جهز (GYM) صالة حديد كاملة بـ 935 ريال فقط في غرفتك

[ODIN]

السلام عليكم



أول شي بعرفكم على غرفتي .. ناري وجنتي .. فيها كل الاستخدامات اليومية بحياتي ..





لا تستغربون من الفوضى ... لان الاستخدامات الي فيها اكثر من استيعابها بكثير .. ومنها التالي /



1- نوم

2- طاولة رسم للمشاريع والهندسه

3- كمبيوتر

4- تلفزيون بلاي ستيشن فيديو

5- استديو تصوير

6- GYM ><



تخيلوا كل هذي بغرفه مساحتها 6*4







طيب نجي للموضوع الرئيسي .. وهو كيف تنشئ جيم في غرفتك بطريقة اقتصاديه جدا !!



-----------



هل سئمت من المشاوير المتكررة لصالة الجيم يوميا ؟!



هل تريد ان تنشيء صالة رياضية متكاملة في غرفتك ؟



هل تريد مدرب خبير متواجد ومتفرغ لك 24 ساعه يوميا ومتى شئت ؟





اذن .. خلوكم معاي بتشوفون انواع التوفير والقعاطه حتى توفر كل هذي الاشياء ب 935 ريال بس





طيب



نبدأ بسم الله ..





انا شخصيا .. جتني فترة صار مشوار الجيم وتشغيل السيارة والوقوف بالاشارات هاجس كبير بالنسبة لي .. لانه باليوم الي تقرر تروح فيه للجيم .. اعتبر ان نص يومك انتهى .. !



فخلص اشتراك الصاله .. وبنفس الوقت فرحت لان المشاوير هذي انتهت .. لكن خفت ان بعد كل هذا الجهد وبناء الجسم راح ينهدم لاني راح اترك التمرين لان الاشتراك انتهى !!!



صدفه .. رحت لمكتبة جرير .. وتعرفت على مدرب خبير ومتخصص في بناء العضلات وتمارين الجيم ..

---------------------

مين هو ؟!



هو كتاب لمدرب اسمه كيرت برنجارد .. ولاحظت ان كل التمارين الي بالكتاب تقدر تأديه في البيت في غرفتك .. بكم اداة بس !!



هو عبارة عن ثلاث كتب .. واحد لتدريب الصدر والظهر والكتفين .. والثاني للذراعين والثالث للبطن ..



اذن هذا هو المدرب الي بيكون متفرغ لك 24 ساعه ..





طيب ومن هنا تبدأ المصاريف وخلونا نحسب الميزانية مع بعض ..



أول اداة /



ثلاثة كتب بسعر 75 ريال
-------------



طيب نجي لادوات الرياضة ..



معروف بالرياضه قبل لا تبدأ بالتمرين القاسي .. لابد انك تسخن وبكذا تحتاج اله للتسخين .. اما سيكل او سير ركض او أي اله ايروبريك اخرى ..



انا وقع اختياري على هذه الاله .. سعرها ب 450 ريال ..



اذن نقول .. آلة ايروبريك بسعر 450 ريال





نجي للأدوات الحديد ..



اهم داة لازم تكون عندك ..



( زوج من الدمبل ) .. منها تقدر تدرب ظهرك وكتوفك وذراعيك وحتى رجولك ! .. بس اطلع على الكتاب هذا ويشرحلك الطرق بالصور وبكل سهوله ..





سعرها تلاقيه باسعار مختلفه جدا على حسب النوعيه .. ابحث على ارخص شي لانها بالاخير مجرد حديده ووزن ما تفرق بالنسبة لك اذا كنت تبحث عن التوفير ..

لقيتها بسعر



100 ريال


الاداة الثانية /


بار .. حديدة طويلة .. ..


ونقول ..

بار بسعر 140 ريال ..


الغرض الثالث الي تحتاجه .. وهو كرسي جيم لعمل تمارين مختلفه .. ويتميز هذا الكرسي انك ممكن تسدحه تخليه مثل السرير او تميله بزوايا مختلفه على حسب التمرين الي يشرحه لك الكتاب







انا حصلته بسعر مثالي جدا .. وهو ب 175 ريال .. خاصه الكرسي هذا اسعاره متفاوته كثير .. ابحث كثير حتى تلقى السعر الي يناسبك



--------



بهذي التجهيزات بس تقدر تسوي جيم خاص فيك ... وتوصل لاحلى جسم بس مجرد انك تتبع برامج الكتاب الي ذكرته ..



هذا الحد الادنى طبعا من التجهيزات الي تحتاجها .. وانا اشوف انها كافيه خصوصا للمبتدئين .





وشكرا

[ODIN]

طبعا انصح الجميع للي ناوي يبدأ بدخول رياضه كمال الاجسام انه يسجل بنادي أول وياخذ خبره كافيه بعدين يبدأ يتدرب بالبيت ..

[the lion heart]

مشكووووووووووووووووووووووووووووررررررررررررر على الموضوع الجميل
وأنا معي صالة في البيت بس ناقصتنها شوية أغراض ولدي خبرة في مجال كمال الأجسام
لمدة سنتين بصراحة أنا أشكرك لأهتمامك لهذه الرياضة وتدريباتك المستمرة
ونحس بأن هذه الرياضة غير مقبولة وغير شعبية
ولكن أنا أعتبرها بصراحة أساس وأم الرياضات
وبصفتي من محبي رياضة المصارعة فأنا أعتبر هذه الرياضة من أساس لعبة المصارعة
وأفضل لاعب كمال الأجسام لدي آرنولد شورازنيجر سابقاً وجاي كاتلر حالياً

و
و
و
و
و
و
شكرررررررررررررررررررررررررررراً

[Thug Life]

والله طلعت كمال Odin : ]

شكرا على المعلومات

Thug life

[kane]

مشكور اخوي عالموضوع الشيق هذا

[WLD UAE]

مشكوووووووور اخوي على الموضوع

[ODIN]

العفو يااخواني وأي استفسار حاضرين

[OD3N]

مشكووووووووووووووووووووور

يالسمي

بس عندي سؤال

ايهم احسن

آلة ايروبريك

او

السيكل (الدراجه)

لاني والله ناوي ويوم شفت الاسعار تحمست اكثر

مشكور مره اخرى تقبل تحياتي

ODEN

[ODIN]

شوف ياخوي oden

بالنسبة للفرق بين الاله هذي والسيكل .. مافي فرق كبير خصوصا اذا انت تلعب حديد يكاد الفرق ينعدم ..


لانه السيكل يركز على تحريك عضلات الارجل بينما هذه الاله تركز ايضا على تحريك الارجل لكنها تحرك ذراعيك ايضا ..


لو نجي نفكر بواقعيه .. الاله هذه تتعبك بسرعه وراح تمل منها وتتركها على طول .. بينما السيكل اريح يشجعك انك تواصل وتستمر عليه

وخذها قاعده .. مو شرط الاصعب دائما يكون افيد .

عن نفسي انا شريت سيكل مؤخرا واشعر بانه افضل لي على الاقل شخصيا .

وبالاخير راجع هذا الموضوع حتى تعرف ان الحكمه من تحريك عضله معينه ليس لتقليل الشحوم عليها

http://www.montada.com/showthread.php?t=482415

[Anubis]

موضوع حلو

وتوفير أحلى

[The Angel_sa]

مشكور أخي الكريم على هذا الموضوع الرائئئئئئئع.. ولكن من خلال خبرتي في مجال كمال الاجسام وخاصةً بأني ألعب من عام 94تقريباً رغم بعض الانقطاعات لي لكن بأن الصاله لها فائدة كبيرة وخاصةً الجو العام وهو الذي يعطيك روح التمرين وخاصةً إذا كان لديك رفيق في التمرين ويساعدك في رفع الاثقال وكل منكم يمد الاخر بروح التعاون أو حتى إذا لم يكن لديك رفيق في التمرين على الاقل تحس وأنت تتمرن بالتنافس مع الاخيرين وصدقني بأني قد جربت التمرين المنزلي كما يقال عنه ولكن للأسف ليس بالمستوى المطلوب.. وحتى أرنولد أيد هذا الكلام حيث في عام 78-79 كان يتمرن في مكان خاص مثل البيت وليس نادي ولكن عندما كان يريد العودة لبطولة مستر أولمبيا عاد للتمرين إلى النادي المشهورGold Gymمع الابطال وقد قال بأن الجو العام هو الذي يعطيه روح التمرين..!!

بالتوفيق للجميع بإذن الله تعالى.

[eyadaf]

مشكور على الموضوع الحلو

[ODIN]

صح ياخوي انجل جو النادي احلى بكثير خصوصا اذا كان نادي محترم ومرتب ..


انا اتمنى اتدرب بنادي بس للاسف الوقت ابد ما يسمحلي عشان كذا اضطر اني اتدرب في البيت .. صارلي سنه تقريبا على هذه الحالة .. اتمنى يصير عندي وقت للنادي بس بالمستقبل القريب ماتوقع ابد


بس بعد تمرين البيت له ايجابيات ومنها الوقت .. والامر الاخر تاخذ راحتك بصراحه تتدرب بشورت بس والا لابس ما تفرق

بس تبون الصراحه .. تدريب البيت يحتاجله همه اكثر .. لانك لحالك ولا فيه اجواء محمسة مثل النادي . لذلك لا تشتري العدة هذه وتخسر نفسك الا اذا كنت جازم انك بتدرب في البيت .

[essaexample]

يعطيك العافيه خاوي وماتقصر على اهتمامك موفق انشالله

[vocial]

ما شاء الله عليك أودن

بس أخي .. أستغرب منك !!!! كيف تمارس الحديد في هذه الفوضى !!! ( أمزح )

زوج من الدمبل

يا ليت ترد لي خبر كم وزن الواحدة منها ؟؟؟؟

لأن أنا عندي وحدة بلاستيك وزن الواحدة 5 كيلو جرام شرايك؟؟؟