البعبع العماني يتفوق على الأبيض الإماراتي في أولى مباريات كأس الخليج

[Batistuta]

إنتهت قبل قليل المباراه الأولى في كأس الخليج

بين منتخب العماني والمنتخب الإماراتي

كان عنوانها الأخطاء

إنتهت المباراه بنتيجة غير مرضية للمستضيف

بنتيجه 2 ـ 1

أحرز أهداف المنتخب العماني

فوزي بشير في الدقية 36
و
عماد علي الحوسني في الدقيقة 50

وأحرز هدف الإماراتي الوحيد
النجم إسماعيل مطر

وشهد في الشوط الأول طرد وسط منتخب الإماراتي
هلال سعيد في الدقية 27

هارد لك لمنتخب الإماراتي

ومبروك للمنتخب العماني

في أمان الله

[FAS]

بداية غير موفقه للمستضيف ,
وامامهم الكويت واليمن ...
صعبة لكن ما زالت الفرصة مؤاتيه .
ننتظر ونشوف الكويت شو تسوي , ونشوف مستواها .

[xuae_3]

الحكم ما قصر
لو أنا حكمت يمكن أحسن عنه
أحتسب ما يقارب 40 خطأ

ميتسو أخطأ عندما لم يخرج محمد عمر منذ البداية
لأنها ما يتحرك
قاعد يتريا الكورة بس

و سالم سعد المفروض يدخل من أول ما أنطرد هلال
لأنه مهاجم سريع و عمان دفاعها كان تعبان

[full option]

أخوي xuae_3
إذا كان الحكم واقف ضد المنتخب بالمرصاد فمهما سوى المدرب فمستحيل نفوز الا بمعجزه
المهم مبروك للعمانين..وإن شاء الله بنعوض في المباريات القادمه

[Predator101]

أخوي xuae_3

إذا كان الحكم واقف ضد المنتخب بالمرصاد فمهما سوى المدرب فمستحيل نفوز الا بمعجزه

المهم مبروك للعمانين..وإن شاء الله بنعوض في المباريات القادمه

ليش الحكم معطينه رشوة ولا ليش يوقف ضد منتخبكم بالمرصاد ؟
طيب ياحبيبي جتكم مية الف فرصة و لا استغليتوها ؟ بتحطها بالحكم كمان !؟

عموما مبروك لعمان و حظ أوفر للإمارات...

[Nighty]

ليش الحكم معطينه رشوة ولا ليش يوقف ضد منتخبكم بالمرصاد ؟
طيب ياحبيبي جتكم مية الف فرصة و لا استغليتوها ؟ بتحطها بالحكم كمان !؟

عموما مبروك لعمان و حظ أوفر للإمارات...

بدون تحيّز اخوي .. تقول انه الطرد صح ؟؟؟؟ يعني يستاهل هلال الطرد ؟؟

والله لولا الحكم ... كان تغير مجرى المباراة 180 درجه

[MSF]

بدون تحيّز اخوي .. تقول انه الطرد صح ؟؟؟؟ يعني يستاهل هلال الطرد ؟؟

والله لولا الحكم ... كان تغير مجرى المباراة 180 درجه

كل الناس قالت ان الطرد صحيح .. بما فيهم خبراء التحكيم !
..

[Predator101]

بدون تحيّز اخوي .. تقول انه الطرد صح ؟؟؟؟ يعني يستاهل هلال الطرد ؟؟

والله لولا الحكم ... كان تغير مجرى المباراة 180 درجه

أنا ما تحيزت ونا خوك ولا شيء الطرد الصراحة ماله داعي ... بس الإمارات لعبت ولا كأنها ناقصة خصوصا بعد دخول سبيت خاطر اللي عوض النقص بشكل كبير.

والشباب حطوها بالحكم بس!! ليش عشان غلط ما أثر على الفريق بشكل كبير. التأثير كان نفسي لا أكثر.

[TERBO]

الف الف مبروووك لعمان الفووز ..
وحظ اوفر للإمارات ..

وبصراحة المبارة كانت حماسية ..

لكن (البعبع) كان المستحق ..

وبصراحة ماكان ودنا نشهد حالة طرد ..
في أول مبارة في هالبطولة ..
ولا سيما .. أن اللاعب مساعد ندا من المنتخب الكويتي ..
أيضاً حصل على كرت أحمر ..
يعني ماكان ودنا والله ان يكوون فيه حالات طرد في أول يوم في هالبطولة ..


وبالتووفيق للجميع ..

تحياتي ..
البروفيسور ..

[راؤول الأسطورة]

الف مبروك لمنتخبنا العماني على الـ3 نقاط وأصبح على مقربة كبيرة من الدور الثاني...
لكن يجب على ماتشالا الوقوف على الثغرات الكبيرة والواسعة اللي كادت أن تقلب موازين المباراة خصوصا في الخط الدفاعي "المتهالك"..
هاردلك للمنتخب الاماراتي ونتمنى التاهل يكون من نصيب المنتخبين

[ToUaReG]

مبرووك للمنتخب العماني و هاردلك للمنتخب الاماراتي ^^ ..

و بالتوفيق للمنتخبات ^^ ..

[L'aRtiGlio 22]

للاسف ما شفت المباراة ..

لكن الظاهر كانت ممتعة..

و اتفاجأت بالنتيجة صراحة..

الف مبروك للعماني و هارد لك للابيض الاماراتي ..

مشكور صقر ..

ارق التحايا ..

[ابتسامــــــه]

لو سمحتوا لا تعلقون أخطاءكم على الحكم

انفرادة محمد عمر
و
انفرادة فيصل خليل " ضيعها " << فيصل مهاجم صري بالامارات يضيع هالانتفراده
خل يسير يشوف اللاعب اليمني كيف دخلها في مرمى الكويت ويتعلم منه
" ما اعتقد إن الحكم وقف امامهم في الانفرادات "!!!

ما اقول إن الحكم ما أخطا في بعض قراراته " بصراحه ما كان بمستوى مباراة الافتتاح "

الكل يتحمل مسؤولية الهزيمه..
اللعيبه - الحكم - المدرب

صدقوني مب من قوة المنتخب العماني عشان يغلبنا في مباراة الافتتاح
عمان استغلت النقص العددي صح .. و الدليل إن ولا هجمه في الـ 20 دقيقه الأولى

و شي ثاني ليش كل هالاحتجاجات من قبل لعيبة منتخبنا
المفروض يمسكون أعصابهم اكثر .. مب على كل طيحه يريدون فاول وخطأ

بصراحه .. ما عجبني تصرفهم بغض النظر عن الخساره كنت اتمنى يضبطون اعصابهم اكثر
ويتقبلون قرارات الحكم

يمكن عشان أتكلم بعاطفتي و أشوف إن هلال لو أخذ إنذار أفضل من الطرد
بس كل الحكام في القنوات الفضائية قالوا إنه يستحق الطرد

يشدون حيلهم بالمباراتين القادمتين ولا يعتمدون على نتايج غيرهم
وما يستهينون بالخصم
المنتخب اليمني داخل بقوه البطوله .. و أمس دافع عن مرماه بكل قوه و ثبات << و مهاجمينه رح يوفقون مكتوفين الأيدي أمام قوة الدفاع ^_^

هاردلك للأبيض
مبروك لـ عمان

[الظلم ظلمات]

المنتخب الاماراتي قدم مباراة رائعة ولولا حالة الطرد لكان اختلف سير المباراة
وايضا المنتخب العماني قدم مباراة رائعة واستطاع استغلال النقص العددي في المنتخب الاماراتي

[Emperor-uae]

الطرد المبكر سبب الخساره....اولا تأثرنا بالنقص العددي

و ثانيا ها الشي خلا لعيبتنا متنرفزين طول المباراه(ما ينلامون...تعب شهور يروح بقرار شخص واحد!)

الله يسامح إلي كان السبب...و خرب الإفتتاح و المباراه كلها......بس فى النهايه هو بشر...و اكبر الحكام يخطئون

الصراحه لازم نستعين بالحكام الأجانب مستقبلا اذا هذا هو مستوى تحيمنا الخليجي