكر السوق ورانا أشياء ويالله يالله عندنا 10 ساعات قبل لا يسكر السوق ما ظنتي بتكفي ... أول شي أبي ملابس نوم وملابس داخلية أبي شي كذا حركتات شي يخلي عبدالعزيز يولع في محله .ما يستحمل ..
حياة : أنتي خبلة ايوة تلبسين له هالملابس علشان يبدى الشك ويقول وش عرفك بهالشغلات يا أهلك ما ربوك يا أنك تشوفين أفلام ومجلات قلة أدب وش لك بوجع الرأس أبو كم طويل يمدحونه وأذا تبين تلبسين قصير الى نص الساق ويخب عليه
شروق : وش نص الساق في بيتنا عند أهلي وأخواني ألبس فوق الركبة عند زوجي ألبس لنص الساق ..والله العظيم ثانيا وش بيشك فيه شوفة عينك هالاشياء مالية الأسواق كلها
حنان : بتعلميني في رجلي أول ليلة لبست له ذاك القميص الأحمر الشفاف . ما أنكر أنه انبسط بس جلس في قلبه بعد 6 شهور أول مرة نتخانق طلع اللي في قلبه قال لي أصلا من شفتك ليلة الدخلة بذاك القميص الأحمر وأنا شاك في سلوكك ولا في واحدة تلبس لرجلها هالملابس ...صدقيني يا شروق الرجال يبون ويبون يسون أنفسهم مؤدبين ولا يعرفون أي شي
شروق : بديتي تشككيني بس لا عبدالعزيز غير عبدالعزيز يعرفني و أعرفه وهو فري لدرجة كويسة
حياة : يا حبيلك بس يا شروق خلي عنك رجلي .. صديقتي نادية لبست لزوجها بيجامة قطعتين والقطعة الثانية شورت ..الرجال استانس واسفهل ..في الأخير يوم خلص ورقد ثاني يوم من الصبح يقول لها أمك تدرين أنك تلبسين هالملابس .. البنت تنحت وش يبي هذا جزاها متشكخه له ..من بعدها وهي ما غير تلبس بيجامات ..الرجال ودك من يأدبهم علشان يستأدبون
شروق : والله بديتي تخوفيني .. طيب أتركي الملابس حقت النوم لبعدين اممم وش رأيك في التحف والأشياء هذي أبي غرفة النوم حقتنا تمتلي تحف وأشياء حلوة وشموع علشان الرومانسية وش رأيك نروح ذاك المحل
حياة : يالخبلة اصبري وين وين ارفقي متحمسة ليه أبي افهم ..أنتي مصدقة الرجال يهتم بهالاشياء والله يا عندي زوج أني لو أشب الغرفة شموع أنه أول ما يدخل يولع النور ولا يدري عن شموعي وآخرتها يقول طفي خرابيطك لا تكتمنا لا ويقول وخري المزهرية من الطاولة علشان أعرف ارفع رجولي يا شيخه وتقولين رومانسية
شروق : يوووه لا عبدالعزيز دايم يقول ودي أهديك ورود الدنيا كلها وأحطها وسط يدك شكله من اللي يقدرون هالاشياء
حياة: يا بنت الحلال أذا تبين يحبك خلينا ننزل ونشتري أواني مطبخ ومفارش هذا الشي اللي يهمهم صدقيني أنا أخبر منك في الرجال وعارفة تفكيرهم زين ...
وينزلون حياة وشروق ..و ينتقل المشهد الى معرض الأثاث في قسم غرف النوم
أنا : وش رأيك يا ماجد هذي لونها بني خفيف ..شروق تحب هاللون وشكلها كلاسيكي مرة ..غير أن السرير حجمه متوسط يعني علشان نلصق في بعض ..
ماجد : صدق أنك دلخ وش اللون اللي تحبه بتقول لها يا حبيبتي نقيت غرفة نوم وأخترت اللون اللي يعجبك بتقول لا كثر الله خيرك لو تحبني صدق كان عزمت أني أنا اللي أختارها ..عندك أقرب دليل ولد عمي سلطان ..زوجته تموت في الأوشحة الحمراء ..الضعيف شرى لها واحد يوم كان منتدب في بريطانيا ينقال له ما نساها المسكين جاه هواش ..لو تحبني صدق كان سفرتني معك وخليتني أنقي على كيفك مو تشتري لي شين وتقول اللون الي يعجبني .. وتقول لي اللون اللي يعجبها ثانيا وش لك بالسرير الصغير يا رشدي أباظة مقطعتك الرومانسية . أبعد أحسن لك .. بكرة تحط لك من هالخلطات على كشنتها ( كشنة = الشوشة = الشعر ) وأنواع الريحة ..ولا هالمزيلات حقت الأصباغ عقب كل عرس ولا حفلة أن تخنقك تصدق أحيانا أذا جيت بارقد ألبس كمام ما أقدر استحمل .. والله ما ودي أخوفك ولا نصحتك تشتري سريرين منفصلين أذا بغيتوا وش اسمه تلصقونهم جنب بعض
أنا : لا تبالغ واللي يرحم والدينك طيب يعني وش أحسن برأيك اللي قلت لك عنها ولا الغرفة العودية ..صح العودية أغلى بس ما أدري شكلها مبالغ فيه بصراحة وفيه السوداء بس أحس الأسود مو راكب بالمرة ..وش رأيك أتصل عليها الان وأخذ رأيها
ماجد : ايوة اتصل يا بطل اسمع لك كلمتين في العظم .يوه أنت مو قد المسئولية أنت ما تعرف تسوي شي بروحك .أجل بكرة أذا تزوجنا وجانا عيال بتجلس تأخذ رأيي في كل شي ما يصير كذا .. هذا أذا رايقة أما أذا نايمة مثل نص بنات هالوقت اوههه تسمع كلام ولا في الأحلام ..يا أخي ما عندك ساعة ما تشوف ولا بس تتصل وتزعج الناس ..أشتر اللي تبي تشتريه بس لا تزعجني
أنا : تراك حيرتني قسما بالله كرهتني في نفسي أفكر أطلقها من الآن وأرتاح ما صارت حالة أن سألتك ما جاوبتني وأن قلت بأتصل عليها قلت مو أحسن لك والله ضيقت صدري
ويقبل واحد سوري يشتغل في معرض الأثاث .. سلم وقال أنه أبو فادي
أبو فادي : كيفكون يا شباب ماشالله أكيد بدكون تتجوزوا عندنا غرف نوم حلوة كتير وأسعارنا حلوة كتير خصوصا للشباب اللي على وش الدنيا
أنا : أي دنيا واللي يرحم والديك من يجي مع أبو الشباب هذا تنسد نفسه عن كل شي ..
أبو فادي : شو ..شو صار بيناتكون لا يكون تخاصمتوا هالحكي ما بيصير مافي شي أحلى ولا أطيب من الزواج
ماجد : يا بن الحلال الزواج زين ما قلنا شي وستر ..بس المشكلة الزوجات الله يرضى لي عليك يجيبون الضغط يبون كل شي على هواهم ولا يعجبهم العجب ولا الصيام في رجب ..وفوق ذا كله لو أخذت رأيهم بكرة يغيرونه ولا كأنهم قالوا العكس أمس .مثلك عارف يا أبو فادي
أبو فادي :والله شو بدي ائول لك كلامك عين العئل يعني على أيام شبابي لما كان بدي أتجوزها لأم فادي ئلت لا ( قلت لها بالسوري ) يا حبيبتي بدي أروح السعودية أضب لي كم ئرش تنفعني في الجواز وأجمع حئ بيت نعيش فيه هي وافئت ..الله وكيلكون أول ما وصلت السعودية بعدها بأسبوع أتصلت علي تتشكى وتبكي تئول لي أني خليتها لوحدها وبدها أياني يا ارجع عندها يا أجي اخدها معي .وعلى هالحال كل شهر مكالمات بخمسمية ريال سعودي من شان شو من شان هالموضوع يا أم فادي الله يرضى لي عليكي ما بيصير هيك أحنا اتفئنا بتئول لك لا رجعت في كلامي أنا بحبك ..ما باستغني عنك ..ويالله يالله كملت سنتين هون رجعت مرة تانية للشام هونيك اشتريت بيت يحبه ئلبك ..وئتا أم فادي ئال شو صارت تفكر في المسئولية ومستئبل الولاد ..وئال شو لازم أرجع للسعودية علشان نضب شوية مصاري كمان ..بشرط أخدها معي ئلت يالله بس بدنا نأجر بيتنا في الشام وئت ما احنا هون ..ئالت شو بيتي ما بدي أحد غيري يسكنوه ..الله يرضا لي عليكي يا أم فادي شو ما بدك حدا يسكن بيتنا أصلا أصلا البيت شارينه مستعمل ثاني شي لشو بدنا أياه يكون فاضي لمدة سنتين .. حلفت و أيمانات الله ما نأجر البيت ..طاوعتا وياليتني ما طاوعتا بعد ما وصلنا هون بأسبوعين رجعت تئول ابن عمي لازم نرجع للشام نأجر البيت حرام يبئا هيكي فاضي مافيه حدا ..ئلت لا مو أنتي بدك هيك ئالت كنت غلطانة جارتنا وداد المصرية مأجرة شئتها في القاهرة يالله هالنسوان بيجننوا الواحد بيخلوه تريللي .
ماجد : قل له مو مصدق يقول أني متحامل على الحريم صدقني يا عبدالعزيز الحريم أنفسهم ما يعرفون وش يبون بس يبون كل شي على هواهم ..
أبو فادي : شوف يا عبدالعزيز أنا ما بأعرفك بس من أول ما شفتك ارتحت لك كتير ..بس كلام صاحبك كله مضبوط النسوان يعني في مخهم شوية لفة
أنا : يا شباب يمكن أنتم ما عرفتوا لزوجاتكم هذي وجهة نظري بالعكس البنات رومانسيات ويحبون الأشياء المعنوية كثير أكثر من المادية ..
ماجد : أقول يا أبو الشباب بلا استهبال دق على شروق وخذها لأقرب سوق وخيرها بين مجوهرات المعلم وبين ديوان شعر وباقة ورد وشف وش بتختار قال ايش ما يحبون الماديات أقول ناظر في الغرف بس وخلصنا
ننتقل بالكاميرا بسرعة الى مركز المملكة وبالذات في أحدى المطاعم حياة وشروق يفطرون
حياة : والله وبانحرم من هالجلسة معك بعد الزواج يا شروق يا حبيبتي بيجي ولد الناس يتسلط عليك وش رأيك نروح نفطر عند أمي ..ولا يقول لك صلحي فول فيما أجيب تميس يقال له منتهى الرومانسية واذا وافق تطلعين نفطر الصباح بيصير زي هالدايخ رجلي شوفة عينك كل شوي داق على الفاضية والمليانة عسا ما في أحد ضايقكم متى بترجعين لا تكثرين علشان نتغدى سوى مدري ايش وخرابيط مالها أول من ثاني
شروق : لا ما أعتقد عبدالعزيز كذا هو أصلا يلمح لي أنه لازم نعطي بعض حرية هو يطلع مع ربعه وأنا أطلع مع صديقاتي والله أنه حبوب
حياة : أجل مساحة من الحرية طلّ افلقيني .. والله أن سألتيه وين رايح بيقول لك وش دخلك أنت بتصيرين وصية علي ..وأذا بتطلعين أنواع التحقيق وين ومع مين ومتى بترجعين والبسي كذا ولا تلبسين كذا ..ومشاكل
وفي هالاثناء ..سيدة معها صينية الأكل حقها ومالقت طاولة تقترب من حياة وشروق وتستـأذنهم تجلس معهم على نفس الطاولة ..وتعرف نفسها لهم على أنها منى
منى : سوري أن كنت قاطعتكم بس اليوم خميس و السوق مرة زحمة الواحدة ما تحصل طاولة فاضية تجلس عليها اذا تتكلمون في موضوع خاص يا ليت تقولون لي عادي أدور طاولة ثانية
حياة : لا لا أسرار ولا يحزنون هذي بنت خالتي شروق تبي تتزوج وجايين نجهزها ونشتري بعض الأغراض لها بس
منى : على البركة الله يتمم لكم بالخير والله فرحت لك كأني أعرفك من زمان الزواج حلو حلو مرة
شروق : شفتي يا حياة أن ا للي تقولينه عن الرجال نصب يمكن رجال ولا اثنين بس عبدالعزيز لا يمكن يكون منهم أبدا عبدالعزيز رجل اوبن مايند مو دلخ ولا متشدد واحد فري ا لى حد ما
منى : وشو يا وخيتي من يقوله هو في رجال متحرر أصلا من متى ما شفنا شي عاد أحلمي بس مو لهالدرجة
حياة : الله يرحم والديك فهميها لي ساعة أقنع فيها ولا راضية تقتنع احترت معها ..ماسكة علي كل شوي عبدالعزيز غير وغير حشا صاير جدة غير مو عبدالعزيز
شروق : لا يا حياة أنتي عارفة أن عبدالعزيز غير من أول,ولا في ولد يتزوج بنت كان يعرفها الا رجل متفتح صح ولا لا يا أخت منى
منى : هو كان يكلمك ويبي يتزوجك ... وأنتي يالخبلة وافقتي معليش بس أنتي ما عندك سالفة بقوة يا بنت الحلال أعرفي أولاد عدد شعر رأسك بس يوم تتزوجين تزوجي واحد لا تعرفينه ولا يعرفك ... لا يصير لك اللي صار لهدى بنت عمتي .هذي الله يسلمك كانت رايحة لأسبانيا مع أهلها وفي الطيارة ركب جنب أخوها واحد كان معه في الجامعة يوم شافها أعجبته وتقدم لها وتزوجها والحين كل ما تطاقوا يقول لها أصلا لو فيك خير كان تغطيتي في الطيارة مو متحجبة وكل شوي ماسك عليها هالشي ..أجل لو بينهم علاقة ويعرفها ويحبها من أول وش كان بيقول لها
حنان : أي والله عقليها ونوريها يا وخيتي وتقول بعض الرجال فيهم رومانسية وحب ومدري ايش بعد تصدقين زميلتي في الكلية اسمها الهام متزوجة ولد خالتها كانت تلعب معه غميمة ( غميمة = استغماية ) المسكينة اذا صار دوره يلاحقهم ويطلعهم من زود حبها له تتعمد تطلع نفسها علشان يصيدها .. المهم بعد الزواج كل شوي يقول لها وش بينك وبين تركي ولد عمتك أحس أنك دايمة تناظرينه وليه تلعبين غميمة وهو معنا بعينك يخرب بيتك تبيها تمشي وهي مغمضة .طيب يا أخي صغار بزارين بس وش نقول هذولي الرجال يا خبلة صدقيني عبدالعزيز بيوريك نجوم الظهر
شروق : لا حرام عليكم لا تخوفوني منه يمكن الأمثلة اللي قلتوها مع احترامي هم الشواذ وعبدالعزيز القاعدة
منى : لا تقولين لي القاعدة ولا أسامة بن لادن يا حبيبتي احنا متزوجات يعني لا تقولين غايرات ولا حاسدات بس نبي مصلحتك
شروق : أبي أقول لك شي بسيط يمكن أنتي فهمتي علاقة فهم خطأ لا احنا كنا نحب بعض ونكلم بعض بالتليفون فهمتي الآن يعني مو بس شافني ولا قد تقابلنا بالصدفة ولا شي من يوم حنا صغار
منى : اوف قوية كان يكلمك بالتليفون ويعرف رقمك .. صدق خبلة اسمحي لي ودبشة وما في رأسك سالفة الحين بنت خالتي ابتسام ..تقدم لها واحد وغث أهلها يبي يكلمها ويالله يالله وافق أبوها يكلها على تليفون البيت الولد شب في البنت أبي أكلمك على جوالك علشان نأخذ راحتنا والبنت ترفض لين كتبوا الكتاب والولد مستمر على بثارته ..المهم بنت خالتي رحمته عطت أخوها ورقة صغيرة فيها رقمها علشان يعطيها لزوجها ..تدرين وش سوى زوجها ..ثاني يوم دق عليها الا أبو الشباب مسوي برنت بفواتير بنت خالتي كلها من يوم طلعت الجوال وعلى من ذا رقمه وترى بأتصل وبأتأكد هاه بتعترفين ولا وشلون ..ويقومها من عز النوم في منتصف الليل يقول أن رقم قبل دقت عليه قبل 6 سنين وهو يوم دق يشوف الرقم لمن رد عليه رجال ومن هالرجال وليه جلستي تكلمينه 3 دقائق ونص ..شفتي كيف نسى عمنا أنه مطلع3 أرقام ويوم كتب الكتاب غير رقمه مرة رابعة وكل شوي ضابطة عندها بطاقة سوا بس الشكوى لله وتقولين الرجال يؤمنون بالحب أنا ما بيني وبينك شي بس تراني نصحتك لوجه الله لا تقولين ما نصحتيني
حياة : يا منى يا أختي صدقيني نصحتها بس ماهي مصدقة معمي عيونها هالشين
شروق: ياربيه لا مو شين صحيح هو مو جذاب ولا وسيم ولا قمر بس شكله مقبول ..وصدقوني كل كلامكم عن الرجال ما ينطبق على عبدالعزيز أعرفه زين والله العظيم
ونرجع مرة ثانية لمعرض الأثاث و نشوف وش صار هناك
أنا : يووه مقفلة جوالها شكلها الى الآن نايمة بأكلمها بعد ساعتين أشوف أذا صحت
ماجد : وش نايمة وش خرابيط أنت بعد ما قلت لك هي زعلت على طول وقفلت جوالها علشان ما تكلمها البنت ناوية لك من جد استلئا وعدك يا عم
أبو فادي : شوف يا عبدالعزيز أنا صحيح بشتغل هون بس شوف يابن الناس أذا جيزتك بتتفركش من البيعة هي بلاها أنت اسمع كلام رفيئك ماجد وخود رأيها هي في ئوطة النوم
أنا : أسمع أنت وأياه أنا رجال وكلمتي هي اللي بتمشي كوني أحبها وأحترمها هذا شي كويس بس ما أسوي شي ألا ماخذ الأذن منها طبعا لا مستحيل هذا اللي ناقص
ماجد : بشويش يا عنتر ايه هالحكي مأخوذ خيره بس أذا جاء الجد شيء ثاني غيرك أشطر ..أنا مثلا ماصع رقبة قطوتين ليلة الدخلة وش كانت النتيجة ...أقرب مثل عرس صديقنا هشام يوم أقول جاني مغص ولا قدرت أجي كنت أنصب السالفة وافق ذاك اليوم عرس صديقة زوجتي المدام كانت تبي تروح للعرس وطبعا تبيين أوديها قلت لها يا تنتظريني ارجع من عرس هشام أصلا كلها ساعة نشوفه ونسلم عليه وبعدين نمشي أنا والشباب يا تبكرين وتخلصين وأحطك في العرس وأروح لعرس صديقي لأني متواعد مع الشباب الساعة 9 نكون هناك ..وجلست تحن فوق رأسي لا ولا وش فيها لو صديقك يأجل عرسه شوي أقول لها يا بنت الحلال أحد يأجل عرسه ليلة الزواج ثانيا أنتي وش بيضرك يا تبكرين شوي يا تتأحرين شوي ..وهات يا صياح وحلطمة وأنت ما تحبني وأنت ما تواطني .المهم أنا ما عبرتها ولا عطيتها وجه وعلى المغرب قالت لي خلاص بروح بدري للعرس وربك يا عبدالعزيز خبري بها من الساعة 8 الى الساعة 9 ونص وهي بتلبس ملابسها وتطلع لي الساعة 10 الا ربع وهي مبسوطة بعد ما مشت كلامها علي وقتها استحيت منكم وقلت لكم عندي مغص ..قال ايش رجال يمشي كلامه على زوجته
أبو فادي : لاك شو اسألني الي كلامك مية بالمية مزبوط ..عندك أم فادي لها سنة بترن فوء راسي وديني للفيصلية بدي اشوفها بدي شو ..وأنا ائول لها يا أم فادي هيدي الأسواء ما خلئت النا هيدي اسواء بدى مصاري كتير واحنا ما عنّا ( ما عندنا بس بالسوري ) وئعدت تزن فوء راسي دخيلك يا ابو فادي ماراح نشتري شي بس نتفرج عليها ..خديتا ورحنا هونيك وياليت ما رحنا شافت ئميص نوم حاجة شو فظييعة بيطر ظبنات العئل بس شو والمشكلة حئوا ألف ريال أم فادي جنت عليه ما رضت تتحرك من ئداموا وأنا عمال بسحبها لك تحركي ما بيصير هيك يا أم فادي أنتي ئلتي بنفسك ما راح نشتري شي لشو بتغيري حكيك هلا وئعدت أم فادي بتئول يابو فادي تخيلني لابسته ألك في الليل شو رأيك ما بدك ترجع شب يا أبو فادي ..وئعدت من هالحكي لاحد ما تصبب العرء مني وئتا قلت الله ياخد المصاري اللي بتحرم صاحبها من المتعة وشريت لأم فادي هيداك الئميص المشكلة مو هون المشكلة لما شرت أم فادي الئميص صرت ائلا ( أقول لها بالسوري ) امتى حتلبسي لي الئميص الأحمر وكل يوم بتئول لي شغلانة جديدة مرة الولاد سهرانين عندون مزاكرة ومرة ..مالها نفس ومرة حسافة ئميص بألف ريال على خمس دئايئ بعدين نرميه في الأرض وحياة الله لحد هلا ماشفتا لابسته اللي بيفئع المرارة من جد مرة كانوا نسوان من رفئاتنا عندها بيزوروها ولما دخلت البيت لائيتا لابستوه للئميص الأحمر لما سألتا ليه ئالت لي أن جيهان مرته لنزار كانت رفيئتها في الثانوية ودايما تغيظها بملابسها فحبت توريها أني معيشها بنعيم وتغيظها بالئميص الأحمر مش حاجة بتفئع المرارة بس شو بدنا نعمل وهلا يا زنمة جاي تئول بدك تمشي كلامك عليها ..روئنا يا...شو هالحكي
ماجد : مو بس يمشون كلامهم بالدحلبة والتكسر والتمسكن أحيانا عيني عينك مثلا أنا من يومي في الثانوي وأنا لقبي أبو سامي وتزوجت وأنا أقول لها متى أن شاء الله بيجي سامي ونفرح يوم حملت قلت لها مشتاق لسامي .. قالت معصي والله لو تسميه سامي لا عاد أرضعه ولا أهتم فيها ..قلت لها موب على كيفك .قالت علم جاك ويتعداك اذا سميته سامي والله أني ما عاد ألمسه وهذاني حلفت ..شفتوا كيف عيني عينك وتقول بتمشي كلامك عليها
أنا : بعد أنت ووجهك وش سامي الحين أسمك ماجد وما خلصت كل ما شافك هلالي تتريق عليك بكرة أذا صار ولدك سامي بيتفلون النصراويين بوجهه يابن الحلال نق لك أسم له معنى وش سامي ..ماجد ما عرفنا وش معناه ..
أبو فادي : أي والله سامي اسم هيكي مالوه طعم نئي اسم هيكي ئوي مثل ..فراس ولا راغب ولا رامي كتير حلو رامي ..ولا شو يا عبدالعزيز
أنا : الحين سامي ونقول عنه أسم خكاريا وجاي برامي لا والله كدينا خير لا ويدخل بعدين الحرس وش رأيك
ماجد : الحين طلعتوني أنا الغلطان لا والله ماشالله عليكم ..المهم أنت وش قررت بتأخذ غرفة نوم ولا بتسال شروق ولا بتخليها هي تشتري الغرفة على ذوقها أحسن
أنا : أكيد بأكلمها يعني زين الواحد يشاور غير أني أبي أشوف كذا معرض يمكن نحصل أشياء ثانية تناسبنا مو كذا أزين ولا وش رأيك
ماجد : كذا كويس يالله أجل يا أبو فادي نأخذ لفة في المعارض ونرجع لك ان شاء الله
واحنا في السيارة ...
ماجد : والله هالأبو فادي موب صاحي هو ومرته بس بيني وبينك شكله يبالغ شوي في حكيه عن زوجته
أنا : يعني أنت اللي خليت شي ما قصرت كرهتني في الزواج كله ماشالله عليك من سواليفك أنت وريهام زوجتك وأقاربك وربعك ... حومت كبدي
ماجد : يابن الحلال اندفعت شوي تعرف الواحد لحظة الزعل ما يذكر الأشياء الزينة ولا الزواج نعمة صدق .مافي زي لما تكونون تتعشون وهي تأكلك بيدها يا شيخ تنسى الدنيا كلها ..ولما تدخل علييك بقميص نوم شفاف وقصير وبنفجسي من ماركة أبو خيوط ..يا شيخ اسكت بس الله يعيني الليلة على فراقها ..بتروح عند أهلها وبتجي بكرة .. وباظطر أقابلكم يالتماسيح ..نصيحتي قل لزوجتك أذا بتروح عند أهلها لا تنام عندهم والله ان تعلقت تتعب يا ابو سعود ..اسألني أني كرهت يوم الخميس من نومها في بيت أهلها
أنا : ولك ساعتين تحلطم وما في كلمة شينة الا قلتها في الزواج وهذي آخرتها حسبي الله عليك بس
ونرجع مرة ثانية بالكاميرا الى مجمع المملكة وصالة الطعام بالتحديد
شروق : والله العظيم تعبتوني نفسيا كل واحدة مطلعة قصة شكل تروعني ما صارت يعني وش فيها أتزوج واحد كنت أعرفه ويعرفني واحبه ويحبني والله العظيم ..
منى : أبد ما فيها شي .. بس يعني اللي ما ودي تتخيلينه أن في رجال رومانسي استحالة ..عندك مثلا عمتي هدى وش حليلاتها حبت ولد جيرانهم من أيام أول وأذا مر من عند بيتهم قام قلبها يتصافق وعلى طريقة أفلام الأبيض والأسود رسايل واذا جات بيتهم بغداء ولا شي مصلحينه البنت تذوب في ملابسها وآخرتها بعد عشر سنين المفروض يعيشون في سبات ونبات ويخلفون صبيان وبنات يوم خلفوا بعدها بعشر سنين .أعرس على غيرها قال ايش قال أنه مل من حبها وعلشان ينشط هالحب لازم يجدد وينشط هالحب بحب ثاني ماشاء الله هذا ا لحب عندهم أذا أنتي حلوة وفرفورة أبد تصيرين الغالية والحبيبة أذا ولدتي ولا شي خلاص لازم ينشط الحب بحب جديد
حياة : أي والله و لو كان كحيان مو وجه زواج ثاني ولا مصاريف كل شهر ناط عليك زي هاللوح اللي متزوجته حبيبتي يا حياتي ما ودك نتعشى في هرفي ..من يوم يقول هرفي ينغزني قلبي أعرف أنه يبي يسافر مع ربعه وانواع النفاق حبيبتي زهقت من الرياض وتعبت من ضغط العمل ودي أسافر دبي ولا البحرين كم يوم و أرجع أقول له طيب ما في مشكلة خذ أجازة ونسافر سوى يقول لا وش نسافر سوى أنا مواعد ربعي أثرهم طابخينها من أول أقول له يابن الحلال وش لك بربعك مرتك أولى الناس بك وأونس لك يقول وش أسوي أذا رحت معك مالي خلق أسواق أجل له خلق صرمحة ومراقص وتطير فلوس على بنات الكلب وأذا ما سافر حمس البيت حمس ويكب خشته ويقوم الدنيا ولا يقعدها يخليك تشتهين سفرته باللي هي به وتقولين يعرفون الحب يا شيخة بلا هم
منى : ليه نروح بعيد رجلي والله أنه ينتظر يوم الخميس بطلوع الروح لأنه اليوم اللي يروح فيه الأستراحة مع ربعه أحيانا أشوفه متحمس من الساعة 8 الصباح وما يصدق يتفقون على العشاء ولا أي شي فيها تشوفيينه ناط من فجر الله مرة مصلي الفجر فيها وراجع مرة ثانية للبيت يشوف نبي شي ولا لا يعني راعي واجب وما صدق على الله قلت له أبي سلامتك ألا رجع مرة ثانية للاستراحة وما يرجع من الأستراحة ألا فجر يوم الجمعة تصدقون عاد وما لكم علي يمين مرة مصلي الجمعة هناك و أذا تضايقت يقول لي أبي أجلس مع رجال مليت من جلسة البيت وقعدة الحريم
شروق : معقولة المشكلة عبدالعزيز يحب الطلعات مع ربعه والله المصيبة وأنا على بالي بدلعه قلت أبيك تأخذ راحتك ولا تحرم نفسك من شي بعد الزواج خصوصا أذا كانت نفسك فيه يا حبيبي
حنان:لا والله كدينا خير اللي هذا أوله ينعاف تاليه يالخبلة في رجل يحتاج توصينه علشان توصين رجلك
منى : يا بنت الحلال الطلعات مو مشكلة المشكلة أذا أندمج في الطلعة أنا رجلي مرة طلع للبر مع ربعه أسبوع ولو تشوفونه كيف يتحبب لي علشان أوافق له أنه يروح المهم أنتظره وأنتظره و أرتاع عليه وأبدى أدق على جواله وجواله مقفول ..يوم جت الساعة 1 الفجر وخلاص بأتصل على الشرطة لأن جواله ما يرد ولا هذي عادته
شروق : ايوة وبعدين وش صار وش قالوا لك الشرطة
منى : أبد اتصلت خالتي اللي هي أمه تقول لي أنه جاهم من العصر ناصي البيت ورقد وقفل جواله ونسى أنه متزوج .. صدق أذا بغوا شي قاموا يتحببون .( صوت دقة جوال شروق)
شروق : هذي أمي لحظة أرد ....هلا يمه أنا في السوق مع حياة ..وشو تبين السواق الآن ....بس ما خلصنا .. ولا ودي أروح للسوق في العصر ..... طيب خلاص خلاص الحين بنجي يالله مع السلامة ... يالله يا حياة أمي تبي السواق ولازم نرجع للبيت تبي تزور واحدة ..معليش يا منى كان ودي نكمل سواليف بس شوفة عينك يالله مع السلامة
وفي السيارة
حياة : شفتي هالخبلة منى صدق مطرطعة أجل زوجها نسى أنه متزوج ..يا هي بكاشة بعد ..والله أتوقع أنها تبالغ بس ..ولا في أحد ينسى أنه متزوج ويروح بيت أهله
شروق : بشويش أنتي بعد ما قصرتي ما خليتي كلمة زينة في الزواج ولا نسيتي ترى أذا نسيتي أذكرك
حياة : يا بنت الحلال تعوذي من أبليس بس ماللحرمة ألا رجلها يا حبي لرجلي لا طقم بصروال السنة تنسين الدنيا كلها يا ناس أموت فيه لا جاب لي أيسكريم باسكن روبنز وحاط فوقه توفي ومكثر شوي تحسين أنه عبيط ومسوي فيها رومانسي المشكلة تجوز لي رومانسيته الله لا يحرمني منه
شروق : صدق ما ينفهم لك يا حياة بس وش أقول بنت خالتي
تسمع كلام وتسمع قصص بس مو كل شي ينقال صدق و أذا في شيء أسود فيه ألف شيء أبيض في الزواج.
بعد الزواج يعني بعد ما طاحت الفأس بالرأس وعلى قولة أخواننا الكويتين ما كو فكة واحنا في السيارة .رايحين للفندق بننام الليلة ومن بكرة بنسافر لماليزيا مثل كل السعوديين يعني وين نروح.أنا علشان أتعدى هالموقف الصعب قحشت كل أشرطة مزعل فرحان وبشير شنان والأحسائي أخوان وحطيت مكانها أشرطة فيروز بس المشكلة اللي يسوي فيها نفسه ينكشف بسرعة أجل مشغل أغنية القدس ..شوي وعيني تدمع ..وعلى هالجو الرومانسي ... وانا ساكت يقال لي مستحي ( رجال آخر زمن ) وفجأة يضرب اللي قدامي فرامل بقوة ( في شارع العليا ) وتشين الأخلاق وقتها ويطلع العرق
أنا : يا بن الكلب يا ملعون الوالدين فتح عيونك يا جعلك تنعمي يابن الكلب ..والله لو نزلت عليك يا ابن اللذين أتفل بوجهك مو الشرهة عليك يابن (....) الشرهة على اللي عطاك الرخصة وخلاك تسوق في الشوارع ... وبعد لحظات التفت على شروق يوم تذكرت أن هذي ليلة عرسي ..شفتي يا حياتي شباب متهور يسوقون في الشوارع الله يهديهم بس .. يطلعون الواحد عن طوره .استغفر الله العظيم .عسا ما صار لك شي يا حياتي
شروق : لا أبد سلامتك بس انتبه لدربك لا أحد يضرب فرامل بعد في وجهك مرة ثانية تصير مشكلة وقتها
المهم وصلنا للفندق وكل واحد توزى في قرنة وبدل ملابسه توني بأقول لها يا حياتي وش رأيك نطلب للعشاء الا شروق تقول لي
شروق : عبدالعزيز حبيبي معليش تراني تعبانة وبأنوم تعش بروحك يا حبيبي بالعافية
أنا : وشو ما راح تتعشين معي ما يصير يا قلبي .كان ودي نتعشى سوى ثم نجلس ونسولف مع بعض ( تطبيقا للحكمة الصينية أجعل أنتصاراتك في أراض جديدة بعيدة عن موطنك )
شروق : ( من تحت طرف الغطا = الكنبل ) نسولف وش تقصد بالضبط بنسولف .يعني نتكلم ولا شي ثاني لا سمح الله .. هاه
أنا : لا نتكلم كلام عادي أنا وأنتي يعني نعرف بعض من أول نتكلم كحبيبين الآن كزوجين حبيبين ورانا عشرة عمر
شروق : اها أذا كذا مو مشكلة هالحكي أهم بكثير من النوم النوم يقدر يستنى بس هالمشاعر الفياضة لا ما تتأجل ..قل لي يا عزوزي وش مواصفات البنت اللي تحلم فيها بصراحة بصراحة يعني لا تجاملني قل الصدق هاه حبيبي الصدق .. ترى احنا الان عادي نأخذ ونعطي مع بعض
أنا: بصراحة من يومي صغير أبي واحدة تشبه سعاد عبدالله بس عقب الطفرة صرت أفكر بزينب العسكري ولا باسكال مشعلاني .. الصراحة البودي حقهم شي غير طبيعي خصوصا باسكال مشعلاني
شروق : باسكال مشعلاني عاد وزينب العسكري ياخي ذوقك مدري وشلون صاير طيب يوم شفتني وش حسيت قل الصدق لا تجامل ..علشاني زوجتك يعني تراني فري والله
أنا : والله يوم شفتك بصراحة أعجبت فيك قلت في نفسي من هالطخمة هذي بس بيني وبينك مدري وشلون أحس جسمك يبغاله شوية تعديل اسكتي يا مرة شفت واحدة في اليورومارشية جسمها خطير جسم موديل في الأول حسبتها لبنانية بس طلعت سعودية يوم واحد لحقها قامت تشتمه بس بنت اللذين شي مو طبيعي ..غرتها ماشالله ولا عيونها صدق اذا قالوا لك تذبح وتداوي .ولا مشيتها ما شفت دلع مثل دلعها
شروق : بتبطى تحكي ولا وشلون خلاص كان تقدمت لها أذا هي معجبتك وش الله حادك على الشيف ...
أنا : ياليت لا قصدي وش فيك زعلتي أصلا مثل هالأشكال جمالهم للشوف بس ولا تلقين أخلاقها ولا بد ولا من داخل يعلم الله .أما أنتي جمالك من برا ومن جوا ولا فيها بعد الله لا يحرمني منك .. الآ أنتي وش كانت أحلامك وش كانت مواصفات فارس أحلامك ..
شروق : والله أنا كنت أتمنى أن الله يرزقني بولد الحلال يكون شاب متدين ومتعلم ووظيفته زينة وأخلاقه عالية .
أنا : بس هذي كانت كل أحلامك يعني مافي شي ثاني كان في بالك
شروق : اها أي والله بس واذا تبي الصراحة الصراحة يعني كان ودي يكون في وسامة توم كروز ولا شعره
أنا : اها أجل مثل توم كروز .ما دريتي ليه نيكول كدمان طلقته اكتشتفت الله لا يبلانا أنه جاي شاذ يعني الله يفشله
شروق : اوكيه مو مشكلة خلني أكمل ولا شعره زي شعر براد بيت . كذا يطير من نسمة الهواء
أنا : عاد براد بيت ضحكتيني زوجته جنيفر انيستون تقول في لقاء أنه تعيش معه مثل الأخوات بس تحب أنها تتصور معه صدق أنهم نفخة على الفاضي ..
شروق : أنا لله وأنا أليه راجعون على الأقل يكون فيه من رجولة جورج كلوني قل بعد فيه شي هذا اللي ناقص
أنا : هاه لا ونعم بجورج كلوني اشهد بالله أنه رجال ..بس ما تقرين الشرق الوسط يقولون في واحد عبد كاسر عينه بشريط .. عاد معلقين يقولون أن هالعبد كان في نفس حارة جورج كلوني يومه صغير تتوقعين كاسر عينه بايش
شروق : أقول مالت عليك وعلى سواليفك البايخة هذا كذا وهذا مدري وش فيه طيب يا سيد الرجال أنا بأنام يالله تصبح على خير صحني بكرة علشان نسلم على أهلي واهلك ونروح للمطار ورجاءا المجلات اللي تجيب منها أخبار الممثلين اللي قلت لي عنها ما عاد أبيها تدخل بيتنا يالله تصبح على خير
أنا : وأنتي من أهل الخير ( على قولة المثل البلجيكي اذا كنت ضامن الانتصار فلا يهمك أنك تنضرب في أول جولة )
وثاني يوم الظهر رحنا سلمنا على أهلي وقامت أمي توصيني عليها قدامها
أمي : يا عبدالعزيز يا ولدي ما أوصيك كل شي الا شروق بنت الحبيبة على قلبي ترى أمها غالية علي أياني واياك تزعلها ( وهمست في أذني الله الله بنفسك ما عليك الا من روحك ولا تزعلك أنا وأمك الزم ما علي أنت ) فهمت وش أنا أقول ...
أنا : ايه الله يسلمك وش دعوة قالوا لك ما أفهم
وبعدها رحنا لأهلها نسلم عليها وجلست أمها ساعتين توصيني على بنتها يالله طلعنا علشان نلحق على الطيارة وركبنا الطيارة وفي الطيارة ...
أنا : أنا أبي عند الدريشة لا تقولين ما قلت الكرسي جا من نصيبي
شروق ك وش كرسيه تخلي زوجتك في السيب ما أنت صاحي يالله بس أنا عند الدريشة ...وجلست هي جنب الدريشة والتفت علي .. هييه هييه أنا عند الدريشة لعبت عليك أثرك مخفة ينلعب عليك .
أنا : ( وكل قهر الدنيا فيني ) يا ربي ما تجي الشمس من جهتك و وتصيرين ما تقدرين تشوفين شي
شروق : على الأقل بأصير أقدر أشير الأقلاع والهبوط هع هع هع
وتمر المضيفة من عندنا وأسألها ,
أنا : لو سمحتي وش الأفلام اللي بتعرضونها على الرحلة ممكن أعرفها سمعت يقولون فلم ال باتشينو الجديد بتعرضونه صدق هالحكي
المضيفة : لحظة بس أجيب لك لستة الأفلام اللي راح تنعرض على هالرجلة ...
شروق : أجل بيعرضون فيلم ال باتشينو في الرحلة يا حظنا ليتنا جايبين فيديو معنا علشان نسجله لأهلنا اذا رجعنا للرياض يشوفونه وش رأيك هاه أنت أول مرة تتزوج ..شكله مبين كذا في أحد ثاني يوم زواجه يتفرج على الفيديو ويترك زوجته صدق ما عندك سالفة
أنا : الآن مو تركت لك الدريشة وش تبين بعد قصدي حسبتك تبين تنامين يا حياتي.خلاص ما في أفلام انبسطي الله يستر هذا الزواج من أوله ..ايوة وش تبين نحكي عنه يا حياتي
شروق : يعني مثلا مثلا وش رأيك نتكلم عن ليلة العرس وش كان انطباعك ... ألا صح وش مدخلك عند الحريم مو متفقين من قبل أني بطلع لك من تحت لتحت ما أشوف الا أنت ببشتك جاي تركض ومعك أخوي الخبل و من زود الشيافة مبتسمين تقل الواحد منكم بيأخذون له صور ..أخوي عازب يعني ما عليه شرهه بس أنت يالمعرس وش نقول عنك وعيونك صايرة كاميرات مراقبة الا ما جازوا لك بنات في العرس
أنا : والله يا كان في العرس قطع بعد عندك أم أحمر اللي مطلعة كتوفها صدق أنها ما تربت الكتوف طالعة ونص الصدر باين أنها ما تربت صدق بس ولو البنت قطعة ما عليها ..
شروق : تقصد مرام بنت خالي .. أجل ما تربت هاه المسكينة خبرها عرس نسائي ولا في رجال وجييههم مغسولة بمرق .لا ومن زين الطبايع ترقص أنت وأخوي ... وين الاتفاق أنك ما تدخل هاه
أنا : والله يا حبيبتي هي مرة في العمر يعني الواحد كم عرس بيصح له يدخل عند الحريم .. بس يا بنت خالك بعد بنت كلب عليها مواصفات قياسية صدق
شروق : أقول ما ودك تشوف لك أفلام أحسن ال باشينو بيعرضون فيلمه الآن وش نقول بس رجال عيونهم فارغة
أنا : لا تكونين زعلتي يا حياتي .. بس يعني الواحد ما تتكرر الفرص في حياته أكثر من مرة يا اغتنمها يا جلس يتندم عليها طول الوقت ..أهم شي أذا وصلنا لكوالالمبور وثم انطلقنا للفندق وبعدها ننام الواحد تعب من العرس والمشاوير
شروق : وشو ما راح نتمشى اليوم يقولون كوالالمبور تهبل مرة حلوة خل نتمشى
أنا : لاحقين عليها عندنا أربع أيام في كوالالمبور غير يوم الوصول ثانيا يوم نوصل بيكون الوقت متأخر يعني الناس نايمين يعني لو طلعنا نتمشى ما راح نلقى شي
شروق : الله أحسن شي يا أخي أنت فاهمني صح أنا أحب الهدوء ولا أطيق أماكن الزحمة وعلشان نكمل كلامنا وتعارفنا حق البارح يالله مرة كان حلو
أنا : ( همسا ... بدينا بشغل اللكاعة ) ايه أجل تحبين الهدوء وتبينا نكمل كلامنا أذا كذا ما يخالف من عيوني ابشري يا قلبي أول ما نحط شنطنا في غرفتنا في الفندق على طول نتمشى ( ايه هين تعتبين برى باب الغرفة قبل يومين )
وأول ما وصلنا الفندق وحطينا شنطنا في الفندق تلتفت علي شروق
شروق : يالله يا حبيبي خلنا نطلع نتمشى يقولون كوالالمبور تجنن في المساء قمرها غير
أنا : الله يهديك وش نطلع ما شفتيني أتنافض في هالتاكسي من البرد أحس أني بأجمد والمشكلة ما جبت معي الا ملابس صيفية .. ما دريت أن ماليزيا باردة مرة في الليل أنا أقترح نتعشى هنا ونتدفى ترى الدفا في البرد زين مرة
شروق : هاه وشو وش برده الله يهديك يمكن لأنك جوعان حسيت أن الجو برد وأذا برد مرة معي جاكيت جلد مستعدة أعطيك أياه ينفع للنساء والرجال
أنا : ( يا شين البنت اذا قامت تستعبط ) أقول يا قلبي عاد والله ماني جوعان بالعكس من زود البرد أفكر في الفراش أتدفا وارقد في الدفا الله لا يغيرها من نعمة
شروق : كويس أجل أنت نم يا حياتي أنت نم وأنا بأرتب الملابس واخذ لي دش وأتفرج على التلفزيون وبعدين أنام
أنا : معصي ..هذا اللي ناقص ..قصدي يا قلبي وشلون أرتاح على الفراش وأنتي مو معي والله ما يهنا لي نوم ثانيا ناسية أنك دفاية حياتي ..قصدي شمعة حياتي ..اللي أتدفا منها يالله تعالي خلينا ننام سوى
شروق : يا وصخ أثر هذا قصدك من الأول
أنا : وصخ ..وش وصخه يا بنت ..وش أنا مفكر به كل الناس تفكر بهالشي اها بس تعوذي من أبليس وتعالي ورانا قومة الصباح بدري علشان نتمشى يالله يا قلبي الواحد من طول العزوبية قب وجهه كله حبوب شباب حسبي الله على العزوبية وغثاها ..
شروق : هاه طيب طيب شوي يا عيوني أروح الغرفة الثانية أبدل وأرجع لك
أنا : يا حبك للتأخير وش الغرفة الثانية بدلي هنا شوفيني قدامك بأبدل في ثواني
شروق : لا الله يخليك خلني براحتي ترى أزين شي أن الواحد يأخذ راحته
وتدخل شروق الغرفة الثانية ( هذا عيب اللي يحجز جناح في شهر العسل وفر هالشغلات لبعد عشر سنوات زواج يكون الاثنين ملوا من بعض ) وتجلس فوق ساعتين ... لين زهقت وطقني البرد و أنا بطقم البوكسر ( البوكسر = سروال للسنة للمتزوجين في شهر العسل بس وش الحكمة مدري لا تسألوني ) وقمت أنادي وأطق الباب
أنا : يالله يا شروق يا حياتي ترى كلني البرد من جد هالمرة ...متى بتطلعين ...
شروق : خخخخخخ ( يعني نايمة و أشاخر ) خخخخخخخخ خخخخخخ
حسيت هاللحظة أني أنلعب علي ..وقتها دقيت على واحد من ربعي المتزوجين أخذ مشورته في اللي صار وكيف الواحد يصل الى مبتغاه
صديقي : هلا والله بالمعرس هاه يقولون الزواج يفك الركب فك وشلون ركيباتك بس عساهم مرتاحات
أنا : أي متفككات الا مثل ما هم تقل شاب فيهم الروماتيزم الله بلاني بواحدة فيها لكاعة عن ديرة كاملة الله لا يوريك أذا عرفت أني أبي ذاك قامت تدور الأعذار مدري وشلون أجي لها اذا جيت من اليمين راحت لليسار وعلى هالحالة
صديقي : وسع صدرك كل الحريم كذا يعني مستحيات والصدق يتمنعن وهن راغبات تدري أحسن حل .. هي الاغراء ومن بعد الاغراء أبدى بالاغتصاب ..البنات يعزون شي اسمه الاغتصاب اسأل مجرب ..
أنا : وشلون أغراء ومن بعدين اغتصاب ... فهمني بالتفصيل الله يرضى لي عليك ...
صديقي : شف بكرة تطلعون الصبح تتمشون عادي ولا كأن شي صار أمس ..وفي الليل توديها لمطعم وتعشيها عشا فخم وتملي بطنها بقوة علشان ما تقدر تنحاش منك في الغرفة حتى لو ما تبي تأكل أكلها بالقوة ..وبعدين أذا وصلتوا الغرفة تبدى بحركات الأغراء وتفتح أزارير القميص والله استجابت خير وبركة ما استجابت اغتصبها و أذا فيها خير تنحاش لأنها ما تقدر عقب الأكل اللي أكلته .. ولا يهمك صدقني البنات يحبون العنف خلك عنيف يابو ناصر وما عليك
أنا : أبشر من عيوني الثنتين بكرة أن شاء الله توصلك البشاير
ومن بكرة رحنا نتمشى طول اليوم ولا كأن شي صار بيننا أمس ..وغديتها في مطعم سمك وعشيتها في مطعم صيني وخليتها تحلي غصب في محل معجنات فرنسي وأكلتها تقريبا 2 كيلو ذاك اليوم ولما وصلنا الغرفة كنت موصي أدارة الفندق تقفل الغرفة الثانية في الجناح حتى دورة المياة قفلوها والمفتاح معي ..الواحد بعد لازم يأمن جميع المنافذ ... وشوي وشروق تبي دورة المياة
شروق : عبدالعزيز غريبة مقفلين دورة المياة وش الطاري اليوم في شي
أنا : وأنا فاصخ قميصي وطالعة الفانيلة العلاقية ( شاريها سامع أن ماليزيا رطوبة ) وأرد عليها . هاه أجل تبين دورة المياة المفتاح معي يقولون في سروق في الفندق ينط للغرف من جهة الحمامات ..
شروق : لحظة وليه مقفلين الغرفة الثانية بعد خايفين من السروق
أنا : لا يا قلبي عندهم عجز في الغرف فاتصلوا علي قالوا أذا ما عليك كلافة نبيك تعطينا الحجرة الثانية في الجناح و بنرجع لك قيمتها عاد بيني وبينك شفت مالها فائدة هالغرفة
شروق :عبدالعزيز ترى ما أحب هالحركات زين كل شي بالخناق الا هالاشياء بالتفاهم فاهم ولا لا ثانيا البس قميصك لابس هالفانيلة العلاقية كأنك يمني يبي يسبح في بركة ترى والله عيب كذا
أنا : أجل ا للي يقولون بيروحون يبدلون في الغرف الثانية ويقفلون على أنفسهم وش يسمون هالحركات هاه .. يالله وريني وين بتروحين هالمرة
شروق : أنا عارفة أصلا أنك مثل باقي الرجالين تفكيركم وصخ ما تفكرون ألا وش اسمه ذاك يا أخي ترى في الحياة أشياء ثانية مهمة اكبروا عاد
أنا : يعني وش الأشياء المهمة بوجهة نظرك ندور في الأسواق ولا نزور حديقة الحيوانات ... ترى عطيتك وجه يالله عاد
شروق: يا عزوزي المشكلة وشلون أقول لك هالشي كويس وحلو بس أنتم ما تفهمونه صح يعني أنتم كل المسألة بالنسبة لكم استعداد جسدي احنا غير لازم نستعد نفسيا ونتهيأ نفسيا مو كذا خبط لزق
أنا : وش استعداد نفسي بالله عليك أحد قال لك يوم بنعرس بنجلس نلعب بلاي ستيشين يعني أبوك يوم تزوج أمك وش سووا وشلون أنتي و أخوانك جيتوا هاه يا أم استعداد نفسي
شروق : طيب شوف أنا بأكلم بنات خالاتي في الرياض اللي تزوجوا أشوف وشلون يعني كيف وش اسمه يمر زين و أوعدك أني استعد نفسيا وبكرة أوعدك راح تكون ليلة لا تنسى في حياتك هاه وش رأيك
أنا : أنا أقول ليه ما نسمي بالله الليلة وبكرة تقصين لهم كيف جلت وصلت هاه مو كذا أحسن يا حياتي
شروق : لا الله يخليك طلبتك بليز اللي صبرك هالسنين كلها يصبرك هالليلة بس علشاني أرجوك
وصبرت على بالي بأصير جنتل وثاني يوم واحنا طالعين نتمشى في أحد الأسواق ألمح لها وهي مسوية نفسها ثقيلة ولا همها ولين جا الليل على الساعة 7 قمت أتثاوب يعني جاني النوم ..وقلت لها وش رأيك نرجع للفندق ياحياتي تعبت من اللف والدوران
شروق : على هواك يا قلبي حتى أنا تعبت من المشي يالله الواحد اشتاق لفراشه
أنا : ( ياليتها مكلمة بنات خالتها من بدري بسرعة أقنعوها ) أجل يا قلبي نأخذ تاكسي ونطير على فندقنا
ووصلنا الفندق ودخلنا الغرفة لقيت شروق بدلت ملابسها ولبست البيجامة ونصت الفراش على طول وجلست أغير ملابسي والبنت تتفرج ولا على بالها .و جيتها وأنا أتراقص ولما وصلت الفراش
أنا : الليلة ليلتنا ما أحلاها الليلة .. الليلة ليلتنا ما أحلاها الليلة ... أكلك منين يا بطة أكلك منين
شروق : عبدالعزيز ودي أقول لك شي قبل ما تتحمس مرة بس يعني ياليت تكون وسيع صدر
أنا : قولي يا بعد من قام وقعد وش بغيتي يا حياتي
شروق : ترى الليلة ما في شي يعني بننام مثل الأصدقاء ما ودي أقول الأخوان علشان ما تصير هالكلمة فال شين
أنا : وشو وش ما في الليلة شي بدينا ..خلصنا الاستعداد النفسي وبنبدى بايش هالمرة
شروق : والله هذا حكم الله وش نسوي عاد ..ولا أنا ودي بهالليلة بس حظك ينرثا له والله اليوم الصباح بدت
أنا : لاااا ووععع عاد ما لقت تجيك الا هالحزة ..وان شاء الله كم بتجلس طويلة العمر على كذا يومين ولا ثلاثة
شروق : والله أني حاسة فيك من جد يعني لا تحسبني أتتريق بس هي بالعادة تجلس معي 6 أيام بس أذا مسافرة ولا أسوي مجهود 7 أيام يالله تراها تعدي بسرعة ما تدري ألا هي وزز خلصت
أنا : وش 7 أيام وش حركات النص كوم هذي ما اتفقنا على كذا كم رقم أمك
شروق : هو هو هو وش تبي برقم أمي ناوي تفضحني وش ذا الحكي بس
أنا : شوفي أنا زوجك ومن حقي أتأكد ثانيا هذا شي مو مرة ولا مرتين يعني طول العمر بنبتل كذا
شروق : تبي تفشلني عند أمي...أنا أهون عندي أنك تتأكد بنفسك ولا تسأل أمي عن شي زي كذا عني
أنا : أتأكد أنا بنفسي لااااء ووعع هاتي مخدة وفراش بس الله يصبرني عليك 7 أيام يا ظالمة سفرتنا كلها 15 يوم النص تقريبا اللهم لا اعتراض
شروق : بالله هذا موقف رجل يتخلى عن زوجته حبيبته في هالأزمات صدق أنكم يالرجال قليلين خاتمة
أنا : المسألة أني ما تعودت يعني هي بالنسبة لكم مسألة جسدية بحته بالنسبة لنا يالرجال يبيلها استعداد نفسي وأنا توني ما بعد استعديت يالله تصبحين على خير .... وجلسنا سبع أيام في كوالالمبور ولينجاوي وبعدين شدينا الرجال الى مدينة جديدة اسمها ( بييانغ) وكان وصولنا لها في الليل ولما وصلنا الفندق
أنا : يالله خلي الشنط زي ما هي ولا في طلعة ولا شي والسبع أيام العصيبة خلصت الحمدلله مالك عذر الآن ( خربت الأخلاق ) الواحد في هالعشر أيام طق وجهه نفر من الحرارة اللي مالها علاج
شروق : وشو لا ..لا تقول من يقول .عبدالعزيز أرجوك لا تتهور أصبر أنا جوعانة ما ودك نطلع نتعشى نتمشى أي شي
أنا : مابي أتعشى ولا أسوي شي ألا لما أسوي اللي لي فوق 24 سنة أحلم فيه الواحد لولا خوفه من ربه كان نفس عن نفسه بطرق غير شرعية
شروق : أنت ليه كذا هاه فهمني ليه متحمس على هالشي يا أخي في الزواج أشياء أكثر وأهم وأسمى من هالشي اللي أنت حاطه في بالك في مثلا الألفة والمحبة والتعاون
أنا : لا التعاون ولا الرائد اللي تقولين عنه يجي مع العشرة أما الشي اللي مو مالي عينك المفروض يتم من ليلة الدخلة ..ثانيا ليه أنتي ما تبينه لا يكون تفكيرك مختلف عن بقية الخلق .هاه علميني
شروق : لا والله مو كذا بس مدري وش أقول لك أخاف ..الكلام اللي سمعته من المتزوجات يخوف بصراحة .اللي تقول ألم يروع واللي يتقول بتجلسين تصارخين ..ولا تقول سمي بالله واقري المعوذات قبل صرت أخاف
أنا : هههه تصارخين من شي ثاني ..قصدي وش هالحكي لا تصدقين كان الناس ما جابت عيال وسعي صدرك .يعني هالشي تقدرين تقولين مثل شكة الدبوس شوي ألا وهي خالصة
شروق : اها قلتها بنفسك زي شبكة الدبوس آه منكم يالرجال يا أنانيين ولا يهمكم طبعا وش عليكم الدبوس لو بيشككم كان عرفتوا مو تقولها بكل بساطة مثل شبكة الدبوس .. يا جعلك تونس هالدبوس
أنا : هي أنتي ووجهك وش اونس الدبوس ..الحين جزاي أني أخفف عليك ترى ما صارت يا بنت الحلال أحسن حل خذي لك بنادول علشان يسكن الألم هاه وش رأيك
شروق : يعني مصر ..وش رأيك تخليها لين أنا أقول لك عن الوقت اللي أحس أني شجاعة وأقدر أتحمل
أنا : عنك ما صرتي شجاعة ..وان شاء الله ما تحملتي ..ما صكيت أربعين ألف ريال مهر ..وذهب بعشرين ألف وذهب لأمك وخالاتك بعشرة الآف ريال و سبعين ألف ريال لقاعة الزواج ..و300 ريال أشرطة بلاي ستيشين لأخوانك الصغار علشان أنتظرك تتحملين خليها بالطيب لا تجي بالقوة تراني متهور أسويها ..
شروق : يمّه منك عبدالعزيز خلاص والله خلاص هالليلة أن شاء الله بس طلب صغير بس الله لا يهينك انتظرني في الغرفة الثانية أبي أبدل ملابسي ومستحية أبدل قدامك وخل الباب مفتوح علشان تطمئن هاه وش قلت
أنا : بأشوف وش نهايتها أنا بطلع للبلكونة وكرم مني بأترك الباب مردود ( مردود = كأنه مسكر بس مو مسكر ) وأطلع للبلكونة ..وفاتح أزارير القميص على بالي رشدي أباظة ويهفني هالبراد يالله براد الجنة وأقول في نفسي اللهم لا اعتراض يعني لو جو الرياض في الصيف مثل هالجو كان ما تعديناها ابد وفواتير الكهرباء تصير وش زينها بس اللهم لا اعتراض .. و أنا أهوجس ألا يجيني طبع الشياب واخذ لي غفوة في هالبراد ..ما وعيت ألا أنا بعد شوي أكحكح ومدري وش فيني بديت أدوخ ( مو كفو نعمة حده جده ويخب ) وأنا أنتظر شروق تناديني ..وبعدها ما دريت بالدنيا الا في سرير ابيض وفوق رأسي دكاترة وممرضين وليات مشبوكة فيني ..وشروق تناظرني وتبكي ..
أنا : ويني فيه ..وش السالفة
شروق : في المستشفى يا بعد عمري ..خذك البراد والهوى وطحت في البلكونة .. ربك فوق الظالم نيتك تشك غيرك بالدبوس قام الله وشكك بالانفلونزا بس المشكلة أحبك .يوم شفتك ما ترد علي و أنا أناديك وأقوم اتصل على استعلامات الفندق وطلعوا وسحبوك وجابوك للمستشفى روعتني عليك يا بعد عمري الله يهديك هذا اللي جنيته من دبوسك وش . زينك من أول ... الدكتور يقول يمكن تحتاج 4 أيام في المستشفى
أنا : لا وش 4 أيام في المستشفى كلها أنفلونزا أنا جيت أتمشى ووش أسمه ولا أترقد في مستشفيات أبي أطلع
شروق : لو طلعت يا قلبي يمكن تتعب أكثر خصوصا أنت رجال تبي تطامر في هالليول والمطامر الآن مو زين لك
أنا : الله أكبر اللي صبرني عشر أيام يصبرني أربع أيام زيادة
شروق : والله ما ظنيت أنك تقدر تصبر ماش قلبي قارصني منك بقوة على العموم أنت لازم تهتم بصحتك ترى الانفلونزا تهد الواحد بقوة وأنا بصراحة مو علشان شي ولا رغبة في نفسي بس من جد خايفة لا تشد عليك المرة الجاية
أنا : لا خلاص والله أصبر وبأصير عاقل وبأخذ أدويتي بانتظام بس أبي أطلع من المستشفى
وجلست أربع أيام ما غير أدربي حول الفندق والمناديل معي من فعايل الزكمة والانفلونزا وعايش على البخاخ اللي صرفوا لي علشان يهدي خشمي شوي .. ولما خلص البخاخ رحت للصيدلية أجيب لي واحد ثاني ولما دخلت الصيدلة طرت على بالي فكرة نستني أشتري البخاخ حقي
أنا : اسكيوز مي أي هاف انسومنيا أي كانت سليب سينس أي كام هير كان يو جيف مي سم ثينق ميك مي سليب ( يالأخو من يوم جيت ديرتكم ما ذقت الرقاد عندك شي يخليني أنام )
الصيدلي : يس اوفكورس وي هاف ماني اوف ذيم نوت كهه دوا اونلي ( افا عليك بس عندنا أدوية واجدة مو مثلكم بس جيدين بدوى الكحة )
أنا : بت أي دونت لايك تريتمنت أي ونت سم ثينق توبت ات ان ذا تي او جوس ذين درينك ات اند نوت فيل اني ثينج اوكي ( يا أخي تحوم كبدي أذا شربت دواء أبي دواء أذوبه في بيالة شاهي ولا كاس عصير وأبي أذا شربته ما أونس شي بالمرة لو مدفع )
الصيدلي : يس اوفكورس ذيس ميك يو سليب 8 هورس اند نوت فيل اني ثينق ( هالدواء أبد عز الطلب على الأقل 8 ساعات نوم بدون ما تحس أي شي بالمرة )
وأخذ ا لدواء وأطمر للفندق وأطلب شاهي واحلف ما يقدمه ألا أنا وأحط لها حبتين لولا خوفي من الله لا يصير لها شي أن أحط لها نص العلبة ..واقدم لها كوب القهوة وتوها تشرب شربتين ألا البنت تفخ وأشيلها وأحطها على السرير ..وأغني حسرة عليها حسرة عليها ما جت رجليها ما جت رجليها وألبس ملابس الليل صروال سنة وفانيلة علاقي لأن ا لدكتور مزكن علي ما أجلس أبد وأنا لا بس خفيف وأسمي بالله بس ماش أحس أني مطنش ولا في شي وأجلس أقرا الدعاوي كلها ماش ما في أي تقدم قمت أسوي تمارين وأسمي بالله وأتعوذ من الشيطان أقول يمكن من الفرحة صارت عنده صدمة ماش ولا في أي نتيجة وجلست نص ساعة ما خليت شي أعرفه ألا سويته بس ماش حسيت ..أن هالليلة خارج الخدمة وجلست أقول له وين اللي كان يشتر على صوت أي بنت وش جاك يالحبيب يالطيب وقتها حمدت الله أن شروق كانت نايمة ولا كانت فضيحتي بجلاجل وجبت المخدة ونمت زي طفل بأولى ابتدائي ساقط في مادة المطالعة والقراءة أذا حس أنه تيس في الصف .. وثاني يوم الصباح على الفطور
شروق : أنت أمس حاط لي شي في الشاهي هاه اعترف
أنا : أبدا ما حطيت لك شي وش بأحط يعني أكيد يتهيأ لك
شروق : ألا أجل برقد 8 ساعات متواصلة ولا أحس بشي ..المشكلة أنا ما همني أني نمت ولا حسيت بشي المشكلة الناس المتحمسين ما سووا شيء أبد وطول الوقت أزعاج ... هاه يالله كمل فطورك بس
أنا : وش دراك أني ما سويت شي قصدي وش دراك أني أنا السبب
شروق : يا أخي قلبي دليلي أحساسي صادق ما عمره كذب علي بس للأسف طلعت رجال زي باقي الرجاجيل ما ينوثق فيك للأسف خيبت ظني كمل فطورك بس ..
أنا : شوفي لحظة لعب علي أبليس .. خلاص ووقتها أنبني ظميري أسوي لك شي وأنتي نايمة هذي كل السالفة ورجاءا لا تطالعيني كذا ترى ما أتحمل نظرات العتاب حقتك
شروق : للأسف مابقى لنا الا يومين ونرجع للرياض يا أخي كان صبرت شوي صدق ما راح تكبر أبد ترى اللي صار لك عقوبة من الله ليتك تتعظ بس وتفهم
أنا : خلاص أوعدك ألى أن نرجع الرياض بأمشي على هواك وأمرك زين كذا بس خلي الطابق مستور شكل ماليزيا هواها فيه شي بعذر عددهم كل سنة ينقص رجالهم مدري وش جايهم رؤوسهم في الأرض
شروق : أقول كمل أكلك بس أجل هواء ماليزيا فيه شي طيب يا خبير الطقس والبيئة
وجلسنا هاليومين على هواها نروح ونجي لين جاء وقت السفر ..وجلسنا نرتب الشنط ودخلت دورة المياة زي العادة أشلح الصابون والشامبو ( أبو طبع ما يجوز عن طبعه ) وألقى قارورة غريبة مكتوب عليها بالعربي ( محلول كافور مركز ) وللي ما يعرفون وش الكافور حاجة كذا بالضبط عكس الفياجرا تستخدم في العسكرية علشان تهجد الطلاب ...وانطلق لشروق وأنا معصب آخر تعصيب
أنا : ممكن تفهميني وش هذا ..أجل عقوبة من الله هاه وهذا جزا اللي يسوي بالثاني .. وتشككيني بروحي أثري مستنكره ذيك الليلة مو اللي على خبري .. أثرك أنتي جايبة هالقارورة وتحطين لي منها وأنا على نياتي ..
شروق : لا والله بس ذيك الليلة بس .شفتك قمت بالعافية من الانفلونزا و دايما تقول هالأدوية تنشطك .. وتحس نفسك مثل الحصان والأعذار اللي عندي كلها خلصت .وأنا بيني وبينك خايفة من هالشي صحيح أنه حلو وكل البنات يحلمون فيه بس اللي سمعته عنه يخوف وبنت خالتي نصحتني اذا شفت الدعوة مرة تخوف حطي له شوي من هالعصير الكافور عاد ذيك الليلة قارصني قلبي شفتك ساكت ولا جبت طاري للي بالي بالك وطول الوقت تبتسم حسيتك مسوي علي مؤامرة قمت تغافلتك وحطيت في كوب الشاهي من هالكافور ..وبس يعني كحماية
أنا : لا والله و تاركتني أندب حظي وأعزي نفسي مير أنا عارف نفسي زي الحصان بس مدري وش جاني ذيك الليلة ما صرت أسوى بصلة أثاري كله منك حسبي الله عليك كثر ما شككتيني في روحي بالله وش أسوي فيك قولي لي
شروق : والله غلطانة بس لازم تعذرني كنت خايفة ...
أنا : تدرين لو ما ورانا طيارة كان وريتك شغل الله وصلت بك للكافور بكرة وشلون أنام جنبك أخاف تقتليني ولا تشمميني غاز مميت وأنا نايم تركتيني أفقد الثقة فيك
شروق : والله يا عبدالعزيز آسفة ما تتصور كيف خجلانة صدقني كنت ناوية أصارحك وأسوي لك ليلة حمراء في الرياض أول ما نرجع .. يا عزوزي لا تزعل مني والله أحبك أنت أثبت أنك أنسان جنتل ومحترم وهذي بوسة لك بس لا تزعل مني الله يخليك ترى ما أقوى زعلك والله مستعدة أبوسك ألف مليون بوسة بس ترضا عني
عامل الفندق : سير ايام ريدي تو بيك اب يور لقج ( يابو الشباب أخلص علينا وين عفشك علشان أدربيه من الدرج ) ابد ما يجون في الوقت غير المناسب
أنا : اوكيه ويت منت ..رحمك الله بهاللي جا يأخذ الشنط بس دواك عندي يالله قدامي يا بتاعة الكافور
ووصلنا للفت وأشوف عامل الفندق اللي يشيل الشنط يمشي عنا وألحقه وشروق بيدي ..ويقول لي في لفت خاص في الجهة الخلفية كبير مخصص للعمال واللفت هذا بطيء طبعا أنا أطبق حكمة أبوي اللي يقول ( يالرخمة لاتترك شنطك أبد مهما صار لا يتغافلك أحد ويسرقها ..قلت للعامل رجلي على رجلك وبالفعل رحت معه وتونا بندخل اللفت ألا يدق علي جهاز الأرسال ( خوش فنادق ) في غرفة بعد أصحابها بيطلعون ويطمر ويتركنا في اللفت واضغط على زر الدور الارضي ... واحنا كنا في الدور 34 ..وجلسنا في اللفت حوالي ربع ساعة وبعدها طلعنا من الفندق للمطار ومن ماليزيا الى الرياض ... وكان في استقبالنا أخواني الاثنين ..وكل ما سألوني عن ماليزيا ..كان جوابي الوحيد
أنا : يا عندهم ليفتات خاصة للشنط صح تبطي بس مريحة ...... والذكي يفهم المقصود

[الرهـــــــــيب]

أووووووووووووووه .. تعبت ..

وصلت لحد من قابلتها بالسوق وفزعت لك وبعدين وقفت...اه ه ه ه
معقول كل هاذي قصة...؟!

بكملها بأخر الليل هههههه.

والله انك خطيييير انت وقصتك

[مصرقع اس اس]

اصبر لنهاية وتشوف البلاوي

[silent evill]

قصه حلوه لكن طويله يامصرقع ماعلمتك وقلت لك حط خمس اجزاء

كمل النهايه بسرعه

[أبوجمـــال]

أوه طووووووووووووووووووووووووووووويلة مره ...
بس الله يعطيك العافية....

[Pr.Game]

حملتها بالجهاز وان شاء الله يقراها يمكن نستفيد

[مصرقع اس اس]

سايلنتوخ
خلا صت الهرجة
فكرة مواضيعي اللي طويله راح اخليها اكثر من جزء

[~ Snake ~]

شمسويييييييييي هي كله قصة

بس علما انزل لاول رد قعدت نص ساعة لو قراتها كم بعد

[مصرقع اس اس]

ياخي حملها بالورد ولا احفظ الصفحة باسم واقرها وانت مرتاح

[:: Snake ::]

هلاع....

شوف صرقوع...ياخي صحيح القصه حلوه كلها وواقع يبطح نفسه وكلها سواليف....
بس ياخي فيها نقاط مال ام امها داعي....

المفروض اخوي تحط في بالك ان فيه ناس اقل من 16 سنه بتقرا ذا الكلام...

بس ما اقدر اقولك الا تسلم ومشكووور...

لكن عندي سوعال..
انت ناقلها ولا كاتب كل ذا السواليف..
(لا تنصب لو سمحت )

[silent evill]

هلاع....

شوف صرقوع...ياخي صحيح القصه حلوه كلها وواقع يبطح نفسه وكلها سواليف....
بس ياخي فيها نقاط مال ام امها داعي....

المفروض اخوي تحط في بالك ان فيه ناس اقل من 16 سنه بتقرا ذا الكلام...

بس ما اقدر اقولك الا تسلم ومشكووور...

لكن عندي سوعال..
انت ناقلها ولا كاتب كل ذا السواليف..
(لا تنصب لو سمحت )

اول شي محد يكتب قصص من عنده الا انا هنا يا سنيكووووو .. اونت عارف

ثاني شي يازين سعيدان ها
ثالث شي هذا الموضوع اللي رافع ضغطك وانت جالس تكلمني عنه في الماسنجر خخخخخخخخخخخخخخخ

["FoRcE"]

اول شي محد يكتب قصص من عنده الا انا هنا يا سنيكووووو .. اونت عارف

ثاني شي يازين سعيدان ها
ثالث شي هذا الموضوع اللي رافع ضغطك وانت جالس تكلمني عنه في الماسنجر خخخخخخخخخخخخخخخ

تدري وش المشكله .. انك اصلا ناقلها من واحد ناقلها
القصه لـ BLACK HORSE وذا موقعه http://www.blackhorse78.net/
وتراني اعرفه شخصيا
طحياتي

[silent evill]

تدري وش المشكله .. انك اصلا ناقلها من واحد ناقلها
القصه لـ BLACK HORSE وذا موقعه http://www.blackhorse78.net/
وتراني اعرفه شخصيا
طحياتي

لا نصاب بلاك ناقلها مني والله ماعلي قسسم بالله هو

اول شي ياحبيبي مو انا صاحب الموضوع بعدين انا الناس يسرقون مني قصصي ما اسرقها انا يعني انت اتهمتني الحين

المهم ماعلينا..

انا اصلن دخلت في الموقع ولا حصلت قصة الاخو مصرقع يعني انت حاط الرابط تسوي دعايه للموقع وهذا ممنوع ويتوجب عليه الايقاف..
مسوي ذيبان

[:: Snake ::]

اول شي محد يكتب قصص من عنده الا انا هنا يا سنيكووووو .. اونت عارف

ثاني شي يازين سعيدان ها
ثالث شي هذا الموضوع اللي رافع ضغطك وانت جالس تكلمني عنه في الماسنجر خخخخخخخخخخخخخخخ

خخخخخخخخخخ
ايه الله يرحم...........نسيت ؟؟؟

عموما مجهزلكم كمباك ابن سته وستين قطو....
قصص وغيره...


ايه والله يازين سعيدان..

ايه ياخي هذا هو..
موضوع من جد غريب..
ازين ما فيه انه طويل بطريقه مهي معقوله عشان كذا محد بيقراه..
بس انا يومها فاااااااااااااااضي...

والله واقراه وعيوني تناقز قدام الشاشه
وش ذا..؟؟؟؟؟

ومصرقع معد رد علي..
(الحين كلهم يقروه )

لحد يقرا الموضوع شباب >>>>>>>>>انواااع الدلاخه...

سلاااموووف..

[silent evill]

طيب وين مواضيعك سنيك اخلص ترانا نحتريك والله..