الموضوع الرسمي لـNintendogs ^^ ..

[Lunar Poet]

السلام عليكم ^^ ..

شلونكم ^^؟ شخباركم ^^؟ ان شاء الله تكونون بخير ^^ ..

كلكم تعرفون Nintendogs .. و اضن الكل يبي يشتري اللعبة ..
في هالموضوع ان شاء الله بنتكلم حول لعبة Nintendogs .. يعني أي واحد عنده سؤال أو استفسار عن اللعبة أو طريقة تربية الكلاب يكتبه هنا ^_^ ، أو أي واحد يبي يتكلم عن كلابه و يبي يحط صورهم الموضوع يحطهم في هالموضوع ..


يعني باختصار الموضوع مفتوح لأي شي يخص اللعبة


ان شاء الله هالاسبوع بشتري اللعبة .. نسخة Lab & Friends ^__^


و شكراً ^^
Lunr Poet

[DR.G]

انا من اشد المعجبين بهذي العبه وانشاله بشتريها وانا بشتري نسخة

Nintendogs: Dachshund and Friends

وهذي صور الاغلفه

Nintendogs: Dachshund & Friends

Nintendogs: Lab & Friends

Nintendogs: Chihuahua & Friends

مشكووور على الموضوع

[THE_MATRIX]

ما اطيق اللعبة مادري ليش بس مادري يمكن احبها ^^..
عندي بعض الأسأله ياليت احد يجاوبني عليها ..

1- من وين احصل الفلوس ..؟
2- هل استطيع ان نوم الكلاب ..؟
3- هل استطيع ان اذهب و اعالج كلبي اذا مرض ..؟
4- هل استطيع ان اطعم و اشرب الكلاب ..؟

لو هذا الصفات موجودة بشتريها بكرة ان شاء الله ..

[THE_MATRIX]

شو الفرق بين الأجزاء ..؟؟

[DR.G]

بس الكلاب الي في اللعبه تختلف

[namses]

مشكور لونار على الموضوع^-^

انا عندي سؤال انا سمعت انه فيها مسابقات يعني مسابقات كلاب ممكن حد يذكرلي المسابقات الي فيها واذا فزت شو يعطونك ؟


والي اشترو اللعبه يقولي رايه باللعب هل هي ممتازه او جيده جدا اومتوسطه او ضعيفه
وشكرا ^-^

[Lunar Poet]

DR.G
ألف مبروك مقدماً على اللعبة ^^ ..

THE_MATRIX
1- على ما اضن عن طريق المسابقات .. و عن طريق بيع كلابك و الأدوات و الألعاب
2 + 3 + 4 - طبعاً .. لو ما كانت هالأشياء مو موجودة في اللعبة بتكون اللعبة بدون معنى ..

شو الفرق بين الأجزاء ..؟؟

تختلف أنواع الكلاب و أشكالها بين النسخ الثلاث
و مبروك مقدّماً على اللعبة

namses

انا عندي سؤال انا سمعت انه فيها مسابقات يعني مسابقات كلاب ممكن حد يذكرلي المسابقات الي فيها واذا فزت شو يعطونك ؟

ما اقدر أجاوبك لأني للحين ما حصلت اللعبة -____-
بس اضن انك اذا فزت بتحصّل واحد من ثلاث :
- مال
- أدوات أو ألعاب
- كلب جديد ^_^
يمكن الاخوان اللي شرو اللعبة يقدرون يقولون لك أنواع المسابقات الموجودة في اللعبة ^^ ..

و شكراً ^^
Lunar Poet

[THE_MATRIX]

خلاص اوكي ^^..
انا بكرة شاريها ان شاء الله ..
بس بأي نوع تنصحوني ..؟
لونار متأكد انه مافي فرق إلى الكلاب يعني الألعاب و الأكل و هذه الأشياء ما تختلف ..؟

اسف ازعجتكم لأن ما عندي خلفية كبيرة للعبة لأني ما كنت مهتم فيها ..
لكن يوم شفت الكل مهتم قلت اكيد حلوة

[Lunar Poet]

THE_MATRIX
و الله مو متأكّد .. بس الكلاب تختلف من نسخة الى أخرى ^^ ..
أمّا عن الأدوات و الألعاب فمادري >_<

بس بأي نوع تنصحوني ..؟

على ذوقك ^^ .. شف الكلاب اللي تعجبك و اخذ النسخة اللي تحويها

[C RONALDO]

... السلام عليكم ورحمة الله وبركاته ...

... أنا شريت اللعبه وهي بصراحه اقل ما يقال عنها ممتازة وممتعة ...

انا عندي نسخة Lab & Friends وبديت بكلب shiba inu وملبسه كاب الكاوبوي وفيه منه ثلاث ألوان أنا كلبي لونه أبيض وأسود سميته (عفريت) ذكر بس بصراحه صج اسم على مسمى اذا طلعته أمشيه كل ما شاف كلب جدامه تهاوش وياه ((كلاب الجيران )) موراضي يتعرف على اي كلب (ذكر او نثي) الله يهداه ان شاء الله واليوم شريت كلب ثاني من نوع welsh corgi نثي لونها أدعم وأبيض سميتها (ياسمين) حاط لها ورده على راسها وبصراحه لحد الحين خوش بنت لكن عفريت بعض الاوقات يطقها.

وهذي صورة (عفريت) وهو نايم :_


وهذي صورة (عفريت) بالحقيقه ونفس اللون علشان اوضح :_



وهذي صور ياسمين ربة البيت :_

وهذي صورتها بالحقيقه علشان يبين اللون والشكل أكثر :_


وهذي صورتها نايمه مع عفريت :_


وأخيرا... الشريط لا يطوفكم شباب حده حلو وفوق المتوقع ونجحت ننتندو بالفكره ...

والله يوفقكم جميعا
:: وشكرا ::

[Tomb raider]

1- من وين احصل الفلوس ..؟

عن طريق المسابقات

هل استطيع ان نوم الكلاب ..؟

بروحه ينام يعني ساعات تشغل اللعبه تحصله نايم

هل استطيع ان اذهب و اعالج كلبي اذا مرض ..؟

لين الحين ما استوا له شي الحمد لله

4- هل استطيع ان اطعم و اشرب الكلاب ..

نعم تقدر +تنظفه

وهذا كلبي




MAx
^^

[C RONALDO]

1- من وين احصل الفلوس ..؟
2- هل استطيع ان نوم الكلاب ..؟
3- هل استطيع ان اذهب و اعالج كلبي اذا مرض ..؟
4- هل استطيع ان اطعم و اشرب الكلاب ..؟

1- تحصله لما تدخله مسابقات ولما تتمشى معاه راح يجيبلك هدايا بعضهم تستفيد منها وبعضهم ماتستفيد مثال : حذاء بنات (بوت) و تماثيل وصور وشغلات تبيعها وتاخذ منها الفلوس.
2- أكيد انا بالطريق لقيت اسطوانه تنوم الكلاب لما تشغلها وبعض الاوقات لما يدوخ ينام بروحه.
3-الكلب لا يمرض ابدا ولكن بعض الاوقات اذا لم تعامله بطريقه حسنه يهرب من البيت وما عليك الا ان تنتظره ليأتي وهو أكيد راح يرجع
4-نعم يوجد ماء وحليب وفيه بعد انواع للأكل مثل البسكوت واكلات خاصه للكلاب.

وشكرا

[THE_MATRIX]

ههههههههههههههههههههههههههههههههههههههههههههههه

الله يعينك على عفريت لوووووووووووووول ..

والله ياسمين حلوة ..

ياليت تكون مثلها اون لاين رووووعة ^^..

[Lunar Poet]

لووووووووووول حمستوني للعبة مو قادر أصبررررر XD !
ان شاء الله بحاول اني آخذها باجر @_@ !!!!


C. Ronaldo
الله يخلي لك عفاريتو و ياسمين
لوووووول عيل انحاش منك عفريت P: ؟ ما اقول الا الله يعينك عليه P: ..
عاد ما أوصّيك نبي مقاطع فيديو للعفريت و لياسمين ~_^

Tomb Raider
الله يخلي لك ماكس .. يتربّى في عزّك ان شاء الله
شكله حليو و كيوت نبي صور زيادة له ~_^ .. و اذا أمكن مقاطع فيديو
تكلّم أكثر عنه ~_^

=========================

عندي كم سؤال عن اللعبة :
- الكلب يكبر ؟ ولا يتم طول عمره بحجم واحد -_____-
- بما ان نقدر ننظّف الكلب .. معناه ان الكلب يتوسّخ ؟ <--- ما شاء الله هاللعبة واقعية لدرجة تفوق التّصوّر ! و الذكاء الصناعي فيها هو اكثر ما جذبني لها ~_^
- على ما اضن ان اللعبة تستخدم الأزرار علشان تقرّب أو تبعّد عن الكلب .. ولا أنا غلطان ؟
- شلون استجابة المايك للأصوات ^_^؟ ..
- تقدر تنادي الكلب بأكثر من صوت ؟ ( مثلاً اذا كنت انت و أخوك تلعبون اللعبة .. لازم كل واحد يكون له كلاب معيّنة عشان يستجيبون لصوته ولا يقدر يناديهم كل واحد بصوته ؟ )


ترّقبّو أوّل الصور ان شاء الله لكلبي <-- بعد ما أشتري اللعبة >.>

[THE_MATRIX]

اشكركم على ردودكم شباب ..
انزين حبيت اقولكم كيف ادرب كلبي و كيف اخل مسابقة و كيف ابيع و اشتري ..؟

اسف جدآ جدآ جدآ على الأسأله لأني صج اتحمست وايد اوي للعبة ..
وانا بكرة بشتريها ان شاء الله بس احب اخذ معلومات بليز ..