الي بيقرا يكتب رده والي ماعند استعداد يكتب رد لا يقرا الله لا يهينه يروح يشتري جريده.
ياشباب يابنات ياشياب ياشايبات الي معه 70 واحد على الماسنجر و20 منتدى يكتب فيه وفاتحهم الحين كلهم يقفلهم
علشان الدعوه جد بجد والي نفسه مش ولابد ولا متخانق مع سواقهم يقفل المشاركه ويجينا وقت ثاني حنا بصراحه ناس
نبي ننبسط والي اليوم خسر بالأسهم يروح ينام ازين له والي مبسوط يقرب ويعطيني بوسه وراح اليوم نهز وسط ونبحر .
في بحور الفله والوناسه والعاذل حسبي الله عليه والغايب مسيره يرجع والي بعيد عن اهله الله يصبره يالي الى الحين ماطفش وقاعديقرا تراني والله احبكم كلكم ماراح نرجع لسالفة الكفي اليوم راح نقرب المناديل لأننا بنقعد نسوي حاجه من ثنتين/
1/ راح تقطر سعابيلنا من التصاميم.
2/ راح نبكي على قوة الجراه بالتصميم.
أدري انكم تقولون يالله اخلص تراك ازعجتنا ما قلتلكم اول الي نفسه مش ولابد يرجعلنا بعدين.
الي مره مبسوط قرب وعطني بوسه جعلك ماتشوف النكد.
يالله ترا ابصير رسمي الحين معكم.
فيه سالفه ودي اقولها تضحك ..........طيب خلاص ابصير رسمي نسيت.
اليوم عندنا موضوع مره مهم انا في رايي انه من اهم مواضيع التصميم الداخلي الي انا أقدره ”الي يمسح دموعه نصاب انا ماقلت شي لسه“ .
هذا الموضوع هو الأثاث الجريء.
نعم الجريء ان في كل منا مصمم بداخله سواء كان خباز/ضابط/رياض اطفال....الخ.
ليس هناك مدرسه تعنى بالتصميم تخالف ذلك الرأي ولكن كيف لنا ان نحطم قيود ذلك المارد“حلوا التعبير تحس انه قوي“
كيف نحطم تلك القيود“أعجبتني الكلمه“ بأثراء المحفظه الذهنيه من الصور والنقد من ذوي الأختصاص“أحم أحم“
أن تصميم الأثاث هي تلك المنطقه التي تتقاطع بها كثير من المتطلبات/
1/ التناسب الأنساني لها“ارتفاع الكرسي.......الخ“
2/ تحقيق الأمان للمستخدمين“الكرسي ماينكسر.........الخ“
3/تحقيق فكره معينه تريد ان ترسلها للمستخدم“ تبيه يقوم بسرعه.........الخ“
4/ أمكانية تنفيذ التصميم“ماتصمم كرسي على رجل وحده وين فيه حنا............الخ“
لتقريب الصوره أكثر اباخذ مثال واشرح عليه القواعد الي ذكرتها“والله المفروض يخلوني وزير بس ماعندهم ذوق“.
سناخذ مثلا كراسي البارات أكيد تعرفونها ”صايعين“.
الملاحظات/
مرتفعه/متفرقه/صغيره/غير مريحه.
مرتفعه: يريد المصمم من خلالها ايصال رساله للمستخدم بانه يستطيع الوقوف بسرعه من دون عناء يذكر عند حاجته لذلك ”تعرفون طبعا ليش“لاتفهمون غلط علشان يقوم بسرعه بس.
متفرقه:يريد المصمم ان يجعل التواصل عند البار قليل وذلك لتفادي النزاعات بينهم او القبلات الحاره.“عيب“.
صغيره:ليوحي للمستخدم بأنه متضايق لكي يعلم انه على بصيره توه ماثمل علشان يشرب اكثر.“ياحظه“
غير مريحه:يعني يحط المقعد من الأسفنج الرقيق لكي لا يتم شغل المكان لساعات طويله.“مايصير لزقه“
وغيرها الكثير.........................................
انا ماضربت هذا المثال علشان تعرفون بس كيف المصممين يفكرون مو علشان تحطون بارات والله لأذبحكم عيب“بس نادوني“.
هكذا يتم التفكير عند صناعة الأثاث كي يصل المرء الى مايريد من خلال درس سلوك الاستخدام وماذا نريد ان نرسله للمستخدم.
يعني انتم لاحظوا صدر المجلس دايم هو افخم شي لان فيه رساله نبغا نوصلها للناس الي بيجون يعني ماحد يجلس هنا الى واحد مره واو“زيي يعني ايه هين“.
عندما نصل لهذا المستوى من معرفة كيف نفكر بالأثاث سوف نرى ان تلك الحيره التي تمزق ذوقنا حتا نعود لمنازلنا مشترين اردى شي ونروح نغيره بعد شهرين ونوديه الحراج نبيعه بريالين.
هكذا تؤكل الكتف
”احس الي مرتاح الحين الي معبي بانزين فل اليوم يعطونه مناديل واجد“
جرب نفسك وكن جريى اخرج ورقه وارسم اريكتك وابعثها لنا نعطيك اقتراحاتنا وانتقاداتنا“طش ام طش باغيس“.
لا جد والله ببلاش بعد بس اهم شي تكون عن طريق المنتدى."هلا والله بحاتم الطائي"
الصور المرفقه تعبر عن تصاميم من كذا مدرسه منها العضويه والبوست مودرن ”وشي بعد ذي العضويه؟“العضويه الله مير انه يسلمك ويطول عمرك ويحفضك“هذا دعاء جدتي“
العضويه مدرسه تعني بالطبيعه يعني مثل ماهو موجود بالصور يصنع كرسي على شكل محار البحر“وشو محار البحر؟“ مو لازم تعرف.
لكن فيه صوره فيها كنبه طويله بيضاء فيها سر مره حلوا اقربه لكم تستخدم لوضيفتين بعد ماعرفتوه النوم والجلوس بس بشكل مره يجنن“قرب المناديل ياولد وامسح الي قام ينقط“
لا ولا ذا الدولاب المايل عجزت اللقا احد ينفذه بس عرفت الطريقه/
وهي يوضع الخشب في الماء حتا يكون طري ثم يثنى على حسب التصميم ثم يقدم مع الفطر المشوي وبالعافيه لا بجد كذا يتسوا انا مجربها.
والا يتسوا عن طريق اللواح الأستيل المطاوع.
أحس اني طولت عليكم بس وربي مره مره احبكم لا تنسون المناديل تشيلونها.
