هاي شرح كامل و بصور لطريقة تطوير السيارات و البطابط (Vehicles) في GTA-SA
و هذا الموقع فية ملفات تطوير السيارات الرابط هنا
أول شي لازم يكون عندك برنامج IMG tool 2.0 لأنك بتستخدمه عشان تفتح الملف بأمداد IMG
داخل هاي الملف الي بأمتداد IMG عدت ملفات أخرى بأمتداد dff و txd
و أحنا في البدايه نبي نبدل هاي الملفين و الطريقه كتالي :
1 - حمل برنامج IMG tool 2.0 من هذا الرابط هنا او هنا او هنا
2 - فك ضغط الملف بستخدام برنامج WinRAR
3 - بعد ما تفك ضغط البرنامج بيطلع ملفين هم (ReadMe.txt و IMGTool.exe)
4 - أضغط مرتيين متتاليتين بالماوس على البرنامج IMGTool.exe (عند بدايه أستخدامه بتطلع رسالة تحذير أضغط OK هاي الرساله تطلع لأول مره فقط)
أنتظر لحد ما يتحمل البرنامج (البرنامج ما يحتاج تنصيب (Install) على الجهاز يشتغل على طول)
5 - واجهة البرنامج (البرنامج بسيط و ما فيه اي تعقيد)
6 - من البرنامج أضعط على File -----> Open
7 - من هذه النافذه Open أذهب الي مجلد Models و هو موجود في مجلد اللعبه في هذا المسار
C:\ ---> Programs Files ---> RockStar Games ---> GTA San Andreas ---> models
و أختار هذا الملف gta3.img بعدين أضغط على Open
8 - في البرنامج بتطلع لك كل أسماء و أحجام الملفات الي في الملف gta3.img
خل البرنامج مفتوح لحد ما وصلت لأن بنرجع له بعدين
9 - حمل هذا الملف و هو الذي سوف يتم التطبيق عليه و هو ملف لتغير شكل سيارة Super GT من هنا او هنا
10 - فك الضغط عن الملف بستخدام WinRAR بيطلع داخله بعد ملف exe فك الضغط عنه بعد
11 - هاي هي الملفات الي بتطلع داخل الملف TRD_Supra_Final.exe و الي محطوطه في مستطيل أزرق هي الي بنستخدمها
(supergt.dff و supergt.txd و carcols.dat و Readme (Quick setup).txt) او (هاي الملف Readme.txt اذا ما كان موجود Readme (Quick setup).txt بس الأحسن أذا كان موجود أستخدمه لأن مختصر و فيه الي نحتاجه بس)
12 - الحين أرجع على البرنامج الي خليته مفتوح و أضغط على F2 بتطلع لك نافذة بحث أكتب في الخانه (supergt.txd) و أضغط Find Next
13 - بيشاور لك على أسم الملف في البرنامج من القوائم الي فوق أختار
Commands ---> Replace (بتطلع لك نافذة Open)
14 - من نافذة Open روح على المجلد الي فيه الأربع ملفات المهمه (ملفات تطوير سيارة Super GT) راجع الخطوه 11
الحين أختار الملف supergt.txd (الي في مجلد التطوير) و بعدين أضغط Open
الحين خلصنا تغير ملف اللعبه القديم بالملف بالجديد (و باقي تغير الملف الثاني الي هو supergt.dff)
15 - لتغير الملف الثاني أتبع نفس الخطوات السابقه لتغير الملف (supergt.txd) مع تغير الأسم الي (supergt.dff) من الخطوه 12 الي الخطوه 14
الحين تقدر تسكر برنامج I M G T o o l 2.0 لأن خلصنا أستخدامه من هاي الخطوه
16 - الحين روح على هاي المسار C:\ ---> Programs Files ---> Rockstar ---> GTA San Andreas ---> Data
داخل مجلد Data بتلاقي ملف أسمه (handling.cfg) أفتحه بستخدام Notepad
17 - لمه تفتح الملف (handling.cfg) بتلاقي داخله بيانات أكثيره
18 - داخل الملف أضغط Alt + F و بتطلع لك نافذة بحث أكتب في الخانه الفاضيه SUPERGT
و بعدين أضغط Find Next
حدد السطر الي فيه كلمة SUPERGT كامل و أمسحه
19 - روح الحين لملف Readme (Quick setup).txt الي موجود في مجلد التطوير لسياره و أفتحه
بتلاقي داخل مكتوب Handling و Vehicles.ide و كل وحده منهم تحتها كلام مكون من سطر واحد
أنسخ السطر (الكود) الي تحت كلمة Handling و حطه بدل السطر (الكود) الي مسحته في ملف اللعبه الي هو handling.cfg و بعدين أحفظ الملف و سكره
20 - الحين في نفس مجلد Data الي هو مجلد اللعبه الي فيه ملف handling.cfg بتلاقي ملف أسمه vehicles.ide بعد أفتحه بستخدام Notepad
و دور فيه على كلمة supergt بخاصية البحث و لازم يشبه السطر (الكود) الي تحت كلمة Vehicles.ide الي في الصوره فوق
بعد حدد السطر (الكود) كامل لين الأخر و أمسحه
21 - الحين روح على ملف Readme (Quick setup).txt و أنسخ الكود الي تحت كلمة Vehicles.ide و حطه بدل الي مسحته في ملف Vehicles.ide و بعدين أحفظ الملف و سكره
22 - أخر خطوه و هي ما تكون موجوده في كل ملفات تطوير السيارات أذا كانت موجوده سوها أذا لا خلاص
و هو الملف carcols.dat الي في مجلد تطوير السياره (واحد من الأربع ملفات) أذا لقيت هاي الملف في مجلد التطوير أنسخه كامل و سوله لصق في مجلد Data الموجود في مجلد اللعبه
بيطلب منك تأكيد تبديل الملف بملف اللعبه الأصلي أختار Yes او أوافق
أذا تبي تتأكد بتلاقي السياره في المدينه الثانيه جدام مدرسة تعليم السواقه (بتلاقيها هناك أذا خذت الرخصه من المدرسه و خلصت كل التدريبات فيها)
نقاط و ملاحظات مهمه في الشرح :
1 - لازم يكون عندك برنامج I M G T o o l 2.0 عشان تغير في ملفات اللعبه.
2 - أذا ما لقيت ملف Readme (Quick setup).txt بين ملفات التطوير أستخدم ملف Readme.txt و دور عدل بتلاقي الي تبيه.
3 - ملف Readme.txt أحتمال بعد يكون فيه شرح أظافة ملفات التطوير لسياره لذلك أقراه بعد.
4 - الملف carcols.dat الي في أخر خطوه (رقم 22) مو لازم يكون في كل ملفات التطوير لسيارات (أذا كان موجود أستخدمه غير هاي لا)
و في النهايه أرجو عدم نقل الشرح لمنتدى او موقع أخر غير بأذن مني
لأني تعبت و أن أسوي الشرح
و في النهايه أتمنا لكم أوقات سعيده مع لعبة
Grand Theift Auto - San Andreas المطوره