السلام علكيم ورحمة الله وبركاته
اهلا بالجميع .. وان شاءالله تكونون بصحة وعافية ..
كلنا يعلم مدى تطور التجارة الالكترونية في الانترنت وخصوصا دول اوروبا .. والولايات المتحدة الامريكية .. لما يملكونه من تطور هائل في عالم الانترنت . تصور انك تستطيع ان تتسوق وانت في المنزل دون العناء الى الذهاب الى المتجر. انه حقا شئ رائع ... هذا ماكنت اتصوره ... وهنا بدات الحكاية
لدي جهاز كمبيوتر للأعمال المكتبية . استخدمه للجامعة وماتتطلبه من اعمال وبحوث. وغيرها .. على كل حال قمت بعض التطويرات البسيطة جدا مثل زيادة الرام الى 512 واستعارة كرت شاشة من احد اقرابائي كرت من الكروت القديمة جدا .. 8500 ATI . والسبب في ذلك من خلاله استطيع ان العب كاونتر سترايك سورس. على كل حال .ليس هذا موضوعنا .
سمعت من قريبي ان موقعا في الانترنت يبيع قطع الكمبيوتر وملاحقاتها وبأسعار مناسبة جدا جدا جدا .. وكل شئ متوفر فيه من المسمار الى جهاز كامل.. وهو موقع NEWEGG
وبدأت احلام اليقظة . وهي شراء جهاز جبار ذو مواصفات عالية . .. كيف يابوخليل تشتري من الانترنت .. ابو خليل سأل زملاء له والذين قد قاموا بالشراء عن طريق الانترنت .. واخذت النصائح والبعض قالي : ياوليك ترا بطاقتك الائتمانية بتاكل خابور . وبينسحب عليها الين ماتفلس... قلت له فال الله ولافالك . :vereymad:
على كل حال. .وش السالفة ياشباب وش العلم . كيف وماكيف. والا في واحد من الشباب قالي فتحت حساب . حساب . ايه عندي حساب . قال لا عندك حساب عن شركة بريد . قلت له : لا . قال في شركة معروفة تفتح لك حساب في امريكا وتفتح لك حساب في بريطانيا .. قلت حلو الكلام بكم وووين وش اسم الشركة .. قالي خلاص نروح انا وياك ونفتح حساب سوا .. قلت ياسلام عليك انتوسألت موظف خدمة العملاء لشركة التوصيل بعد مافتحت عندهم صندوق بريد في امريكا وبريطانيا .. وقلت له : وش تنصحني بالمواقع الجيدة .. طبعا ا ..مافيه الا امزون ونيوايق. هم الي في للستة فقط . المهم تحدث وقال كذا والموقع كذا . وقمت بسؤاله بعد انتهاءه من ذكر المواقع وقلت له : ونيوايق ؟؟ قال الله انيو ايق انا سمعت انهم مايقبلون الا البطاقة الائتمانية المصدرة من امريكا فقط .. قلت له مع احترامي الشديد لك . البطاقة موجود عليها خريطة العالم واعتقد انها تقبل في اي مكاان . قال معك حق . وهذا المفروض. المهم خرجت وانا ماخش كلامه عن انيو ايق براسي. نهائيا .
طبعا خوي قالي فيه شئ ثاني لازم تسويه قبل ماتفتح الحساب وهو الاهم . قلت له وشوا .. قال لازم تطلع بطاقة ائتمانية . ( ماستر كارد او فيزا ) .. قلت انا طالب وين اقدر اطلع فيزا والا ماستر كارد قسم بالله لافلس
راح ابو خليل للبنك وجاب الاوراق الازمة لإصدار حساب الطلاب.. ووصلت الفيزا ولاابتسامة كذا
حساب البريد وفتحناه ... في امريكا وبريطانيا .. وماستر كارد وطلعنا .. معناها :>> جايك الجهاز يابوخليل جايك . وبتعلب الالعاب على كيف كيفك اون لاين
وفي الاسبوع الماضي.. بدأت احلام اليقطة تتخذ مجرى الحقيقة .. واذا بها تخالف كل التوقعات والطموحات .. وتتلاشى احلامي الجميلة .. كأني اشوف بروسسر AMD يطير من قدامي .. وكرت 6800ULATUR يروح بعيد بعدين . ومذربورد ASUS جا واحد وخذها وقاعد يضحك علي. . انصدمت صدمة غير طبيعية بعد العناء الي قمت به ...
[ شكرا لك على مراسلتنا مستر ابراهيم .. ولكن نحن لانقبل الا البطاقات الإئتمانية المصدرة من الولايات المتحدة الامريكية . الرجاء التكرم بمراسللتنا عما بدى لك ولوسحمت ضع كل استفساراتك في ايميل واحد لكي نستطيع خدمتك بكل يسر وسهولة ] مع تحيات neweggcustomer servies
الله لايعطيكم عافية .. عقب التعب هذا اخر شئ مانقبل .. طيب وش اسوي في الشعار الي عليه خريطة الكرة الارضية او خريطة العالم .. اقعد اتفرج فيه واشوف الوان قوس قزح .. حسبي يالله عليك . :vereymad:
. طيب وانا وين اجيك امريكا وافتح لي حساب واطلع لك بطاقة عما بعينك عما . والله من جد يااخوان حاجة تقهر. مع اني ترا ارسلت لهم ملاحظة في الايميل ان هذا عنواني وكل شئ. لكن دون فائدة تذكر. مع العلم انني لم افقد الامل وقتها . وقمت بمراسلتهم مرة اخرى . وقلت هل من الممكن ايجاد بدائل.. ؟ واذا بالرد الي كانه ثقل 1000 KG فوق راسي .::::>> متاثر بالانمي كثير
وكان ردهم كالتالي( حقيقة ليس لدينا اي بدائل . وهذه هي سياسة الموقع . .. الخ ))
سياسة مين يابوي. واي تسويق واي خدمة عملاء.. يعني الماستر كارد الي في السعودية تقليد وعندكم اصلي . :vereymad:
هاذه هي الحكاية . وانا اللحين جالس اطالع في الماستر كارد واشوف المقص من بعدين ..اقصها والا اخليها
وسلامتكم .. والي عنده حل الله لايهنيه يقولي .
المشاركة الأصلية كتبت بواسطة GoldenLion
