تفضل----> للصيانه والاستشارات الميكانيكيه و

[MR.أستبنه]

اخوي
هلا ومرحبا بك
بس اخوي
المعلومات الي طلبتها
صعب نجيبها لك
مالك الا انك تزور فرع من فروع الوكيل وتستفسر عن كل الي تبيه
وتجرب السياره تست درايف
وهذا احسن حل
والمشكله ان السياره نادره ولا كان جبت لك كل المعلومات

[C.RONALDO]

اخوي
هلا ومرحبا بك
بس اخوي
المعلومات الي طلبتها
صعب نجيبها لك
مالك الا انك تزور فرع من فروع الوكيل وتستفسر عن كل الي تبيه
وتجرب السياره تست درايف
وهذا احسن حل
والمشكله ان السياره نادره ولا كان جبت لك كل المعلومات

مشكور .. خلاص انا قاعد اتمتع بالاكورد

[MR.أستبنه]

والله ابرك لك واحسن
لان الاكورد سياره معروفه وقويه والاهم انها يابانيه
الله يعطيك خيرها ويكفيك شرها
واسف على التأخير لان كانت فتره اختبارات

[ألتيمي]

السلام عليكم..
اخواني انا عندي مشكله ومحتاج الحل ....

من اسبوع تقريبا دعمني واحد سكران وبعد مااتصلت بالشرطه إتبين إنه كان غلطان والشرطه عطاني ورقه تصليح المهم..

نوع السياره:فولوكس واجين -بيتيل موديل 2001 إذا لاتدخل كراج الوكاله
المهم
حرت على التأمين وقالي جيب تقيم للأضرار من كراجين ومن الوكاله
باليوم الثاني جبي براجدون وسحبت السياره على الوكاله وفحصوها تبين إنه الشاصي تعبان وتكلف 15.000 ريال قطع غيار وتصليح 10.000 ريال يعني المجموع الكلي 26.000 ريال وطبعا الـتأمين قالي إنه بيتفع سعر نصف قطع الغيار إذا كانوا قطع أصليه وبيتفع قيمت شغل الايد يعني بالنهايه انا بدفع 8.000 ريال تقريبا.... وباليوم الثاني إتصلت بكراج مختص بتصليح الألماني وقالي ان ممكن يصلح اي دعمه ويصلح أي عطل بالشاصي.....
فأنا محتااار؟
-اكنسل السياره (سكراب) والتامين بيقيم السياره وبيعطيني فلوسي ( بحجه ان الشاصي مضرر)
- اصلح السياره وبعدين ابيعها

اخواني انا محتاار اخاف ابيعها ويطيح سعرها واخاف اكنسلها ويقيموها بسعر رخييص
علما بإن إلي دعمني كان معاه لاندكروزر GXR
انا محتاج لنصيحتكم وجزاكم الله خيرا

صور السياره
---------
---
--
-

قبل الحادث



بعد الحادث ب نص ساعه

[MR.أستبنه]

بيع السياره على حالها واشتر لك وحده جديده ابرك لك
لان الشاصي لو مين ما كان يصلحه ما راح يرجع مثل اول

[ألتيمي]

بيع السياره على حالها واشتر لك وحده جديده ابرك لك
لان الشاصي لو مين ما كان يصلحه ما راح يرجع مثل اول

اشكرك اخوي على النصيحه واليوم وديتها على كراج متخصص بالألماني وقالي إنه الشاصي المكسور (شاصي متحرك) يربط العجل الخلفي والله انا ماعرف بهالسوالف ,, المهم قالي إنه بيتغير ومارح يبين إنها إندعمت. وعلى فكره الدعمه مو قويه وماتكلف إلا (4.000 ريال) كحد أقصى ولكن إلي خلى السعر يزيد اهوا قطع الغيار مو متوفره بالدوحه لاعند الوكيل ولا اي موزع ومافي منها لا تجاري ولا مستعمل يعني كله اصلي .. والتامين يدفع من قيمه القطع إذا اصليه (50%)
المهم..
فكلمني الكراج وقالي إنه بيجيب القطع من دبي قطع اصليه (مستعمله إستعمال خفيف) وبتكلف (15.800 ريال)
بس انا خايف من الـتأمين مايرضى بالسعر او يدزني على كراج يتعامل معاه ويسوي شغل اي شي
آسف على الاطاله..
واشكرك مره ثانيه على النصيحه

[نجم الالعاب]

السلام عليكم

عندي كامري موديل 94 ومشكلتها هي البريكات تصدر ازعاج اذا وقفت... غيرت الاقمشة بس بعد فترة رجعت المشكلة

وعندي مشكلة ثانية احترقت علي لمبة الريوس ووديتها عند كهربائي هندي وشيك عليها وقال لي ان اللمبة سليمة وفتح الكبوت ووراني مكان تحت المكينة وقال هنا المشكلة وسالته ليش ما يصلحها وقال هذا من اختصاص الوكالة مع انه الجير توماتيك وانا صراحة شاك في كلامه

[MR.أستبنه]

هلا اخوي
البريكات تأكد انك مركب فحمات اصليه وخارط الهوبات
اما اللمبه شيك على الفيوز
يمكن يكون محترق
او روح لكهربائي ثاني

[GameCubeالمحترف]

أخوي انا عندي كابرس صابونه قديم
واعتقد ان القير فيه خلل وهو اني طبعا اعشق على الــ D وامشي خفيف وفجأه يعشق على الـــ N ولما ادوس بنزين طبعا يطلع اصوات كأني انا اللي عشقته على الـــ N وبعد فتره يرجع طبيعي وهذا يسبب لي مشاكل خاصه على الطريق العام المهم يعني ان القير يعشق بكيفه ولما رحت لبنشري قال ان السياره تهرب زيت وان الجير ما فيه زيت عبيته زيت وما فيه فايده

طبعا اتوقع ان القير خرب فهل فيه حل يعني فيه امل يتصلح اذا رحت لميكانيكي ولا يحتاج قير جديد؟؟

[GameCubeالمحترف]

نسيت ما اقول شغله وهي ان القير لما يرجع للــ N يطلع لي ان القير على الــ D لكن لما ادوس بنزين يطلع كأنه على الــ N

وشكرا.

[Mr.MooT]

هههههههههه
خوش دروووس حقيقه

[MR.أستبنه]

هلا اخوي
هو القير شكله كان يهرب زيت
وصار عندك مشكله في التروس
فعندك حل من اثنين
اما انك توضب القير
او انك تجيب قير جديد وهو الخيار الافضل
فانا انصحك تشوف لك قير اما في التشليح او في الصناعيه عند البيان
وتاخذه وتركبه وراح يكون كل شي تمام

[GameCubeالمحترف]

مشكور اخوي
لكن اذا وضبت القير بيخرب مره ثانيه

ثانيا القير الجديد غالي مشكله

[MR.أستبنه]

اخوي جرب دور بالتشليح
لان ما لك الا واحد من هالحلين

[ألتيمي]

اخواني انا عندي مشكله
ومن دون مقدمات
انا املك سياره فولوكس ويجين(بيتيل) موديل 2001 وعندي مشكله ومتمني أحد يساعدني
المشكله: عندي مروحتين الاولى عشان تبرد المحرك والثانيه عشان المكيف ,,, فمن تقريبا أسبوع صار المروحتين يفصلوا ( يقفوا بلاحركه) وبعدها ب 10 دقايق يشتغلو يعني المراوح مافيهم شي بس يشتغلو ويفصلو وعلى حسب معلوماتي إن مروحه تبريد المحرك تشتغل اوتوماتيكيا إذا إحترت الماكينه وهذا شي عادي أماالمروحه مالت المكيف لازم تشتغل دائما مادام المكيف مشغله

واليوم الصبح السياره إرتفعت حرارتها وشفت دخان يطلع من البانه وشميت ريحه ماي الروديتر , فوقفت على جمب وتأكدت إن المراوح موب شغاله والروديتر مافيه ولا نقطه ماي (علما بإني ماأشيك على الماي ) فهل لازم كل فتره أشيك ولا لأ..؟

آسف على الاطاله بس انا حبيت أشرح مشكلتي بالتفصيل..

الخلاصه:- ان مروحه المكيف تفصل وترجع تشتغل كل شوي ومروحه المحرك كذالك

وجزاكم الله خيرا
وكل عام وانتم بخير