الموضوع الرسمي لـ Baten Kaitos

[: Super Sonic :]

محد شراه اللعبة ؟ فشلتونا ~_~!

توني مسكر الجهاز .. ما لعبت إلا ربع ساعه لكن هالربع ساعه كانت تجربة لا توصف ..
اللعبة روووعه ! .. القتال ممتاز للحين ما فهمت كل شي بالضبط .. لكن فكرة التصوير حلوه ..

القتال ممتاز .. بس للحين كروتي شويه واللي اقدر استخدمهم في الضربة الواحدة كرتين بس بزيدون في المستقبل طبعاً ..
وبالبداية يسئلونك عن اسمك (مو اسم الشخصية) اسمك انت .. وباللعبة البطل Kalas يخاطبك بالاسم اللي اخترته ^^" ..

من اول ما تلعب وتشوف عالم اللعبة والرسم والالحان اول شي بتتذكرة كرونو كروس :shock22: .. كل شي بالعالم يعتمد على الكروت والاجنحه ..

عرض الـIntro مشابة لعرض الـE3 اللي يشرح القصة بالكتاب (هو نفسه) لكن الكلام متغير كل شخصية عدلوا في الجمل اللي يقولونها .. صارت احلى ماعدا الجملة الاخيرة القديمة افضل Someday you will know what're you meant to be .. الجديدة بايخه مو مثل قوة الجملة السابقه << مدقق ..

اي اسئلة ؟ .. اللعبة ديسكين ..

كنت منتظر رأيك من أول !!
لاني ما راح اقدر العبها حاليا فحبيت اني اسمع عن اللعبة من مجربين
لكن الكلام اللي قلته مو كفاية بالنسبة لي صراحة
يا ريت اذا مشيت كمان باللعبة قدام او على الاقل مشيت ساعتين 3 تقولي كيف لاني متحمس لها لكن مو لاعبها الا بعديييييييييين =_=

[Golden_Sun]

SS .. افا عليك تبي معلومات اكثر ؟! .. تفضل ^^



انطباعاتي عن اللعبة ..

- اللعبة على ديسكين.
- اغنية Shining over you الغوها في النسخة الامريكية -.-" نفس Starry Heavens في ToS ..
- عرض الـIntro بالبداية نفس عرض قصة الـE3 اللي انعرض .. لكن بإعادة كتابة النص من جديد .. لاحظت جمل كثير مختلفه
- تختار اسم الـSoul او الـSpirit اللي تكلم Kalas (باللعبة انت دورك هو الـSpirit اي الشخصيات يخاطبونك) .. طبعاً انا Arikado ..
- ما راح اذكر البداية (لأن اصلاً مافيه بداية ~_~! مجرد ذكريات) ومن بعدها تبدأ اللعب كأنها بداية كرونو كروس (حلم) ثم من الفراش تقوم تلعب .. < لا تظنون البداية سخيفه لأن كلها غموض ..
- هناك شخصيات فرعية (اهل المدينة) في المدينة لها اداء صوتي ^^ وهذا شي مميز .. اي ان ليس فقط الشخصيات المهمة ..


هممم الحين بدخل في القتال واللعبة بشكل عام اللي حاب يتفاجئ فيها لا يقرى القادم ..

- القتال اهم نقطة في اللعبة .. اول شي تجهز الـDeck قبل القتال .. بعدها بشكل Random تظهرلك الكروت وتبدأ تختار بشكل سريع ترتيب كروتك طبعاً كبداية يسمح لك بكرتين في كل ضربة فقط .. طريقة القتال ادوار متعاقبة كأي قتال آر بي جي تقليدي ..
- هناك كرت للتصوير (ثم تبيع هذة الصور فور انتهاء فترة التحميض .. وكل ما تأخرت كل ماكانت الصورة اوضح = مبلغ اكبر!)
- هناك اسلحة تتلف مثل الدرع ينكسر بعد كثرت الاستخدام ! .. =
- الالحان ممتازة جداً ^__^ .. ملحن اللعبة هو Yasunori Mitsuda ؟ .. اعتقد لأن الحانه تذكرني بكرونو كروس
- الخلفيات والبيئة ككل روعه .. بالغابة وقفت اشوف النهر وبالمدينة شكل المدينة والبط يلفت النظر ^__^ ..
- الـLevel up يتم زيادته يدوياً يعني بعد ما تجمع عدد الـEXP تزور الكنيسة لزيادة اللفل يدوياً .. تقدر تزورها من اي مكان تخزين
- ايضاً هناك Class up وهو لزيادة عدد الكروت اللي تقدر تحملها في القتال ..
- دمج البطاقات لعمل بطاقات قوية !
- نظام تلقي الضربات والدفاع ممتاز .. يعني بعد كل ضربة بتحصل على تقرير سريع لما فعله ..
مثال: ضرب بـKnife بتكون الضربة فيزيائية اي لن تؤثر على Element العدو .. وتنقص منه 25 ودفاع العدو كان 5 اذاً الضربة اثرت عليه بقيمة 20 ! ..
وتستطيع طبعاً عمل ضربات ممتالية وحركة نهائية End Move وتؤديها بشكل رائع جداً مع المؤثرات المرئية والصوتية ..
- And there is MORE to explore !! ..


انصح الكل فيها طبعاً .. خصوصاً محبي نوع الآر بي جي حبيتها من اول نص ساعه لعب ..
واليوم اثبتت انها روعه من روائع نامكو (مونوليث) ..

[theway]

محد شراه اللعبة ؟ فشلتونا ~_~!

اولا مبروك ^^ ..

تصدق namco freak لين الحين ما شراها -.-" لاسباب : ما نزلت عندنا ، طاح حماسي من كثر ما انتظرها ، مشغول بألعاب كثيرة ( بوكتاي2 ، CFE ، هالو2 ، MGS3 توني شاره اليوم اصلي ^.^ مع باندانا ) ، العاب جاية بالطريق ( ناروتو3 ، Feel ^.^ ) الامتحانات قربت ، هذا يخليني ااجله لعطلة عيد الاضحة ..

- اغنية Shining over you الغوها في النسخة الامريكية -.-" نفس Starry Heavens في ToS ..

هذا تحطيم صراحة .. بس ما يفارقوني مسجلهم اثنينهم على الجوال ^_____^

واليوم اثبتت انها روعه من روائع نامكو

Go Namco Go Namco ^.^ .. شوف متى بلعبها -_____-" ( اصلا اللعبة صار لها سنتين باليابان ، و الحين نزلت و ما في شيء اضافي ، ما في مشكلة لو اخرتها بعد شهرين )

[: Super Sonic :]

(باللعبة انت دورك هو الـSpirit اي الشخصيات يخاطبونك) .. طبعاً انا Arikado

انا Xeonash << والله جبتلي هي فكرة !!
امس رحت المحل سألته عن بايتن قالي مخلص !!
استغربت قلت وين الشعب ما احد كثير تكلم عنها !
سألته ليش ؟ قال ما جبت غير 3 نسخ
قلت خيرها بغيرها <<< اصلا ما راح تلعبها الا بعد كم شهر (الين ما اخلص اختباراتي النهائية كمان )

المهم نرجع لتعليقك !
لاحظت انك ما تكلمت عن القصة !!
هل القصة برأيك وبداية اللعبة قوية ؟
لانه عندي اهم المنت في الار بي جي القصة -_- اذا فسدت فسدت باقي اللعبة -_-
تقدر تكتبلي شوي (شوي) من بداية اللعبة ؟ اكتب سبويلر علشان ما احد يزعل ! او على الاقل انطباعك عن القصة مو لازم ايش اللي صار !

- هناك شخصيات فرعية (اهل المدينة) في المدينة لها اداء صوتي ^^ وهذا شي مميز .. اي ان ليس فقط الشخصيات المهمة ..

شي ممتاز الصراحة

- الـLevel up يتم زيادته يدوياً يعني بعد ما تجمع عدد الـEXP تزور الكنيسة لزيادة اللفل يدوياً .. تقدر تزورها من اي مكان تخزين

حلو !
صاير زي فف10 !

واليوم اثبتت انها روعه من روائع نامكو (مونوليث)

احب اسميها من روائع مونوليث

[كابتن السفينة]

اغنية Shining over you الغوها في النسخة الامريكية -.-" نفس Starry Heavens في ToS ..

كانت الاغنية هي التي تحمسني..


ما قريت طريقة اللعب..

[Golden_Sun]

theway ..
يلا عقبالك ان شاء الله ^^ ..


SS ..
بقولك مقدمة القصة ماراح تعمق فيها اخاف اخرب عليك ..

*Spoilers*
جد Kalas واخوه قتلهم شخص .. وهو قدر يعيش باللحظة الاخيرة وتم انقاذه والآن يبي ينتقم من اللي قتل جدة واخوه .. اما Xelha فهي بنت تعرف عليها بالصدفة تريد ان تكتشف بعض الآثار القديمة اللي منها تكتشف Magnus Card غريب سبب زلزال عنده لمس Kalas له .. وتم خطفها بعد ان كشفت هالسر .. وKalas قرر البحث عنها .. طبعاً هذة البداية .. اما قصة عالم Baten Kaitos ان قديماً صارت حرب بين الناس والإلهه الظالم .. وتم حجزة وكعقاب اعتقد سحب كل مياه المحيطات وتكسرت الارض لهذا السبب عالم Baten Kaitos طاير بالسماء او هو كسر العالم قبل لا يتم حجزة ..
لكل شخص اجنحه تظهر وقت الخطر ماعدا Kalas فقط جناح واحد فجدة كان مهندس ماهر صمم له Winglet وهي اداة لتركيب جناح صناعي اضافي (او جناحين للي ما عندهم اجنحه) ..
*Spoilers*


كابتن ..
طريقة اللعب من اي ناحية ؟! .. القتال جداً ممتاز ولشرحة ماراح تفهم بالضبط كيف صاير تحتاج التجربة (التجربة خير برهان) ..
خارج القتال كأي لعبة RPG واشبهها مرة ثانية بـChrono Cross حتى اماكن الاستكشاف منو يذكر Hydra's Swamp ؟ .. تذكر المتاهة اللي فيه @@ (هو بكبره كله متاهة)؟ فيه اماكن بنفس الاسلوب تقريباً ..

[: Super Sonic :]

theway ..
يلا عقبالك ان شاء الله ^^ ..


SS ..
بقولك مقدمة القصة ماراح تعمق فيها اخاف اخرب عليك ..

*Spoilers*
جد Kalas واخوه قتلهم شخص .. وهو قدر يعيش باللحظة الاخيرة وتم انقاذه والآن يبي ينتقم من اللي قتل جدة واخوه .. اما Xelha فهي بنت تعرف عليها بالصدفة تريد ان تكتشف بعض الآثار القديمة اللي منها تكتشف Magnus Card غريب سبب زلزال عنده لمس Kalas له .. وتم خطفها بعد ان كشفت هالسر .. وKalas قرر البحث عنها .. طبعاً هذة البداية .. اما قصة عالم Baten Kaitos ان قديماً صارت حرب بين الناس والإلهه الظالم .. وتم حجزة وكعقاب اعتقد سحب كل مياه المحيطات وتكسرت الارض لهذا السبب عالم Baten Kaitos طاير بالسماء او هو كسر العالم قبل لا يتم حجزة ..
لكل شخص اجنحه تظهر وقت الخطر ماعدا Kalas فقط جناح واحد فجدة كان مهندس ماهر صمم له Winglet وهي اداة لتركيب جناح صناعي اضافي (او جناحين للي ما عندهم اجنحه) ..
*Spoilers*


كابتن ..
طريقة اللعب من اي ناحية ؟! .. القتال جداً ممتاز ولشرحة ماراح تفهم بالضبط كيف صاير تحتاج التجربة (التجربة خير برهان) ..
خارج القتال كأي لعبة RPG واشبهها مرة ثانية بـChrono Cross حتى اماكن الاستكشاف منو يذكر Hydra's Swamp ؟ .. تذكر المتاهة اللي فيه @@ (هو بكبره كله متاهة)؟ فيه اماكن بنفس الاسلوب تقريباً ..

حركة حلوة حق الاخفاء باللون
المهم
اذا تبغى الصراحة ما فهمت شيء كثير
لكني فهمت بعض الاشياء بالذات اخر الكلام اللي قلته
لكن بشكل عام تحمست مع اللخبطة هذي
احس اللعبة هذي راح تكون شيء رائع جدا بالنسبة لي
لكن اللي يقهر انه وقت لعبي ليها حيكون متاخخخخخخخخخخخخخخر -___-

منو يذكر Hydra's Swamp ؟

ما اتذكر اني تهت فيه !!!
اذا كان عالم اللعبة زي كرونو كروس فالعام تبشرت انه حلو
والدقات كيف ؟!
لانه ياسونوري مرات دقاته تصيربايخة فعلا لمن يصدق نفسه

[كابتن السفينة]

كابتن ..
طريقة اللعب من اي ناحية ؟! .. القتال جداً ممتاز ولشرحة ماراح تفهم بالضبط كيف صاير تحتاج التجربة (التجربة خير برهان) ..

لول..
خطأ مطبعي..
كنت أقصد ما قريت طريقة القتال عشان ما أخرب متعة اللعب..

بصراحة هذا تعذيب.. -___-

ما نزلت لحد الحين.. شكلي بشتريها من play-asia ..

[: Super Sonic :]

امس قلت لنفسي
خير مثال انك تنزل عروض وتشوف
وشفت العجب
ما تتصور قد ايش متحمس الان :vereymad: <<< متحمس
القتال مقبول صراحة انا راح اعتبر البطايق بدال لستة الاوامر واريح ضميري لووووول
والمشي من جد احسه زي كرونو كروس ! صحيح انه ما شفت مقاطع كثير المشي لكن من جد زيه ! حتى اسلوب الكاميرا :shock22:
والعروض خطيرة بقوة
واحلى شيء لمن كلاس (عليه اسم -_-) يقول في احض العروض "Who Cares !" وحركات فمه مطابقة تماما للي يقوله !! ميزة طيبة انهم عدلو حركات الفم على الاقل في العروض ^^
عادة يحطوها زيما هي ويغيرو الصوت (لا تشوف الفرق في عرض اونيموشا 3 الانجليزي والياباني ! حركات الفم غلططط في الانجليزي !)
اللعبة شاريها يعني شاريها ان شاء الله !
يا صبر ايوب الين ما العبه
اول لعبتين حلعبهم في الحج هم تايلز وباتن
وان فضيت بروح على متل جير 3 <<<< موسوس هذا !!!
وبعدين شادو هيرتز 2

[Golden_Sun]

محد شاريها .. على الأقل اناقشة ..

يلا عقبالكم ان شاء الله SS و كابتن ^.^ ..


SS ..
بالنسبة للعروض ممكن تحس ان القتال شوي بطيئ لكن من خلال تجربتك بتحس بفرق ^^ ..

<< شرايك بالتوقيع اليديد ؟!!

[Branskins]

للأسف كل المحلات عندي قالوا مابتنزل في القريب العاجل (يعني على الأقل 10 أيام )

لكن سمعت نغمات اللعبة.... معظمهم ذكروني في سكايز أوف أركيدا ( موسيقات كلاسيكيه )

محد ذكر عن مدة العروض... إلي سمعته أنها تقريباً نفس Xenosaga لكن أقصر شوي... الزبدة جيب بوب كورن معاك

الله يصبرنا على وصول اللعبة -___-

تعديل :- مبروك جولدن على التوقيع الجديد

[Yamabuki]

حمستوني مادري اخذها ولا بعد ماشتري الـDS

[Golden_Sun]

Branskins
هممم للحين ما طلعلي اي عرض مع اني لاعب 11 ساعه .. اللعبة روعه بدون عروض طول الوقت تتأمل في الخلفيات !! ..


Yamabuki
اذا الامر فيه الـDS ومحتار بينهم ولازم تختار احد منهم .. فالأولية للـDS طبعاً = ) ..

[Digital Guy]

أخواني الأعزاء

عندي سؤال مهم جدا جدا

هذه اللعبة تشبة لابوسيه(PS2) أو فانتم يريف هذه النوعيه أنا ما تعجبي أبدا أبدا لأني احسها RPG مزيفة (هذا رأي وشكرا)

عن اسلوب المعارك أنا شفتها على النت في بعض اللقطات وعجبني وااايد وأخوي جولدن ما قصر بعد في الشرح بس أنا أتكلم عن طريقه اللعب وانته تلعب وانته تمشي وانته تكلم الناس وانته تنتقل بين المدن والمراحل ,,,,,,,,,,,,,,,,,,,,,,,,,,وشكرا

[: Super Sonic :]

محد شاريها .. على الأقل اناقشة ..

يلا عقبالكم ان شاء الله SS و كابتن ^.^ ..

ههههههه
والله ودي العبها اليوم قبل باكر لكن -___- تعرف

بالنسبة للعروض ممكن تحس ان القتال شوي بطيئ لكن من خلال تجربتك بتحس بفرق ^^ ..

آآآآآآآآآآآآآ
الجملة هذي كيف افهمها ؟ العروض ولا القتال

إلي سمعته أنها تقريباً نفس Xenosaga لكن أقصر شوي

هي نفس الشركة ^^

<< شرايك بالتوقيع اليديد ؟!!

عطيتك رايي وانتظر الـv2

حمستوني مادري اخذها ولا بعد ماشتري الـDS

وش حتسوي في الدي اس ؟؟ خليك في باتن احلى <<< هذا وهو لسة ما لعبه

هذه اللعبة تشبة لابوسيه(PS2) أو فانتم يريف هذه النوعيه أنا ما تعجبي أبدا أبدا لأني احسها RPG مزيفة (هذا رأي وشكرا)

لا مو زيها
هذي اللعبة ثري دي تام وحتى فيها عروض واللعب فيه فلة يعني الخلاصة اللعبة كووول

أنا أتكلم عن طريقه اللعب وانته تلعب وانته تمشي وانته تكلم الناس وانته تنتقل بين المدن والمراحل

هذي ما ادري بالضبط كيف
لكن اللي يقولوه انها مثل طريقة كرونو كروس
انا شفت كيف تمشي والمراحل زيها صحيح
لكن الحادثات والمدم الله اعلم