.:. البنات على المدرجات ؟!! .:.

[راؤول الأسطورة]

السلام عليكم...
لاحظنا في البطولات الأخيرة لكأس الخليج ظهور الجنس الناعم المتزايد تدريجيا من بطولة لأخرى ضمن جالية منتخبات بلادها ليظهر في هذه البطولة بشكل مكثف جدا من مختلف المنتخبات المشاركة !!
هل تؤيد هذه الظاهرة من منطلق الوطنية وتعدها كواجب وطني يجب ان يلتزم به مختلف الأجناس والأعمار أم أن هناك حدود يجب ألا يتعدوها من ضمنها الحضور لمتابعة المباريات ؟
نتمنى سماع آرائكم ؟!
مع العلم ان الظاهرة اجتاحت الملاعب الخليجية منذ بطولة الكويت واستمرت بالتزايد بشكل كبير الى ما وصلت اليه الآن ...
النقاش محصور في البطولات والمنتخبات الخليجية خصوصا ان الظاهرة حديثة العهد فيها !!

[Royal Slayer]

اعتقد انها ظاهره عاديه جدا خاصة بعد ظهور كرة القدم النسائيه

وطالما ان الحضور يكون فى ظل الاداب العامه ومحافظا للاخلاق ليس هناك مانع من نظرى حضور الفتيات

وجميع من يريد ان يشجع وطنه له الحق فى ذلك سواء بنات او شباب

شكرا لك اخى على الموضوع

[xuae_3]

لا أوافق باتأكيد
و اذكر أنه في قسم خاص للنساء في كل مبارة
لكن أرى الآن مختلط رجال و حريم نفس المدرج ما ادري ليش

[DMC]

لا أوافق باتأكيد
و اذكر أنه في قسم خاص للنساء في كل مبارة
لكن أرى الآن مختلط رجال و حريم نفس المدرج ما ادري ليش

وبعد لازم اخوي الحريم يلسون في البيت

مب لازم يسيرون الملعب

معقولة ماعندهم تلفزيونات يعني

[xuae_3]

وبعد لازم اخوي الحريم يلسون في البيت

مب لازم يسيرون الملعب

معقولة ماعندهم تلفزيونات يعني

عندهم تلفزيونات 100 بوصة بعد
بس عناد
البارحة مبارة الإمارات و الكويت وحده قاعد ترقص
قعدت اسبها لين ما شبعت

[DMC]

عندهم تلفزيونات 100 بوصة بعد
بس عناد

هيه صذج عناد

اذا استوالها شي ترى البطولة ماراح تاخد المسؤولية

البارحة مبارة الإمارات و الكويت وحده قاعد ترقص
قعدت اسبها لين ما شبعت

زين اخر زمن

بس زين لو فريت عليها شي مثل كرشة ماي او بيبسي

علشان يودونها المستشفى وفي قسم الطوارئ وتتم مناك لين اخر عمرها

[estallido]

أم أن هناك حدود يجب ألا يتعدوها من ضمنها الحضور لمتابعة المباريات ؟

طبعا هناك حدود أخي فيجب على المرأة مشاهدة المباريات في بيتها

و ليس مزاحمة الرجال على المدرجات

[ابتسامــــــه]

لأ طبعا ما أيد

أقدر أعبر عن وطنيتي بطريقة ثانيه مب شرط الحضور بالملعب والجلوس بالمدرجات والرجال حوالي

من خلال متابعتي لـ برنامج المدرج 18 المذيع " حسن حبيب " ما شاء الله عليه شاد حليه مع الحريم
يسو معاهم لقاءات و ياخذ آراءهم وووو

شفت كذا لقاء ..
مره سوا لقاء مع 3 بنات يشجعون الإمارات
من لهجتهم ينعرف إنهم مب إماراتيات كانوا سودانيات و صوماليات ^_^
ومره سوا لقاء مع وحده تشجع السعوديه .. لهجتها قريبه من السعوديه إشوي
سألها من وين جايه >> قالت راس الخيمه يعني هذا دليل إنها مو سعوديه بس تشجع المنتخب السعودي
الحمد الله نحن بالإمارات دينا وعاداتنا و تقاليدنا تحكمنا و "تمنعنا من الاختلاط في هالاماكن "

مب يعني إن ما في إماراتيات يحضرن الملعب أكيد فيه لكن بنسبة قليييله جدا ^_^


يعيطك العافيه أخووووي عالطرح

[الوصلاوي]

موضوع جميل ..

لي عودة

[DMC]

من لهجتهم ينعرف إنهم مب إماراتيات كانوا سودانيات و صوماليات ^_^

صعب اشوي ^_^!!


لكن اختي كما معلوم السمر موجود في كل مكان مب السودانين وصومالين فقط


فا معقولة مثل ماتقولين اختي يكونون سودانين او صومالين

او حتى من الخليج او من لامارات

فا خلنا نقول فئة الملاعب من دون تحديد الدول

فقط لمنع الحساسية لا غير

وسبحان الله توني اطالع التلفزيون على دبي رياضية

يوم حسن حبيب سأل بعض البنات بعد المبارة عن شعورهم

ومحلاتهم متزينات تقولين عروسات

[TERBO]

تسلم حبيبي على طرحك لهذا الموضوع الاكثر من رائع ..

الله قال للنساء ان يصلوون في بيوتهن افضل من صلاتهن في المساجد ..

فما بالك ان المرأة تذهب للملعب .. لرؤوية مباراة ..

انا اتمنى ان هاذي الظاهرة تنتهي في اقرب وقت ..

[xuae_3]

توني شايف المدرج 18 في دبي
يوم المسيرة بعد مبارة الإمارات و الكويت راح المذيع يسوي لقاء مع بنات في السيارة مشاركات في المسيرة
يوم وصلها قالتلها i love UAE احترق ويه مسكين يتحراها مواطنة ^^
قالها where are u from رديت عليها am from Pakestan
و المشكلة شيلة و ما أدري شو
و سيارة محترمة و حالتهم حالة و آخرتها......

[DMC]

توني شايف المدرج 18 في دبي
يوم المسيرة بعد مبارة الإمارات و الكويت راح المذيع يسوي لقاء مع بنات في السيارة مشاركات في المسيرة

هيه محلاتهم عروسات

مادري ليش مسوين اعمارهم جي

واخونا حسن الحبيب مستانس من المنظر

يوم وصلها قالتلها i love UAE احترق ويه مسكين يتحراها مواطنة ^^

ياريال انت ماطالعت عينها بس

صذج الكحل العيون مشكلة <_<

يوم شفتها قلت بمصم بالعشر هي اماراتية او خليجية

لا طلعت باكستانية بلأخير

قالها where are u from رديت عليها am from Pakestan

هههههههههههه هيه ترى من الدهشة

بس عاد يبى يتأكد علشان جي سألها انتي من وين

يبى يشوف اذا عندها عرق خليجي

و المشكلة شيلة و ما أدري شو
و سيارة محترمة و حالتهم حالة و آخرتها......

هههههههههههههههه هيه

لكن اظني راعية السيارة متزوجها مواطن

هذا والله اعلم

[full option]

أكيد لا أوافق..لأن هذا الشيء مخالف للدين الإسلامي وعادتنا وتقالدينا!!
بالنسبه للبنات الصغار..بو سبع سنين ونازل ..أعتقد أن حضورهم للملعب مع الوالد لتشجيع المنتخب ما فيه شي لكن حرمه في المدرجات هذا منظر مخزي بالنسبة لي..
وبصراحه العتب ليس على من يشجع هذه الظاهره(كــ دبي الرياضية ) بل على أهل هذه البنت اللي سمحوا لها بالذهاب للمدرجات وسط الرجال..

وشكرا عالموضوع الخطير..

[سفيـ الأحزان ـر]

الصراحه الظاهره هذه سلبيه يعنى أنا متأكد أن الكل عنده وطنيه وحب للوطن لكن البنات منظرهم داخل الملعب وسط الرجال منظر يعني ما يعجب اي واحد عنده غيره على بنات وطنه وبنات الخليج خصوصاً اللي ماهي لبسه لبس يستر واللي تنط واللي ترقص الصراحه منظر يرفع الضغط