قصة الحوطي المهاجر إلى أمريكا (نكتة)
هذا طال عمركم حوطي اسمه راشد زهق من حياته ومن ركظه كل يوم الى مكتب العمال والديوان يبي له وظيفه وهو ما كمل سادس ابتدائي ...وصل الى رابع وجابوا له مدرس خصوصي في التعبير ولا نجح ...المهم فكر وقرر وقال مالي الا اروح اهاجر للخارج ولامني كونت نفسي رجعت لديرتي (اخس يالصعيدي ) المهم كلم ابوه وامه واخوانه وقال انا ابهاجر قالوا له وين تبي تهاجر الى يثرب ولا الحبشه ههههههههه قديمين مره المهم
قال لا ابروح لاامريكا وابتعلم وابكون نفسي
باعوا اهله اللي وراهم واللي دونهم علشان يسفرونه ويفتكون من خشته اللي كانها ضب مسوي ريجيم
المهم سافر راشد للخارج وعقب فتره ارسل لااهله رساله يطمنهم عليه ويقولهم ان المقاضي في امريكا غاليه من ثياب وشمغ وعقل (وش دعوه رايح لااسواق الديره )...قال لهم انه يبي مقاضي وكتبها بالرساله وقال ارسلوها بسرعه وكتب في نهاية الرساله ص .ب 42
اشتروا اهله كل شئ وعجزوا لايفكون الرمز ص .ب 42...وقعدوا يسالون في الحوطه وما جاورها عن هالغرض اللي يبيه ولدهم وعجزوا لايعرفونه قاموا ونزلوا للرياض ودوره بهاالاسواق الين لقوا لهم رجال كاشخ ومتسكب ومترزز وقفوه وقال انت من وين قال انا من اهل الحوطه بس الحمدلله متعلم وخذيت الدكتواره قام الشايب وقال ما شاء الله تبارك الله والله تطوروا عيالس يا الحوطه ...قال يا ولدي لنا ولد با امريكا ارسل لنا يبي مقاضي وجبناها له الا اخر شئ طلبه عجزنا لانعرفه فقلنا نسالك الله لايهينك تعلمنا عنه لانك فاهم ودكتوراه وترانا لنا اسبوع وحنا متلتهين قام الدكتور وخذا الرساله وقعد يضحك قال الله يهداك يا ابو راشد اسبوع ما عرفتوا وش معناة ص . ب 42
قال ابو راشد لا والله يا وليدي...قال الدكتور انتم دايم تفشلونا ولا تتطورونا يا اهل الحوطه علشان كذا انا منحاش وساكن بالرياض
المهم يا ابو راشد ص .ب 42 يعني ولدك يبي صندل بني مقاس 42 امريكا ما فيها
هههههههههههههههههههههههههههههههههههههههههههههههههه
ههههههه
اكيد بايخه
