السياحه في دوله الكويت

[فناتك]

السلام عليكم ورحمه الله وبركاته


وانا اتصفح بالمنتدى واشوف عن الدول خطر ببالي اكتب لكم عن الكويت
عن السياحه الاماكن الترفيهيه والسينمات وكل شي حلو فيها ممكن للسائح او الزائر للكويت زيارته

بالنسبه للسوق والتسوق:-
المارينا مول
سوق شرق
المهلب
الفنار
كويت مجك
العثمان
السندس
النقره الجنوبي والشمالي
ليلى غاليري
غاليريا 2002
البستان
مجمع تاله
الثريا
مجمع مريم
لاند مارك بالسالميه
المثنى
مجمع الرايا
الصالحيه
الاوقاف
البلوكات للاقمشه(مخصص للقماش)
الصيفي بلاس
المناور
الدبوس
حمره مول
العربيد غاليريا
مترو
النمران (مخصص للعبي والملافع)
مجمع طيور الجنه
سوق المباركيه



الاماكن الترفيهيه والسياحيه:-
ابراج الكويت
المدينه الترفيهيه
حديقه الشعب
شوبيز
الاكوابارك (للالعاب المائيه)
صاله التزلج
شاطئ المسيله
حديقه الحيوان
الخيران
منتجع شيك
يوم البحار ( البحاره)
حديقه جليب الشيوخ



السينمات:-
سينما الفنار
سينما شرق
سينما المهلب
سينما مترو
سينما السيارات
سينما بلازا
سينما ليلى
سينما المارينا
سينما السالميه
سينما الشعب
سينما غرناطه
سينما اجيال


انشاء الله تكون هذي الاماكن تعجبكم
مع تحياتي

اختكم
فناتك

[BuGaTTi]

شكرا على الموضوع
بس ماعندنا سياحه
منو يبي ايي حق ديره درجه حرارتها اكثر من 50 درجه
ماكو احد
وبعد الاماكن الموجوده موسياحيه
اصلا مافي عندنا اهتمام بالسياحه خير شر من الحكومة

[فناتك]

الى الاخ الي يقول ان الكويت مافيها سياحه


الضاهر انك ما زرت السعوديه او قطر او حتى البحرين
عشان تعرف ان الكويت فيها اماكن سياحيه اكثر منهم وسينمات وحدايق وحريه

وبعدين كل السينمات الي كتبتها والحدايق تقول مافي سياحه؟؟؟

اما بالنسبه للجو فكل الدول حاره حتى مصر السنه هذي حر

اما الاخ اصلا مو كويتي وما عرفت قيمتها ؟؟

[master seymour]

والله الكويت حلوة و تونس و تبسط انا رحتها اكثر من مرة و احس كاني في بلادي الله يخلي الكويت و ناسها فيهم الخير

[NGC]

ما شاء الله ما خليت سوق إلا وقلته حتى أسواق الحريم المفضلة تعرفها

الكويت مشكلتها إنها جوها حاااار تقول قاعد بالفرن مو بس الكويت كل الخليج

بعدين مشكلتنا إننا ما نهتم بالأماكن العامة بس ننمشي ونخرب البعض مو كلنا

ومشكور على الموضوع

[بو ضاري]

احسن فتره تزور فيها الكويت من شهر 10 لي شهر 4

ماانصحك تزورها بالصيف

^^

[BuGaTTi]

الى الاخ الي يقول ان الكويت مافيها سياحه


الضاهر انك ما زرت السعوديه او قطر او حتى البحرين
عشان تعرف ان الكويت فيها اماكن سياحيه اكثر منهم وسينمات وحدايق وحريه

وبعدين كل السينمات الي كتبتها والحدايق تقول مافي سياحه؟؟؟

اما بالنسبه للجو فكل الدول حاره حتى مصر السنه هذي حر

اما الاخ اصلا مو كويتي وما عرفت قيمتها ؟؟

مع احترامي للدول المذكورة لكن ماعندهم سياحة عشان نستانس انه عندنا اماكن احسن منهم ونعتبر هذي سياحه
الواحد ماي الكويت عشان ايي مجمعات وان كانت سياحتنا بمجمعاتنا فاحييكم على هالعقليه السياحية
وبعدين حديقة الحيوان والترفيهية تسمونهم اماكن سياحه ؟ صراحه غريبه

رجاءا مانبي نشوف هالويه
ترى احنا اهل ديره وحده ومابينا الا كل خير انشالله

تحياتي

[اشهاب]

مشكور على الموضوع الحلو عن دولتي الكويت

[Bo Shesmah]

موضوع جميل ، بس حلاته مع صور ، وما نبي بس السوووق ، عندنا معالم روخانية مثل المسجد الكبير ، وعندنا متحاف وغيرها ، أشكرج أختي على الإهتمام بدولة الكويت الحبيبة..

[Homoud]

الصراحه الكويت فيها أماكن حلوه وجميله ويمكن الكويتيين يقولون عادية لأنهم ملوا منها

[فناتك]

يسلموووو لكل من رد على موضوعي

وعلى قوله احد الاخوان الكويت حلوه بس اهلها عارفين اماكنها عشان جذي بالنسبه لنا عاديه

وبعدين شنو فيها المدينه الترفيهيه عشان تقول مو سياحيه ؟؟

عموما
انا كتبت هذي الاماكن للزوار من الخارج الي ما يعرفون عن الكويت ولا مواقعا ( الحلوه)

[RICH BOY]

صديقي راح الكويت مرة وقال مب حلوة ابدااا
.مع احترامي ^___*

وانا مارحت لذالك مااقدر احكم حلوة او لا

[water-angel]

الكويت فيها وايد أماكن سياحية....

غير الاسواق والمجمعات
ففي المركز العلمي
وسينما آي ماكس أكبر سينما من هالنوع في الخليج
وعندنا المتحف العلمي
وعندنا أماكن وايدة بس المشكلة درجة الحرارة وبس

[wellknownQ8]

و عليكم السلام و رحمة الله و بركاته

الله يعطيك العافية أختنا فناتك..
و مشكورة على الموضوع...

لكن كان من الأفضل لو ترفقين صورا عن بعض الأماكن (كما قال gladiators )، لكي يعرف الجميع جمال و روعة الكويت...

هو صحيح ما عندنا ذلك الأهتمام للأماكن السياحية... لكنه يزداد مع الوقت...

لكن هناك أمر يعتبر سلبي عندنا.... ألا و هو غلاء أسعار الفنادق..
التي ما ترخص الا في هلا فبراير....

و شكرا

[babay]

انا من السعودية .. وعندي قرايب كثير في الكويت ..
بين فترة وفترة اروح للكويت ... بصراحة احس اني جدا استانس وانبسط ..
صحيح المشكلة الجو ... لكن عندك المجمعات .. السينمات .. الكويت بلد جدا رائع .. لكن المشكلة الجو وموبس هو كل دول الخليج .. حتى سوريا هالسنة حررر .. ناس اعرفهم رايحين بيقعدون شهرين .. قعدوا اسبوع ورجعوا

وبالنسبة للي يقولون الكويت مافيها اماكن سياحية .. انا نفس الشئ باقول ان السعودية كذلك .. لأن كل واحد يكون مال من ديرته .. صح ؟
لاتقولولي ابها والجنوب .. يمكن الجو هناك زين .. لكن (مع احترامي) اغلب اهلها .....
ولافيها اماكن زينة .. ومطاعم زفففت .. حتى المطاعم المعروفة ماتلقاها في كل مكان !!