>< نفسي اضرب نفسي >< خلاص لحد يكلمني ><

[إنـسـان ثـانـي]

السلام عليكم ورحمة الله

في احد الليالي السود ! التي دعوتها بليله الطفش

كان هنالك <<< ياكبتن انت مابتكتب قصه

المهم ... كان هنالك يوم <<< ياخي اتكلم عادي هذي شكوه

المهم ... كان هنالك يوم <<< والله ترى محد فايقلك >>> انتي مالك صلاح <<< اقول كمل ترى وضعك غبي ><

المهم <<< يعني لازم من المهم دي >>> دحين انتي بتروقي ولاكيف <<< انا نفسك يعني جالسه على قلبك جالسه

المهم >< قبل اسبوعين تقريبا كتبت موضوع وفكرته في راسي من زمان ... من عهد سمير احمد

اسمو ( جلسات طرب مع الشياطين ) ومو لازم اقول فكرته ^^

المهم والمهم الموضوع دا تعبني والله >< الين ماشعر راسي شاب وودوني الكتاب ... على قولت اهل اول هه

المهم بعد ماردوني الكتاب اخخخخخخخخخ مدري الي كنت حقولو ! اني سهرت على الموضوع دا كتير كتير وانا اكتب فيه

والله لو تشوفو شكلي تقولو غلبان و زهقان ومن الحب جالو صيبان

ملاحظة/الصيبان حيوانات صغيره من انتاج القمل ^^ تنبت في راس البني ادم الذي شعره مثل الغابات المحترقه ولا يهتم فيها

نكمل الهرجه <<< ياليت تخلصنا بس ترا الاعضاء بيعطوك ضرب

المهم ... من كتر ماطفشت شعري صار اخضر ووجهي راح احمر وعيوني صار ازقر وشكلي صار يقهر

المهم ... الموضوع كان حياخذ تقريبا 10 ردود ... وكل رد عباره عن قصه او جزء منفصل وطويل

يعني تقريبا حتاخذ صفحتين >< وكلها كتبتها لوحدي ماشاء الله

ووالله كنت متحمس اطرح الموضوع ... بس ><

وماكنت افكر اني افوز او اشترك بيه في المسابقه <<< كداب

لا من جد ^^ <<< كداب ^^ لاتصدقوه

لامن جد ما فكرت انه يدخل في المسابقه <<< والله كداب ههههههه >>> تعرفي تنكتمي <<< لا ها هي هو >>> والله ودي اكسر راسك >< بس المشكله لو ضربتك حضرب نفسي اصلا

المهم ... اكيد دحين كل واحد بيقول في مخه او مخيخو اذا ماعندو مخ ^^ ليش ما حط الموضوع طيب بعد التعب دا ؟؟؟

الهرجه يابو الشباب انتا وهو وهي وهاي وهو <<< خلصنا يكون افضل >>> دحين انتي ايش الي مسلطك عليا ! <<< مني معاك طول الوقت ايش اسوي ><

المهم...الحتوته <<< هيا فيها حتوته >< ياولدي خلصنا يرحم كل عائلتك ><

المهم ... القصه ... اقصد الحكايه ... يوووووووووووه الهرجه ^^

الهرجه ومافيها اني بعد ماخلصت من ثلاثة ارباع الموضوع + ثلث = باقي شوي وينتهي الموضوع^^

كان عندي شكك بان الموضوع فيه شي حرام او حاجه غلط <<< تستاهل المفروض تتاكد قبل لاتكتب >>> بس الحماس خلاني اكمل <<< اقول لايكتر هرجك كمل بس

المهم ... يوم انا وصاحبي ( هانينو رفيق الدرب ) كنا رايحين مشوار ومولازم تعرفوه ^^ <<< كان رايح جده

المهم واحنا في الطريق :

ماجد: تصدق في موضوع كنت بطرحو في المنتدى لجل اشارك في مسابقه الترفيهي
هاني: طيب فزت ولا لسى ^^
ماجد:لا لسه انا ماطرحتو !
هاني:ليش طيب ... يعني ماخلصت منو
ماجد:الا بس عندي شكك في الموضوع انو فيه شي حرام ><
هاني:ليش طيب ... ايش قصتو يعني

بعدها قلتلو فكرة الموضوع كاملة <<< قولهم طيب ^^ >>> مافيا اكتب كتير ^^

ماجد:ها ايش رايك تتوقع انه مايجوز اطرحو ><
هاني:والله مدري ... خليني اسال الشيخ بعد مانرجع مكه واقولك

المهم بعد مارجعنا مكه ورحت انا للبيت وكنت جالس على النت وودي احط الموضوع

اتصل جوالي !

ماجد: مرحبا
هاني:السلام عليكم
ماجد:وعليكم السلام
هاني:اقولك ترى سألت الشيخ واعطاني الاجابه
ماجد:بشرني طيب ... يجوز ^^
هاني:مع الاسف لا
ماجد:معقوله يعني تعبي راح بلاش ... تهئ تهئ
هاني:لاتبكي حبيبي <<< كداب مابكي ولا شي ^^
ماجد:اخخخخخخخ يعني على كذه ماحقدر اطرحو
هاني:عاد الله يعينك ... خيرها في غيرها
ماجد:اوه طيب يالله مع السلامه <<< زعلان هه
هاني:مع السلامه

المهم ... بعدها جاني طفش والله احبطني للاخر ^^ هه

خلوني اوصفلكم كيف كان شكلي

انسان عندو رجول ويدتين وراسو فيلو شعرتين ^^ ههههههههههه
وجهو لونه زي لون بشرتو وراسو فيلو عيونتين ^^ هههههههههه
يحب الخير <<< كداب
ومحب للغير <<< ايضا كداب
وبدون وجهين <<< صادق ^^
ويحب حاجتين <<< ايش هيا >>> مو شغلك
الحاجه الاوله : حاجه حلوه
والحاجه التانيه : برضو حلوه
يعني الاتنين
زي العسل وسط القشطه
وفوقهم حبة فراوله

(اعوذ بالله من كلمة انا)

اخخخخخخخخخخ سوري طلعت عن اطار الموضوع

المهم شكلي وقتها

كنت جالس عادي ع الجهاز ... وبعد ماكلمت هاني واحبطت

تكيت على التكايه (المتكه) ومخدد (حاط يدي على خدي )

وجالس افكر في البلاهه دي الي فيا ... يعني المفروض من البدايه استفسر بعدين اكتب ><

المهم <<< طفشتنا بالمهم ><

المهم المهم المهم

وانا جالس قلت خليني اتاكد من احد المشرفين الي في الاقسام الاسلاميه

عموما ... ركبت السياره الصغنونه حقتي ورحت ... بس الطريق كان وعر وصعب شوي ... <<< كان نعسان

لمن وصلت لجده ... اقصد القسم الاسلامي اخترت احد المراقبين وارسلتلو رساله ع الخاص

بعدها بفتره رد عليا .. وقالي انه يفضل انك تضيفني ع المسنجر لجل نتكلم مباشره لان الموضوع حيطول شوي

المهم .. انا اضفته على طول واتقابلنا ... وبكل صراحه اسعدت بالتعرف عليه

وماودي اذكر اسمه <<< اول تلاته حروف من اسمه aak >>> ما اقول غير حسبي يالله ع الملقفه

المهم <<< المهم

المهم ... بعد ما تكلمت معاه وانتهيت ... اقنعني فعلا بان الموضوع ماينفع اطرحو ...

السبب مولازم اقولو <<< لانه فيلو علم غيب >>> الحمد لله ع العافيه

فاقلت في بالي ... الي جابو يجب غيرو واحسن منو

بس برضو الى الان احس بنوع من الطفش

تعبي راح بلاش ... يالله

بس انا ما كنت افكر انه يدخل المسابقه <<< كداب

لا من جد <<< كداب >>> وليش كداب <<< ايش معنى كتبتو في رمضان >>> اا ا اها

المهم

واخر المهم

ان الموضوع كان منافس قوي للمواضيع القويه الي طرحت في فترة رمضان

بس يالله ربنا عفاكم

المهم ... انا فكيت السيره لجل انشط القسم اكثر واكثر بدا الموضوع

رغم انه عادي ... بس يالله شي احلا من لاشي

المهم

وصدقوني الاخيره

المهم

وعشان كذه من الهبل الي فيا

نفسي اضرب نفسي خلاص لحد يكلمني

هههههههههههههه

ويسعد صباحكم

[S.W.A.T._911]

السلام عليكم

كان هنالك <<< ياكبتن انت مابتكتب قصه


المهم ... كان هنالك يوم <<< ياخي اتكلم عادي هذي شكوه


المهم ... كان هنالك يوم <<< والله ترى محد فايقلك >>> انتي مالك صلاح <<< اقول كمل ترى وضعك غبي ><


المهم <<< يعني لازم من المهم دي >>> دحين انتي بتروقي ولاكيف <<< انا نفسك يعني جالسه على قلبك جالسه

ذكرتني بفراشة الله يذكرها بالخير ^^
هي كانت تعاني من انفصام بالشخصية مثل اللي عندك

بعدها قلتلو فكرة الموضوع كاملة <<< قولهم طيب ^^ >>> مافيا اكتب كتير ^^


ماجد:ها ايش رايك تتوقع انه مايجوز اطرحو ><
هاني:والله مدري ... خليني اسال الشيخ بعد مانرجع مكه واقولك

خخخخخخخخخخخخخخخخخ
أوف لهالدرجه !!.. شكل موضوعك يُخرج عن الملة
الله يستر بس

المهم ..
يبدو لي والله اعلم .. أن موضعك يتحدث عن احداث آخر الزمان و عن بعض علامات الساعة ( كالمسيح الدجال وغيره )
ما ادري بس كذا يبدو لي

أما اذا كان غير كذا فما اعتقد ان فيه شي يمنع

سلام وهاردلك على المجهود الضائع
والمخ اللي سوا هالقصة مو عاجز يسوي أحسن منها

سلام ^^

[×"NIGHT STAR"×]

ههههههههههههههههههههههههههههههههههههههههههههه
ههههههههههههههههههههههههههههههههههههههههههههه
المهم والمهم والمهم
"اتحداك كم مرة كاتبها"
خخخخخخخخخخخخخ
تلاقيك الاستاذ معصب عليك حق الاملاء وقالك اكتب المهم عشرين مرة
ياشيخ حزنتني على قصتك دي...
بس شو رأيك خلي الحكي نفسوا حق القصة بس حاول تغيرها شوية..
يعني اللي حرام تحطوا بدلوا وحط ايشي تاني....
فكر فيها وحاول.... حرام تعبك كله يروووووووووووووح..
يلا والمهم
اتمنى الك التوفيق..

[TiTaN]

السلام عليكم ورحمة الله

و عليكم السلام و الرحمة

كان هنالك <<< ياكبتن انت مابتكتب قصه

المهم ... كان هنالك يوم <<< ياخي اتكلم عادي هذي شكوه

المهم ... كان هنالك يوم <<< والله ترى محد فايقلك >>> انتي مالك صلاح <<< اقول كمل ترى وضعك غبي ><

المهم <<< يعني لازم من المهم دي >>> دحين انتي بتروقي ولاكيف <<< انا نفسك يعني جالسه على قلبك جالسه

ما تلاحظ إن عندك إنفصام في الشخصية

اسمو ( جلسات طرب مع الشياطين ) ومو لازم اقول فكرته ^^

من الإسم شكلوا غريب ؟

المهم والمهم الموضوع دا تعبني والله >< الين ماشعر راسي شاب وودوني الكتاب ... على قولت اهل اول هه

ممكن سؤال و ما تقول عليا أهبل ؟
إيش هو الكتاب ؟ << حجازي و جداوي و ما يعرف

ملاحظة/الصيبان حيوانات صغيره من انتاج القمل ^^ تنبت في راس البني ادم الذي شعره مثل الغابات المحترقه ولا يهتم فيها

حلوة الغابات المحترقة

المهم ... من كتر ماطفشت شعري صار اخضر ووجهي راح احمر وعيوني صار ازقر وشكلي صار يقهر

مخلوق فضائي ، الله يعينيك يا شيخ

يعني تقريبا حتاخذ صفحتين >< وكلها كتبتها لوحدي ماشاء الله

ما شاء الله

وماكنت افكر اني افوز او اشترك بيه في المسابقه <<< كداب

لا من جد ^^ <<< كداب ^^ لاتصدقوه

لامن جد ما فكرت انه يدخل في المسابقه <<< والله كداب ههههههه >>> تعرفي تنكتمي <<< لا ها هي هو >>> والله ودي اكسر راسك >< بس المشكله لو ضربتك حضرب نفسي اصلا

رجعنا للفصام

المهم ... اكيد دحين كل واحد بيقول في مخه او مخيخو اذا ماعندو مخ ^^ ليش ما حط الموضوع طيب بعد التعب دا ؟؟؟

صح ، مخيخي يبقول الشي دا


كان عندي شكك بان الموضوع فيه شي حرام او حاجه غلط <<< تستاهل المفروض تتاكد قبل لاتكتب >>> بس الحماس خلاني اكمل <<< اقول لايكتر هرجك كمل بس

غريبة ، يعني الموضوع فيه حاجة دينية ؟

بعدها قلتلو فكرة الموضوع كاملة <<< قولهم طيب ^^ >>> مافيا اكتب كتير ^^

صح يا اخي أسمع نفسك التانية و قولنا

اتصل جوالي !

تصدق حلوة أتصل جوالي؟ كيف يعني الجوال دق من نفسه ؟ و لا فجأة لقيت الجوال بيتصل ؟؟
و معليش تسير مع أبو كلجة

ماجد:بشرني طيب ... يجوز^^
هاني:مع الاسف لا

معقول ؟

ا

نسان عندو رجول ويدتين وراسو فيلو شعرتين ^^ ههههههههههه
وجهو لونه زي لون بشرتو وراسو فيلو عيونتين ^^ هههههههههه
يحب الخير <<< كداب
ومحب للغير <<< ايضا كداب
وبدون وجهين <<< صادق ^^
ويحب حاجتين <<< ايش هيا >>> مو شغلك
الحاجه الاوله : حاجه حلوه
والحاجه التانيه : برضو حلوه
يعني الاتنين
زي العسل وسط القشطه
وفوقهم حبة فراوله

شاعر ما شاء الله

وجالس افكر في البلاهه دي الي فيا ... يعني المفروض من البدايه استفسر بعدين اكتب ><

سلامتك ، هو الحماس اخدك شوية

وانا

جالس قلت خليني اتاكد من احد المشرفين الي في الاقسام الاسلاميه

عموما ... ركبت السياره الصغنونه حقتي ورحت ... بس الطريق كان وعر وصعب شوي ... <<< كان نعسان

Sunny

<<< اول تلاته حروف من اسمه aak >>> ما اقول غير حسبي يالله ع الملقفه

أعرفه ، أشوفه في قسم الأخبار ، فضحتك نفسك التانية

فاقلت في بالي ... الي جابو يجب غيرو واحسن منو

صح

ان الموضوع كان منافس قوي للمواضيع القويه الي طرحت في فترة رمضان

صح ما شاء الله فيه مواضيع كتيرة قوية : ساندر ، جدة جيرل ، سلايف ، شجون العين، صقر المنتدى ، رعبة ، وغيرهم كتير و إنت

لسة عندك 5 ايام ، فكر فيها في موضوع أحلى ، أو حاول تغير الحرام إللي في موضوعك مثل ما قالتلك سام

[إنـسـان ثـانـي]

السلام عليكم
وعليكم السلام ورحمة الله

ذكرتني بفراشة الله يذكرها بالخير ^^
هي كانت تعاني من انفصام بالشخصية مثل اللي عندك
على سيرتها
هي ليش قطعت يعني الفتره الي انا قطعت فيها ورجعت ... فجأة لقيتها مختفيه
سالت عنها اكثر من عضو والكل يقول >< مدري
ممكن الي يعرف سبب انقطاعها ينورنا

خخخخخخخخخخخخخخخخخ
أوف لهالدرجه !!.. شكل موضوعك يُخرج عن الملة
الله يستر بس
لا بالعكس ... بس فيه اشياء علمها عند ربي
وانا ماعرفت الا بعد ما تاكدت

المهم ..
يبدو لي والله اعلم .. أن موضعك يتحدث عن احداث آخر الزمان و عن بعض علامات الساعة ( كالمسيح الدجال وغيره )
ما ادري بس كذا يبدو لي
زي ماقلتلك مسبقا
عن ابليس الله يشيلو واعوانه
><

سلام وهاردلك على المجهود الضائع
والمخ اللي سوا هالقصة مو عاجز يسوي أحسن منها
هههههههههههههه

اكيد وفي افكار كثيره مازالت في ادماغ ههههههههههه
بس مشكلتي الان مشغول في رمضان ويالله يالله اشارك وارد

سلام ^^

[إنـسـان ثـانـي]

ههههههههههههههههههههههههههههههههههههههههههههه

ههههههههههههههههههههههههههههههههههههههههههههه

المهم والمهم والمهم

"اتحداك كم مرة كاتبها"

ههههههههههههههه

والله الكلمة دي معروفه عند الحجازين ... بس يكرروها

خاصه لمن يكون مندمج في الكلام

ويمكن توصل اكثر من دا الشكل ^^

يعني بعد كل سكته لازم (المهم)

صار الكلام كلو مهم هههههههههههه

خخخخخخخخخخخخخ

تلاقيك الاستاذ معصب عليك حق الاملاء وقالك اكتب المهم عشرين مرة

مره استاذ الاملاء هو نفسه استاذ التعبير قالي:

ماجد عبر عن البحر

كتبتله العنوان (تعبير عن البحر)

ولمن جيت اعبر كتبت

كان في ولد واقف على الشاطئ ... المهم المهم المهم ...

امزح

ياشيخ حزنتني على قصتك دي...

بس شو رأيك خلي الحكي نفسوا حق القصة بس حاول تغيرها شوية..

يعني اللي حرام تحطوا بدلوا وحط ايشي تاني....

فكر فيها وحاول.... حرام تعبك كله يروووووووووووووح..

حاولت >< بس لوحذفت ... بحذف نصف القصه تقريبا يعني ايش الفايده

بس عادي الي راح راح . انا جالس افكر في تخريف جديد

يلا والمهم

والله مدري

المهم

اتمنى الك التوفيق..

دوما

وللجميع

[إنـسـان ثـانـي]

ما تلاحظ إن عندك إنفصام في الشخصية

بصراحه >< احيان تصدر مني اشياء غريبه
يمكن

من الإسم شكلوا غريب ؟
اخخخخخخخخخ ياشيخ لاتذكرني <<< كانه احد مات >>> انكتم
رجعنا

ممكن سؤال و ما تقول عليا أهبل ؟
إيش هو الكتاب ؟ << حجازي و جداوي و ما يعرف

يرجال دا انا الي قلت عليك حجازي
لاحظ ( الكُتاب ) يعني ( الكوتاب )
جمع كاتب
مدري هي جمعها كذه ولا لا
بس عاد اهل اول هم الي يقولو كذه
حتى مني فاهم ايش المقصد

حلوة الغابات المحترقة
والله الناس الي مابيهتمو في شعورهم بيصرلهم كذه
بيصير في راسهم غابات وحيوانات (وانتو بكرامه)

مخلوق فضائي ، الله يعينيك يا شيخ
لا مو فضائي
شفت المجره حقتنا الي بداخلها يسمى فضاء عدا الكواكب والنجوم والشمس والله واعلم ... يدعى فضاء
اما انا من خارج المجره يعني شي جديد .. عالم تاني هههههههههههههه
( اعوذ بالله من كلمة انا )

ما شاء الله

رجعنا للفصام
اصلا كل واحد عنده انفصام
انت لاحظ لمن تكون جالس لوحدك ايش تحس
كانه في واحد بيكلمك صح

صح ، مخيخي يبقول الشي دا
شفت يعني عندك انفصام

غريبة ، يعني الموضوع فيه حاجة دينية ؟

والله يا ط.؟.؟.؟ الموضوع فيه جزء محرم ... اما الباقي كان الهدم منه الفائده ونصيحه للكل
يعني بشكل ترفيهي .. بس عاد يمكن ربي رايدلي خير ^^

صح يا اخي أسمع نفسك التانية و قولنا

<<< شفت كيف >>> والله منجد <<< لازم تعتذر >>> او كي

خرفت

[إنـسـان ثـانـي]

تصدق حلوة أتصل جوالي؟ كيف يعني الجوال دق من نفسه ؟ و لا فجأة لقيت الجوال بيتصل ؟؟
و معليش تسير مع أبو كلجة
اخخخخخخخخخخخخخخخخخخخ
ههههههههههههههههههههههههههههههههههه
والله ضحكتني من قلبي
هههههههههههههههههههههه

الله يرج ابليسك لا تدقق وتطلع الفضايح

والله انحرجت لمن شفت هل الرد
هههههههههههههههههههههههههههههه
.
.
لا شوف انا اقولك
مممممممممممممممممم
مم
والله مدري كيف اخارج نفسي

شاعر ما شاء الله

احم احم
انا شاعر معروف على مستوى المحيطات ههههههههههههه

سلامتك ، هو الحماس اخدك شوية
من جد

بس صراحه الامر كان شوي غامض

Sunny

هيا انا ماخلصت من الانفصام تقوم تجيني انت وتفضحني

لا دحين كبرت صارت Sunny 2007

أعرفه ، أشوفه في قسم الأخبار ، فضحتك نفسك التانية

شفت بعيونك

الحمد لله بس على كل حال ^^

صح ما شاء الله فيه مواضيع كتيرة قوية : ساندر ، جدة جيرل ، سلايف ، شجون العين، صقر المنتدى ، رعبة ، وغيرهم كتير و إنت

انا مااظن

انا اصلا اشارك في دا القسم لمن تجيني حالات

تصدق في موضوع في راسي هو الي راح يفوز
واذكرك

لسة عندك 5 ايام ، فكر فيها في موضوع أحلى ، أو حاول تغير الحرام إللي في موضوعك مثل ما قالتلك سام

ان شاء الله

في موضوع جاي ان شاء الله يكون طيب

ويسعد صباح الكل

[رعبه]

خيرها بغيرها بو مكلج
لعلو خير ^^<<< تعرف قصه لعلو خير ولا لاع ؟؟>>وانتى ما عمرك قلتى لعلو خير الا سئلتيه يعرف قصتها ولا لاعععع << ما علييك >>> الله يهديك بو مكلج جانى فيروسك >.<"
الموهم
بصراحه هذع الشى يدل على ان تفكيرك راقى
لانك فكرت باللى تكتبه مو بس اكتب وبس بدون تفكير دينى ^^
وتاكد انه ما ترك العبد لله شى لله الا هناك اخير منه فى انتظاره <<< هو فيه جمله تشبها بس ما ذكرتها كامله XD
الموهم اللى خلاك تسوى هذع الموضوع العملاق الا ما يخليك تسوى اعملق منه
وانت ما شاء الله عليك اسلوبك بالكتابه كذع
نشوفك على خيييييييييير شلوم ^^