كيف افوز والعب لعب جميل وكيف ادافع واقطع الكورة فيwe9

[mohammed a]

السلام عليكم

باختصار انا في نظري ان الوننيج9
*افضل شريط من ناحية الرسوم والتطور
*واغبى شريط من ناحية اللعب وطريقته


انا شااااايف انها مررررررررررره صعبة
لاني كل ماجيت وضغطت اكس عشان اقطع الكورة صار فاول
وفي مشاكل كثير وياليتت القى الحل:
1-كيف اراوغ(ايش اضغط)
2-كيف اقطع الكورة من الخصم لان الاكس مظبط
3-كيف اقفز للكور الهوائية(لان الخصم يحجز ولاعبي زي الاهبل يتفرج بس)
4-كيف احتفظ بالكورة تمام
5-كيف اشوت لان صعب تمر من الحارس
6-اللعب ليش ثقيييييييييييييييييييييل مررررة في المراوغة والسرعه؟
7-للمعلومية انا العب بـــAC MILAN




واكون شاااكر

[alawadhi3000]

1-كيف اراوغ(ايش اضغط)
2-كيف اقطع الكورة من الخصم لان الاكس مظبط
3-كيف اقفز للكور الهوائية(لان الخصم يحجز ولاعبي زي الاهبل يتفرج بس)
4-كيف احتفظ بالكورة تمام
5-كيف اشوت لان صعب تمر من الحارس
6-اللعب ليش ثقيييييييييييييييييييييل مررررة في المراوغة والسرعه؟
7-للمعلومية انا العب بـــAC MILAN

وعليكم السلام

1- نفس الجزء السابق , بس لازم تتعود على توقيت ضغط الزر
2- تضغط الX اذا كنت قريب جدا جدا جدا من الخصم
3- ...................................
4- خل اسلوب لعبك متأني وشوي بطيء , لا تهجم مباشرة
5- ..................................
6- مع اللعب راح تتعود

[mohammed a]

جاوب على 3و5؟كمان

[alawadhi3000]

جاوب على 3و5؟كمان

3- اضغط مربع

5- اضغط مربع

[RYO2]

1-كيف اراوغ(ايش اضغط) شوف خطتى انى اكثر شي اركض وانا اركض اظغط السهم تحت على طول او اظغط R2 ورا مرتين حركه حلوه
2-كيف اقطع الكورة من الخصم لان الاكس مظبط الكره لتقطعها مربع او مربع +اكس اندفاع لاعبين
3-كيف اقفز للكور الهوائية(لان الخصم يحجز ولاعبي زي الاهبل يتفرج بس) شوف حدد العلامه قبل الخصم وصير جدامه اذا فهمت بتسويها عدل
4-كيف احتفظ بالكورة تمام تحتفظ بالكره بعدم التسرع وكثرة المراوغه
5-كيف اشوت لان صعب تمر من الحارس لا صدقني اسهل جزء فيه شوت هذا من برا وانصحك بدريانو وايتو وورنالدو
6-اللعب ليش ثقيييييييييييييييييييييل مررررة في المراوغة والسرعه؟ لانه من المنتج او من المصمم يمكن لكثر ة الحركات مادرى
7-للمعلومية انا العب بـــAC MILANفريق صخر ماعليه عيب

[Visa Card]

بسم الله الرحمن الرحيم

اللي يعاني من استخدام الكنترول هاكم الموقع هذا واجوا انكم تستفيدون منه بس هاه تراه للوننج الثامن
يعني ماكوا اختلاف كبير







http://www.pesmoves.com

[Even You]

-كيف اراوغ(ايش اضغط)
وانا اخوك حاول تسوي كذا شي بنصحك فيهم :
- خلك هادي ولا تضغط اللي تركض على طول لانه صعب تعدي فيها يعني فك الr1 وعدي


- دور لك لاعب سرعت ودقت متابعت الكرة عاليه((dribb.ما اذكر السبلنق حق الكلمه بس اول 3 حروف اكيد منهم )) بالاضافه للمهاره

رونالدينو جرب هذا اللاعب انا اعدي من 3 وانا اضحك لول اهم شي الاعصاب وردت الفعل حتى لو كنت تعدي بحارس يعني
be kool man you can do it

2-كيف اقطع الكورة من الخصم لان الاكس مظبط
هذا الشي محيرني بعد لول مع اني لعيب بالشريط الا اني اواجه مرات مشكله بقطع الكرة بس اذا بغيت تقدر تخرب عليه بأنك تغطي عليه مثلا تكون شوي قدامه لتمنعه من الرفع او شي كذا يعني تكتيك دفاعي

3-كيف اقفز للكور الهوائية(لان الخصم يحجز ولاعبي زي الاهبل يتفرج بس)
امممممممم انا واجهتني ها المشكله
تبى الحل دور على اللاعبين اللي هم post player مثل ابراهيموفتش او ادريانو بتلاقي خيار بالبحث بتلاقي بعد اللاعبين اللي يتميزون بالسرعه العاليه تحت مسمى demon speed



4-كيف احتفظ بالكورة تمام
قلت لك قبل خليك كول وكل شي بيكون تمام

ولا تتسرع


5-كيف اشوت لان صعب تمر من الحارس
اذا تبى لاعبين يتميزون بالتسديد من بعيد دور لاعب بتخصصاته mid shot واذا تبى تعدي من الحارس بس تعال عنده وبالوقت المناسب اضغط ار 2 ويا فوق يا تحت ولا جرب تخدعه وتموه انك تشوت




6-اللعب ليش ثقيييييييييييييييييييييل مررررة في المراوغة والسرعه؟
بتحس بالفرق لما تجرب لعيبه مختلفين لانه يعتمد على سرعته وسرعت دحرجته للكره ((متابعت الكره)) نفس ما قلت لك من شوي




7-للمعلومية انا العب بـــAC MILAN

انا اللعب ببرشولنا
لول

[رونالدنيو للابد]

حتى انا اواجه هالمشكلة

الله يخليكم شوفولنا حل

[مختص كرة قدم]

السلام عليكم ورحمة الله وبركاته


(كيف افوز والعب لعب جميل وكيف ادافع واقطع الكورة فيwe9 )

سؤال جميل وصعب انك تجد كل هذي الطلبات في المبارة( إلا ماندر )

والويننج اللفن حلاوته بصعوبته وبنسبه للأخطاء فمثل مايحسب عليك يحسب لك

والسلام ختااااااااااااام