عضو ينتظر التفعيل
السلام عليكم
شباب . بغيت استفسر عن سعر الفولكسواجن باسات 2006
وانا اتكلم عن الاربعة سلندر 2.0 لتر , فل اوبشن اللي مع سيتات لذر
اذا ممكن تعطوني سعرها في السعودية و في الامارات او باقي الدول
فهي موجودة عندنا في البحرين بسعر غالي ( 11.5 /احدعشر الف وخمسميه )
يعني تقريبا 30 الف دولار , بينما في موقع السيارة السعر هو 24 الف دولار
اذا ممكن شباب الرد بسرعة ما عليكم امر
وشكرا
مراقب سابق
بالنسبه لسعرها في السعوديه ما يحضرني الحين
لكن اوعدك اني اجيبه لك باسرع وقت
وانا اتوقع ان الاسعار متقاربه او الفرق بسيط
عضو ينتظر التفعيل
شكرا لك خوي على الرد .... وفي انتظار السعر
واتمنى من باقي الاعضاء من باقي الدول الرد
مراقب سابق
اخوي ما اتوقع الفرق بيكون كثير
لان على المعلومات الي عندي ان راح يكون الفرق بالكثير 10 الى 15%
على حد علمي ان الباسات تبدأ من ال90 الف ريال (اقل مواصفات)
لكن راح اتأكد
عضو ينتظر التفعيل
وين شباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محد رد ولا شي !!!
مراقب سابق
اذا انت شراي اخوي
اشترها من نفس ديرتك اريح لك
ترتاح من الجمارك والنقل والعفسه
عضو ينتظر التفعيل
شكرا لك خوي على الرد
وانا اللي سمعته انه السيارة سعرها عندكم هو 95 الف ريال
بينما عندنا سعرها 120 الف ريال
فأنا اعتقد انه التعب يسوى , وبعدين الضمان دولي مو محلي , واذا على النقل فأن البحرين ما تبعد ساعة عن السعودية
بس أذا خوي ما عليك امر ممكن تستفسر لي عند وكيل السيارة عندكم عن مميزاتها
واذا طلعت نفس المميزات انشالله اجي السعودية اشتريها
مميزات السيارة الأضافية هي :
سعة المكينة : 2.0
طبعا اتكلم عن الفل اوبشن ( افخم وحدة مثل سعة المكينة )
مصابيح الضباب اللي تحت
سنسورات (مجسات ) في الامام والخلف
فتحة سقف كهربائية
مصابيح xenon مع نظام غسل المصابيح بالماء
راديو مع 6 cd changer و 8 سماعات
سيتات جلد مع تدفأة فيهم
ستارة كهربائية في الزجاج الخلفي , مع ستارتين في الابواب الخلفية الجانبية
السيارة مطعمة بخشب من الداخل
ويلات المنيوم قياس 17
اذا ما عليك كلافة خوي تستفسر لي عن سعر السيارة بهذي المميزات
او اذا تقدر تحط لي رقمهم مع فتح الخط بعد ممتاز وافضل لك ولي للتأكد
وشكرا لك
مراقب سابق
اخوي
95 الف اقل مواصفات
الفل اوبشن 125 الف
عضو ينتظر التفعيل
شكرا لك خوي mrاستبنة
وسامحنا غلبناك ويانا
مراقب سابق
شدعوه اخي
انا هنا في الخدمه
ضوابط المشاركة
