ميلس منتدى الألعاب العام -- اجازة صيفيه كشخه ووناسه

[Pr.Game]

سيدي الموهوب ذكرت لك إني ما أدري عن كأس العالم ..
كل اللي تذكرته إنه إحدى الدولتين البرتغال أو أسبانيا ..
لكن طلعت أسبانيا *_* ما عندنا خبرة وأنا أخوك ..

[Classic Evil]

الكترو : ها عرفت شو معنى أونه؟؟
اسميك انته <==عاد اسميك مالك امل فيها ...


انجل : رونالدينو دينمو الفريق, صاحب السحر الحلال , افا عليج بس..
وكاكا ماعليه قصور ...



بر لعبة :
خلاص انعقد الإجماع على "ميلس"..
وخلافكم لا محل له من الإعراب ويعتبر شاذا وغير معتبر..
وبعدين ميلس كلمة انجليزية..
اونه !!

إذا فازو -مادري منو- بعشيكم على حسابي.. يعني زين شوي مستفيده من ورا ها المباريات

المشكلة يدخلون في رهانات مضمونة...
لحد الآن ما تعشيت ...



تحرير:
شو سالفة العنوان كل شوي يتغير؟؟
اهم شي كلمة ميلس موجودة D:

[Angel whisper]

ههههه مادوه بيكره اللهجه من وراك

رونالدينو ..
ياخي مابا اعيب .. مب زين ~___~
كاكا عاد الوجه الحسن .. لازم بنطالعه p=

احم ..
عنوان الموضوع تغير كم مره؟ صدق؟

<.<
>.>

[Pr.Game]

بر لعبة :
خلاص انعقد الإجماع على "ميلس"..
وخلافكم لا محل له من الإعراب ويعتبر شاذا وغير معتبر..
وبعدين ميلس كلمة انجليزية..
اونه !!

إجماعكم خاطئ ..
بعدين شنو " أونه " ..
كلمة في العربية هذي ؟؟ ..
المهم باركوا لي اشتركت بسرعة 512 في الستالايت ..
كنت ناوي على الميجا لكن قالوا حالياً في تطوريات ومدري شنو ...

[smigle]

بس ما شا الله عليك قربت تخلص والله .. مبروك
ما بتشتاق حق القلعه اليديده؟

الله يبارك فيـch

بالنسبه للأشتياق ما أعتقد، أنا بلادي صار لي شهرين ما وحشتني، تبين اشتاق للغربه.

تبون الصراحه حزات احس نفسي غريب أو فيني شي غلط، يعني مادري ليش ماعندي مشكله أعيش بروحي، وحتى لفتره طويله، بعيد عن ربعي وأهلي، المشكله انا مب اللي درست برا وتعودت على الغربه، يعني حتى لو اشوف الطلاب هني الواحد منهم بنطر له اجازه يوم علشان يعود وأنا كلش، مب فارقه معاي.

[الموهوب]

وين : بالتوفيق للأخضر ؟

[Yamato]

يالله يا كريم ينكتب الرد علشان افش خلقي..

وشوفي.. تراني بالغصب كاتب هالرد.. اذا انكتب.. عندي ثلاث او اربع ردود محطيهم من متى وانا اتريا اني اقدر اكتبهم.. علشان كذا بفرهم هنا
---


انجل..
اوكي اوكي دود
سميقل..
دعوة وبس.. وين التذكرة يا فالح
اضافة(ن) الله يسامحك.. خليتني احلم حلم مدري وش يبي.. المشكلة انه كان شي راقصات شرقيات

بيتر وجولدن..
وش فيه سنكوح واقف.. لا يكون سب ولا شتم ولا ذب ولا غنى..
يعني لازم كل اعضاء القسم يصيرو من ذوات السوابق

------------------------

الدجة هني.. يا مرحب يا مرحب يا حياتي.. تعال خلني ابوسك يا حلو
بالنسبة لـ اونه.. << جاي يتفلسف على اخر الليل مدري النهار..
اونه بيتفلسف
اونه بيكتب موضوع كبير
اونك ماكل من برجر كنغ.. مهو كل العالم ياكل منها
اوني قاعد اتفلسف
اونهم يحللون المباريات بالموضوع
اونها ما تدري انه الكورة كشخة
اونه الدجة مسوي فيها مفاجئة وراد هني

كفاية ولا كمان..
^
^
خايف مغلط في مكان ما من الجمل


هالردود من البارحة واليوم.. مش قادر اكتب.. اففف

والحين.. محد يقول سير موضوع الكورة الثاني.. بكتب هنا.. علشان اضمن حالي..

يخرب بيت فرنسا ومدربيها اللي من سنة 98 ولا راضين يلعبوا من بداية المباراة بمهاجمين.. والدكة تخر مهاجمين منها.. اخخخخخخخخخخخخخخخخخخخخ >.<!
والله حرام عليهم لو تاهلوا.. صح اني بنقهر.. لكن دواهم... يستاهلون عيال اللذينا.. بالله عليكم هذا لعب... وينه هنري الارسنال عن هنري فرنسا.. تقول كانه لاعب بالدوري الاماراتي عندنا.. ياخي عالاقل توجو لعبت احسن عنهم.. هجمت وجابت هدف.. الله يغربل اباليسهم الحشاكل هذيلا...



بس.. خلصت وطلعت اللي فيني.. وعسى الرد ينكتب -___-

سلام.. وشكلي ما بدش او برد الى ان ارد البيت



وايه.. علشان ارتاح.. يـــــــــــــــــــــــا رب البرازيل تخسر

[smigle]

سميقل..
دعوة وبس.. وين التذكرة يا فالح

قالوا لك ادنوك أنا...؟

تبيني تعال لي ما تبيني...

You'll miss the pasta that I have just made



Whewooo

I have just passed class one

والله هذا احسن شي تتعلمه من الغربه، تسو معكرونه....شكلي بحطها في السي في.

يازينها والله، من صنع ايديه وحيات عينيه....الله يخلي بهارات الوالده.

اضافة(ن) الله يسامحك.. خليتني احلم حلم مدري وش يبي.. المشكلة انه كان شي راقصات شرقيات

وشدخلني أنا؟؟؟ شمسوي لك؟

راقصات شرقيات؟؟؟ شرايك تدخل المسنجر دام أن السالفه فيها رقص شرقي؟

[SFS]

هلا شباب..

باجر السعودية وتونس..

أول مباراة للعرب في المونديال..

نتمنى مستوى مشرف بعيد عن الفضايح..يكفينا فضايح عن الي يصير بأمتنا..

وشباب الأقليات لازم يكون لها دور..أطالب بتسمية الميلس بالدوانية..

أمزح معاكم..ويا ليت يكون العنوان باللغة العربية الفصحى..لانها الوحيدة الي تجمعنا على شي..

بدال اللهجات الي ما ينفهم معناها..

[Electro M]

ايفلوه
اسميك انته مستانس الحين على فوز البرازيل

سميجل
ياخي بيننا اشياء مشتركة كثيرة لدرجة اني بديت احس ان الدعوة فيها ملعوب
حتى انا ما احس بالغربة لما اكون بعيد عن اهلي
و ما عندي اي مشكلة مع الوحدة
بالعكس بعض الاحيان تجيني حالات امل فيها من ثاني اكسيد الكربون و اعتزل الناس فترة من الزمن لكن عادة ما تتعدى يومين او ثلاثة

لو انت بنت كان قلت انك توأم روحي بس المشكلة انك شنب حالي حالك

[Doel]

الله يبارك فيـch

بالنسبه للأشتياق ما أعتقد، أنا بلادي صار لي شهرين ما وحشتني، تبين اشتاق للغربه.

تبون الصراحه حزات احس نفسي غريب أو فيني شي غلط، يعني مادري ليش ماعندي مشكله أعيش بروحي، وحتى لفتره طويله، بعيد عن ربعي وأهلي، المشكله انا مب اللي درست برا وتعودت على الغربه، يعني حتى لو اشوف الطلاب هني الواحد منهم بنطر له اجازه يوم علشان يعود وأنا كلش، مب فارقه معاي.

الصبر زين ترا يعدك استوى لك شهرين بس .... هذي للحين مثل سفره صيفيه

بتيي السالفه في مراحل .... أول 6 شهور بتكون عادي .... عقب ما تكمل 6 شهور بدون اهلك بيبدأ الحنين ... و الـ homesickness .... صدقني ما تبا هوم سكنس العب رياضه و اطلع وايد .. لا تيلس بروحك

عقب ما يصير لك من 6 شهور لين سنه .... بتدور أول اجازه ... ان شاء الله لو ويكند بو ثلاث أيام عشان ترد

عقب سنتين من هالكلام ... و طلعه لقطر في كل اجازه مسموح لك تطلع فيها ... بتكفيك رجعه وحده في السنه

عقب أربع سنين ... يا بتقول خلاص حلوني أرجع ما ابا هالبلاد و لا اللي فيها الله يلعنهم كلهم
أو .... بتحس انك ما تبا ترجع قطر ..

واحد من هالإثنين

لا تستعيل ... كل شي بيي في وقته

Doel

[Classic Evil]

انجل :
شرايج؟ قلت لج و ياب كاكا الجول ومن خارج منطقة الجزاء<==مستانس أول مرة يقول شي صح


بر لعبة :
إجماعنا كان على ميلس مب أونه...
ومبروك عليك الإشتراك..

موهوب :
مادري ليش اختفت... يخلون الواحد يتحبط غصبٍ عنه ...


الكترو :
واسميك انت متغايظ عشان البرازيل فازت ...

[الموهوب]

ايفل نهي داي :

شطب على قولة داركنس الله يذكره بالخير ..

--
آونّه اسم المجلس يتغير كل ساعه والثانيه O_O

واقترح اضافة المفردة اونه عالعنوان .. الكل مستانس منها

[Doel]

واقترح اضافة المفردة اونه عالعنوان .. الكل مستانس منها

ميلس المنتدى العام للألعاب - أونكم تبون تسولفون؟


بتذبحنا اينجل

[hussien-11]

أمزح معاكم..ويا ليت يكون العنوان باللغة العربية الفصحى..لانها الوحيدة الي تجمعنا على شي..

بدال اللهجات الي ما ينفهم معناها..

هذا كان قصدي لما قلت مجلس ، تعيش يا فتى

بالمناسبة شو معنى أونه ؟ O__o