تفضل----> للصيانه والاستشارات الميكانيكيه و

[ألتيمي]

صباح الخير يا اهل الخير
اخوي انا عندي إستفسار بسيط

انا عندي زينون h1 او h3 مو عارف بالضبط..وأبي اركبه على سيارتي
فأريد طريقه توصيل الاجهزه بالليت وعندي صور للزنن
فلو سمحت تشرح لي طريقه التوصيل والتركيب


هذا الليت

[MR.أستبنه]

اخوي

الصوره مو واضحه

لكن اعتقد انه H1 لان شكله خط واحد

اما توصيله بالبيت

يحتاج قليل من الخبره والعرفه

لان تحتاج وصله عن طريق الكهربا وتمريره على علبه الفويزات وتركيب المحولات

اما تركيب الشمعات في علبه الاضاءه ممكن يكون صعب لان مو على كل حال يركب ومرات تحتاج الى تخريم وصمغ وشغل ترهيم

[ألتيمي]

اشكرك اخوي على الاجابه
ولــكن
الزينون هذا كان راكب عندي و انا فكيته عشان كنت اببيع السياره ولكني تراجعت والحين برجعه مكانه يعني اعرف اشلون اركبه ولكني مو عارف اوصل توصيلا ت من الليت إلى المحول (لكل ليت في محولين واحد كبير والآخر صغير
والكبير فيه in / out

[MR.أستبنه]

اخوي

الكبير هو المحول والصغير اعتقد انه كت اوت عشان ضغط الكهربا

اذا فكيته بنفسك اعتقد انه سهل عليك ترجعه لانك عارف طريقه الفك

[hoot hoot]

و اااه يا جماعه لمبه الانجن جننتني لما اكون داعس الموتر والسرعه توصل فوق 160 تولع لمبه الانجن ولما اخفف تنطفي مع العلم ان الدينما جارج مو ذاك الزود (( كهرباء ضعيفه)) ممكن تفيدوني اش سالفه هالمبه .

[hoot hoot]

وارجوا منك اخ استبنه افادتي

[MR.أستبنه]

هلا ومرحبا

سالفه لمبه المكينه كلها سالفه سنسر (حساس)

روح شيك على السياره كمبيوتر

لازم يكون فيه حساس خربان او محترق

ولما تغيره تنتهي المشكله

[Gentleman]

كيف حالكم جميعا ..؟؟

اخواني لدي سياره كابرس LTZ 2007 .. وبصراحه اعاني من حراره السياره عند الظهيره .. حيث ان الحراره هذه الأيام تلامس الـ 50 درجه مئوية .. لذا مكيف السياره لا يستطيع العمل بكفاءة مثل عمله في فصول السنه غير الصيف ..

حبيت اخذ استفساراتكم لتجنب حر السياره خصوصا عند فتح الباب ظهرا .. حيث ان الجو داخل السياره حااار جدا ..

هل تغييم السياره امر مجدي ..؟؟

ما الذي تفعلونه انتم لتجنب هذا الحر ..؟؟

وشكرا ..

[راعي الجي تي آر]

التظليل يفيد
واحسن لك تستعمل V-cool
عندهم تظليل حراري شفاف
يحافظ على درجة الحرارة بالسيارة
وحاول توقف بالاماكن المظللة
بس هذا احسن حل

[Gentleman]

راعي الجيتي ار .. ممكن صورة للتظليل المقصود .. وماهو الفرق بينه وبين التظليل العادي ..؟؟

وشكرا جزيلا ..

[MR.أستبنه]

زي ما قالك عبدالله

تظليل او عزل حراري

اسأل عنه وراح تحصل الشركات المختصه

بالنسبه للفرق

التضليل العادي فقط حجب للرؤيا اما العزل فهو عزل للحراره

[Gentleman]

عفوا لكن هل العزل الحراري يحجب الرؤية ايضا ..؟؟

حيث اني سمعت عن هذا العازل .. فهو يغير زجاج النافذه بأكمله .. ولا اعرف ان كان هناك انواع اخرى ..

يرجى معلومات قليله عنه لو سمحتم ..

وشكرا جزيلا ..

[MR.أستبنه]

اخوي العازل اما يكون شفاف او فيه حجب الى نسبه معينه تصل الى 60 بالميه

وهو فلم يتركب على القزاز (تضليله)

[Gentleman]

شكرا جزيلا ..

[MR.أستبنه]

هلا بك

العفو