][^][®][ Daddy Long Legs ][®][^][

[*Ran*]

بسم الله الرحمن الرحيم ^_________^

هذا موضوع بسيط وايد إن شاء الله يعجبكم ...بس مجرد بداية بسيطة ^_^ ... وهو عن انمي
قديم كلنا شفناه ... الموضوع عن الانمي الممتع ( بالنسبة لي على الأقل ) ... ** صاحب الظل الطويل **

Daddy Long Legs- English title
Ashinaga Ojisan - Japanese title
私のあしながおじさん - Japanese
Papà Gambalunga - Italian
Papa longues jambes- French


معلومات عامة عنه :-



عدد الحلقات : 40 حلقة ( سمعت إنه في سبيشل موفي أو أوفا لصاحب الظل الطويل .. بس مو متأكده )
نوع الانمي : كوميدي – رومانسي – شوجو
مدة عرضه : من 4-1-1990 إلى 23 -12 -1990
المخرج : Yokota Kazuyoshi
الموسيقى من تأليف : Aya Wakakusa
أغنية البداية اليابانية هي : "Growing Up" من تأدية Mitsuko Horie
أغنية النهاية اليابانية هي : "Kimi no Kaze" من تأدية كلاً من Mitsuko Horie, SHINES

و ألحين معلومات أخرى عن طاقم العمل :-
- : Character Design
Junichi SEKI

- : Director of Photography
Toshiaki Morita

- : Animation
Akira Kikuike
Atsushi Irie
Katsu Ôshiro
Shoji Furuta

- : Assistant director
Shinichi Matsumi

-:Theme Song Performance
Mitsuko Horie (OP + ED)

شركات الإنتاج :-
Broadcaster
Fuji TV
Production
Nippon Animation .... شركة عريقة في عالم الانمي ولها إنتاجات عديدة رائعة منها :-
Arabian Nights Sinbad no Boken (TV) ( سندباد )
Future Boy Conan (TV) ( عدنان ولينا )
وغيرهم وايد ^__^

مؤديين الأصوات ( بكتب أسم المؤدي على اليسار .. وعلى اليمين اسم الشخصية اللي أدى صوتها ^_+ ) :-
Mitsuko Horie = Judy
Yuri Amano = Julia
Chie Satou = Sally
Bin Shimada = Jimmy
Hiromi Tsuru = Leonora ( لينورا ... طلعت في حلقة 20 و21 و22 ... وكانت هالثلاث حلقات عنها ^_^ )
Masako Katsuki = Mary Lambart
^_^

- قصة الانمي مقتبسة من رواية ( نوفل ) تحمل نفس الاسم للكاتبة الأمريكية :-

Jean Webster

وألحين راح أكتب بعض المعلومات عن الكاتبة ^_^ .... :-



جين وبستر .... ولدت في نيويورك في عام 1876 وتوفيت في عام 1916 .... جين وبستر ... هواسم الكتابة ... فكل روايتها تحمل هذا الاسم لكن اسمها الحقيقي هو Alice Jane Webster ...... جين ( أو آلس ^_^ ) عاشت معظم حياتها في نيويورك ... والكتابة كانت بدمها من كانت صغيرة ... واللي زاد حبها للكتابة هو صلة القرابة بينها وبين الكاتب اللي كتب أحد أشهر الروايات من نوع المغامرات وهي رواية Adventure of tom sawyer …. طبعاً كاتب هذي الرواية هو الكاتب الأمريكي Mark Twain .... و رواية مارك بعد تم تحويلها لانمي ... يعني تم اقتباس قصتها لتكون قصة انمي ^_+ ( اوووووف شنو هالدورة ... شسوي ضعيفة بالتعبير +__+ ؟؟ ) ... جين لما كانت بالمدرسة كانت ضعيفة وايد بالسبلنق ... بكتابة الكلمات بطريقة صحيحة ... ومرة مدرسها عصب عليها بسبب خطأ في السبلنق .. وقال لها ... بأي طريقة كتبتي هالكلمة .. هي ردت عليه وقالت بطريقة وبستر ^__^
جين تعلمت تعليم ممتاز ... وتخرجت في عام 1901 من أحسن الكليات في أمريكا وهي كلية Vassar ... وهي كانت مهتمة وايد بمساعدة الفقراء .. وكانت تزور عدد كبير من الأماكن الخاصة بمساعدة الفقراء والمشردين والأيتام ... وكان الاهتمام بهذه الفئة من أهم الأشياء عندها ... وأكبر دليل على اهتمامها هو كتابتها لرواية تعبر فيها عن معاناة هذه الفئة مع شوية فكاهة وخيال ... والرواية هي Daddy Long Legs ^_^ ... وهذي الرواية هي أحد أشهر روايتها .. وتتكلم عن فتاة يتيمة يقوم أحد الأشخاص بالتكفل بدراستها والوصاية عليها ... لكن هالبنت ما تعرفه .. بس أطلقت عليها لقب صاحب الظل الطويل .. وتقوم بمراسلته دايماً وهذا الشي حسب طلبه .... هذي الرواية صدرت في عام 1912 .. بس لحد ألحين يتم طبع نسخ جديدة منها ... ومازالت تجذب عدد كبير من القراء ^_^
تم تحويل هذي الرواية لعدد كبير من الأفلام ... أشهرها الفلم الأمريكي اللي تم إنتاجه سنة 1955
بنفس عنوان الرواية ومن هذا الموقع تقدرون تلقون معلومات أكثر عنه إذا تبون ^__^ وفي بعد فيلم تم إنتاجه حديثاً .. مقتبسة قصته من هذي الرواية ... وهو فيلم كوري ... راح أتكلم عنه أكثر في نهاية الموضوع ^_^
المهم ... نرجع لجين وبستر .. جين تزوجت عام 1915 ... لكن للآسف ماتت بعدها بسنة .. بالضبط
بعد يوم واحد من ولادة بنتها +__+
اللي يبي يقرا أكثر عن Jean Webster يقدر يدخل هذا اللنك ( فيه معلومات وايد حلوة عن حياتها ^__^ )

يتبع >>>>

يرجى عدم الرد الآن ^_^

[*Ran*]

القصة :-

قصة صاحب الظل الطويل ...



القصة عن البنت اليتيمة جودي آبوت ... اللي تركوها عند باب أحد الملاجيء في نيويورك .. بدون أي معلومة تدل على هويتها الحقيقية ... تربت جودي في الملجأ ... حتى اسمها ( جودي آبوت ) مو اسمها الحقيقي .. هذا الاسم اختارته لها .. مديرة المدرسة السيدة ليزا .. عموماً .. تتربى جودي في الملجأ ... ونشوف في بداية الحلقات إنه جودي محبوبة وايد من كل الياهال ( الأيتام ) لأنها حنونة وحبوبة .. فالكل يحبها .. وجودي دايماً تلعب مع الياهال ^_^ .. مو بس جذي بعد ترسم على الطوف ^__+يعني حدها مرحة وحيوية ونشيطة ( على الرغم من إنه داخلها حزن كبير بسبب حياتها الصعبة لكن جودي من النوع الحالم والمتفائل لأبعد الحدود ^_^ ) ... يوجد في الملجأ ولدين وبنت بنفس عمر جودي تقريباً لكن مختلفين عنها تماماً لأن كل واحد فيهم يبي أحد يتبناه علشان يترك الملجأ ويبدأ حياة يديدة وحلوة ... ماعدا جودي اللي ما كانت تحلم بهالشي مولية .. المهم في يوم ...السيدة ليزا ... نادت جودي وربعها ^_^ (Eric, Sadie and Tommy ... مو متأكدة من الأسامي ^_+ .. سوري) ... وقالت لهم إن المحافظ وعدد من الشخصيات الراقية راح يزورون الملجأ ... وقالت لهم إنهم لازم يحسنون التصرف لأن ممكن إن أي واحد فيهم يتم تبينه من قبل الأشخاص اللي راح يحضرون ويكون له أسرة ^_^ ... طبعاً الكل تحمس وقرر يسوي أحسن شي عنده ماعدا جودي اللي ما اهتمت للموضوع ,وصل اليوم المنتظر ... والكل كان يشارك في الاستعداد ... بدأ التنظيم والتنظيف .. وبدت مواقف جودي العبيطة ^_+
وصلوا الزوار ... والكل كان يبذل أقصى اللي يقدر عليه وجودي حاولت لكن ؟؟؟ شوفوه أحسن ^_^
عموما ً... ^^
في يوم نادت السيدة ليزا جودي وقالت لها إنه في أحد تكفل بدارستها في أحد أرقى المدارس .. وهي مدرسة لينكولن .. وهذا الشخص اسمه جون سميث .. جودي كانت طايرة من الفرحة ... وحبت تشكر هذا الشخص اللي كان على وشك إنه يطلع من الملجأ لكن ما لحقت عليه ... بس شافت ظله وكل ظله طويل، بس ما شافت الشخص ولا تعرفت عليه أكثر، صور للمشهد اللي ألحقت فيه جودي السيد جون سميث علشان تشكره .. لكن ما قدرت تشوفه .. بس شافت ظله ^_+
1
2
3
4
5
6
7
8
9
10
جودي في البداية كانت متضايقة لأنها راح تترك الملجأ اللي تربت فيه ... واللي كان مضيق خلقها أكثر هو إنها راح تترك أصدقاءها اللي تحبهم .... وبعد بسببSadie ( هذي صورتها... أم خشم ^_+ )... هذي البنت كانت تتمنى أحد يتبناها .. وكانت دايماً جدية وصارمة ... علشان جذي انصدمت لأنه جودي حصلت على منحة للدراسة في أرقى المدارس الخاصة ... واهي لأ .. وكانت تعامل جودي جنها السبب في اللي اهي فيه ... باختصار حست جودي بالذنب والضيق ........ في الأخير يا اليوم اللي بتروح فيه جودي للمدرسة ... وجودي خذت معاها جنطة ( شنطة ) كل اللي فيها من أغراض بالي وقديم ... ولما كانت في القطار كانت حزينة وايد ومتضايقة لأنها تركت أصدقائها وما ودعتهم حتى ... لكن المفاجأة .. كانت إنه كل أصدقائها يايين يودعونها حتى أم خشم .. وكانت أم خشم لابسة الجوتي ( الحذاء ) اللي شرته لها جودي ^_+ قبل ما تسافر ( يوم عطتها جودي الجوتي عصبت ورفضت تاخذه ) ..أي الفلوس كانت لجودي علشان أجهز نفسها .. لكن اهي شرت بالفلوس هدايا لأصدقائها ^_^
راحت جودي المدرسة .. وتعرفت على عدد من الصديقات لكن أهمهم .. صديقات السكن .. جوليا بندلتون وسالي ماك برايت .. من هني تبدأ حياة جودي اليديدة .. مع مغامرات مختلفة كل يوم .. وجودي تكتب رسائل لصاحب الظل الطويل حسب طلبه وتذكر فيها كل شي يصير لها ( اهي أطلقت عليه لقب صاحب الظل الطويل بعد ما شافت ظله الطويل ^_+ ) ... في أحداث وايد حلوة لكن أهم شي منو هذا صاحب الظل الطويل أو جون سميث وليش يساعد جودي ؟؟؟
جودي ما قالت لأحد إنها كانت في ميتم .. وإنها ما تعرف أمها وأبوها ولا حتى أي شي يدل على هويتها .... ^_^هل راح تقدر جودي تخش هالشي على طول ولا في أحد راح يكشفها ؟؟؟؟ .. خصوصاً إنها عفوية وما تقدر تخفي مشاعرها وانفعالاتها على أي أحد ... ^_^


هذي القصة باختصار .. أتمنى إني قدرت أوضحها ^_______^


يتبع >>>

[*Ran*]

++ الشخصيات ++


جودي آبوت ^_^ :-



بنت يتيمة تربت في ملجأ للأيتام ... وهي فتاة مرحة ومتفائلة رغم كل الصعاب في حياتها ... عفوية لأبعد الحدود .. وتحب الأطفال علشان جذي كل أطفال الملجأ كانوا يحبونها .... لها موهبة كبيرة في الكتابة .... وخيالها واسع ....دايماً تحلم وتتخيل ^_^
أحد الأشخاص تكفل بكل مصاريف دراستها في أحد المدارس الخاصة الراقية .. وبمصاريفها الأخرى .. وجودي دايماً تفكر بهذا الشخص ... جون سميث أو صاحب الظل الطويل .. تبي تشوفه وتتعرف عليه شخصياً علشان تشكره ^_^


جوليا بندلتون :-



جوليا هي صديقة جودي في السكن ..... وهي بنت أحد أغنى العائلات في نيويورك ... جوليا مغرورة وايد وشايفة نفسها لأنها من عائلة غنية ... بس هي حبوبة ( لكن الغرور مشكلتها ^_+ ) ... جوليا معجبة وايد بأخو سالي .. جيمي ... وتحب تظهر بأحسن صورة جدامه ... وهي بشكل عام .. تهتم بظهرها وايد وتحب تكون الأفضل بكل شي ^_^

سالي ماك برايد :-



هي زميلة حودي بالسكن ... وتشارك جوليا نفس الغرفة ( هذا الشي لحد ألحين مو لاقيه له إجابة ... ليش ما يكون لجوليا غرفتها الخاصة ؟؟؟ يعني كل هالغرور .... والاهتمام بالمظاهر ... ومعاها بالغرفة بنت ثانية ؟؟ ) .. المهم .. سالي هادية وايد وحبوبة ... وخجولة بطريقة فظيعة ... وفي وايد مواقف بالانمي أدل على خجلها ^__^

جيفرز بندلتون :-



هو عم جوليا ... هو من عائلة غنية لكن تصرفاته لا تدل على هالشي ... متواضع وايد وحيوي ويحب الحياة ^_^ وهو اكبر من جوليا بعشر سنوات تقريباً .... جيفرز يتعرف على جودي أول مرة .... لما ييي المدرسة علشان يشوف جوليا لكن جوليا كانت مشغولة فطلبت من جودي استقبال عمها ... جودي في البداية كانت مو متحمسة لمقابلته ... لأنها كانت تعتقد إنه مغرور وشايف نفسه لأنه غني مثل جوليا ... لكن لما قابلته ... حست إنه في شبه بينها وبينه من ناحية التصرفات ... وبعدها صار في بينهم صداقة قوية ^___^

السيدة ليزا ^_^ :-



شخصية مو مهمة وايد .... تطلع بس في بداية المسلسل ... وهي المسؤولة عن الملجأ اللي كانت فيه جودي ... متسلطة أو بالأصح صارمة علشان جذي كانت دايماً تهاوش جودي على تصرفاتها .. خصوصاً سالفة رسم صورتها على الطوفة ^_^

الآنسة ثرون :-



هي المسؤولة عن سكن الطالبات في المدرسة الخاصة ... وهي شوي غريبة ^_+ ... أول شي ياويلكم إذا قلتوا لها سيدة اهي توها آنسة ... ماتحب الرياييل ... مو ما تحبهم ... هي بس تعصب على الناس اللي يحسون إن المرآة لازم تتزوج بعمر معين وإنه لازم يكون معاها ريال يساعدها .. وهي صارمة وايد ... وما تحب الإزعاج .. ودايماً تهاوش جودي بسبب إزعاجها وخرابيطها ... بس اهي وايد طيبة وتحب تساعد الكل ^_^

جيمي ماك برايد :-



أخو سالي ... لاعب كرة مشهور وله معجبين وايد من الجنس اللطيف ^__+ ... وأولهم جوليا .. هو يحترم جوليا وايد ... وجودي بعد ... وهو قريب لجودي وايد ... وطريقة معرفته بجودي كانت مضحكة جداً ^_^ جيمي مو شخصية أساسية في المسلسل ... يطلع في بعض الحلقات ^_^

لينورا :-



لينورا ... ( تطلع في ثلاث حلقات متتالية ويكون التركيز عليها فقط ... الحلقات هم 20 - 21 -22 ) هي طالبة يديدة تأتي للمدرسة وتكون مع جودي في نفس الكلاس ... بس اهي أكبر من جودي بسنة وحدة .... تحب تلعب كرة السلة وتكتب روايات وأشعار رائعة ... بس بسبب صحتها وإصابتها بمرض في القلب ... يؤثر هذا على إبداعها ... بالثلاث الحلقات اللي تطلع فيها نشوف علاقتها مع أبوها ... اللي بسبب عمله يكون مشغول دايماً... و بنعرف إذا لينورا راح تسوي العملية وتتشافه من مرضها ولا لأ ؟؟ وشنو راح يصير بينها وبين أبوها ؟؟ ... هذي قصة لينورا باختصار والحلقات اللي تطلع فيهم من أحلى الحلقات ^^


إميلي :-


هي أحد الأطفال الأيتام الموجودين في الملجأ اللي كانت فيه جودي ... إميلي تبي يكون عندها أم مثل باقي الأطفال .. علشان جذي دايماً تبجي بليل .. لكن جودي دايمأ معاها ... وكانت مثل الأم لها ... إميلي كانت اكثر وحده متضايقة على فراق جودي +_+

Susan Estel ( هذا اسمها المذكور في أحد المواقع الألمانية ^_+ ) :-



هي الطباخة الموجودة في الملجأ اللي تربت فيه جودي ... تحب الأطفال وايد وعلاقتها حلوة مع كل الموجودين في الملجأ ... بس تحب جودي أكثر شي ... وكانت مستانسة وايد لما حصلت جودي على منحة للدراسة في أحد أرقى المدارس ... وكانت تشجعها علشان لا تضيع هالفرصة عليها ^^

والتر :-



هو سكرتير جون سميث ( صاحب الظل الطويل ) الخاص .. وهو صلة الوصل بين جون سميث وجودي ... والتر يهتم بأمور وايد تخص جودي منها الملابس ... ودايماً لما تكون جودي متوقعه تقابل صاحب الظل الطويل ... اهو يطلع بداله ^^

هيرمان ميلنور :-



هو مدرس جودي في مدرسة لينكولن... أعتقد مدرس الأدب الأنجليز ي -_-؟

ألحين بحط صورة للثلاث أيتام اللي قتلكم عنهم في بداية الموضوع و إنهم بعمر جودي ... بس مختلفين عنها في طريقة التفكر والطموح و هم Eric, Sadie and Tommy ( تومي الموجود على اليمين وSadie اللي في الوسط و إريك على اليسار ^^ )




هذي الشخصيات ^^ .. حاولت أذكر كل الشخصيات المهمة والغير مهمة ^^

يتبع >>>

[*Ran*]

صاحب الظل الطويل حول العالم :-

++ صاحب الظل الطويل في فرنسا ++

عرض صاحب الظل الطويل في فرنسا على قناة TF1 في عام 1992 ^__^

++ صاحب الظل الطويل في ألمانيا ++

الألمانيين كانوا مو محظوظين ... لأن صاحب الظل الطويل نزل عندهم أولاً على أشرطة فيديو، نزلت بس أول عشر حلقات بعدين توقف .... لكن في شهر يناير من عام 2001 تم عرض المسلسل على قناة RTL2 ... لكن للآسف بعد عرض عشرين حلقة تم توقيف عرضه ... لأنه محد أعجبه الانمي ^__+ ... الظاهر هالمسلسل ماله حظ مع الألمانيين ^__+

++ صاحب الظل الطويل في إيطاليا ++

عرض صاحب الظل الطويل أو مثل ما يسمونه في إيطاليا Papà Gambalungaعلى قناة Italia1 في عام 1995.

++ صاحب الظل الطويل في أسبانيا ++

في أسبانيا عرض ثلاث مرات على قناة Antena3 ... أول مرة في ربيع 1995 وثاني مرة في صيف 2000 .. وعرض بعد في 2001 بالصيف ^_^

++ صاحب الظل الطويل في العالم العربي ++

من صجكم تبوني أعد جم مرة أعرضوه على القنوات العربية ^_____+ .. مالكم أمل ... شدعوة راح أطلع بنتيجة لو حاولت +_^ لكن صاحب الظل الطويل دايماً يطلع على آرتينز .. ما تمر سنة الا مطلعينه ^_^

يتبع >>>

[*Ran*]

ألحين بكتب عناوين الحلقات بالفرنسي والإيطالي ^__+ ... و بحاول أدورعناوين الحلقات
بلغات ثانية ^_^


أسماء الحلقات بالفرنسي :-
1- Journée décisive
2- Le départ de Judy
3- La nouvelle école
4- La cérémonie d'ouverture
5- Judy emménage à la brocante
6- Judy la menteuse
7- Une pluie de cadeaux
8- Missive tardive
9- L'oncle de Julia
10- Une bonne leçon
11- Vacances à la ferme
12- Une drôle de coïncidence
13- Sally relève le défi
14- Le concours
15- Le bal
16- Le cadeau de Jimmy
17- Le pique-nique
18- Les orphelins de Saint-Georges
19- Chantons ensemble
20- Une nouvelle amie
21- Tristesse et beauté
22- Les retrouvailles
23- Les vacances de Noël
24- Des actrices en herbe
25- New York, ma ville natale
26- Judy veut travailler
27- Judy professeur
28- Une décision sans appel
29- Souvenirs de jeunesse
30- Le visiteur de l'été
31- Jeunes filles en fleurs
32- Rendez-vous à la gare
33- Chagrin d'amour
34- De cruelles déceptions
35- La fugue
36- Julie se rebelle
37- Noël chez les Pendleton
38- Mariage à la ferme
39- La cérémonie de fin d'année
40- La rencontre de Judy avec Papa longues jambes

أسماء الحلقات بالإيطالي :-
1. Lunedì di fuoco
2. La partenza di Judy
3. L'Istituto Abramo Lincoln
4. La cerimonia
5. L'arrivo di Miss Throne
6. Judy la bugiarda
7. I regali di Natale
8. Judy si ammala
9. Lo strano zio di Julia
10. Si avvicinano le vacanze estive
11. Vavanze a Lock Willow
12. Una strana coincidenza
13. Sallie accetta la sfida
14. Judy diventa scrittrice
15. Hot Dogs e danze
16. Un regalo inatteso
17. La visita di Jervis
18. Il giorno del ringraziamento
19. Judy ci ripensa
20. Una nuova compagna
21. Bellezza e tristezza
22. Leonora è grave
23. Le vacanze di Natale
24. Come vi piace
25. New York, la mia città natale
26. Il coloquio
27. Judy, l'istitutrice
28. Un ordine ingiusto
29. Il tempo dei ricordi
30. L'arrivo di Jervis
31. Piccole donne crescono
32. Una decisione difficile
33. Svanisce un sogno
34. Ti amo Jervis
35. La fuga di Julia
36. Julia si ribella
37. Festa di Natale in casa Pendetlon
38. Matrimonio a Lock Willow
39. La consegna dei diplomi
40. Piacere di conoscerti Papà Gambalunga

يتبع >>>

[*Ran*]

كلمات أغنية الـ Opening العربية ^__^

حلمت بالسعادة ... حلمت بالحياة
حلمت بالسعادة ... حلمت بالحياة
وسدت الدرووووب ... واشتدت الخطووووووط ... فجئت من سراب
فتحت لي الأبواب ... حملت لي العطاااايا ... لــ ( ؟؟؟ ) الأحلام ... وتضحك الأيام
ياااا صاااحب الظل الطويل .... ياااا صاااا حب الظل الطويل
أجبني... من تكون ؟ ... من أنت ؟ ... من تكون ؟
أشعلت في دربي الشمعة ... عن خدي مسحت الدمعة
أجبني... من تكون ؟ ... من أنت ؟ ... من تكون ؟
ياااا صاااحب الظل الطويل .... ياااا صاااا حب الظل الطويل

^^ ترى مو متأكدة من الأغنية .. لأنه الشريط اللي عندي رايح فيها والصورة بس تهتز
( اكسر الخاطر ... مو ؟؟ ^_+ )... اللي يعرف الأغنية عدل ... ياريت يصحح لي الأخطاء ^^

في حق صاحب الظل الطويل ... سي دي Soundtrack نزل بتاريخ 22 سبتمر 2004 .. وطبعاً
بالياباني ^_+

ألحين بحط كلمات الـ Opening اليابانية .... اللي اسمها Growing up

Kirei goto wa Nigate nano
Ai no kotoba Afurete mo
Dakedo namida wa Uso ja nai
Aragaenai Jinjitsu
Oboetate no Itoshisa wa
Tegami no naka Kakikirezu
Anata he mukete Oshiyoseru
Mada ienai Tomadoi
Subete wa kore kara Itsu demo kore kara
Now I'm ready to be a lady for love

Kaze ga hou ni Kiss shiteru
Kumo wa futatsu Yorisotte
Tokei ga shirusu Jikan yori
Watashi nari no Jinjitsu
Onaji yume wo Mite hoshii
Itoshii hito Onegai yo
Anata he mukete Sodatte ku
Kakegae nai aijou
* Subete wa asu he no Ai he no tsuishin
| Now I'm dreamin' to love, to grow

كلمات الـ Ending اليابانية ... Kimi no kaze

Megezu ni itsu mo Hitomi nara
Kira kira kagayaku Kimi ga suteki da yo
Kimi no ato kara Soyokaze ga
Nakama no you ni sa Tsuite fuite ku
Sukoshi wild de Cute na
Kimi wo torimaku Tenshi tachi
Chikarazuyoku yume Hikiyoseru you ni
Hotsureta maegami Ki ni shinaide ku
Nebarizuyoku yume Hikiyoseru chikara
Mochi awaseta kimi Dare mo ga mitomeru

Akusen kutou Shiteitemo
Subayai dousaku no Kimi ga suteki da yo
Sabishisa nante Fukitobasu
Egao no ato kara Kaze wa tsuite ku
Zutto ai sasete Hoshii ne
Kimi no subete wo Mitodokete
Yume wo hiki yoseru Kimi ga fushigi da yo
Hosoi karada kara Michiru energy
Setsunasa nijinda Keshiki ni furetemo
Kakato wo fumishime Kimi wa kaze wo yobu
Kaze wo yobu


يتبع >>>>

[*Ran*]

صور للانمي :-
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75

صور أغلفة الديفيدي لصاحب الظل الطويل ^_^ :-
1
2
3
4
5
6
7
8
9
10

[دلـ أبوي وعـة]

هههههههههههههه

ماحصلتي اله جودي ابوت

صراحه فنان

بس قديييييييييييييييييييييم

بس حلو

يسلموووووووووو على التقرير

باليابناي والايطالي بعد

شكلج تعبانه عليه وااااايد

يسلموووووووووووووو

[*Ran*]

رأيي في الانمي :- ( رأيي الخاص ^_^ )

++ القصة ++
سمبل وايد ... لكن ممتعة .. خصوصاً سوالف السكن الخاص والطالبات .. أنا أحب هالسوالف ^_^ .. لكن القصة مو عميقة وايد ولا معقدة ... هي بسيطة مثل ما قلت ... بس فيها أحاسيس وايد وقريبة للقلب ^__^ ... اممممممم والأحداث حلوة وممتعة ومافيها ملل ... لكن لما تكبر جودي تبدأ البياخة ... صج ملاقة بعد ما تكبر +__+

++ الرسم ++
الرسم كارثة ^__+ ... أعتقد الرسم ظلم الانمي وايد ... مع إنه مناسب لجو القصة ... لكن ممكن يكون أحلى بوايد ويكون مناسب بعد... خصوصاً إنه من إنتاج بداية التسعينات ... وبهذي الفترة وايد انيمات تميزت من ناحية الرسم

++ الموسيقى ++
عادية ... مافي شي مميز في الموسيقى ^__^ ( أصلاً أنا ما أعرف أقول رايي بالهشي ... لأنه أي موسيقى يابانية تعجبني ^_+ )

++ الشخصيات ++
الشخصيات حلوة وخصوصاً جودي ... البنت المتصبينة ^__+ .. تصرفاتها مثل الصبيان وحيوية ونشيطة ومندفعة .. لكن لا تتوقعون تعمق كبير في الشخصيات ... المسلسل بسيط .. والشخصيةالوحيدة اللي التركيز عليها كبير هي بس جودي .. أما الباقي فوايد عادي ..تقدرون تقولون عرض الشخصيات كان سطحي ما عدا جودي .. ويمكن جوليا بعد ^_+ .. وبعد مافي جانب الخير والشر ... تقريباً كل الشخصيات طيبة ^_^

++ الرأي العام ++
صاحب الظل الطويل مو من النوع اللي لازم أدور عليه ... لكن إذا عرض بأحد القنوات ... ما راح تخسر شي لو شفته ^___+ هالانمي له معزة خاصة عندي .. لأنه من الانيمات اللي شفتهم أيام الطفولة +__+ ... علشان جذي لو أنعرض على أي قناة لازم أشوفه ^__________^

رأيي في الدبلجة العربية :-

أعتقد ما راح تلقون فرق لما تشوفونه بالعربي أو بالياباني ( مع إني ما شفته بالياباني ) .... لكن الدبلجة كانت ممتازة وما أظن فيها أي تحريف ... أنا أفضل أشوفه بالعربي ... ما أتخيل أصواتهم بالياباني ^__+ ... أصلاً هو مايستاهل أدوره بالياباني ما دام العربي موجود ^__+ ... أوكي ألحين بكتب طاقم العمل اللي دبلجو صاحب الظل الطويل للعربي ( ترى الدبلجة أردنية ^_^ )

مؤديين الأصوات بالنسخة العربية :-
إيمان هايل ( يقولون اسمها الحقيقي ... إيمان أمبيل ) = جودي آبوت
هالة عودة = جوليا بندلتون
قمر الصفدي = سالي مالك برايت
رفعت النجار = آنسة ثرون
حسين أبو حمد = جيفرو بندلتون
هشام حمادة = جيمي
عمر حامد = هيرمان
خضر بيضون = والتر
أنور خليل = سيمبل
مي حناوي
ميرفت حسن

موسيقى الشارة :-
وائل منصور

ترجمة النص :-
فاطمة المصري

التسجيل الصوتي :-
محمد العمري

مونتاج ومكساج :-
فواز الصباغ – جميل هواري

الإشراف الفني :-
موسى عمار

المنتج المنفذ:-
بسام حجاوي – عدنان عوامله

تم التسجيل والدوبلاج في :-
استوديوهات المركز العربي للخدمات السمعية والبصرية

توزيع :-
رؤية للإنتاج الفني العالمي

بكتب لكم آراء خاصة لناس شافوا صاحب الظل الطويل ... ^^

1-
i've seen this anime before but i haven't realized how good it was the first time i saw it, i was a bit confused in the end... well, i was 14 years old then. but now that (i am seventeen) i've seen it again and have pretty much learned its relevance, i won't think twice of watching it again and again and again...

the plot has touched me i hope that it did the same thing with you...

i will definitely buy the novel by jean webster and the movie daddy long legs which stars fred astaire.

2-
i love this stuff so much! i guess it teaches me lots of lesons and inspires me a lot.Judy goes through lots of things and its like i can relate with her in one sense. id love to have a friend like Judy!

3-
i would say that i really LOOOOOVVEEE!! this anime
especially when the time judy or judie grown into a very lovely lady and fell inwell..
love with jervis!they really looked good together. I like the plot and the humor of
this series i guess Jean Webster was inspired when she wrote this novel and i also like the things that you can learn in life by watching this series, it's so touchy and heartwarming!

4-
his is the one of the best things I've ever watched, great story, evolving characters, heartrobbing story. I love Judy and her story

5-
It's a very touching story of an orphan whose life suddenly changed because of a mysterious man who's currently supporting her.

Though she hasn't seen that man, she labeled him "Daddy Long-Legs" because of the man's shadow...you better watch it. Judie in the story is growing into a lady...

6-
ILOOOOVVVVEEE this anime!!! Not only does it portray the novel very well but it also add some scenes that are very likely to happen (but ofcourse couldn't be said by Judy in her letter in the novel). I also love the songs...it's not my usual taste but I dunno, I just gotten to like them.

7-
It's an anime nicely done from the original piece by Jean Webster. Every Jean Webster's fan should watch this one cause it explores more than just Judy's letters especially on her romance with Jevis. A cool one, indeed!

^__^


يتبع >>>

[*Ran*]

ألحين راح أتكلم عن الفيلم الكوري اللي مقتبسة قصته من رواية Daddy Long Legs .... واسم الفيلم نفس اسم الرواية وهو من إنتاج سنة 2004( يديد ^_+ ) أول شي هذا بوستر الفيلم .... وهذي صورة غلاف الديفيدياللي نزل في كوريا في تاريخ 2005/01/13

القصة :-
بعد وفاة والديها في حادث مأساوي .... تم وضع Cha Young Mi ( بلوة أسامي الكوريين ^__+ )في ملجأ .... في أحد مجهول قام يساعدها لمدة سنوات بدون ما تعرف هويته ... هي ألحين في العشرينات من العمر ... وحصلت على وظيفة وهي مساعدة كاتب برامج في أحد محطات الراديو ( وطبعاً حصولها على هذه الوظيفة كان بمساعدة الشخص المجهول ^_+ ) Cha Young Mi قامت تتخيل إنه هذا الشخص المجهول ... هو فارس أحلامها ... مثل رواية دادي لونغ لقز ^_^ .. وهي تحلم باليوم اللي راح تقابل فيه هذا الشخص علشان تشكره على كل شي سواه لها ^_^
بس في أشياء صارت غيرت مشاعرها .... وهذا الشي صار بعد ما تعرفت على Kim Joon Ho ( الشخص اللي تشتغل معاه) ... و Cha Young Mi قامت تشك إنه Kim Joon Ho هو نفسه الشخص اللي ساعدها طول السنوات اللي طافت ^_^
هذي القصة ^_^ ... القصة بسيطة بس مادري ليش شدني الفيلم وودي أشوفه ^_^ ..خصوصاً إني أعرف شوية كوري ^_+مو مصدقين إني اعرف ؟؟ ... شوفوا
Na Neun Ran Im-ni–da
معناها .. أنا اسمي ران ( ترى ما أعرف غير هالكلمتين ^__+ )
الفيلم من إخراج :-
Kong Jeong-sik
وبطولة :-
Ha Ji-won - 하지원
Yeon Jeong-Hun
Shin-ee - 신이

يتبع >>>

[*Ran*]

++ الخاتمة ++

هني خلص الموضوع ^_^ ... الموضوع بسيط .. وكتبته بمدة قصيرة مع إتصال يبط الجبد +_+ عموماً .. إن شاء الله المواضيع الياية تكون أحلى .. وبالمناسبة حابة أشكر حبيبتي Witch Yuna لأنه بدونها كنت ماحطيت الموضوع هني ^^ .. على فكرة ترى أنا كاتبة الموضوع هذا في منتدى ثاني بنك نيم ثاني ( بس سويت له شوية تعديلات هني ^^ ) .. وأنا أخترت صاحب الظل الطويل بالرغم إنه قديم وايد و انكتب عنه من قبل بس أنا حاولت أكتبه بتفصيل أكثر علشان مايكون مكرر ^^

ملاحظة : ياريت اللي يردون على الموضوع يقولون رايهم بالانمي وإذا يبون يتناقشون بأي شي يكون أحسن لأني أنا مو مسويه الموضوع بس علشان كلمتين شكراً ومع السلامة .. اتمنى إنكم تفهون
قصدي ^^

يلا مشكورين على القراءة ... وسوري إذا كان في أي تقصير ^__+

[asf4ever]

ما شاء الله عليج ما خليتي شي عن هذا الأنمي
ما أقدر أحسب عدد المرات إلي شفته فيها بس إلي متأكد منه إنه كل مرة يكون أحلى من قبل
كفاية الكوميديا إلي فيه مخلته من أحلى الأنميات عندي
بس توني أعرف عن اصل القصة وعن جين وبستر
وعن عدد الحلقات لقيت في anidb.info إنه 48 حلقة وفي animenfo.com إنه 40 حلقة!!
الصراحة أريد أشوفه الحيييييين>__<
شكرا ران على الموضوع^^

[Amidamaru]

السلام عليكم...

تقصير؟؟ أي تقصير؟

بالعكس والله هالرسوم أبدا ما كنت ادانيه(احبه) لكن التقرير عطاه حقه وزياده وشوقني أكثر وأكثر له..

ماشاء الله الموضوع لم يقتصر فقط على " صاحب الظل الطويل" شرحتي عن الكاتبه والفلم واللغات الفرعيه ايضا..

ببساطه التقرير رائع جدا ومتعوب عليه ^.^ من ناحيه تجميع المعلومات بعد..لأنه جديم نوعا ما

وأرشح دخول الموضوع المميزة وبقوة ولو في أكثر يستاهل بعد

وبالتوفيق في باقي المواضيع اليايه ولا تحرمينا منهم ^_+<---توه متعلم كيف يسويها

[Rory]

ما شاء الله تقرير روعة .. مميز وشامل ^__^!
والله الصراحة بعد أنا ما أذكر كم مرة شفته .. بس كان من أول المسلسلات إلي أتابعها مع نساء صغيرات وليدي وليدي .. والباجين ..
أتفق معاج في كل إلي قلتيه عن جودي .. شخصيتها حلوة! والمشاكل إلي كانت في سكن البنات بعد حلوة وتضحك .. بس عاد حلوة الحلقات يوم تكبر جودي هو صح يعني مصخوها شوي بس أذكر إنها كانت حلوة

وأول مرة أعرف إنه قصة الأنمي مأخوذة من رواية! ولها فيلم كوري بعد! kakkoii!

حمستيني أشوفه مرة ثانية .. لأنه في وايد أشياء ناستنها عنه ~_~!

ثانكس عالتقرير ران ..!

[ShinGundam]

السلام عليكم

هالأنمي لي ذكريات معاه ^^ و ميزته أن هو دراما خفيفة و مناسب لتمضية وقت ممتع ^^ و أعتقد أن
ينقصه شيء من المواقف التراجيدية كحرب مثلاً أو أي مصيبة ^_~ حتى تصبح القصة Top
و بصراحة ودي أشوفه +__+ لكن و ما نيل المطالب بالتمني و لكن تأخذ الدنيا غلابا T_T
Sayonara