حالة رعب

[Al AnWaR]

إن شاء الله علمي ( ما أبي أرجع لأيام التاريخ ^^ )

أما الأحياء فليست صعبة بل هي مادة ممتعة للغاية
وعندي لك نصيحة في بعض المواد

في المعلمات يقولون أشياء مب موجودة في الكتب وبعدين يطالبونك فيها
مثل المواد الدينية فلازم تكتبينها معاهم أول بأول وبالذات المخططات السهمية اذا كتبوها على السبورة
وبعد معلمة الرياضيات برضو بتذكر أشياء مفيدة فإنتي لازم تكتبينها حال نطقها لها فلازم تكونين معهم أول بأول
وبعدها أضمن لك الامتياز

[أبوتركيSS]

والله أني أحسد أي طالب/طالبة رايح 2 ثانوي صدقوني راح تستمتعون في هالسنه كثيييير تدروون ليش

لأن الطاب أو الطالبة في هالسنة طالع من أول ثانوي وطبعا ما يحتاج أتكلم عن أول ثانوي

وبعد هالسنه رايح يروح لصف 3 ثانوي وفي هالسنة الطاب/الطالبة لازم يبذل كل جهده ويطلع كل اللي عنده عشان النسبة لهذا السبب الطالب أو الطالبة في 2 ثانوي رايح يستمتع لأنها سنة تجمع بين السهولة وعدم الاهمية........لدرجة ان الطلاب في هالسنه ما راح يحسون بحلاوة يوم الاربعاء لأنها ما تفرق معهم الاجازة او الدراسة

[J o e y]

ابو تركي ايه والله

سنه الزحفيشن هي الثانية ثانوي

[whataboutyou_62]

هلا..اقول لا تخافين هذا مجرد شعور يجي الواحد من رهبة مرحلة ديدة وخوف من عدم كونك قد المسؤولية يعني قلق عادي يصيب اي احد هذاني زيك داخلة اول ثانوي صار لي اسبوع والحمدلله ما جاني الخوف اللي جاك>>>من الدفارة الزايدة..وعلى فكرة بهالاسبوع جتنا 13 بنت جديدة ومشالله كلهم مستواهم ممتاز وهذا شي ينخاف منه اقصد انه المنافسة صارت اقوى بس انا ما اخذتها كذا..بالعكس انا اخذتها انها حماسة اكثر..ولا تسمعين وسوسة عقلك لما تشوفين شي صعب شوي تقولين ايه اجل حلاص مو لازم اذاكر زين السنة هذي..ملحقة عالدراسة بثاني ولا ثالث اذا سويتي كذا صدقيني المرحلة الثانوية راح تكون اسوء مرحلة مريتي فيها بحياتك..صدقي كلام وحدة مجربة لاني فكرت كذا باول متوسط وشوفي شسويت بباقي المرحلة يعني بجد حسيت اني بمصارعة..اما بالنسبة لاول ثانوي فلا تحطين ببالك سهل ولا تحطين ببالك صعب قولي بنفسك انا اللي بقرر اول سهلة ولا صعبة..؟وزي ما تفضلوا الاخوان قبلي ذاكري اول باول ولا تحطين ببالك انه زهق..ولما تصيرين بالمدرسة خففي عن روحك شوي اقعدي مع صديقاتك وسولفي واستهبلي بين الحصص وبالفسحة واخر الدوام >>>يتاخر السواق عنها دايم
يعني صدقيني لا تخلين يوم يمر وتتعاملين فيه زي دودة المذاكرة..يعني عطي كل شي حقه وصدقيني كل شي بالتنظيم يصير واول راح تكون احلى سنة بحياتك ان حطيتي هالشي ببالك
اما بالنسبة بمادة التاريخ فانا ما اشوفها مملة ابدا..بالعكس بس انتم يللي ا تحبون هالمادة لا تحطون ببالكم انكم بحصة اكاديمية بجد..تذكرون لما كنا صغار شلون كنا نحب امهاتنا يقولون لنا قصص الانبياء والقصص الخرافية قبل النوم..تذكرون كيف كان هالشي متعة لنا..؟
حطي ببالك ان المعلمة قادعة تقولك قصص وصدقيني راح يرجع لك ذاك الشعور وراح ترسخ المعلومات براسك على طول..
وان كنتي محتاجة لاي شي او مساعدة المسنجر موجود وانا مستعدة لاي مساعدة تبين..