تكفون ساعدوني مدري وش اشتري سيارة (ادخل ضروووري)0

[desktop_1]

يا شبااااب انا كان عندي كراون فكتوريا 99.. سويت فيها حادث قبل العيد بليلتين..

لكن الحمد لله ربي ستر و السيارة بعتها للتشليح ..

و الى الحين وانا مدري وش آخذ شيارة .. (( تكفوووووووووون ساعدوني))


انا عندي من 50 ألف ريال الى 70 ألف ريال ..

هل اشتري هوندا أكورد والا التيما نيسان والا باسات فكس واجون و الا في غيرها احسن ؟؟

و اذا أخذت وحدة من هذي السيارات 4 سلندرهل تدوم معي 7 -8 سنوات؟؟

و يا شباب ابغى اعرف وش الفرق بين ال4 سلندر و ال6 سلندر و ال8 سلندر ؟؟

فيه ناس يقولون الفرق بس في السرعة و ال4 سلندر احسن عشان ما تصرف بنزين ..


يا شباب ابغى اعرف رايكم في (( الابيكا ال اس شفروليه)) ..

فبعض الاحيان اقول اشتري لي ابيكا احسن بـ53 الف ريال و 4 سلندر (( توفير فلوس))




وش رايكم يا احلى شباب في مشكلتي وش اشتري سيارة حللوة تدوم معي 7 سنوات ..

و للمعلومية انا راعي سفرات مو كثير مرة
فهل ال4 سلندر تصلح للسفرات الى الدمام -جدة-.....


ارجو الرد بسرررررررررررررعة ..

[شـرشـر]

هلا وغلا اخوي
الحمد الله على السلامه اخوي وانشاء الله ما اشوف شر
بالنسبه للسيارات اللي قلتها مالي خبره فيها وشو الشباب يمكن يفيدونك في بعضها او كلها
بالصراحه انا عندي كامري2004xli والحمدلله كل عطله اسافر فيها ومابقيت مكان بالسعوديه مارحته والحمد لله ماشيه معي تمام ولا خراب ولا عطل
بس زي ماتقول اذا حق سفرات وتبي الراحه خذ لك كابريس مريح وحق سفرات
تحياااااااااااااااااااااتي اخوك
شرشر

[desktop_1]

مشكوور يا شرشر على ردك ..


لكن الكامري 4 ولا 6 سلندر ؟؟؟؟

والكابرس يا شرشر فوق ال 80 الف


بعدين انا قلت ان سفراتي قليلة

[R.A.E.F]

سلامات والله اخوي ديسكتوب

ترا الباسات حلوة و مريحة و فخمة بس انبهك انه قطع غيارها ماهي رخيصة ما اقولك اسعارها فحش بس غالية شوي و اذا انت حق سفرات يعني مثل جدة -- الدمام الرياض -- الجنوب

ما اظن تصلحلك الباسات لأنها حقت دلع شوية

لكن اذا سفراتك اهون من كذا طرق ان شاء الله تخدمك السيارة و انتا عارف هي الماني يعني تحافظ عليه يخدمك لكن تكرفه كرف الكرسيدا يفتحلك فمه و يقول هاتك يا تصليحات

انتا استخير و اتوكل على الله

و يعطيك خير السيارة الجديدة و يكفيك شرها

[FSM]

عليك بالكامري ....

او الهوندا 4 سلندر ...

اما اذا تبي دعسسس خذ 6 سلندر ,,,

وان شاء الله هذي السيارتين يعيشون عندك ... سنين طوال ..... على حسب استخدامك ,,

[نجم الشـرقية m3]

بسم الله الرحمن الرحيم

السلام عليكم ورحمة الله وبركاته ... سلامات اخوي ماتشوف شر الله يحـفـظـك وجميع المسلمين

اذا أنت تبغى سيارة تعيش معك فخذ لك هوندا - أو كورسيدا ( أربع سلـنـد ر ) + توفـير فـلوس

أما اذا انت تبغى سيارة فخمة وحلوة فخذ لك كامري موديل 2003 - 2004 أو 2005 ..

ولا تنسى صلاة الإستخارة والله يوفـقـك اخـوي ويفـتح عـلـيـك ..

______________________________________________________

مـع تـمنـياتي للجميع بالتوفـيـق والنجاح / نــجــم الــشـــــــ M O S U B ــــــر قــــيـــة

[DE NILSON]

لووول انا من الثانوية معي كراو نفكتوريا 2001

ويوم الاثنين اشتريت لكزس جيب ار اكس


انصحك بيه بس غالي

[Men_Tikreit]

Nissan primera

[white prince]

سلامات والله اخوي ديسكتوب

ترا الباسات حلوة و مريحة و فخمة بس انبهك انه قطع غيارها ماهي رخيصة ما اقولك اسعارها فحش بس غالية شوي و اذا انت حق سفرات يعني مثل جدة -- الدمام الرياض -- الجنوب

ما اظن تصلحلك الباسات لأنها حقت دلع شوية

لكن اذا سفراتك اهون من كذا طرق ان شاء الله تخدمك السيارة و انتا عارف هي الماني يعني تحافظ عليه يخدمك لكن تكرفه كرف الكرسيدا يفتحلك فمه و يقول هاتك يا تصليحات

انتا استخير و اتوكل على الله

و يعطيك خير السيارة الجديدة و يكفيك شرها

انا مع كلامك 100% انا بحب فعلا الباسات بس نصيحة خد الاكورد توفير

[desktop_1]

مشكور لكل من شارك في الموضوع و تفاعل معي

و الله يسلمكم جميع ..


و انا باتبع نصايحكم ان شاء الله ..

[عين النمر]

الاكورد افضل سيارة في الفئة المتوسطة و هي افضل سيارة لك ممكن تعيش معاك 8 سنوات لكن غيرها لا
بالنسبة للابيكا السيارة زباااااااالة (اعزكم الله ) سيارة سيئة للغاية
اما الفرق بين المحركات 4 سلندر اقتصادية و ممتازة داخل المدينة طبعا 6 سلندر اقوى و اسرع و اهدى من ناحية الصوت و الفرق يبان عند التجاوز
اذا كنت ناوي توفر فلوس عليك بالهيونداي و الله سيارات ممتازة و جيدة الصنع و صدقني الكلام هذا عن تجارب ناس لمدة طويلة ممكن تكون افضل من تويوتا في بعض الاحيان انظر الى الكامري 2003 فيها عيوب و لكن السوناتا ما فيها عيوب ابد الالنترا افضل من الكورولا الاغلى منها ثمنا بكثير