السلام عليكم ورحمة الله ..
اشحالكم يا اخواني واخواتي عساكم بالف خير ..
وكل عام وانتم بخير .. وانشاء الله يغفر لكم ما يتقدم من ذنبكم ..
المهم الحين المشكلة العويصة اللي نحن فيها ..
نحن شباب ندرس في الهند .. و نفس ما تعرفون الهند فيها مسلمين .. و رمضان بكرة ان شاء الله ,,,
فالمشكلة انه كل اللي في العالم العربي او اغلبتهم غدا اول ايامهم في رمضان ..
وبما اننا عرب مسلمين .. اللي من السعودية واللي من اليمن واللي من الامارات .. فقلنا نصوم مع اهل السعودية ..
لكن المشكلة انه المسلمين في الهند اول ايام رمضان عندهم يوم (( الجمعه )) ..!!
فهنا العرب مستغربين من الامر..
فسألنا شباب مطاوعة الله يجزيهم خير .. وهم في الهند من قبل كم سنة ..
سألناهم و قالوا انهم في السنوات اللي قبل كانوا يصومون مع السعودية.. والحين ما يصير ..
قلنا يعني كنتم تصومون غلط ؟؟ قالوا : لا كان هذا حديث مش مؤكد و مشينا عليه و كان هالكلام من زمان ..
فوالله محتارين يا جماعة نصوم مع من ؟؟
مع اهل البلد ولا مع السعودية ؟؟
و مع الادلة يا جماعة الخير الله لا يهينكم..
والله يجزيكم الخير..