:: موضوع نقاش طلاب الاي تي سي(APNE) ::(أرجوا التثبيت)

[zaid DCC]

السلام عليكم ^_^

كيف حالكم يا شباب؟

أنا عجبني موضوع العضوة أغاريد حق نقاش طلاب وطالبات جامعة الملك سعود..

فحبيت اسوي واحد مثله لطلاب الاي تي سي ^_^

يعني اذا اي واحد عنده اي سؤال وواحد عنده اجابة يجاوب على السؤال وكذا انساعد بعض

ونتعاون

وكمان الي عنده اي معلومات او اخبار عن اي شيء يتعلق بالبرنامج يخبرنا عشان الكل يعرف ^_^

بس للحين ما بدأ الدراسة توها النتايج نزلت امس .. حاليا بس نبي نتعرف على بعض ^^

أنا بأبدأ .. اسمي : زيد عمري : 19 ساكن: بالظهران

هذا مسنجري : demando@hotmail.com (أرجوا من جميع المقبولين في
الاي تي سي أن يضيفوني ^_^)

يلا انا في انتظار الباقيين

[القائد المبجل]

مرحبا..

انا انقبلت وعندي كم سؤال:

1- انا ساكن بالقطيف ..هل المواصلات عليهم ولا علينا..يعني نقدر نركب في الباصات اللي يركبو فيها عمال ارامكو؟

2- الشهاده الاصلية يبونها ولا لا؟

3- متى الدراسة؟

4- كم مكافأتهم؟




وشكرا
mu7ammad_1986@hotmail.com

[zaid DCC]

يا هلا فيك أخوي ^_^

1- انا ساكن بالقطيف ..هل المواصلات عليهم ولا علينا..يعني نقدر نركب في الباصات اللي يركبو فيها عمال ارامكو؟
أرامكوا بتعطيك سكن ان شاء الله.. والسكن بيكون قريب من الاي تي سي(تروحله مشيء)
بس مو متأكد بالضبط .. اذا كان بعيد شوي اكيد بيكون فيه باص ياخذك من السكن الى الاي تي سي
ويرجعك كمان ^_^
بس اذا انت ما كنت تبغى سكن وتبي تسكن في بيت اهلك بالقطيف ما ادري اذا بيوفرولك مواصلات
اذا تبي تستفسر اتصل على الرقم 8772929 او 8772626 او 8772917
(ملاحظة: لازم تتصل من السبت للاربعاء بس بين الساعة 7 والساعة 4)

2- الشهاده الاصلية يبونها ولا لا؟
حتى انا ابي اجابة على هالسؤال.. بس اظن بيطلبونها مثل ما طلبوه من طلاب السي بي سي
يعني نصيحة مني انسحب من كلية الجبيل الصناعية(اظن انك مسجل هناك ).

3- متى الدراسة؟
ما عندي علم والله .. بس انا عندي كشف طبي يوم الاحد هذا .. يعني في اعتقادي بيبدأ الدراسة
بعد حوالي اسبوع او اسبوعين

4- كم مكافأتهم؟
الي اعرفه انا المكافئة 2500 ريال شهريا
وبعد سنتين يوظفونك براتب حوالي 4500 ريال شهرا (في شهر رمضان 9000 ريال)
هذا بدون بدل السكن وبدل المواصلا

[القائد المبجل]

مشكور اخوي على الرد

أرامكوا بتعطيك سكن ان شاء الله.. والسكن بيكون قريب من الاي تي سي(تروحله مشيء)
بس مو متأكد بالضبط .. اذا كان بعيد شوي اكيد بيكون فيه باص ياخذك من السكن الى الاي تي سي
ويرجعك كمان ^_^
بس اذا انت ما كنت تبغى سكن وتبي تسكن في بيت اهلك بالقطيف ما ادري اذا بيوفرولك مواصلات
اذا تبي تستفسر اتصل على الرقم 8772929 او 8772626 او 8772917
(ملاحظة: لازم تتصل من السبت للاربعاء بس بين الساعة 7 والساعة 4)

ان شاء الله يعطونا سكن..بس انا مااتوقع اسكن فيه ..يمكن اطق لي وحده يديدة

حتى انا ابي اجابة على هالسؤال.. بس اظن بيطلبونها مثل ما طلبوه من طلاب السي بي سي
يعني نصيحة مني انسحب من كلية الجبيل الصناعية(اظن انك مسجل هناك )

انا استفسرت عن هذا الشي والظاهر انهم مايبوها ..ايه فعلا انا في الجبيل

الي اعرفه انا المكافئة 2500 ريال شهريا
وبعد سنتين يوظفونك براتب حوالي 4500 ريال شهرا (في شهر رمضان 9000 ريال)
هذا بدون بدل السكن وبدل المواصلا

متاكد يخوي انها 2500 ...اذا 2500 فاكيد انا راح اشتري سيارة جديدة ..شكرا لك

[zaid DCC]

العفو يا أخوي محمد ^_^===> عرفت اسمك الحقيقي من ايميلك

بالنسبة للمكافئة انا متأكد انها 2500

ومبروك مقدما على السيارة الجديدة الي بتشتريها

وأنا مثلك ترى ناوي أشتري سيارة جديدة بعد سنة يمكن ^_^

وأي اسفسارات ثانية أنا حاضر

بااااااااي

[Killer Evil]

يعطيك العافية على الموضوع

انا عندي سؤال عن الكشف الطبي

هل هو كشف عادي يعني تحليل بس او انه يشمل اشياء اخرى وهل السُمُن ( السمين يعني )يكون عائق

[zaid DCC]

يعطيك العافية على الموضوع
الله يعافيك يا أخوي

انا عندي سؤال عن الكشف الطبي
تفضل

هل هو كشف عادي يعني تحليل بس او انه يشمل اشياء اخرى وهل السُمُن ( السمين يعني )يكون عائق
لووووول.. هههههه لا تخاف يا أخوي ما يهم لو كنت سمين او نحيف كله واحد
بس لازم اتكون سليم من اي امراض خطيرة شوي .. وانت ان شاء الله ما فيك الا العافية ^_^
انت روح الفحص الطبي ولا تشيل أي هم

باااااااااي

[القائد المبجل]

مشكور اخوي زايد على التواصل مع الاعضاء والله يعطيك العافية ان شاء الله..


عموما عندي كم معلومة بس حبيت اضيفها هنا..:

1- ان المكافأة اول سنة راح تكون 2500 بس يشيلو منها 225 للتامين يعني المكافأة راح تكون بالضبط 2275. والسنة الثانية راح تكون المكافأة 3000 .

2- انك تقدر تركب باصات ارامكو (تاسكو).

3-العلاج راح يكون مجاني وانترنت ببلاش من اول سنة دراسة.

4 - يوم الكشف الطبي لازم تروح لهم ونت مو ماكل شي من 12 ساعة .


وشكرا..

[الـسـاهر]

مبروك لجميع المقبولين عقبالكم ان شاءالله ,,

<< في قائمة الانتظار

[zaid DCC]

مشكور اخوي زايد على التواصل مع الاعضاء والله يعطيك العافية ان شاء الله..


عموما عندي كم معلومة بس حبيت اضيفها هنا..:

1- ان المكافأة اول سنة راح تكون 2500 بس يشيلو منها 225 للتامين يعني المكافأة راح تكون بالضبط 2275. والسنة الثانية راح تكون المكافأة 3000 .

2- انك تقدر تركب باصات ارامكو (تاسكو).

3-العلاج راح يكون مجاني وانترنت ببلاش من اول سنة دراسة.

4 - يوم الكشف الطبي لازم تروح لهم ونت مو ماكل شي من 12 ساعة .


وشكرا..

العفو يا أخوي محمد ^_^

بالمناسبة .. اسمي زيد مو زايد

وشكرا على معلوماتك القيمة

بصراحة ما توقعت أن السنة الثانية بتكون المكافئة 3 الاف .. والله شيء ممتاز ^_^

[zaid DCC]

مبروك لجميع المقبولين عقبالكم ان شاءالله ,,

<< في قائمة الانتظار

الله يبارك فيك يالساهر

بس لا تخاف اتوقع ان في بعض الطلاب انقبلوا في الاي تي سي بس ما بيروحون لها اصلا ..

فأكيد إن شاء الله بيحطونك في مكان واحد منهم ^_^

بس أهم شيء لا تفقد الأمل

باااااااااي

[الـسـاهر]

ان شاءالله ماراح افقد الامل ,

لكن ابي استفسر متى راح تبداء الدراسه .؟

[zaid DCC]

إن شاء الله الدراسة بتبدأ في نص نوفمبور

[Killer Evil]

مبروك لكل المقبولين

وانا امس رحت عشان الموعد وقالو لي الكشف الطبي في مستشفى المانع في الخبر

وقالو لي في اختبار الساعة سبعة صباحا يوم الربوع الي اكيد بيكون في رمضاان

وسالته سبعة صباح اكيد قال اي قلت له رمضان قال تعال الساع 7 وبس

الاختبار هو اظن للتخصص بس اذا كان احد عنده اي معلومة عن كيفية الاختبار وماذا يشمل

مع العلم ان ما فيه لا رسوب ولا نجاح

مع تحيااتي

اخوكم : علي

[zaid DCC]

يا أخوي علي أنا مثلك احتباري يوم الاربعاء حق التخصص وتو قبل شوي كلمت
"علي المريخي" المسؤول عن التوظيف اذا كنت تعرفه .. وسألته عن الاختبار هذا ..
قالي: هذا الاختبار راح يبين ايش التخصصات الملائمة لك اكثر .. واظن بعدها ان تختار
من بين هالتخصصات الي انت تبيه .. او هم يختارونلك