ممكن إستشارتكم؟

[leonknight]

السلام عليكم و رحمة الله و بركاته

ممكن إستشارتكم بموضوع الريجيم ؟
أنا جربت تقريبا 3 أنواع من الريجيم و لمن ييت أجرب الريجيم البروتيني رفيجيتي قالتلي أنصحج لا تسوينه لأنه من وراه صار فيني كيس دهن في عنق الرحم ....
فأرجوكم تساعدوني إذا جربتو ريجيم صحي و زين و شفتو إنه في تحسن بصحتكم ممكن تشاركونا فيه.

وشكرا
اختكم في الله
Leon-Knight

[gary oak]

اهلين اختي leonknight .
انا في حياتي ما سويت الا رجيم واحد من 5 سنين لأن وزني زاد 10 كيلو اول ما دخلت الجامعة بس كان رجيم قاسي مرة خسرت فيه 20 كيلو و صار وزني في الخمسينات.
ما يهمنا , احسن شئ تسألين طبيب في هالشئ لأنه يعتمد على نوع جسمط و كم تبين تنزلين.
يمكن اساعد بنصائح شوي بس ابي اعرف انت كم تبين تنزلين بالضبط و في كم وقت من الزمن؟
لا تخافين ماني سائلك عن وزنك الحالي
سلامي

[leonknight]

ايوه ممكن انا وزني 75و ابي انزله 10 كيلوات على الاقل
وشكرا

[gary oak]

اهلا مرة ثانية اختي leonknight.
في البداية في نقاط لازم تصيرين ملتزمة بيها .
- العزيمة . هذه اهم نقطة لأنها اذا راحت راح كل التعب. بس اكيد عزيمة البنات في الحمية اكثر من الرجال ما عليك خوفة.
- ما فيك اي مرض في الدم زي فقر الدم او التكسر المنجلي و سكري لأنه الحمية راح تتغير كلها.
-وقت الحمية دائما خلي معاك كيس سكر زي اكياس الشاي حقت المطاعم و الكافيه او قطعة حلاوة صغيرة لأنها مرة مهمة و حصلتي كذا مرة ان السكر في الدم يهبط حيل خصوصا مع الجهد او المذاكرة.
- بالنسبة للحمية الي سويتها:
الفطور ما غيرته لأن اهم وجبة بالنسبة لي و اغلب الناس فطورهم خفيف السعرات الحرارية اصلا بس لازم شوي تقللين من الأجبان.
الغدة,وهذه اكثر شئ غيرت فيه . انا شئ اسمه رز هونت ما أكله مرة الا في المناسبات و شوي لأنه من اكبر الأكلات في السعرات الحرارية و الواحد ما يقدر يوقف اكلها الا اذا شبع كامل و خصوصا المندي و البخاري . غداي اليومي فاكهتين و خضرواتين و عصير . ما احدد لك اي فاكهة اختاري الي تحبينه اكثر شئ تحبينه من الفاكهة او الخضراء بس اهم شئ 2 من كل وحدة علشان الفوائذ الغذائية تصير اعم و اشمل . غداي كان (سفرجل+موزة+جزر+قرنبيط).
العشاء, ما غيرت فيه واجد بس لازم ابتديه بتفاحة او خضرى تحبينها لأنه راح تشبعني اسرع ولا تخليني اكل واجد من الوجبة الرئيسية.
-بشكل عام شربي ماء واجد لأنه يخليك تحسين بالشبع.
- نهائيا لا تأكلين بين الوجبات.
- بعدي نهائيا عن الوجبات السريعة ( البطاطس المقلي و المطاعم الأمريكية).
- الرياضة لا تفوتينها لأنها تمنع ترهل الجسم و تحرق سعرات زيادة . لازم اقلها 20 دقيقة في اليوم من اي رياضة حركية زي الجري و المشي او السباحة و اذا في جهاز جري في البيت يكون اسهل لك.
- و شئ اخير مهم مهام كانت النتيجة مو مرضية لأتوقفين الحمية لأن الجسم في البداية يقاوم خصوصا في حالتك لأن وزنك مو كبير اصلا .
سلامي