هل تنصحوني بشراء مودم للـPS2

[zoom]

السلام عليكم ورحمة الله ..
هل تنصحوني بشراء مودم لجهاز البلاي ستيشن 2 ؟؟
اود شراءه ولكني متردد لانني سمعت عن مشاكلة كــ DNSA ويجب ان تكون اللعبة اصلية .. وغيرها ..
مع العلم ان الخط عندي DSL .
فهل تنصحوني بشرائه أم لا ..
مع الشكر .

[zoom]

وينكم ؟؟؟؟

[Frank Jeager]

ننصحك ليش ما ننصحك هذا الهاردوير وجود ممتع في الـPS2 مشكلة الـDNAS تقدر تخترقها اذا كان عندك برنامج تشغيل العاب الكوبي بدون مودشيب swapmagic disk وDVD رايتر في الكمبيوتر ، عندها تحتاج تسوي بعض الطرق في ملفات اللعبة على الكمبيوتر وتشغلها على الـPS2 وتدخل على الاونلاين.. واذا كانت الالعاب اصلية بترتاح من مشكلة الـDNAS اذا خليت المودشيب على وضع sleep

[zoom]

اخوي Frank Jeager اشكرك على ردك
عندي دي في دي رايتر ماهي الطرق التي ذكرتها لحل مشكلة الــ DNAS وشكرا ..

[alawadhi3000]

برنامج اسمه Wiindip أو PS2 Image Patcher تستخدمه عشان تدخل رقم معين الى الايميج

وأيضا لازم تشغل شريط الكوبي بدون مودشب (طريقة طويلة)

ولازم نظام اللعبة مثل نظام البلسنيشن

[LANCE VANCE]

المود شيب كيف تنقفل وين القاها في السوني

[Frank Jeager]

اخوي Frank Jeager اشكرك على ردك

عندي دي في دي رايتر ماهي الطرق التي ذكرتها لحل مشكلة الــ DNAS وشكرا ..

اشتر برنامج Swap magic حاول توفر آخر نسخة وتكون نفس نوعية جهازك، طبعا نسخة البرنامج أصلية .

1- من النسخة اللي عندك استخرج أيميج اللعبة ، ادخل DVD اللعبة في الكمبيوتر, ببرنامج DVD Decrypter اختار MODE->iSO->READ
واختار المكان اللي بتخزن فيه اللعبة وبعدها اضغط على السهم الأخضر Decrypt . وتكون بهالطريقة استخرجت الإيميج.

2- ادخل الموقع وابحث عن الـDNAS id للعبة اللي تبيها
http://www.grafhical.com/dnas/ هذا الموضوع حق العاب الـntsc/uc الامريكية
http://forums.afterdawn.com/thread_view.cfm/199101 وهذا حق الألعاب الاوربية PAL
الـID محطوط ناقص ارقام مثلا XX XX 00 40 5C الارقام الناقصة متغيرة دائما انتا حط ارقام عشوائية.

3- بعد ما تطلع ID اللعبة استخدم احد البرنامجين Image Patcher V1.6 أو Disc ID Insertor V2.01

شرح الـ Image Patcher V1.6 : وهي الطريقة اللي تستخدمها أولا لأنها تحدد الملفات اللي يوجد بها الـDisk ID تلقائياً

افتح البرنامج > Select Image File > افتح إيميج اللعبة


اضغط Scan File انتظر حتى تظهر النتائج results، اضغط Verify Version ليظهر لك البرنامج كما بالصورة التالية THIS اللي بتشوف فيها الملفات الغير محدثة UN-PATCHED علشان ينفتح لك الـDisc ID.

** ملاحظة مهمة : اذا برنامج الـImage Patcher ما طلع لك الـUN-PATCHED أي ما تقدر تحط الـDisc ID جرب برنامج Disc ID Insertor

الآن في المربعات البيضاء ادخل الـDisc ID واضغط Patch حتى تشوف صورة مشابهة لهذه THIS & تعرف ملفات .IMG اللي تحدثت بنجاح successfully patched. اذا ادخلت ارقامك بالخطأ أدخلهم مرة ثانية واضغط Patch.

الآن اللعبة جاهزة انسخها على DVD أو CD وانتهينا شغلها على الـPS2 online باستخدام الـswap magic

شرح Disc ID Insertor V2.01 :
حمل برنامج iSOBuster

- افتح إيميج اللعبة، Open Image File واختار الايميج.
- حدد جميع ملفات DNASXXX.IMG "××× = ارقام تتغير من لعبة للعبة آخرى" HERE
- اضغط عليهم right-click زر الماوس الايمين، اختار Extract وخزنهم في هاردسك الكمبيوتر.

** ملاحظة مهمة : بعض الالعاب تستخدم IOPRPXXX.IMG ويكون فيها اكثر من ملفين أو ثلاثه ويكونون بعض الاحيان داخل الملفات الثانية، طبعا انتا عليك تبحث وأنت مفتح مخك عدل .

- افتح Disc ID Insertor ، طبعا الملف اللي بتنزله هو البرنامج انتا اضغط extract لكل الملفات وحطهم في ملف واحد علشان يشتغل البرنامج بصورته الصحيحة.

- بعد فك الضغط اضغط على dnas_id.exe وبعدها Browse وافتح ملفات xxx.IMG وبعدها ادخل الـDisc ID وأخيرا Patch.

ملاحظة : اذا ظهرت لك هذي الرسالة

لا تحزن أضغط OK وانت ماشي . هذي الطريقة لأنها يدوية فيقع الكثير في الخطأ ويطوف بعض الملفات وفي الاخير اذا اشتغلت اللعبة يطلع مسج DNAS error اذا صارت لك اتأكد من انك ادخلت الـDisc ID في كل xxx.IMG حتى الملفات اللي ما تحتوي على DNAS للتأكد فقط.

- حمل الـWinImage افتح البرنامج ، قبل كل شي اذهب إلى Options->Settings->Image
حط علامة صح أمام Allow Updates دائما كما هو موضح في الصورة HERE. أوكي افتح ايميج اللعبة على هذا البرنامج اضغط على Inject Button و Open كل ملف .IMG حدثته بعدها YES بعدها Inject هذي الطريقة كررها لجميع الملفات .IMG اللي سويتها واطلع من البرنامج بدون ما تحتاج للتخزين عادي .

** ملاحظة : اذا طلع هذا المسج "Image is Full" معناته انك دخلت ملفات مختلفة لا غير.

الآن اللعبة جاهزة انسخها على DVD أو CD وانتهينها شغلها على الـPS2 online باستخدام الـswap magic

هذي الطريقة ما تنفع حق الالعاب على الهاردسك لأن مايصير اصلا تلعب لعبة تدعم الـdnas من الهاردسك اللا اذا كان خارجي فقط.

[zoom]

alawadhi3000 اشكرك على المرور وعلى ردك ..
Frank Jeager
مشكور وماقصرت على الشرح الوافي ولكن ماهو برنامج Swap magic ؟
وشكرا ..

[Frank Jeager]

وظيفته تشغيل العاب الكوبي دون الحاجة لوجود مودشيب في الجهاز أو بهذه الطريقة اذا كان جهازك فيه مودشيب تقدر تشغل لعبة الكوبي والمودشيب تصير على وضعية sleep. سعر هذا البرنامج تقريبا 30 دولار بس أنا شخصيا ما حصلته.

[zoom]

انا سمعت عن طريقة تخلي فيها المود شيب على وضع sleep وهي ان تضغط على زر التشغيل مع زر اخراج الشريط لمدة خمس ثوان .. صحيحة ؟؟

[Frank Jeager]

انا سمعت عن طريقة تخلي فيها المود شيب على وضع sleep وهي ان تضغط على زر التشغيل مع زر اخراج الشريط لمدة خمس ثوان .. صحيحة ؟؟

اللي يعجبك ، لكن كل مودشب لها طريقة

[alawadhi3000]

انا سمعت عن طريقة تخلي فيها المود شيب على وضع sleep وهي ان تضغط على زر التشغيل مع زر اخراج الشريط لمدة خمس ثوان .. صحيحة ؟؟

مثل ما قال Franck Jeager

هذي الطريقة للماجك فقط

ولكن ماهو برنامج Swap magic

برنامج يشغل لك العاب الكوبي بدون الحاجة الى مودشب
ولكن لازم تدخل شريط الكوبي بدون ما تفتح الباب ( الزر الازرق ) , موجود شرح عن الطريقة مع السيدي , وطبعا لازم تشتريه أصلي

[Frank Jeager]

يوسف ، مافي أحد يبيع swap magic؟ يمكن اذا صار لينا نصيب نشتري

[zoom]

شوف الروابط يمكن تفيدك
http://www.modchip.com/ps2/swapmagic.htm
http://www.swapmagic3.com/
http://www.ultimateconsoleguides.com/swapmagic.htm
http://search.yahoo.com/search?p=swa...r=FP-tab-web-t

[Frank Jeager]

شوف الروابط يمكن تفيدك
http://www.modchip.com/ps2/swapmagic.htm
http://www.swapmagic3.com/
http://www.ultimateconsoleguides.com/swapmagic.htm
http://search.yahoo.com/search?p=swa...r=FP-tab-web-t

لو اقدر اشتري من الانترنت ما احتجت اسأل، انا قصدي في منطقتنا يعني
شكرا على كل حال