بسم الله الرحمن الرحيم
السلام عليكم ورحمة الله وبركاته.
كل واحد يروح يصلح له كوب كفي ومور شكر ويجي يتفنجل عندي.
أول شي راح نتكلم عن المصمم.
هو كريم رشيد.
عنوانه الولايات المتحده الأمريكيه-نيويورك.
أكثر من كذا ماعرف.
المدرسه التي ينتمي اليها/
هي البوست مودرن. مع تحفظ كثير من المصممين على هذه المدرسه المهم ماعلينا منهم.
وشي ذي المدرسه؟
هذي المدرسه تتبنا الأتجاه التصميمي الجديد المختلق الغير عائد الى أصول ركائزيه يعتمد عليها المصمم"وشلون يعني؟"يعني صمم من راسه من دون الحفاظ على صوره معينه مثل هذا التصميم ممنوع في شوارع لندن للحفاظ على الطابع الأوروبي من الاقصاء.
"طيب وشلون يصمم؟" يصمم من بنات أفكاره وهي اقرب للمدرسه التعبيريه"وشي ذي بعد المدرسه التعبيريه؟" هذي الله يسلمك طيب اشرب القهوه لا تبرد هي مدرسه تعنى بالتعبير عن شي معين من المحيط حوله يعني يخلي جدار الشاليه كأنه موج بحر.
البوست مودرن من أعقد التصاميم والتي قد تكلفك الكثير من المال ناهيك عن العماله الماهره وأنك راح توقف كل شوي على روسهم تغير في شغلهم يعني دوشه ومتابعه كل دقيقه يعني انما ابرزت الفكره وجاريتها مع الوظيفه وتابعت المقاول صح ولا ترا بتخلل انت وتصميمك.
تعتمد البوست مودرن على خلق كل ماهو جديد وذو تأثير على الأنسان بدرجه عاليه وقد أتسع في الانتريل ديزاين اكثر من غيره لسهولة تنفيذه وتطويع المواد له"وشلون اشرحها ذي؟" طيب كن القهوه بردت. يعني ياقلبي انت ماراح يقدر المصمم يخلي عماره واقفه على عامود بينما يقدر يخلي سقف غرفه من الخشب واقف على عامود واحد وغير الكنتليفر وهكذا دواليك.
ومع العلم ان رواد هذا الأتجاه يندر في عالمنا العربي الا من التصميمات الجنونيه المضحكه والقويه ايضا كأن صممت غرفه مقلوبه للنوم بناء على المستلقي راح يشوف السقف ارض وغيره.
قليل من يومن بذلك الاتجاه ولكن هو البارز الذي يعبر عن الا وجدانيه الشعوريه للانسان.
ويمكننا تدليعه بمسمى الخروج من المألوف
وتتأثر الالوان والفرش وكل شي يصبح مختلف انا عن نفسي اقدر كذا وأذكر صممت لواحد جدار يخترقه التلفزيون وكانت مساحة الجدار 6*4 بس بصراحه ماجابت همها وكلفتني الوقت الكثير يعني ثلاثة اسابيع تنفيذ بس.
"القهوه ماخلصت ترا"أدري.
مثل ماتلا حظون بالصور أستخدام الكيرفات البارز بالتصميم مع احتفاضه بالألوان البارزه القويه الأحمر وربط التصميم بلاند مارك هو نقطة الأساس بالتصميم يعني الدعوه فن بفن لا تنسا الجلسات التي تعبر عن روابط ذات صله بالفراغ وكأن الجلسه هي قمة جبل شاهق طبعا كل واحد وده يرقا الجبل علشان يقعد بالقمه خمس دقايق ويحط معلم وينزل ليه حنا نتصرف كذا هذا التصميم جاوب عليها مع العلم ان الكيرفات ليست كالخط المستقيم وهذا طبعا يريح العين ويخلي الواحد مايقف بصره عند نقطة نهايه علشان كذا نحب نطاع البحر حنا ونكشت بالصمان ناهيك عن ربط الأرضيه بالحوائط يعني الواحد ليه يحب يشوف التل علشان التل يبان كانه نابت من الأرض متدرج بأرتفاعه من نقطة الصفر الى القمه بسكيل واحد.
المواد الممكن استخدامها:
لا تفكر تسويها بالبلوك لانه بينهد عليك هذي تسويها بالجبسن بورد سماكه 5الى 20 سم يعني اللعب بالنعمه ومع العلم انه يمكن حما الحوايط ذات الفتحات الكبيره بالأسقف خلاص ترا تعبت بس والله أحبكم.
