بسم الله الرحمن الرحيم
الحمد لله
هذا الرجل كيف وصل الى درجة الافتاء بلا اعلم .. فهو صوفي منحرق ضال مضل عليه ما يستحق من الله .. فها هو يدعي انه راى النبي صلى الله عليه وسلم يقظة .. يتكلم وكانه جالس في مقهى ... اسمعو ..واحذرو ... ولا حول ولاقوة الا با الله العلي العظيم ....
اخي الكريم هذا تفريغ لما قاله ..
وقال : بيقول كيف رأيت الرسول في اليقظة ؟
الجواب : شوف الغتاتة ! مش مصدق ولا إيه ولا .. عليه الصلاة والسلام ، كنت مشتغل بقراءة السيرة العطرة ، وقرأت كثيرا جدا أكثر من حوالي أربعين كتاب ((قلت : ياللهول !!)) قرأتهم ورا بعض ورا بعض ورا بعض ورا بعض ورا بعض ، فكأني عشت فيه ، يعني في جو سيدنا رسول الله صلى الله عليه وسلم ، فرأيته في المنام ثم رأيته في اليقظة ، قاعد أنا متوقف كدهه في أمانة الله وراح داخل عليَّ صلى الله عليه وسلم ولابس عباءة ، واللي حصل حصل ، انت مالك بقى ؟! أجيبك معايا علشان تشوف ايـ .. شاف ولا ماشفش ؟! أنا باقولك أنا شوفته في اليقظة صدقت صدقت ، ماصدقتش عندك بحر النيل أهو اشرب منه ، انت حر ، استنى بس .. استنى لما .. استنى علشان .. إيه اللي حصل بالتفصيل ؟ ، ماقدرش أنا أقول إيه اللي حصل بالتفصيل ((وماذا ستقول أيها الكذاب ، قال رسول الله صلى الله عليه وآله وسلم : من كذب عليَّ متعمدا فليتبوأ مقعده من النار)) إيه ده ! ده حاجة خاصة ، أنا قلتلك اللي ينفعك وبس ، انت بتسأل : هل ده ممكن ؟ آه ممكن ، ليه ؟ لأنه حصلّي ، بس ، ماقدرش أقول إنه مش ممكن ، أكذب يعني أقولكو إيه !! وهذا الذين يدعون أنهم يرون رسول الله يقظة إنما هم من الكذابين ((قلت : وهو الحق أيها الكذاب)) ، ماقدرش أقول كده ، لحاجة بسيطة أوي ، لسبب إن أنا شوفته ، طب أعمل إيه ؟! عاجبكم عاجبكم ، ماعجبكمش إنساها يا سيدي ، إنساها ، ومن يراني في المنام فسيراني في اليقظة ، فرأيته في المنام ورأيته في اليقظة ، أعمل أنا إيه بقى ! أقولّه ماتجيش تاني ؟! ما حاجة تغيظ ، وسيدنا المرسي أبو العباس قال : لو أنني انقطَعَتْ رؤيتي عنه ما عددت نفسي من المسلمين ، كان بيشوفه علطول ، إيه بقى التكذيب يعني نكذب ليه يعني ؟ نعمل إيه طيب ؟ نعمل إيه يعني نعمل إيه ، يعني بعدها نعمل إيه ؟ نقول مثلا أعوذ بالله من الشيطان الرجيم ! ولا إيه ؟ ليه من رآني فقد رآني حقا (..) فإن الشيطان لا يتمثل بي ، وحصل تجربة روحية حصل فيها كده ، موقف الشرع أعمل إيه ؟ هو بيقوللي لو شوفتني أبقى أنا فإن الشيطان لا يتمثل بي ، وقالّي لو شفتني في المنام هتشوفني في اليقظة ، أنا بقى موقف الشرع إيه ، إن أنا أعمل إيه ساعتها ، أقول أعوذ بالله من الشيطان الرجيم !! إيه التخيلات دي ؟! دي هلوسة دينية ، الشرع بيقولي إيه يعني ، أقول كده ؟! ولا أصلي عليه ؟ بس وخلاص ، ومتفق بين كل المسلمين وكل العقلاء أن الشرع الشريف هو مقياس الحق ، وأن هذه الرؤى إنما هي بشرى ، لا يؤخذ منها شرع ، ولا يثبت بها شيء ، إنما بشرى .. باقية ، الرؤيا الصالحة يراها العبد الصالح أو ترى له ، بس ، ولا تدل حتى على (...) ولا على كذا إلى آخره ، بس هي بشرى ، ولا يؤخذ منها حجة ولا يترتب عليها حكم ، كالحكم بأني صحابي مثلا ، ماينفعش ، لأن الصحابي من رآه في حياته ، وهكذا وهكذا وهكذا ، يعني مافيش حل ، دي رؤية زي الرؤى المنامية في (...) اليقظة ، زيادة الخير بقى.
طب شفت إيه بس بالضبط يعني بالضبط ، طب ماناش قايلك بالضبط بالضبط ، ليه ؟ وانت مالك ! اللي ينفعك قولتهولك ، والله أعلم بما هنالك .
لأ ، مافيكش حاجة عليا ، ليه هو أنا هابصلك ، هتخلي نصهم مايجوش الـ ... الجمعة الجاية إن شاء الله ، ما تخلي الزباين تيجي ياعم خلينا نـ .. ((قلت : وكأنه حلاق ويجلس في صالون حلاقة !!!)) ، يقولي بابصلك ، وبعدين كده كأنك النبي يا أخي ، شكلك كده زي النبي ، طب وماله ، ما العلماء ورثة الأنبياء ((قلت : وإياك أن تظن أنك منهم أيها الجاهل ، فالعلماء ورثة الأنبياء ، أما السفهاء أمثالك فهم ورثة الأغبياء)) ، بص ياخويا ، لا حول ولا قوة إلا بالله ، ما انا عارف انها محبة ، ما كذا واحد جاي يقولّي أنا رأيتك في المنام وبعدين اتقلبت لسيدنا رسول الله ، وبعدين انت انقلبت لشكلك كده ، وبعدين اتقلبت لسيدنا رسول الـ .. فضل الحمد لله ، طب وماله ، طب أعمل إيه لمن رآني في المنام ، الناس بتشوف أنا اعمل إيه ؟! واخد بالك إزاي ، واحد قالّي رأيت أنك .. بَص في نهر فرأى الصورة اللي في المية هي أنا ، وبعدين تقلب على رسول الله وبعدين تقلب عليّ أنا وبعدين تقلب على رسول الله ، ما تقلب ! وأنا اعملها إيه يعني ؟! تقلب ، عليه الصلاة والسلام ، بس حكاية إيه ، كل ده مبشرات ولِيها معنى ، بشرى ، ختمت النبوة ، ختمت الرسالة ، ختم التشريع ، بقي الشرع هو الوحيد الحاكم على خلق الله إلى يوم الدين ولم يتبقى إلا المبشرات ، يراها العبد الصالح (..) له ، إنما لما واحد يقوليّ كده وأنا كنت مرتكب ذنب أقول خلاص ده مش ذنب وكده ، يبقى فساد ، يبقى ضلال ، يبقى هذا الكلام فتنة ليّا ، ربنا باعتهولي علشان أسمعه عشان أشوف ، يشوفني ويختبرني ، إذا كنت هاضِلّ ولا مش هاضِلّ ، وهكذا ، ويبقى الاختبار والابتلاء إلى يوم الدين ، والالتحام ولابد عليك أنك تتمسك بالشريعة كدهه ، وملتفت في طريق الله لا يصل ، فإذا التفت إلى هذه الأشياء ودخل قلبك العُجب (..) الحاجات دي كلها إنما معمولة علشان تؤكد الفتنة ، فيه فتنة ، وياما ناس ضاعوا في الفتنة ..
عبد القادر الجيلاني كان قاعد ، بيشكر ربه في الخلوة ، فجاءه أنوار وأمواج من النور ، وبعدين سمع صوتا لم يسمع أحلى منه ، يقول له يا عبد القادر قربناك ، بيقول : جسمي كله اقشعر وقلبي راح مني وبقيت دايب ، ذبت ، وأحببناك ، قالّه : لبيك ربي لبيك ، وابتدا يعيّط ، قالّه : وأحللنا لك الحرام ، قالّه : اذهب يا .. يا .. ياخسيس ، فانطفأ النور ، وسمع صوتا قال : ما سمعت أقبح منه يقول : علمك نجاك يا عبد القادر ، أخرجت بها سبعين وليا من (..) الولاية ((قلت : والطامة هنا هي قوله على صوت ربنا تقدس في علاه أنه صوت [[ما سمعت أقبح منه]] ، فقبح الله هذا الفاجر !! ، وقد ذكر مثل هذه القصة شيخ الإسلام رحمه الله تعالى ولم يذكر فيها ما قاله هذا الزائغ بشأن قبح صوت ربنا والعياذ بالله ، وهاك القصة بالنص : [وقد جرت هذه القصة لغير واحد من الناس ، فمنهم من عصمه الله وعرف أنه الشيطان ، كالشيخ عبدالقادر فى حكايته المشهورة حيث قال : كنت مرة فى العبادة ، فرأيت عرشا عظيما وعليه نور ، فقال لى : يا عبدالقادر أنا ربك ، وقد حللت لك ما حرمت على غيرك ، قال : فقلت له : أنت الله الذى لا إله إلا هو؟ اخسأ يا عدو الله ، قال : فتمزق ذلك النور وصار ظلمة ، وقال يا عبد القادر نجوت منى بفقهك فى دينك وعلمك وبمنازلاتك فى أحوالك ، لقد فتنت بهذه القصة سبعين رجلا ، فقيل له : كيف علمت أنه الشيطان ؟ قال : بقوله لى حللت لك ما حرمت على غيرك ، وقد علمت أن شريعة محمد لا تنسخ ولا تبدل ، ولأنه قال أنا ربك ولم يقدر أن يقول أنا الله الذى لا إله إلا أنا] ا.هـ مجموع الفتاوى 1/172)) ، قالوله حاضر وافتكروه ربنا راحوا في داهية ، الحكاية مافيهاش مفاصلة يا اخوانا ، وأغلب أهل الضلالة في العالم يأتي لهم الشيطان من المدح لا من القدح ، فالمدح أخو القدح فإذا لم تكن عبادتك خالصة لله ، لا تنظر إلى مدحا ولا إلى قدح ، ولا تنظر إلا لله فإن ملتفتا في طريق الله لا يصل ، من الالتفات الالتفات إلى الكرامات ، إلى الرؤى ، إلى استجابة الدعاء ، إلى الكشف ، إلى (..) ، كل ده يشغل عن الله ، الحقيقة واحدة وهي أن الله مستحق للعبادة والطاعة وأنه قد أنهى الشرع وأكمل الدين ، إذا عرفت الكلمتين دول هتنجو ولا يهمك حد ، إذا ماعرفتش الكلمتين دول وكل شوية تدخل في متاهات الـ .. الـ .. وتلافيت الضلالة مش هتصل إلى الله ، فحتى يستوي عندك المدح والقدح ، لأن دي فتنة ، ودي فتنة ، ومايهمكش ، وسع صدرك . ا.هـ
