|| التحليل الفني : الإمارات × عـُـمان ||

[راؤول الأسطورة]

أهلين أهلين نورت القسم .. انت الوحيد الي مهما قلته أنا موافق عليه >> تراني قريت ردك قبل ما اكتبها

مبرووك للمنتخب العماني وهارلدك للمنتخب الاماراتي

يعني انا مش عارف لين متى العذاب مع المنتخب الاماراتي

اللعيبه كان باين عليهم التوتر بشكل كبير

انا للحق ما شفت ضربة الجزاء

ويمكن هي سبب توتر لاعبي الامارات في باقي الامارات

انا صريح واحب اقول الحق

من الفتره بعد الطرد ( لما بديت اشوف المباراه)

ما بعرف شو الي كان صاير للاعبي الامارات

اول مره اشوفهم يلعبوا بهالخشونه

الضغط الجماهيري خلاهم يفقدوا اعصابهم

والحكم بصراحه سيء للغايه لان اكثر من لاعب اماراتي كان يستحق الطرد اثناء المباراه

وهو كان واضح انه خائف من ردة الفعل لو طرد اي لاعب ثاني

والي راحوا فيها لعيبة المنتخب العماني

يعني سالم سعد ( على حسب ما اذكر) كان لازم يطرد مباشره على الي سواه مع حكم الرايه

بس الحكم خاف من الغضب عليه لو سواها

هذا كله والامارات هو منتخبي بس الحق حق

اتمنى من المنتخب انه يلحق نفسه بالمباريتين الجايات

والفرصه قائمه لان مستوى الكويت كان غاية بالسوء امس

واليمن ما اتوقع اتكون قادره على تكرار تألق الامس

ولو الامارات ما قدرت على الفوز بالكأس

فاتنمى الكأس عماني لانه اكثر منتخب احبه بالخليج بعد المنتخب الاماراتي اكيد

تسلم على الكلام الجميل وبالنسبة لـ"للحين ما شفت ضربة الجزاء" ولا يهمك الحين بحذفها
أخيرا حصلنا كلام متزن وان شاء الله الكأس ما تخرج من أحد هالفريقين

[MSF]

هذا الرد أو هالجملة بالتحديد خلت الغدا يطير من فمي من الضحك
بس غريبة وينك MSF ما رديت >>
الحين هالشي كنا نتهمكم فيه من مباراة تصفيات آسيا وكنتوا تحاولوا الدفاع عن نفسكم ولما بدأت مباراة الاياب بعمان وزرتونا في فئة "متخلفة" منا رشوكم بالغرش تقدر تذكرلي وش كان السبب...
بالتاكيد لأن حسب الكلام اللي انتشر في المنتديات انكم حرقتوا علمنا بالذهاب وهالفئة تناسوا انه خطأ فردي والجمهور الاماراتي أطيب من كذا والحين جاي تقلبها علينا
بس مدري اذا انت كنت قاري الخبر بالعكس لأن كل المنتديات اللي دخلتا ما في اماراتي ذكر هذه الحادثة الأسطورية
على الأقل قول "نحن ما حرقنا علمكم" بس "انتوا حرقتوا علمنا" قوية شوي

أنا ماصدقت أننا حرقنا علمهم !
طلع العكس
مدري شو أقول ... بس الله يسامحهم
جزاك الله خيراً على الوضيح

[Shredder]

أنا ماصدقت أننا حرقنا علمهم !
طلع العكس
مدري شو أقول ... بس الله يسامحهم

جزاك الله خيراً على الوضيح

لا جمهوركم حارق العلم ...وأكيد يوم أنه منتخبكم بتطلعونه بريء ...لكن أنا متأكد من كلامي ...
ومب محتاج أي توضيح لأني شاايف بعيني الثنتين ..وماظن أني أنعميت ..

[MSF]

لا جمهوركم حارق العلم ...وأكيد يوم أنه منتخبكم بتطلعونه بريء ...لكن أنا متأكد من كلامي ...

ومب محتاج أي توضيح لأني شاايف بعيني الثنتين ..وماظن أني أنعميت ..

إذا كان كذا
فهذا يعني إنا خذينا حقنا
- حرقتوا علمنا وحرقنا علمكم
والبادي أظلم

[WLD UAE]

يا شباب هدو العب تراا الي صار ما يرضي حد و انا مادري انه حرقنا علم عُمان بس اذا حرقناه المفروض انتوا ما تحرقونه بس انا صرت اكره شيء اسمه كاس الخليج 18 خخخخخ والي يبي يناقش يناققش

[Shredder]

إذا كان كذا

فهذا يعني إنا خذينا حقنا

- حرقتوا علمنا وحرقنا علمكم

يعني وحده بـ وحده ...
المفروض مايصير مثل هالأفعال البذيئه ..
وخلاص خلونا على المباراه ..وسالفة الأعلام و الجمهور نغلقها ونتناقش بهدوء لتجنب المشااكل

[ابتسامــــــه]

وأنا سهران أمس أدور أي هواشة بخصوص هالموضوع لين ما مليت ونمت
المرة القادمة بستخدم التصفح الخفي

والله يا راؤول لو تنتظر منا " الجمهور الإماراتي " نشعل فتيله فإنت غلطان ^_^

وبعدين كان ودي ادخل امس مو عشان أعلق شماعة خسارتي على الحكم بالعكس كان عندي
تعليقات على اللعيبه و القله القليله من جمهور الإمارات .. بس مشكلة النت إلي كانت على الامارات كلها كما يبدو لي


وبخصوص الطرد .. انا ذكرت رايي الشخصي و مو معناته إني مو مقتنعه بكلام الحكام
وبأكثر من رد لي قلت " إن الحكام قالوا الطرد مستحق على هلال " ^_^

اذا صارلوا أي شي "لا سمح الله" بنجنس وليد سالم غصبا عنكم
ونمبر تو جمهور الامارات شوي وبيعملوا عملية اغتيال للحكم

انتبهت لـ تسليط الليزر على الحارس وبصراحه ضايقني واااايد هالتصرف

أول شي زين سوا فيكم عشان شررطتكم تفتش عدل المرة القادمة
بعدين المصيبة الكبرى لما تتكلمون عن أشياء مالكم دراية فيها >> محد يناقش مع شخص قام يعيد نفس الكلام كل دقيقة أحسن
المعلق طلع غضبه من أمور سابقة ايضا لأنه قال في بداية المباراة ولمح بأنه وااااااااجه صعوبات شديدة هو والطاقم الاعلامي العماني للوصول هنا بس الحمد لله ما فصلها

صدقني و أقولها لك ... مثل التسهيلات إلي صارت بالامارات و إلي بتصير بالايام القادمه
لـــ 10 سنوات قدااام ما رح تشوفها بـ دورات الخليج ^_~

في اتصال مباشر مع "علي الحبسي + أحمد حديد + بدري الميمني + سلطان الطوقي " بعد المباراة اتفق جميعهم انه لم يسمح لهم بالتسخين والاحماء قبل المباراة سوى في أرض "اسمنتية" و"صلبة" وأضاف علي انه لأول مرة يدخل مباراة بدون أن يسقط على الأرض وكذلك قال اللاعبين أنهم لم يقوموا بعمليات الاحماء لأن الأرضية كانت صعبة جدا للقيام بمثل هذه العمليات وبالطبع عملية التسخين مهمة وضرورية جدا لأنها تنشط العضلة و..مدري من هالخرابيط اللي قالوها
بس بالفعل علي كان مستااااء جدا وأعاد وكرر النقطة أكثر من مرة..

ههههههههههههه
شكلهم العمانيين يبغون يسوون شوشوره ما يعرفون كيف
انزين ما في إعلام عماني متابع تسخينات المنتخب ومصور

أما أن هذا اللي سمعته

وانا عندي مصدر خاص منه إن الحكم لا بالمستشفى ولا غيره

عارف انها اشاعة بس حلوة

انا سمعت وما قلت من مصادري الخاصه و قلت بتأكد من الأخوه السعوديين

[راؤول الأسطورة]

بس مشكلة النت إلي كانت على الامارات كلها كما يبدو لي

بالفعل شي غريب !!!
بالمنتدى كل الاماراتيين كانوا متضررين بس بمنتدى كوورة ما شاء الله مواضيع بالهبل كان يكتبها أو يشارك فيها اماراتيين
حتى وصلاوي صدته بكم مشاركة

وبخصوص الطرد .. انا ذكرت رايي الشخصي و مو معناته إني مو مقتنعه بكلام الحكام
وبأكثر من رد لي قلت " إن الحكام قالوا الطرد مستحق على هلال " ^_^

خلاص آسفين بس هدي أعصابك

انتبهت لـ تسليط الليزر على الحارس وبصراحه ضايقني واااايد هالتصرف

أول مرة أشوف هالحركة من ما رأت عياني الضوء

صدقني و أقولها لك ... مثل التسهيلات إلي صارت بالامارات و إلي بتصير بالايام القادمه
لـــ 10 سنوات قدااام ما رح تشوفها بـ دورات الخليج ^_~

بالفعل التسهيلات والتغطية الاعلامية رفعت من اسم الدورة وجذبت الكثيرين من كارهي الكرة العربية
بس ما أدرانا ما يحدث خلف الكواليس >> ما أتهم حد بس صوت المعلق كان حزين وهو يقولها

ههههههههههههه
شكلهم العمانيين يبغون يسوون شوشوره ما يعرفون كيف
انزين ما في إعلام عماني متابع تسخينات المنتخب ومصور

ليش بيسوون دامهم فايزين أولا..
ثانيا علي الحبسي حتى للي صوب الليزر على عينه قال في الاتصال الله يسامحه وحاول يسكر السالفة بينما على هالحادثة كررها أكثر من مرة وركز عليها...
فكان أولى يثير شي واضح من انه يفتح سالفة غير معروفة...

وانا عندي مصدر خاص منه إن الحكم لا بالمستشفى ولا غيره

انا سمعت وما قلت من مصادري الخاصه و قلت بتأكد من الأخوه السعوديين

شفتي العصبية كيف تخلي كلامي ينفهم غلط
أنا قلت ان الخبر اللي "أنا جبته" هو اللي اشاعة بس حلوة مش خبرك

[Batistuta]

يعطيك العافيه على التحليل
ومبروك للمنتخب العماني
وهارد لك للمنتخب الإماراتي

وتم الترشيح

واصل

في امان الله

[full option]

هذا البروكسي يفتح المنتديات اذا سكرت

إبدأ برنامج المتصفح Internet Explorer
و من ثم قم بالدخول على الأدوات Tools
و بعد ذلك خيارات الإنترنت Internet Tools
قم بالضغط على مجموعة Connections
و إختر Lan Settings

و أخيرا قم بتفعيل خيار إستعمال الملقم Use Proxy و أدخل هذه البيانات

العنوان Address
proxy1.emirates.net.ae
المنفذ Port
8080
إحفظ المعلومات ..

[ابتسامــــــه]

هذا البروكسي يفتح المنتديات اذا سكرت


إبدأ برنامج المتصفح Internet Explorer
و من ثم قم بالدخول على الأدوات Tools
و بعد ذلك خيارات الإنترنت Internet Tools
قم بالضغط على مجموعة Connections
و إختر Lan Settings

و أخيرا قم بتفعيل خيار إستعمال الملقم Use Proxy و أدخل هذه البيانات

العنوان Address
proxy1.emirates.net.ae
المنفذ Port
8080
إحفظ المعلومات ..

لااااازم أحفظها عندي
وايد يقفل الـ شامل ولازم اتصل لـ خدمة العملاء عشان ينشطون الاتصال من عندهم

يعطييييك العافيه أخوووووي



مبروك فوز عمان <<< عشان لا يقولون طلعنا عن الموضوع

[زعيم الإحساس]

يا هلا بجميع الأخوان .. نقاشكم على شئ قديم المفروض تنسونة .. عمان فاز والإمارات خسرت ..

طرد صحيح مدري ليش الناس تقول لا مو صحيح !!!!!!!! <-- مليون علامة تعجب بعد ..

كنت بس بتكلم عن موضوح الحكم خليل جلال .. انا سمعت المشجع الي قال انه موقف بالسعودية .. واكيد الجميع اخذ على كلامة .. هذا كلام خاطئ .. الحكم حكم مباراة قبل لا يروح ولا اوقف ولا شئ ويعتبر من افضل الحكام في السعودية والخليج وآسيا وكان احتياطياً في كأس العالم .. ولو اوقف بالسعودية كان ما شارك بكأس الخليج .. كل الحكام اثنوا على قراراتة وكلها صحيحة ..

اعتقد المباراة تحكيمياً ممتازة جداً .. التصرف الغريب من ولد الليزر هذا لو تلاحضون ان بعد بحف الأفتتاح والكمرا تدور بين الجماهير ظهر وصوب على الكمرات بعد اكثر من مرة .. غريب والله ما سوو فيه شئ !!


شكراً جميعاً على المرور .. مبروك عُمان هارد لك إمارات ..

[Dapoo]

الطرد ربما كان مستحق لكن...المدرب كان سيء للغاية

عطى فاولات مالها لازمة وما حسب فاولات كانت ضرورية

وبالرغم من هذا اقول ان منتخبنا كان متوتر جدا وهذا السبب الرئيسي للخسارة خصوصا ان الاعلام كالعادة سلبي وهو السبب في الضغط النفسي على اللاعبين

[زعيم الإحساس]

قصدك الحكم مو المدرب .. الحكم لو ما حسب فاولات بتروح المباراة من يدة ..