ساعدوني ساعدكم الله (( الحل القاطع للسمنه ))

[n-gage]

شباب بغيت مساعدتكم معاي والنصائح اللي اكيد راح تفيدني منكم
اولا انا اعاني من سمنه مفرطه جدا فوزني 140 وطولي 172 وما اقدر امنع نفسي من الاكل لاني احس انه ماراح يجيب نتيجه معاي فهل اعتقادي هذا صحيح ولا يصير اكل خضروات واشرب ماي بس والمشكله الثانيه انه صدري كبير وانا استحي لما امشي في الشارع فكيف ممكن اتغلب على هذه المشكله واتمنى انكم تساعدوني لانه خلاص العمليه صارت احباط في احباط وجزاكم الله كل الخير

[ytrtcs]

شوف أخوي
كان معاي مشكلة زيك تقريبا, وما فادني أي ريجم أو تمارين سويتها من أيام المتوسطة, يعني قبل 10 سنين. بس الحل إلى جربتو ونفع معاي مكون من أربع نقاط
1- تمرن حديد يوم ويوم لا.
2- ابتعد عن النشويات زي الخبز والتوست والتميس وبعض أنواع الحلويات (قلبي كان يتقطع لمدة 3 شهور وأنا أشوف الناس ياكلون وأنا لا).
3- أشرب ماء وسوائل زي ماتبغى, تراها تخفف الجوع.
4- وهي أهم شيء, أضرب في العشاء لحم صافي (يعني تعشى لحم أو دجاج أو سمك بس), وإذا كنت عزوبي حالتي, فالله يبارك في المطاعم الشامية والتركية, خذ صحن واحد شيش طاووق أو كباب ولا أحسن, وخذ شوكة أو كل بيدك.

ترا وزني كان فوق 90 كيلو ونزل إلى 73 في ثلاثة شهور (وإن شاء الله أوصل 70 بالمواظبة)
نصائح مهمة ومجربة:
1- مهما قالوا لك الناس خفف من الأكل (زي ما كان يقولي الوالد الله يسامحه) خلك منهم.
2- الفطور مهم جدا, أول ما تقوم أفطر حتى لو كيت كات, خبز أبيض أو أسمر (والأسمر أفضل) المهم تفطر في الصباح.
3- في العمل أو المدرسة, خذ معاك بضع الفواكه, كل ما حسيت بالجوع الخفيف, كل تفاحة أو برتقالة أو أي شيء. المهم سكت الجوع كل ما بدأ.
4- الحليب مهم جدا, وإذا كان خالي من الدسم فـ(ولا أحلى). بالنسبة لي, أنا أشرب قليل الدسم وما عندي أي مشكلة.
5- الدراجة أهم أداء للتمرين, وأمارسها كل يوم مدة 10-20 دقيقة, وياريت لو تغير مستوى الصعوبة كل دقيقة أو دقيقتين بشكل عشوائي.
6- سجل وزنك كل يوم قبل التمرين, وكم نقصت في ورقة صغيرة. مو شرط تحتفظ بها, هذه الورقة مجرد أداة لزيادة حماستك
7- لاتدرب العضلة نفسها مرتين إذا كنت بتدرب كل يوم, أعطي يوم للبطن والظهر ويوم لليدين والصدر ويوم للرجلين.

على أي حال أخوي, أنا عطيتك كل إلى فادني في خلال 3 شهور الماضية, وإن شاء تدعو لي بعد أقل من شهر لما تبدأ تشوف وزنك يطيح, وجسمك يحلو.

ودعائك

[ODIN]

ابد ولا تخاف ياخوي ولا تشيل هم السالفه جدا بسيطه والله انها بسيطه ماابالغلك


نصايح اخونا ytrtcs كلها عين العقل .. اضف الى ذلك للتأكيد فقط مسألتين مهمات جدا جدا /

1- اترك النشويات .

2- الدراجه استعملها نصف ساعه يوميا .

شفت هذي الشغلتين لو تعملها وش راح يصير ؟! راح تصير مسواك ضعيف بعد ست شهور بالكثير .. وبعد ثلاث شهور راح توصل لجسم مرة حلو واذا شديت حيلك وكملت كم شهر زياده احسن واحسن ..

المسأله بسيطه ولا يبغالها تعقيد تمارين و رجيم وزحمه .. بس اترك الكربوهيدرات واستعمل الدراجه .. بس

والصدر لا تشيل همه هذا يروح اذا ضعفت ان شالله .. كلها دهون تنحرق مو مشكله .. مسأله طبيعيه جدا .

بس سبحان الله بعض الناس يبغون كل شي بهذي الدنيا بدون جهد وبدون مقابل .. يبغون درجات عاليه بدون ما يذاكرون ويبغون راتب قوي ووظيفه حلوة بدون جامعه ويبغون يضعفون بدون ادنى جهد .. كذا الدنيا اخذ وعطى

وصدقني انك انت مب منهم ياخوي لانك كتبت هذا الموضوع واعلنت تضايقك وهذا انت قطعت نصف المشوار الان الله يوفقك وطمنا عليك شهر بشهر خلينا نتابعك

[القــعـقـاع]

النصائح و لا اروع...خذها من سمين سابق

بس ابغى افصل شوي في الكربوهيدرات...هي تنقسم لقسمين:

نشويات: بطاطس-خبز-رز-مكرونة
سكريات: فواكه

اعتمد على الفواكه كمصدر اساسي للكربوهيدرات..اما النشويات فخلها في الفطور او بعد التمرين (مباشرة)

شي ثاني: اعتمد على المواد الغذائية الطبيعية و اترك المعلبات (ما عدا التونة)...

و لا تنسى المكملات الغذائية

[ODIN]

تفصيل القعقاع ولا اروع


واسمحلي اخوي اني اثبت الموضوع هذا واعدل عنوانه حتى يكون مرجع لكل من يمتلك نفس المشكله .. ويعطيك العافيه

[OD3N]

مشكووووووورين جميعا على المعلومات

[ملك روما Totti]

رجيم احسن حل ولا تفكر بعملية

[ytrtcs]

الأخ ODIN عطاك خلاصة الخلاصة, ولافي أحسن من كلامه
أما تفصيل الأخ القعقاع, فعيني عليه باردة

والسلام

[Angry Odin]

مثل ماقالو الاخوان ..اولاً لازم تنتبه لاكلك وتبتعد عن الاكلات الدهنيه ...ادري ان هذا الشي صعب خصوصا اننا ولله الحمد بكل بيت تلقاه مليان بانواع الكل ..وصعب انك تشوفه ولا تاكل ..لكن لازم تظغط على نفسك ..ركز على السيكل ..انا افضل الة المشي ..احس انها مفيده اكثر ..

على العموم اظافتي للموضوع هب عباره عن تحليل غذائي لكل فصيلة دم ...بالfile هذا تشوف وش فصيلة دمك وبيقولك وش الاكلات والمكونات الغذائيه اللي يحللهم جسمك بصوره وافضل من الاخرى وفقا لفصيلو الدم ... اتمنى انه يفيدك

[OD3N]

Thanx Angry Odin 4 the file

[yugi motoo]

...مشكوووووووووووووووووووووووووووووووووووووووور

انا اتبعت نصائح اخرى في الاجازة..واهمها..وابسطها..حاول انك تخرج اكثر من اي شي اخر.تمشي..وتروح..وحاول قبل الاكل وبعده تمشي..والاكل لا تاكل اكثر مما ينبغي..يعني اشبع وخلاص..قوم عن المائدة وامشي..خلال شهر انا نقصت 6 كيلو..والشهر الثاني 5 كيلو لانو في اواخره بطلت اشي تمام

[newaiser]

الان سؤال وجيه
كم عدد الذين اسمهم اودين في هذا المنتدى.....؟هل كلمة اودين لها معنى ...؟
يسلموا شباب على التوضيح في النظام الغذائي

عندي اضافة بسيطة
لطلاب المدارس
اذا انتهيت من التمرين قم بتناول السكريات
وقبل ذهابك المدرسة تناول سكريات
لان غذاء العقل هو السكريات

سلام عليكم

[مكحول]

لا تسوي رجيم ولا شي بس امش 40 دقيقة في اليوم وكل زي نا تبغي فقط 6 شهور وشوف الفرق..

صدقني انا جربت هذي الطريقة "بدون رجيم" والان اشوف الفرق حتى اصدقائي السمان صرت

اشوف الغيرة في عيونهم.....الله يستر بس

اتوكل على الله وجرب وادعيلي.

[black spock]

ألف شكر لكم شباب وأنا أيضا راح اتبعها

[hossam gabr]

والله نصائح كووووول
طيب ياشباب أنا ما عندي دراجة >>>كبرت عليها ...
بس أنا أمشي واركض ...كم من الوقت يلزمني للمشي أو الركض يومياً ؟؟
وهل لازم أمشي أو أركض يومياً ؟؟
وهل تمارين الضغط والبطن مفيدة ....وكم العدد المطلوب عمله ؟؟
ومشكورين على الموضوع والنصائح