تعليم تصميم البطاقات الفلاشبة

[قاتل النمسيس]

السلام عليكم

يا اخوان
هل اجد لديكم موضوع تعليمي عن تصميم البطاقات الفلاشية
كالتي في موقع رعودي وغيره .

والتي فيها عدة انواع - مناسبات - اعياد - رومنسيات - ... الخ

او

هل في مواقع انترنت تجعلك انت تختار الصورة والموسيقى على ذوقك
لكني افضل درس تعليمي لهذا الطلب

اسف للاطالة
وشكرا

[قاتل النمسيس]

الموضوع صار لو يومين وما احد رد
اتمنى المساعدة يا اخوان
وشكرا

[neji678]

السلام و عليكم...

أنا حأحاول أساعدك قد ما أقدر لأني ما عملت بطاقة قبل كدة بس هي الشغلة تعتمد على معرفة عن الفلاش و شوية من الأكشن سكريبت، ان شاء الله تستفيد

أول شي تعملوا انك تحدد حجم الفلاش و هدا ممكن من modify-->document

و بعدين تزبط الفلاش على الحجم المناسب ليك من ال dimentions

تاني شي تعمل اللايرز و هي تعتمد عليك من حيث العدد (حسب الأشكال و الأشياء المختلفة) بس الأساسي 4:

الأول-الخلفية: لازم تكون الخلفية حجمها نفس حجم الفلاش عشان ما يزيد الحجم حق الفلاش على الفاضي.
و الأفضل انك لمن تضيف صورة/صوت...الخ للفلاش انك تضيفو للمكتبة (library)
عشان ممكن تشيلو من هناك وقت ما تبغى (كأنك عملت ملف و رتبت فيه الأشياء الي تحتاجها للفلاش)،و عشان تخرج الأشياء من هناك يس خليك ضاغط عليها بالزر اليسار حق الفارة و خرجها على المسرح (stage) و سيب الزر .و عشان تجيب المكتبة تضغط CTRL+L
دحين بعد ما خرجت ال صورة على المسرح يبغالك تزبطها عشان تغطيه بالزبط و ما يخرج عن الحدود و عشان تسوي كدة تحتاج ال align وهو الي يقوم بتنظيم الشكل على المسرح،المفروض يكون موجود في اليمين و اذا كان موموجود ممكن تجيبو من: windows-->design panels

و تضغط على align، المهم دحين تحت كلمة dimentions موجود مجموعتين من الأزارير اضغط الزر الي في النص من كل مجموعة (كن متأكد انك لسة ضاغط على الخلفية) و كمان أتأكد انو الزر حق to stage يكون مضغوط.
كدا خلاص انت عملت الخلفية،أعمل lock layer ليها و انساها.

تاني لاير-الشكل: هدا اللاير الي حتحط الشكل (الأشكال) فيه بعد ما تنزل الشكل في المكتبة ثم المسرح لازم تجول الشكل ل movie clip لأنو حيختصر/يقلل حجم الفلاش.
كيفية التحويل لموفي كليب: اول شي تضغط بالزر اليمين على الشكل و بعدين تختار convert to symbol و تختار موفي كليب و تسميه واضغط ok
بعد كده تضغط ضغطتين بالزر اليسار على الموفي كليب و حيكون كأنك فتحت فلاش جديد و من هنا كل شي تسويه يعتمد على فهمك للفلاش و مخيلتك.
لاحظ:
وقت ما تدخل الموفي كلب حتشوف فوق ال time line كدة:
هدا معناه انو انتة دحين بتشتغل على الموفي كليب و عشان ترجع للفلاش نفسه اضغط على scene 1

اللاير التالت-الملفات الصوتية:
هدا هو الي تحط فيه الملفات الصوتية الي تبغاها بس بعد ما تقوم بادخال الملفات الصوتية في المكتبة لا تبادر بوضعها في المسرح لأنو الصوت أكيد ياخد أكتر من فريم (حسب مدة الصوت) عشان كدة تعمل movie clip جديد
كيفية عمل موفي كليب جديد: تضغط على insert-->new symbol و الباقي نفس أول وقت ما حولت الشكل لموفي كليب.
بعد كدة أفتح الموفي كليب من المكتبة بالضغط عليه مرتين بالزر اليسار و حط الصوت و بعد كدة أرجع للمشهد الأول و حط الموفي كليب حق الصوت في اللاير الجديد.
ملاحظة:الموفي كلي حق الصوت ما تفرق فين تحطو

اللاير الرابع-الأزارير: هدا اللاير تحط فيه الأزارير اذا كنت تبغى تتعلم عمل الأزارير أرسل لي رسالة شخصية و ان شاء الله نتفاهم

لاحظ انو دحين كل شي عملتو في فريم واحد بس كدة ما حيشتغل الفلاش عدل لأنه (أهبل) و خيقوم يفضل يعيد المشهد الى مالا نهاية و مافي شي حيمديه يسير، عشان كدة لاز تضيف الأمر stop(); لللاير حق الخلفية و دا عن طري الأكشن سكريبت

ان شاء الله تكون استفدت و ما كان الشرح معقد واذا ما فهمت شي انا تحت أمرك

[قاتل النمسيس]

مضكور اخي الكريم
والشرح باين عليه ان سهل

طيب ما عندك برامج فيها تصاميم كروت جاهزة ز بس انت تغير الصورة والصوت وخلاص .
عشان موضوع السرعة فقط .
وشكرا لك

[neji678]

السلام و عليكم...
العفو أي خدمة
لا والله ما عندي للأسف اذا لقيت بقلك عليه ان شاء الله...دور في المنتدى ممكن تلاقي و الله أعلم و أنا مستعد أساعدك بالتصميم اذا تبغى
و دوبي لاحظت بعض الأغلاط الاملائية ان شاء الله تفهمها لأني ما أقدر اغيرها خلاص،عالعموم اذا في كلمة اقتبسها و أنا أزبطها ان شاء الله

[waelouf_12]

الف شكر على المجهود

[neji678]

العفو أخي waelouf_12

و رمضان كريم علينا و عليكم ان شاء الله...

[hemn sabah]

السلام عليكم يا اخوانى

[hemn sabah]

ميلفظ من قول ال لديه رقيب عتيد

[master shion]

السلام عليكم و رحمة الله و بركاته

كيف الحال عساك طيب

عزيزي البطاقات ما يحتاج درش فهو حجم محدد يتم فيه التصميم بحرية و ابداع يعني التصميم يعود الى ابداعك و خبراتك في الفوتوشوب و الفلاش ^_^

و حاول و صدقني راح تنجح

اتمنى لك التوفيق عزيزي ^_^

سلام

[M.Logic]

............I'want same after