مراجعة شاملة لـ Microsoft Windows Mobile 2005 Beta

[Pentium]

السلام عليكم...

الكل طبعا عنده فكرة عن Windows Mobile 2005 و التقرير اللي انطرح عنها هون...و طبعا ذكرت انه في نسخة تسربت...
بصراحة انا ما فيني اصبر كتير يعني صبرت شوي و قلت خلاص بدي جربها...وأكيد لازم خبركم عن هذه التجربة...

أولا الجهاز:

النسخة اللي تسربت هي عبارة عن روم للجهاز: HTC Himalaya ..و المعروف عندنا بالمنطقة العربية باسمين...i-mate Pocket PC Phone Edition 2003 أو Qutek 2020...فقط و غير صالحة لغير جهاز...

صورة الجهاز:



بصراحة أنا طبعا حملت الروم من زمان من اول ما تسربت و حطيت التقرير عنها بس ما جربتها لانه اولا ما كنت فاضي و ثانيا ما حابب العب كتير بالجهاز ( اللي كان اصلا عليه روم غير رسمية من O2 تحوي Windows Mobile 2003 Second Edition و Extended ROM أنا مركبها من عندي )...وطبعا محمل معها نسخة من برنامج Microsoft ActiveSync 4.00 Beta...
يعني انا منزل شغلات غير رسمية من الاول ...و روم PDA2k تأخرت...فقلت لما لا؟ نجربها...

ثانيا تنزيل الروم إلى الجهاز:

أول شي نزلت برنامج Microsoft ActiveSync 4.00 Beta بدون اي مشاكل....فوق الاصدارة 3.8..
بعدين فكيت ضغط ملف الروم و انتبهت انه يحوي على ملفين:

HimaUpgradeUt.exe و nk.nbf ...

و بما انه الروم العادية لجهاز ايمايت...تحوي على أكتر من هذه الملفات إذ تحوي بالاضافة إلى الملفات اللي فوق الملفات التالية:

ms_.nbf: و هو اللي يحوي الـ Extended ROM
radio_.nbf : اللي يحوي إصدارة الـ Radio
HimaClearJumpCode.exe: هذا الملف ينقل للبوكيت عند بدء تنزيل الروم و يمنع اقلاعه و من ثم يعاد حذفه بعد انتهاء الروم ( هو المسؤول عن ادخال الجهاز بـ Boot Loader Mode اللي تراه على شاشة البوكيت عند تنزيل اي روم )
HimaGetDeviceData.exe: و هذا الملف ينقل للبوكيت قبل تنزيل الروم و ياخد معلومات عن الجهاز مثل اللغة و Operator و ذلك للتأكد من تطابق الروم و الجهاز....

و طبعا شكله اللي نشر الروم سحب بس الروم الاساسية من جهازه و ما سحب الراديو و لا Extended ROM ( بعدين تشوف انه ما في Extended ROM أصلا )....
و لهيك طبعا لازم استخدم نسخة راديو و لكن بما انني منزل آخر نسخة Radio Version 1.18.00 فما في داعي لتنزيل غيرها...
و بما انه ما في HimaGetDeviceData.exe فما عانيت من مشكلة Country ID Error اللي تظهر عند تنزيل روم غير موافقة للغة أو Operator.
بس الملف HimaClearJumpCode.exe ناقص معناها الجهاز لن يدخل Boot Loader Mode لوحده لهيك اضطررت ادخله Boot Loader Mode يدويا ( Power + Action Button in Navigator + Reset ( بس لا تحاول تجربها إذا ما ناوي تفرمت لانها ممكن تعمل Hard Rest...

بعدها شغلت الملف HimaUpgradeUt.exe و اتصل بالجهاز و طبعا بدي التنزيل و انتهى بدون مشاكل...بقيت مده 35 دقيقة تقريبا....أو أقل...طبعا المده أقل من أي روم لانها لا تضمن راديو و لا Extended ROM ....

و طلعت لي شاشة Congratulation هيييه أول مرة حشوف الـ WM2005.....!!!

[Pentium]

ثالثا النظرة الاولى:

اول شي كان متغير هوه الهارد ريست !!! نعم ليس Power + Reset كالعادة...انه:
WM2005 Hard Reset: Power + Camera + Record + Reset..و طبعا بعدها تطلع خيارات على الشاشة و لازم تختارها حت تعمل Hard Reset و لازم تختارها بدون اضاءة شاشة !!!!
هنالك 3 خيارات..الاول عن Kitr لازم تحطه هون No و بعده خيار عن تخزين الريجستري كمان لازم تحطه NO لانه بدي فرمت...و آخر سؤال عن Format Storage و هنا أكيد Yes ...نكبس أوكي بالـ Navigator ساعتها يفرمت...شي حلو..يعني فيك تختار الاحتفاظ بالريجستري أو لا مثلا !!! حضارة !!! أو مثلا تحتفظ بالملفات بالـ Storage و تعيد الريجستري إلى حالته الطبيعية إذا كان في مشاكل !!!

بعدها إلى الشاشة الاولى Welcome To Windows Mobile 2005 و بعدها Align Screen و كله عادي و بعدين Next و عمليه نسخ و لصق مثل العاده...بس بعدها في شي جديد:

To Protect your files you may assign a password ... ضغطت Skip بعدها الجهاز صار تمام !!!

[Pentium]

رابعا ما الجديد في البرامج:

الواجهة الاساسية للجهاز حلوة و هنا كم صورة:
لاحظو أسفل الشاشة زرين Contacts و Phone....



عند ضغط زر ابدا تسمع صوت جديد كليا و يتغير لون الشريط من فوق:



ندخل للـ Setting.. و هنا 3 صور Personal, System and Connection Setting:



نجي للبرامج...شوفوا الصور و لاحظو وجود PowerPoint Mobile و Print Screen ( اللي استخدمته للصور زي زر Print Screen في كيبورد الكمبيوتر )...كمان لاحظو زر الكيبورد في منتصف الشاشة



بالنسبة للاشياء الجديدة في الاعدادات...أول شي الساعة عندك خيار تشيلها من فوق أو لأ:



بالـ Owner Info ...صار فيك تظهره هو و Notes الخاصة فيه:



و بالنسبة لـ Messaging أول شي ما لقيت MMS زي WM2003SE ..ما بعرف كيف ناوي اتعامل مع MMS بس أكيد لها حل:



و طبعا صار في شي جديد بالاعدادات الخاصة بالـ SMS: و هو تقرير التسليم  صار فيك تخليه شغال دائما....( بالـ WM2003SE ممكن بس بحركة خفيفة بالريجستري )...:



نجي للـ Contacts ...و الله تحسينات كبيرة كتييييييييييير!!! بالشكل و طبعا صار فيك تحط صورة لكل متصل من الـ Contacts أو من Outlook من الكمبيوتر و هذا شي رائع !!...و كمان تخصص نغمة شي تمام كتييييييييييييير و حضاري !!!! يعني خلصنا من Photo Contacts و من MTUX Ringtone X مؤقتا !!



أما Internet Explorer الجديد يحوي ايضا على Status Bar شي لم يكن موجود لدينا:

[Pentium]

نجي للـ Phone ...بصارحة شكل جديد بالمرة و ميزات جديدة !!...أول شي صورة المتصل تظهر مع الاتصال و كمان رقم التلفون مقسم إلى أجزاء الرمز الدولي و رمز الشبكة و الرقم ..



أما Windows Media Player هنا الاصدار العاشر و بصراحة هو أقرب إلى نسخة الكمبيوتر...فيه Media Library و Rating و طبعا يدعم كل الملفات و الفيديو...يعني لا داعي للـ Album فهو يشغل 3gp, WMV , MP4 و غيره إضافة إلى ميزات جديدة كليا بالاعدادات الخاصة به:






أما الـ ActiveSync...شكل جديد و ميزات جديده منها انك تستطيع التحكم بكل ما تريد من الجهاز مثل الشغلات اللي ناوي تعمل لها Sync مع الكمبيوتر ...



أما Camera فقد دمجت بشكل جيد مع برنامج Pictures & Videos ...و تغير طريقة اعداداتها...و أصواتها ...و كمان طريقة عرض الـ Thumbnails صارت أسرع و أفضل و صار في ميزة Screen Saver لما توصل الجهاز للقاعدة :





و هنا صورة من برنامج Pocket MSN و Pocket PowerPoint و صورة لرسالة استقبال ملف بالبلوتووث:



و كمان صورة لبرنامج SIM Contacts هو و عم يقرا الاسماء:

[Pentium]

خامسا ما الجديد في الاعدادات:

بعد استعراض البرامج نشوف حاليا الـ Setting...و نبداها بـ Today Setting يجي معه 2 Themes وحدة منهم اللي فوق و الثانية هنا:



لما تدخل للـ Sounds & Notifications تشوف انه في كم حدث جديد ممكن تخصص له اصوات مثل Wireless Network مثلا...و طبعا الاصوات متغيره:



و طبعا هنا الـ About يظهر لكم اصدارة الويندوز موبايل و كمان يظهر لكم مشكلة سأتكلم عنها لاحقا في الموضوع ...:



و في كم شغله جديده منها Error Reporting لترسل لميكروسوفت رسائل الاخطاء اللي تصير علشان يحلوها ( زي XP )...



و في كمان GPS Setting لدعم كل الاجهزة اللي تنوصل للبوكيت و تستخدم GPS :



و في اعدادات الـ Power نشوف اضافات مثل امكانية تشغيل و إطفاء Wireless Signals مثل الشبكة و البلوتووث:



و اعدادات البلوتووث في كم اضافة...أول شي لازم أقوله انه WM2005 تأتي مع Microsoft Bluetooth Stack وليس من Widcomm كما في PDA2k..شوفوا صورة الاجهزة اللي عامل معها Pair:



هذا ملخص سريع للاعدادات و البرامج...

[Pentium]

سادسا الخلاصة الميزات و المشاكل:

ننتقل إلى الخلاصة و البرامج اللي تنزل على Windows Mobile 2005...

بصراحة النظام هذا رائع بكل معنى الكلمة...يعني يبهرك بشكله الجديد كليا و خيارات مريحة و لم تكن متوفرة لديك...
Windows Media Player 10 مفيدة...لاني استخدم Windows Media Player 10 على كمبيوتري و طبعا موجوده ضمن خيارات Active Sync و تقدر تعمل Sync...للـ Media الموجود عندك...
أنا قدرت أنزل كذه برنامج بس في برامج لم تعمل و هذا متوقع ( و منها تعريب imaginet )..لانه نواة النظام الاساسية تغيرت...و أكيد حتنزل برامج متوافقة معه تمام....
من البرامج اللي اشتغلت معي تمام Resco File Explorer ...و طبعا انا نزلته علشان ايقونه System Info الخاصة فيه و المفيدة كتير....و اشتغل معي تمام....
برامج Skyscape الطبية معظمها لم يعمل معي للاسف...
لم اجرب برامج كتيره لانه أنا لسه عم جرب النظام ككل.....
و طبعا بالنسبة للنغمات قدرت استخدم MP3 و WMA و WAV بسهولة فائقة جدا !!!!....

نجي للمشاكل......
بما انه النسخة غير رسمية واجهت بعض المشاكل...اكيد بس انا متعايش معها حاليا لانه بصراحة النظام عجبني و ناوي اجربه منيح ......
أول مشكلة لاقيتها...أنه ذواكر الجهاز الـ RAM طارت !!!...تلاقيه يتعرف على 38 ميغا فقط من أصل 128...يعني في 90 ميغا أكلهم ...صحة و هنا..ما بعرف شو السبب؟؟..طبعا دورت كتير بس في كتير نظريات تقول انه مثلا ان الفلاش اللي جايه مع i-mate Pocket PC ما تكفيه يكمل من الرام مثلا...لانه ما بس معي...مع كل العالم اللي نزلت النسخة و حتى مع الشخص اللي نشرها و اللي كان عنده اياها للتجربه من ميكرسوفت....كان الرام عنده فقط 38 ....شوفوا:



و طبعا هي صورة System Info الخاصة ببرنامج Resco شوفوا الرام كيف صغرت و كيف اختفت الـ Extended ROM :



بس طبعا لقيت حل لهذه المشكلة و هو اولا استخدام ExtROM Tools لاظهار Extended ROM و بعدها تم استخدام RAM Disk لحل مشكلة الرام و أظهرت 96 ميغا ...و كده صار الحكي تمام و الملفات مرفقة تحت للتحميل:



و طبعا مشكلة البرامج قلت لكم عنها..ما كل البرامج المتوفرة حاليا تشتغل مع WM2005..بس أنا معي PDA2k و مشكلتي هذه محلولة كل برامجي عليه.....

غير هيك حتى الان ما لقيت مشاكل...أداء الجهاز حلو.. و ما بطيء...و كمان رغم اني خبصت فيه كتييييير و نزلت كتييييييييير برامج و خلصت بطاريته ...لم يفرمت....و لامرة لوحده...

أما بالنسبة للحديث عن اعاده الجهاز للروم اللي قبل...تم و بسهولة كبيرة جدا حيث رجعت نزلت عليه روم رسميه من أيمايت و بسهولة و بدون مشاكل.....

و الخلاصة النهائية....أعتقد ان WM2005 سيكون نقله نوعيه للويندوز موبايل....و سيحل كتير من مشاكل WM2003...أنا لا أقول انه سيظهر خالي المشاكل لان هذا مستحيل...انما انا متفائل...

و بالنسبة للسؤال : إذا عندك Himalaya هل تجرب هذه النسخة ام لا....هذا بصراحة يعود لك....لانه انا عندي جهاز تاني و ما فارقه معي مشكلة البرامج و الرام...بس القرار النهائي لك....أنا عندي نسخة WM2005 و ActiveSync 4 و موجودة على النت إذا حدا حابب يجرب.....

تحميل Windows Mobile 2005 Beta For Himalaya

تحميل ActiveSync 4 Beta

تحميل ActiveSync 4.00 Final

تستطيعون الدخول إلى هنا و ذلك لمزيد من الصور الرسمية و صور نسخة السمارت فون من Windows Mobile 2005 من الاطلاق الرسمي....

و السلام خير ختام....أخوكم Pentium ( على فكرة تعبت من الكتابة )....هههههههه

سلامات.....

[Dr.Zezo]

مشكووووووووووووووووووووووووووووووووووووووووووووووور
مشكـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــور

أنا مشغول شوي الحين بس انتظر بكره راح تشوف الأسئلة وشلون

[duke911]

الله يعطيك العافية أخي Pentium و الموضوع جميل جدا جدا جدا..
والله أنا كتييير متحمس للـ Windows Mobile 2005
مع اني كنت بفضل أن يكون البلوتوث اصدار widcomm و ليس Microsoft ... لأني عندي Jam و كتييير متعبني الـ MS bluetooth stack

إن شاء الله بطلع تعريب جديد قريبا...
و أكيد نفس الشي لبرامج الـ Skyscape التي لا غنى عنها أبدا

على أي حال... لسا في وقت كتيير لحتى يتم اصدار نسخة شغالة بشكل جيد للموبايلات الحالية.

مشكور مرة تانية على الموضوع الحلو

تحياتي

[Pentium]

Dr.Zezo: يا هلا و الله شرفتنا و بانتظارك اسئلتك....

Duke911: شكرا لك اخي العزيز...والله معك حق...برامج Skyscape لا غنى عنها ...و لسه في وقت مثل ما قلت بس انا ما اقدر اصبر بصراحة ...و مشكور على مرورك ...

[Dark Man]

تقرير مميز بمعنى الكلمة و مفيد جدا للتعرف على النضام الجديد و مايخفيه , هل تنصحني فيه خصوصا انة بدون تعريب , هل هناك تحسنات في المتصفح او الاكسبلولر و هل هناك تحسينات في الابوم و تقبل خالص احترامي و شكرا لك مره اخرى

[saak]

مشكووور اخوي على الموضوع المتميز
بس انا عندي اسئله اشوي
اولا:هل البلوتوث رااح يطور
ثانيا:هل يصلح لجميع الجولات
ثالثا:متى رااح ينزل
وشكراا اخوي

[Evil Gaara]

سلام
صراحة مواضيعك كلها خطيرة و مفيدة و يستحق الواحد إنه يقرئها و يضيّع وقته ( يسلّي ) وقته فيها
حاليا أنا جدا مشغول بالإختبارات , و إن شالله بس أخلّص منها , بتكون الروم الجديدة نازلة و أكون قارئ كل المواضيع إللي تخص هذا الموضوع >>> على شان جذيه أنا كثير صبور , لإني مشغول بالإمتحانات .
يمكن إنت ما عندك شي تسوّيه فقمت و نزّلت الروم الغير رسمية و نزّلت مواضيع مفيدة للأعضاء .
بارك الله فيك , و كثّر الله من أمثالك.
بعدين راح أتفرّغ لهذا الموضوع و راح أسئلك فيه .
يالله مع السلامة خيّو .

[Pentium]

THE DARK MAN: اخي العزيز...شكرا لك لدخولك الموضوع....

والله منشان النصيحة....ما بعرف شو بدي قلك المشكلة انا بحب جرب كل شي و بصراحة عجبني النظام حتى و لو بدون تعريب و حتى مع مشكلة الرام لانه شكله كتير مريح بس حت اعطيك نصيحة لتجربه طول بالك حتى حاول ارجعه للنظام WM2003SE ...علشان إذا ما عجبك....

بالنسبة للمتصفح نعس في تحسينات و أنا عم جربه حاليا...

الالبوم الله معه راح ما موجود بالروم هذه.... لانه ملفات الصور كلها لبرنامج Pictures & Videos ...و ملفات الصوت و الفيديو للـ Windows Media Player 10 ....


saak: البلوتوث فيه شي حلو و مطور من بلوتوث الجام ....متى لح ينزل رسميا بآخر السنة أعتقد...و هذه الروم التجريبية زي ما قلت للـ i-mate PPC 2003 >>> وصورته فوق....


Evil Gaara: حرام عليك يا شيخ حسستني اني عم ضيع وقتك خلاص خيو موفق بالامتحانات ما بدي شوف وجهك هون لتخلص يلللللللله

والله من ناحية انت صبور بعرف

يمكن إنت ما عندك شي تسوّيه فقمت و نزّلت الروم الغير رسمية و نزّلت مواضيع مفيدة للأعضاء .

ياسيدي هيك ما معك حق أبدا....أنا ما عندي شي؟؟؟ آآآآآآآآآخ ...أنا طالب طب بشري سن رابعه ...
و الدراسة هون بالاطنان ....و طبعا دوام بالمشفى من 8 إلى 12 و بالجامعة من 12 إلى 6 مساءا !!!

لا تخاف بس امتحاناتي على الابواب و ساعتها ما معي وقت غير أقول لكم مرحبا فقط

بارك الله فيك , و كثّر الله من أمثالك.

الله يسلمك.....و إنشاء الله موفق...سلام

[xpirate]

السلام عليكم
وجدة بلصدفه لينك للwin 2005
وأنزلته ولكن اريد معرفة ازاي اركبه علي الجهاز و انا مرقي جهازي الي 2.20 فلمشكلة هنا اني مش عارف اعمل حاجا من دون ال boot jump الذي تم ذكره في مقدمة الموضوع .....

جزاكم الله كل خير

[Pentium]

أخي العزيز اتبع الطريقة اللي فوق لادخال الجهاز بوضع Boot Loader Mode