صفحة 1 من 5 12345 الأخيرةالأخيرة
النتائج 1 إلى 15 من 64

الموضوع: شرح تصميم الأطقم من الالف إلى الياء .. (( خاص بالوصلاوي ))

  1. #1
    التسجيل
    29-12-2002
    الدولة
    الامارات - أبوظبي
    المشاركات
    2,171

    شرح تصميم الأطقم من الالف إلى الياء .. (( خاص بالوصلاوي ))

    بســــــــــــــــــــــــــــــــــــــــم الله الرحمن الرحيـــــــــــــــــــــــــــــــــم
    السلام عليكم ورحمة الله و بركاته ..

    بصراحة ترددت كثيراً في طرح هذا الموضوع من بعد ما خلصت من اعداده و السبب هو تصرفات بعد الأطفال من هذا المنتدى معاي ... بس قلت في ناس تستاهل ...
    المهم...
    أنا حاولت اخلي الشرح ابسط ما يمكن ... و رجاءاً محد يرد لين ما اكمل الدروس و بعدها أنا مستعد اسمع اسئلتكم ..
    و ارجوا من اخواني المشرفين تثبيت الموضوع للأهميه ..
    ____________________________________

    نبدأ :
    أول درس :
    طريقة التصميم و الأطقم الفاضية

    1-أول شي خزن الطقم الفاضي الي في المرفق ( أنا راح احط عدة أنواع للأطقم الفاضية ) .
    2-بعد ما خزنت الطقم ، أفتح الصورة عن طريق برنامج الفوتوشوب ( الي أنا استخدمته في هذا الشرح ) .
    3-بعد ما فتحت الطقم سو له كوبي ( انسخ صورة الطقم الفاضي ) عن طريق تحديد الصورة بالكامل Ctrl +A و انسخ الصورة الحين عن طريق مفتاح Ctrl + C .
    4-الحين افتح صورة جديد ( أو ملف جديد ) عن طريق مفتاح Ctrl + N .
    5-بعد ما فتحت صورة جديدة الصق الطقم الفاضي الي إنت نسخته من قبل عن طريق مفتاح Ctrl + V .
    6-و بعد ما الصقت الطقم سو عليه شريحة جديدة عن طريق ( Layer >> New >> Layer ) .

    7-و الحين راح يطلع لك نافذة كما هو موضح في الصورة و اختار الخيار ( شريحة شفافه ) الي هي Multiply.

    8-الحين اصبغ أو لون الطقم على الشكل الي تباه ( طبعا إذا كانت هذي أول مرة تجرب تسوي طقم ما راح تقدر تضبط الشكل .. بس حاول و مع التدريب راح تتعود ) .. المهم أنا راح احط صورة فيها توضيح لأجزاء الطقم ..

    يوم تخلص من صبغ الطقم .
    (( و هذا شكل لطقم صممته .. و بعد ما خلصت انتقل للخطوة التالية ))

    9-بعد ما خصت .. سو Indexed Color للطقم عن طريق ( Image >> Mode >> Indexed Color)

    10-بعد ما خليت الشرائح كلها شريحة وحدة ( الي هي هملية الـ Indexed Color ) خزن الطقم عن طريق ( File >> Save As) .
    11-ملاحظة : لازم تخزن الطقم على امتداد BMP كما هو موضح في الصورة .

    مبروك عليك الطقم الجديد الي صممته ....

    هذا هو الشرح الأساسي لتصميم الأطقم .. و في الردود التالية شرح لتصميم الأطقم على طريقة المحترفين (( فيها الكثير من التوضيحات و اللمسات الاحترافية )) ...


    يتبع ...

  2. #2
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    نسيت أحط لكم الأطقم الفاضية (( في المرفق ))

    في 3 انواع رئيسية للأطقم الفاضية ( الياقة السادة ) ( الياقة المنثنية ) ( و الطقم الضاغط ) ...
    و كلها في المرفق ..
    -------------------------------------
    و هذي بعد الكماليات في تصميم الأطقم و الي راح اعلمكم ياها ..
    تابع ...

    هذا درس لتصميم الياقة حول الرقبة .. يمكن الكثير منكم يخربط يوم يصمم الياقة الي حول الرقبة ( ملاحظة .. هذا الشرح أنا أخذته من شرح قديم أنا مسونه في هذا المنتدى )
    -------------------------------------------
    الدرس الثاني : تصميم الياقة حول الرقبة


    بالنسبة لشكل الياقة حول الرقبة و الي هو مدوخ الكثير من المصممين .. و هذا شرح فيه كل شي إن شاء الله بهذا الخصوص :
    (الحين شرح فيه كل ما تحتاجه حول تصميم اليقة الي حول الرقبة )

    أول شي شوف رقم الياقة من هذي الصورة و ما يطابقها في رقم الشرح :

    1- الياقة رقم 1 : هذي الياقة من تصميمي أنا لطقم انتر ميلان ( طقم قديم ) و هو بشكل ياقة حول الرقبة مثل طقم منتخب انجلترا .. و في هذي الياقة الآتي :
    أ?- المكان الي باللون الأخضر في هذي الياقة يصير بالأمام وسط المثلث المفترح ( طبعا الياقة حقت منتخب انجلترا إنت تخيلها و و بتفهم شو اقصد بالمثلث المفتوح الي في مقدمة العنق ) هذا إنت اما تخليه ( في فرق يكون هذا الجزء موجود ) و اما تشيله ( مثل طقم انجلترا ) ..
    ب?- الجزء الي فيه خط احمر ... هذا يصير يمين و يسار الرقبة بحيث اي شي تحطه في هذا المكان راح يكون موجود على اليمين و اليسار في الرقبة بشكل مباشر ..
    ت?- الجزء الأخير و هو المكان الي تحسه مجعد و على شكل مثلثين متركبين هذا هو الجزء الي بيصير مثلث مفتوح ..لو شوي تتخيل معاي راح تشوف أن المربع هذا يمكن فصله بخيث يصبح مثلثين و انا راح ارفق صورة ثانية في المرفق تبين كيف بيصير مثلاُ ..( شرح 1-ت )

    2- الياقة الثانية .. هذي بكل بساطة روح شوف شكل ياقة منتخب اليابان في الطقم الأول في السوني .. هذي تكون ياقة عادية و مثل رقم 7 من قدام .. شوف اللون الأزرق الفاتح .. هذا بيكون من الأمام أو الجزء الأمامي .( شوف صورة الشرح رقم 2 فيها تفاصيل )

    بس في ملاحظة هنا :
    الي هي : إذا كنت تبى تكمل الرقم سبعة من الأمام .. لازم تسوي مثلث بلون الياقة مثل ما هو موضح :


    3- الياقة الثالثة أو رقم 3 .. هذي من تصميمي لطقم نادي الوصل .. هذي شكلها مدور عادي حول الرقبة بس بحجم صغير ( يعني ارتفاع الياقة قصير جداً ) ..


    4- هذي الياقة مأخوذة من طقم حارس منتخب البرازيل .. و لاحظ الشكل .. راح يكون من الأمام ضغير و من الخلف أطول شوي .. تخيلها .. نوعية الياقة مثل رقم 2


    5- ياقة منتخب الكامرون .. و في هذا الشكل راح يصير شكلها طويل من الخلف ( نفس رقم 4 ) و شكلها مثل ياقة مفتوحة من الأمام ( للأسف ما امتلك صورة علشان اوضح ) حاول تشوف صورة لطقم الكامرون القديم ..


    6- ياقة منتخب المانيا ( أديداس ) هي نفس رقم 2 بالظبط .. لكنها راح تكون اكبر بالحجم منها ( ارتفاع الياقة اكبر ) ..


    7- ياقة نادي الشارقة .. نفس حقت منتخب الكامرون في الشكل .. لكن راح يكون في الأمام أو الجزء الي في مقدمة الرقبة باللون الأحمر ..


    8- بون ياقة أبداً .. و في هذي الحالة راح يصير شكل الياقة مثل لبس مانشستر (نايك ) يعني شكل الياقة دائرة مفتوحة من كل الجهات ( أو بمعني آخر معدومة .. يعني على طول تأتي رقبة اللاعب ) ...


    9- لبس الاتحاد .. و هذي ياقة دائرية عادية .. بس الاختلاف الجزء الأمامي لها باللون الأصفر ..(راح احط لكم صورة فيها شرح هذي الياقة ) .


    10- ياقة نادي روما .. هذي الياقة يمكن تسألون ليش هي خط واحد و من طرف واحد .. و السبب في ذالك هو ان شكل الياقة في الواقع خط من طرف واحد .. ( إن شاء الله تكون فهمت علي ) ..


    11- ياقة نادي لازيو روما ( مثل ياقة منتخب إيطاليا المعكوفة من طرف اعتقد فهمتو قصدي .. و أنا راح احط صورة لها بعد .. ) .


    بهذا الشكل أكون لخصت لك كل أشكال الياقات و أجزاء الياقة الأساسية ..

    ملاحظة : كل الياقات بنفس تفاصيل الياقة رقم (2) يعني الجزء الي تحت هو الجزء الأمامي و الي فوقه شوي الأطراف و الي فوق اعلى شي هي الرقبة من الخلف .. يعني طالع تفاصيل الياقة رقم 2 في كل الياقات الي تحتها ..
    بس الياقة رقم 1 هي الي تختلف عن الباقين في تفاصيل الشكل ..)

    و هذي صورة تحتوي على أمثله للياقات :


    و بهذا الشكل أكون خلصت من هذا الدرس ..

    يتبع ...
    الصور المصغرة للصور المرفقة الصور المصغرة للصور المرفقة template%20we7%20basic%20by%20open.bmp‏   template%20we7%20kappa%20by%20open.jpg‏   111103-241003-templatecolrabatbyopen.jpg‏  

  3. #3
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    و الحين ننتقل للدرس الثالث :


    و الحين ننتقل لشيء يدوخ الكثيرين منكم .. و الي هو كيف أقدر
    أخلي الخط يتواصل ما بين الكتف و الكم ( يعني يكون مستقيم في الجزئين ) .
    الطريقة سهلة و بسيطة .
    أول شي .. خزن الطقم الياباني ( الي هو طقم منتخب اليابان المصمم من قبل الشركة نفسها ) .
    ثانياً : بعد ما خزنته .. افتح الطقم الفاضي و طقم اليابان الي خزنته من قبل شوي .
    ثالثاً : الحين انسخ الطقم الفاضي و حطه بملف جديد ( بنفس الخطوة رقم 3 في شرح تصميم الأطقم ) .
    رابعاً : انسخ طقم اليابان و الصقه على الطقم الفاضي الجديد الي سويته و خفف من اللير علشان تشوف الطقم الي تحت مثل ماهو موضح في الصورة :

    خامساً : اعتقد فهمتوا شو بتسوون الحينه .. حدد الخطوط عن طريق أداة التحديد و لون المكان الصحيح الي راح تكون الخطوط فيه متصله :
    ملاحظة مهمة : تأكد من انك قاعد تلون شريحة الطقم الفاضي مب شريحة طقم اليابان !!


  4. #4
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    الدرس الرابع :


    ملاحظات حول الأجزاء الي ممكن ما توضح في التصميم ..
    أنا راح الخص هذي الملاحظات بأربع نقاط ..

    أولاً : المكان الي أنا محددنه في الصورة .. لا تلون و لا تحط فيه أي شي .. لأن الياقة الي حول الرقبة راح تجي فوقه .. أنا ما اقصد خله أبيض .. بس يعني لا تحط شي مهم فيه ( مثلا شعار الفريق أو الشركة )

    و هذا توضيح للخطأ الي راح يصير لو حطيت شعار :



    ثانياً : المناطق المظللة في الصورة راح يصير فيها تمدد .. يعني المنتطة الصفراء و الي هي للظهر راح تمدد مثل ما هو موضح في السهم .. و الأمر نفسه لمناطق الكم الطويل الي بالبرتقالي .
    ( يعني أي شي تسويه في هذي المناطق حاول تخليه منكمش لأنه راح يتمدد في اللعبة )

    و الأمر نفسه بالنسبة لإشارة الكابتن :


    رابعاً: بالنسبة لجزء الشورت الي بين الفخذين .. لازم تتأكد من أن الخط الي راح تسويه متناسب مع الخط الي في الشورت الأصلي كما هو موضح في الصورة .




    و الحين طريقة تصميم أجزاء شفافة من الطقم ..
    و هذي صورة توضح لكم شو الي اقصدة بالجزء الشفاف

    المهم .. أول خطوة ..
    1- أول شي .. افتح نيو فايل ، و خل مقاس الصورة مل ما هوموضح في الصورة

    2- لون الصورة باللون الي حاب يكون به الجزء أو الشفاف (( يعني خل ربع الموربع باللون الي تباه و الباي ابيض ))
    3- خزن الصورة على شكل (Edit>>Defien Pattern)))) (Pattern)))))
    4- الحين إنت عديت و جهزت الشرية الشفافة ..الحين تروح للصورة الي فيها الطقم .
    4- تسوي لير جديد و يكون شفاف أو على أي هيئة تعجبك .
    5- و بعدين تسوي الي في الصورة :

    6- الحين بعد ما تضغط على OK راح تحصل على شريحة ( منقطة بنقوط خفيفة ) شكلها يشبه الجزء الشفاف الي في الأطقم الحقيقية (( إنت تقص الأجزاء الزائدة و ترتبها شوي ))


    و بهذا الشكل أكون عطيتكم كل الي تحتاجونة علشان تصمم طقم بطريقة صحيحة .. و إن شاء الله راح اسوي دروس لاحقة فيها مهارات تصميم من حيث كيف تقدر تسوي مثلا جزء شفاف من الطقم أو خطوط أو أشكال مختلفه ..
    الوصــــــــــــــــــــــــــــــــــــــــــــــــــلاوي

  5. #5
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    شباب الي عنده سؤال أنا حاظر

  6. #6
    التسجيل
    16-03-2002
    الدولة
    الرياض
    المشاركات
    1,770

    Re: شرح تصميم الأطقم من الالف إلى الياء .. (( خاص بالوصلاوي ))


    ماشاء الله عليك اخوي الوصلاوي
    صراحة أبداعت إبداع غير طبيعي
    موضوع يستحق التثبيت بكل قوة
    إنشاء الله حبة حبة واتعلم الدرس هذا كله وأنافسك
    (هههههه لاتصدق أمزح معاك )
    للحين ماعندي اسئلة بس خليني اراجعه وانا مركز وإذا لقيت أسئلة انشاء الله أسأل
    وليش كنت تبي تحرمنا من هذا الدرس عشان الأطفال ماعليك فيهم
    اعطيهم حلاوة يسكتون
    مشكور ألف شكر اخوي الوصلاوي


  7. #7
    التسجيل
    22-06-2001
    الدولة
    الرياض
    المشاركات
    2,864

    Re: شرح تصميم الأطقم من الالف إلى الياء .. (( خاص بالوصلاوي ))

    وعليكم السلام ورحمة الله وبركاته،،،

    ما شاء الله عليك أخوي الوصلاوي ما خليت نقطة إلا وشرحتها...وننتظر جديدك .... والله يعطيك العافيه

  8. #8
    التسجيل
    12-08-2003
    الدولة
    الـكـــQ8ـــويـــت
    المشاركات
    3,006

    Re: شرح تصميم الأطقم من الالف إلى الياء .. (( خاص بالوصلاوي ))

    شرح ولا احلى بس الصور مو طالعه عندي

  9. #9
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    هلا شباب ..

    و مشكورين على الردود ..

    راكانو
    هلا فيك أخوي ..و ليش مستغرب يمكن تصير احسن واحد يصمم .. أنا اعين و اعاون ( و كم من تلميذ غلب استاذه )
    و بالنسبة للأطفال .. ما علينا منهم .. لأنهم قله و ما يمثلون إلا انفسهم ... و الشباب هنا فيهم الخير ... و يستاهلون ..
    أبو بدر
    الله يعافك أخوي أبو بدر ... و انا في الخدمة
    Bo-Ja$$im
    مشكور على المرور ... و جرب كم مرة و إن شاء الله تكون الصور عندك .

    الوصــــــــــــــــــــــــــــــــــــــــــــــــــــلاوي

  10. #10
    التسجيل
    15-06-2004
    الدولة
    [ Nova Prospekt ]
    المشاركات
    2,700

    Re: شرح تصميم الأطقم من الالف إلى الياء .. (( خاص بالوصلاوي ))

    أهــاااااااااا
    الحين عرفت مكان و أجزاء الأطــــقم ..
    و الله العظيـــم مجهود أكثر من رائـــع و إبدااااااااااع يفوق الوصف
    منك عزيزي الوصلاوي .. صــراحة موضوع يستحق التثبيت بجدارة ..
    مجهود رااائع يا الوصلاوي ..
    و الحمدلله ما عندي أي ســؤال ..
    و انشالله كلها كم يوم .. و بنافسك في تصميم الأطقم
    لول ..
    لإن أنا درست الفوتوشوب مثل ما قتلك .. بس كنت ما أعرف وين مكان الأطقم و أجزائه ..
    هذا هو السبب الوحيد الذي يجعل أطقمي غير مظبووطة ..
    و على فكــرة ..
    ترا في فايل إنت ما عطيتني إياه بالمسنجر ... إنت عطيتني الشعارات و ماركات الملابس ..
    و قتلي في فايل ثالث بس ما عطيتني اياه ..
    وعلى فكرة بعد .
    ما اشوفك تدخل المسنجر ؟؟؟
    ؟؟
    و سامحني على القصور بموضوع الأطقم .. ترا و الله كنت مسافر
    و الحين انشالله بوريك الإطقم العدلة
    .
    .

    و الله مجهووود رائـــع يا الوصلاوي ...
    .
    .

    بــس لا تنسى .. إدخل المسنجر أريد الفايل ضرووووري


    T I M || H O W A R D

  11. #11
    التسجيل
    15-06-2004
    الدولة
    [ Nova Prospekt ]
    المشاركات
    2,700

    Re: شرح تصميم الأطقم من الالف إلى الياء .. (( خاص بالوصلاوي ))

    بــس على فكرة ..
    حبيت أعطيكم مساعدة صغيييرة ..
    أخوي الوصلاوي .. تقدر بدل ما تسوي لير و تحطه Multiply
    و تبي يكون الطقم كله لون واحد
    روح على
    Image > Adjustments > Hue & ........
    و اختار اختيار
    Colorize
    من تحـــت ..
    و تتحكم بالألوان ..
    أو تختار جزء معين و تلونه بنفس الطريقة السابقة ..

    اعتقد تعرفووونها ..

  12. #12
    التسجيل
    29-12-2002
    الدولة
    الامارات - أبوظبي
    المشاركات
    2,171

    Re: شرح تصميم الأطقم من الالف إلى الياء .. (( خاص بالوصلاوي ))

    هلا أخوي Tim Howard و ألف شكر لك على مديحك (( و بصراحة ... انا حطيت الموضوع مخصوص حقك و حق اثنين غيرك لأني شفت فيهم الرغبة الحقيقية في التعلم )) و أنا احب يكون في هناك أكثر من مصمم في هذا المنتدى ... علشان تعم الفايدة ...

    و بالنسبة للحركة الي علمتني ياها الحين .. تصدق أنا ما اعرفها .. إنت أحسن مني بكثير في الفوتوشوب ... أنا اسوي أطقم حلوة لأني تعودت و صرت خبير بهذي الشغلة مع الممارسه .. و إنت إن شاء الله تصير احسن و احسن ...

    و بالنسبة للفايل .. ذكرني فيه لأني نسيت أي فايل تقصد ...(( لكني أذكر عطيتك فايلات الشعارات و الشركات المصممه و الشركات الراعيه ؟؟ )) أي واحد تقصد ما خذته ؟؟

    و أنا ادخل المسن كل يوم تقريباً .. بس شكلي أدخل في وقت تكون إنت غير موجود فيه ..

    الوصــــــــــــــــــــــــــــــــــــــــــــــــلاوي

  13. #13
    التسجيل
    15-06-2004
    الدولة
    [ Nova Prospekt ]
    المشاركات
    2,700

    Re: شرح تصميم الأطقم من الالف إلى الياء .. (( خاص بالوصلاوي ))

    هلا الوصلاوي ..
    الحييييين تذكرت ..
    فايل الشركات الراعية ما عطيتني اياه ... انت ما قصرت .. عطيتني الشعارات و الماركات ...
    بس ناقص الشركات الراعــــية ..

    بانتظارك عزيزي الوصلاوي ..



  14. #14
    التسجيل
    29-09-2002
    الدولة
    السعــــودية
    المشاركات
    243

    Re: شرح تصميم الأطقم من الالف إلى الياء .. (( خاص بالوصلاوي ))

    شرح ولا احلى من اخوي المبدع الوصلاوي فنان كعادتك ودائما تنال التقدير والاحترام على جهودك لخدمة منتدانا واعضائه وتسلم يمينك وخلك من هل الاطفال لانك كبير في نظرنا ( ياجبل مايهزك ريح )

  15. #15
    التسجيل
    14-02-2003
    الدولة
    الباراجواي
    المشاركات
    716

    Re: شرح تصميم الأطقم من الالف إلى الياء .. (( خاص بالوصلاوي ))

    شكرا شكرا شكرا شكرا بذلت جهد جبار في اتمام الموضوع بهذه الصوره جزاك الله الف خير ياصاحبي وزاد من ميزان حسناتك

صفحة 1 من 5 12345 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •