أبيكم تشوفون لي حل لمشكلتي ..
في رمضان اللي فات مع بداية الشتاء حسيت بألم في كتفي ولما اروح للطبيب يقولي مافي شي
والله ياناس رحت للطبيب اكثر من 5 مرات .. وكان يقولي بما انك تلعب كورة كثير فيمكن من الأحتكاكات باللعب
صدقت كلامه .. واخذت لي اسبوعين .. ( وفي عز ايام الشتاء ) كنت العب كورة وطلعت ولا قدرت اكمل ..
على طول رحت للطبيب وسويت فحص .. قال لي انت عندك ثقب في الرئه ولازم ننقلك للمستشفى الفلاني
وسألي تدخن .. او تجلس مع مدخنين ..
انا صراحه خفت من الموضوع وقلت له ماراح اروح ونصحني وكلم لي اطباء كثير جوني قلت ماراح اروح بروح للبيت
لأني صراحة خفت اروح لحالي
أخذ اوراق ومدري اش سوا الرااجل .. وقال لي وقّع انك راح تطلع
حسيت المسأله جد ولا وقعت ونقلوني للمستشفى الثاني .. المهم ..
سويت العمليه وسكرو الثقب بحاجه مدري اش اسمها بالظبط .. اخذت اسبوعين في المستشفى ( راح علي عيد الاضحى :vereymad: )
طلعت واخذتلي شهر امشي ماقدر اركض ولا كورة ولا شي ..
رحت للطبيب موعد قالي عندك ثقب ثاني ولازم تتـنوم ..
وجابولي مريض عمره 30 تقريباً يقولي حالتي كانت مثل حالتك وسويت قبلك 7 عمليات .. 7 ثقوب في الرئه عنده
وبعدين راح سوا عمليه برا تغليف كامل للرئه ويقول الحمدالله الحين مافيه شي ..
أحترت .. رحت لطبيب في الرياض .. قال لي نصيحه لازم لازم تجلس معاي 30 جلسه يومياً صباح ومساء .. ولو ماسويتها ..
بعد 4 سنين راح ينطوي ظهرك وتمشي على كرسي وش دخل ظهري مدري ؟؟
أحترت ياناس انا بالشرقيه .. معقوله أجلس بالرياض لحالي 30 يوم ؟
وأخاف أجلس معاه الجلسات كلها بـ 32 ألف .. ومافيه فايدة ..
أو أطلع اعالج برا بس تكالفيها غاليه مرة!!
مشاركة: معاناتي مع الرئة .. أدخلو كلللللكم ياأصدقائي ^_^
ـــــــ تحياتي ــــ
مشاركة: معاناتي مع الرئة .. أدخلو كلللللكم ياأصدقائي ^_^
