كيف اقدر آخذ ليسن من السعودية ... و هل في شروط محدده ؟!!!!

[users]

بسم الله الرحمن الرحيم

اخواني انا ناوي اني اطلع ليسن من السعودية ... وسمعت انه لازم يكون عمرك 17 سنة حتى تتم العملية ..

ونحن فالامارات ما في عندنا اي مشكله في استخدام الليسن السعودي .. ولكن السؤؤؤال هو ..

هل تغير النظام فالسعودية ؟! .. يعني لازم اكون فوق الـ 17 .. ولا ؟! ..

وهل التراي هناك سهل ولا صعب ؟!! ...

ارجو ان تجاوبوني وتعطوني معلومات اكثر .. عشان اقدر آخذ الليسن بسهولة . .

[MR.أستبنه]

هلا بك اخوي
بالنسبه للرخصه
اولاً لازم تكون 17 وراح تكون تصريح قياد مؤقت وداخل السعوديه
ثاني شي تحتاج تعريف من مدرسه او مكان عمل يثبت انك تدرس او تعمل ومنتظم في دوامك
صوره من بطاقه الاحوال المدنيه او اثبات شخصي بما انك من الامارات الشقيقه
عقد تأمين من شركه تأمين معتمده
4 صور شمسيه
ورقه من مستشفى حكومي بنوع فصيله دمك او بمعنى اخر تحليل
هذي هي المتطلبات
وبعد ما تتم 18 سنه
تقدم ملفك مع بطاقه التصريح وعقد تأمين جديد لتغيير التصريح لرخصه قياده
هذي هي الشروط المطلوبه
اذا عاق معك اي شي
اسأل وانا باجاوبك

[TERBO]

كفى ووفى مستر استبنه واذا بتروح روح مرور الخبر او مرور الدمام (دله )

ولا تنسى الصور اهم شي صور بطاقه الأحوال وصور شمسيه خلفيتها بيضاء اللون

والأهم ماتخذ التصريح بدونه وهو التأمين والتأمين قيمته حوالي 1250 ريال سعودي

والله يوفقك

[users]

مشكووور اخوي مستر استبنه .. والله كفيت ووفيت ..

والف شكر لك يا اخوي تيربو ..

الله يعطيكم العافيه ان شاء الله ..

بس انا اعرف ناس اعمارهم 17 سنه و شهرين عندهم ليسن من السعوديه ..

والعمر عندكم ينحسب بالهجري على ما أظن ... صح ؟!! ..

انزين كل هالاجراءات بتآخذ وقت يعني ..

مثلا اذا انا عندي كل الشهادات من المستشفى والمدرسه .. و و ..

و باقي التراي .. اسويه ؟.. فهل بنفس الوقت احصل الرخصه او لا ؟!

واسمحولي على الأسئله الكثيرة ..

[MR.أستبنه]

اخوي
العمر لازم يكون 17 زي ما قلت
يعني اقل من 17 ما راح يقبلونك
والحساب بالهجري زي ما قلت
بعد ما تكمل اوراقك
يسجلونك بدوره لمده 4 ايام واليوم الخامس اختبار (كله كلام فاضي)
وبعد ما تنجح تاخذ التصريح الي هو لعمر 17 سنه
اما الرخصه تكون بعمر 18 والحساب بالهجري
فيكون عمرك بالهجري 18 اما بالميلادي 17
لان فيه فرق
والله يوفقك اخوي
واي استفسار انا حاضر ولا يردك الا لسانك

[TERBO]

صح مستر استبنه

بس مايخذها لين يئمن

[users]

يا سلاااااااااام ...

أشكركم من كل قلبي اخوي استبنه واخوي تيربووو ...

الحين فهمت الشغله ..

انا ان شاء الله قريب ادخل 17 ميلادي >> يعني 18 هجري

و ان شاء الله برووح السعوديه وبآخذ الليسن .. وبما انه الدورة كلام فاضي ..

افهم انه التراي بيكوون سهل .. ^_^ ..

يالله ... ان شاء الله اول ما آخذ الرخصه و يكون عندي سيارة .. بتلاقوني مطيح فهالمنتدى

واشكركم مره ثانيه وما قصرتوا والله ..

[MR.أستبنه]

هلا بك اخوي
والله يوفقك
واي استفسار انا حاضر