أختي تربة الحيدرية : كلامك صح في برامج ثانية غير سويش وتسوي تأثيرات كثيرة يعني قبل فترة تكلمت عن برنامج MagicFlare اللي يختص بالتأثيرات النصية وفيه أكثر من 100 تأثير نصي ... والبرنامج اللي تكلم عنه الأخ فهود قبل فترة ... لكن المشكلة إن هذه البرامج غير مشهورة على نطاق واسع عندنا لكنها مشهورة في الخارج وغير كذه يمكن تتسن بطابع السهولة لكنها مهب مرنة مثل السويش يعني ما تقدرين تسوين أكثر من تأثير واحد على النص أو تستعملين الطبقات (مثل سويش وفلاش) وغير كذه الانترنت موجودة واللي يبي ينزل ينزل على كيفه...لكن يبقى سويش وفلاش الأفضل....
المشكلة يا أختي مهب في البرامج لكن فيكم لأنكم تبون أسهل الطرق وأجملها فصار الواحد لما يشوف تواقيعكم يحسبها مثل لما واحد يفتح بقالة في شارع ما فيه بقالات بعد فترة تلاقين الشارع كله بقالات (يعني عندكم حب التقليد) ومن كذه الواحد ما يشوف إبداع او شي مميز في تواقيعكم...
أنا ما أقول إن السويش ما ينفع لكن المشكلة في طريقة استغلاله ... يعني انتم كل اللي تسوونه به عبارة عن توقيع نصي (وهذا السبب الرئيسي اللي أنتج له سويش يعني للتأثيرات النصية وبس) ... فليه ما تبدعون فيه باستخدام أكثر من تأثير على نص واحد وما أبغى أقول أمثلة (عشان ما يتغر كل واحد أقول اسمه ويكبر راسه)....لكن حاولوا واتعبوا وحتبدعوا...
وتراني نسيت أهم برنامج إبداعي وهو الفلاش ويا ليتكم تعرفون قيمته ... أنا ما أنكر إنه فيه شوية تعقيد لكن ممكن تدمجون أفلام بسيطة مع تأثيراتكم النصية فحيصير أجمل توقيع في العالم...
فلاش في الأصل برنامج للرسم وعمل التأثيرات الحركية عليه أما التأثيرات النصية فاتركوها لسويش لكن ممكن تسوون مجموعة تأثيرات نصية بسيطة عليه وتجاري قوة سويش في هذه التأثيرات وممكن مثل ما قلت تدمجون فلم من سويش مع فلم تسوونه في فلاش فيصير قمة الإبداع ولو كان بسيط ... المهم تعبتم فيه ... وترى فلاش أقوى من كذه بكثير وخصوصا وفي مواقع كثيرة استخدمت قوته من الرسم وصولا إلى لغة البرمجة "الأكشن سكريبت" ومنها موقع لعيونك وفي موقع باور فلاش بس ناسي عنوان الموقع إن شاء الله أقوله لكم في أقرب فرصة....
أهم شي وجود الفكرة والخيال والهدف والأداة وهي سويش وفلاش وبعدها أبدعوا على كيفكم...
أعذروني إذا طولت عليكم (اللي يشوفني يقول أستاذ وجالس يدرس تلاميذه
ويا ليت يكون لي مكان ما بينكم وأقدر أكتب دروس عن الفلاش ... بس ما أحب أضرب صدري وأقول أنا أكتب لأني مشغول في توقيعي الجديد ... بس أتمنى كتابة دروس ... يا ليت
مع محبتي,,,
رايـــق
أبو يوسف
